فكرة مشروع

[Omar.Shawki]

السلام عليكم ورحمة الله وبركاته
عاملين ايه ياشباب
انا كنت محتاج مساعدة كده صغيرة انا ناوى ان شاء الله فى المستقبل القريب اعمل مشروع بس محتاج دراسة وآراء اهل الخبرة
انا عندى ارض حوالى 500 متر (طبعا بتاعة والدى) على طريق مصر اسكندرية الزراعى فى قويسنا بعد بنها بحوالى 10 كيلو وهى للايجار بس مفيش نصيب واتأجرت فقلت اعمل مشروع كافيه ويكون فيه المعدات اللازمة مثل ثلاجة وماكينة فشار وثلاجة ايس كريم وغلاية مياه وترابيزتين بنج وال سى دى وترابيزات وكراسى وكده
المهم اللى موجودفى الارض غرفة للادارة فقط واللى هيتعمل فى الارض حمامين (حريمى ورجالى) وحاجة كده زى البار (متفهموش غلط) زى اللى معمول فى دار الدفاع الجوى بتاع المشروبات
السؤال بقه
هل متوقع نجاح المشروع ولا لأ (طبعا الارزاق بيدى الله) بس الموضوع عايز دراسة جدوى ؟
والتكلفة بتاع المشروع هتبقى حوالى قد ايه؟
مستنى مقترحاتكم وافكاركم......

[midoabdeen]

بص ياباشا فى الاول والاخر الارزاق بتاعت ربنا دى حاجة احنا مانقدرش نحددها
بس انا شخصيا شايف ان الموضوع هايبقا فى مخاطرة كبيرة جدا
لانى وقعت فى نفس الظروف دى تقريبا قبل كدة وكانت نفس المشكلة هى قلة الناس اللى دخلالك
والناس دى فى المكان اللى حضرتك بتقول علية مافيش فيهم واحد هايدخل يصرفلة 50 60 جنية على حاجات هما شايفين انها مش ضرورية بالذات فى الارياف
انا مش بحبطك انا بس بقولك وجهت نظرى والموقف اللى انا اتحتيت فية قبل كدة

[Omar.Shawki]

ياباشا دى وجهة نظرك وانا بحترمها
بس على فكرة قويسنا مش ارياف خاصة هى على الطريق السريع
ونشوف برضه آراء تانية عشان لو مش هينجح بلاش منه

[Omar.Shawki]

ايه ياجماعة مفيش حد عنده خبرة فى الموضوع ده

[tom_gr]

راى الشخصى نتيجه تجارب وخبرات تجارية فى التجارة


ابعد عن مشروع الكافيهات والكلام ده فى الاماكن زى المكان بتاعك ليه :
- تحتاج راس مال ضخم ليكون مكان على مستوى ويجذب اعداد كبيرة من الناس
- نسبه المخاطرة فيه مرتفعة جدااا ( مصاريف فى التجهيزات والمبانى وخلافه وعند التصفية لا تقدر بثمن يذكر
- لاتتوافر الخبره لديك فى هذا النوع من الانشطة
- واضح من كلامك انها ليست فى مكان حيوى بدليل انها لم تؤجر حتى الان

اقدر ادلك على المشاريع الاتية :
- مزرعة سواء ( منحل - تربية دواجن - مصنع صغير ( ملابس او كوبايات بلاستيك او تعبئة وتغليف )
- تؤجرها بالمشاركة مع ممول مقتدر ماليا )

[mohamedrefaat]

مزرعة سواء ( منحل - تربية دواجن - مصنع صغير ( ملابس او كوبايات بلاستيك او تعبئة وتغليف )
- تؤجرها بالمشاركة مع ممول مقتدر ماليا )


كلام جيد جدا جدا الايام الجايه للانتاج ويمكن تاخذ اهتمام من الدولة فى المستقبل وربنا يوفق

[Omar.Shawki]

اولا شكرا على نصيحتك
- انا اعتقد انها مش هتحتاج رأس مال ضخم زى ماشرحت فى اول الموضوع بس مش عارف هتبقى كام لو حضرتك تقدر تفيدنى
- هى فعلا نسبة المخاطرة كبيرة عشان كده عايز اسمع كل الاراء
- اعتقد هى مش محتاجة خبرة كبيرة
- المكان حيوى واللى عايز يأجر موجود بس الوالد مش بيوافق على اى مشروع فيها وكمان فى 2 رستوران كبير جنبها بس مش عارف ده هيبقى فى صالح المشروع ولا
انا رأيى هيبقى فى صالحها اهو لو واحد مش عايز يأكل وعايز يشرب حاجة او ياكل ايس كريم او حتى يلعب جمين بنج

[Omar.Shawki]

بس المشاريع دى فعلا محتاجة خبرة كبيرة

[X_MM_X]

لو على طريق ممكن بنزينه ؟؟

[Omar.Shawki]

لو على طريق ممكن بنزينه ؟؟

فكرة جميلة بس فى بنزينة جنبها
هى ممكن محطة غاز بس ايه الاجراءات لفتح محطة غاز؟؟؟

[MOUSTAFA_SAAD]

انا شايف ان المكان غير مناسب

[Omar.Shawki]

انا شايف ان المكان غير مناسب

طب ايه اسبابك؟
ولو محطة غاز ؟

[mailo]

بص ياباشا المكان ده في رأيي حله الوحيد rest من بتوع الطريق عشان لو فكرت تعمل game station وكده يبقى هتعتمد على أهل القري القريبة أكيد أنا مش هابقى مسافر وأنزل ألعب game ping مثلا

يبقى عشان تستفيد قوي بموضوع الطريق لازم تبقى خدمة طريق "
سواء بقى كانت خدمة سيارات أو بنزينة أو كافيتريا " وفرأيي إنه لازم يتصرف عليها كويس عشان تبقى مميزة وعشان الناس تجيلها هي بالذات وهي مسافرة

[MOUSTAFA_SAAD]

طب ايه اسبابك؟
ولو محطة غاز ؟

اسبابى انى اعتقد مش حتلاقى الزبون اللى يقدريصرف فى مكان زى ده ويدفع 40 او 50 طلبات ولعب والذى منه

محطة الغاز انا شايفها فكره روعه لان محطات الغاز قليله جدا جوه المدن وعليها زحمه كمان يعنى باذن الله حيكون مستقبله كويس
عموما انت عندك ميزه حتخلى لقدر الله لو فيه خسائر تبقى بسيطه وهى ان المكان ملكك يعنى لاحتشترى مخصوص ولا حتدفع ايجار نار

[Omar.Shawki]

بص ياباشا المكان ده في رأيي حله الوحيد rest من بتوع الطريق عشان لو فكرت تعمل game station وكده يبقى هتعتمد على أهل القري القريبة أكيد أنا مش هابقى مسافر وأنزل ألعب game ping مثلا

يبقى عشان تستفيد قوي بموضوع الطريق لازم تبقى خدمة طريق "
سواء بقى كانت خدمة سيارات أو بنزينة أو كافيتريا " وفرأيي إنه لازم يتصرف عليها كويس عشان تبقى مميزة وعشان الناس تجيلها هي بالذات وهي مسافرة

ماهو فى الاساس هيبقى رست
اما البنج فغالبا هيبقى لاهل المدينة
بس ايه رأيك فى محطة غاز سيارات بس المهم تتعمل ازاى؟