واحد مسيحي!!!

[A7MED_PHARMA]

السلام عليكم



صباااااااااااااااااااااااااااااااااااااااااااااااا ااااح الفل
كلمتين محشورين في زوري بقالهم فترة
أنا ليا أصدقاء مسيحيين .. وليا زملاء مسيحيين . وليا معارف مسيحيين
ساعات بشوف دعابات بتكون بغرض الاساءة لرمز دينهم
وكلنا عارفين إن المصريين دمهم خفيف .. لكن ساعات بتعدي منهم شوية لدرجة السماجة على شكل دعابات أو نكت على إخواننا في الوطن .. المسيحيين
غير كده
كل مصري له حق في بلده .. ومن حقه زي مامن حق أي فرد أخر إنه يعيش في بلده بدون تفرقة عنصرية
يعني
"" لكم دينكم ولي دين ""
كل واحد حر في معتقداته بدون لتعرض لمعتقدات الأخر .. وبدون نقضها
يعني كل واحد يمشي في حاله ملوش دعوة بإلي التاني بيؤمن بيه
فاهمني
وده طبعا بقوله بنية بيضاء بعد ماسمعت شكاوى من أصدقاء ليا أحترمهم جداااااااا بخصوص تفرقة في المعاملة
شئ آخر
الإخوة الأفاضل في المنتدى
ياريت النقاشات والخلافات الدينية ميكونش لها مكان هنا.. علشان ماحدش يزعل من حد بدون فائدة لأي طرف غير الكراهية والعداء
ومهما ناس أنكرت
لا
كنا بنسمع كلام عن المسيحيين في إطار هزلي من زمااااان
وأغلبه كان من أفراد عادية من طراز إلي بيقولوا الكلام من غير وعي .. مجرد ترديد
يعني نبدأ مصر جديدة زيرووووووووووو


تحية للدكتور وسيم ( بتاع الحوت الي دلق الزبادي)..ومايكل لانوس حبيب الملايين .. ومهندس جيوووو



.
ولله الأمـــــــــــر

[naser_56]

شكرا يابو حميد علي نبزك التعصب والطائفيه

[A7MED_PHARMA]

ربنا يكرمك ياناصر
بص
أصلها بالعقل ... واحد مسيحي مصري .. يعني من حقه يعيش في مصر زيه زي أي حد تاني
كامل الحقوق
وأهم الحقوق هيا المعاملة الطيبة
بسسسسسسسسسس

[max_ziro]

نفسى اقول لام زى دة من زمان
و كمان بطلت اشارك فى الاجتماعى زى الاول عشان التيارات الدينية الفظيعة الى ظهرت و يأما تبقى معاهم يا تموت
و ناس مشاركتها معدتش ال 100 و تلاقيهم داخليين حاميين اوى
نفسى اعرف هى مصر كلها خدت بالها من الاجتماعى بتاع المنتدى الفترة دى بس ؟؟

[amado ibrahim]

شكر و اجب لكبير الكائنات الصيدلانية

بجد

تسلم ايدك يا كبير

تقبل احترامى و تقديرى

[casperinoo]

معاك حق جدا

[misoalex]

+111111111

[wassim_nasser]

والله يا دكتور أحمد انا من ساعه ما اتولدت وانا عايش فى البلد دي تمام ماحدش اتعرضلي ولا إضطهدنى وطول عمري عايش مع اخواتي المسلمين متربين سوا واكتر م الأهل .. كلنا هنا بنتعامل طبيعي الكويس بيتشال ع الراس والوحش -لامؤاخذة- له كبير يترد عليه إن كان مسيحى ولا مسلم .. معرفش ليه الإحتقان الطائفى ابتدا يظهر دلوقت بس أكيد كلنا عارفين ده من مصلحة مين وعموما هارجع وأقول رأيى فى القصه دي للمره السبعمية وتمنتاشر .. ربنا هو اللي وازن حال البلد وحامي كل واحد فيها مسلم .. مسيحى .. قبطى .. سلفي .. اخوانى .. يهودي .. هندوسى .. لا مبارك ولا العادلي ولا أمن الدولة ولا المادة التانية .. اللي ربنا رايده هايكون .. وأن كان علي المناقشات فى الاجتماعي انا بطلت أشارك فيها لأن معظمها مش توضيح للأراء وإنما تبادل إتهامات ومابقتش أزعل من أي موضوع فيه إتهام للكنيسة أو للمسيحين (هو يعنى الكلام هايلزق؟) ده طبعا مع أحتفاظى بمكانى فى منتدى رينو قسم اللوجان .. جزيل الشكر لأخويا وصاحبي دكتور أحمد العلاوى علي تفتح عقله وبساطة نفسه (رب أخ لك لم تلده أمك) وربنا يديم المحبه .. يوووووه خدتونا ف دوكة و نسينا نهنى الدكتور علي تعديل عربيته ألف مبروك يادكتور وربنا يباركلك ف الكرستالة ومستنى الصور علي أحر م الجمر .. ومبروك كمان مرة علي تقديم الإقرار الضريبى وده زي مانت عارف لمصلحتك أولا وبكده مش هاتشوف محمد شومان ولا الراجل الطيب بتاع الكلبوش وربنا يخليك لينا يا كبير

ملحوظة : تم تغيير التوقيع القديم (بتاع الحوت اللي دلق الزبادى) بناء علي طلب الدكتور أحمد فارما (قالي بالنص كده خلي عندك دم وحط حاجه تعبر عن الثورة) وده تماشيا مع أحداث يناير

[prisoner]

السلام عليكم

صباااااااااااااااااااااااااااااااااااااااااااااااا ااااح الفل
كلمتين محشورين في زوري بقالهم فترة
أنا ليا أصدقاء مسيحيين .. وليا زملاء مسيحيين . وليا معارف مسيحيين
ساعات بشوف دعابات بتكون بغرض الاساءة لرمز دينهم
وكلنا عارفين إن المصريين دمهم خفيف .. لكن ساعات بتعدي منهم شوية لدرجة السماجة على شكل دعابات أو نكت على إخواننا في الوطن .. المسيحيين
غير كده
كل مصري له حق في بلده .. ومن حقه زي مامن حق أي فرد أخر إنه يعيش في بلده بدون تفرقة عنصرية
يعني
"" لكم دينكم ولي دين ""
كل واحد حر في معتقداته بدون لتعرض لمعتقدات الأخر .. وبدون نقضها
يعني كل واحد يمشي في حاله ملوش دعوة بإلي التاني بيؤمن بيه
فاهمني
وده طبعا بقوله بنية بيضاء بعد ماسمعت شكاوى من أصدقاء ليا أحترمهم جداااااااا بخصوص تفرقة في المعاملة
شئ آخر
الإخوة الأفاضل في المنتدى
ياريت النقاشات والخلافات الدينية ميكونش لها مكان هنا.. علشان ماحدش يزعل من حد بدون فائدة لأي طرف غير الكراهية والعداء
ومهما ناس أنكرت
لا
كنا بنسمع كلام عن المسيحيين في إطار هزلي من زمااااان
وأغلبه كان من أفراد عادية من طراز إلي بيقولوا الكلام من غير وعي .. مجرد ترديد
يعني نبدأ مصر جديدة زيرووووووووووو

تحية للدكتور وسيم ( بتاع الحوت الي دلق الزبادي)..ومايكل لانوس حبيب الملايين .. ومهندس جيوووو

.

ولله الأمـــــــــــر

وانا موافقك يا استاذ احمد وقلت كل اللى جوة معظم الشباب المسلمين بس انا هاتكلم عن نفسى والله ليا صحاب كتيير اخوة مسيحين وبناكل ونشرب مع بعض وزمان كان والدى بيقوللى مكنش فيه اى فرق بس دى لعبه خارجية علشان يلهونة فحاجة ويشتغلوا هما على الحاجة الاهم ولو وصلت الفتنة ان حد جه يقول كل واحد مسلم ياذى او مثلا يموت اى مسيحى جنبه طبعا محدش هايعمل كده ليه لانك هتلاقى ياما صاحبك او ابو صاحبك او امه او اى حد كانت بتربطك بيه علاقة طيبة هما لما بيلاقونا احنا يا مسلمين مش بنعمل فرق هما بيحسوا بامان ويتلغى موضوع الاضطهاد دى وياريت نبقى كلنا مصريين للاسف مفيش احسن من بلدنا لكن غيرنا هوة اللى مستمتع بيها ربنا يحررنا من شر نفسنا ونعيش كلنا مصريين

[swimmer25]

وانا موافقك يا استاذ احمد وقلت كل اللى جوة معظم الشباب المسلمين بس انا هاتكلم عن نفسى والله ليا صحاب كتيير اخوة مسيحين وبناكل ونشرب مع بعض وزمان كان والدى بيقوللى مكنش فيه اى فرق بس دى لعبه خارجية علشان يلهونة فحاجة ويشتغلوا هما على الحاجة الاهم ولو وصلت الفتنة ان حد جه يقول كل واحد مسلم ياذى او مثلا يموت اى مسيحى جنبه طبعا محدش هايعمل كده ليه لانك هتلاقى ياما صاحبك او ابو صاحبك او امه او اى حد كانت بتربطك بيه علاقة طيبة هما لما بيلاقونا احنا يا مسلمين مش بنعمل فرق هما بيحسوا بامان ويتلغى موضوع الاضطهاد دى وياريت نبقى كلنا مصريين للاسف مفيش احسن من بلدنا لكن غيرنا هوة اللى مستمتع بيها ربنا يحررنا من شر نفسنا ونعيش كلنا مصريين

كلام جميل.........كل فئة من الناس فيها الصالح والطالح...ومينفعش ناخد تصرف آحاد بتعميمه علي الكل

[MMamdouh]

كلام من الاخر يا ابو حميد...

انا طول عمرى لا بيفرق معايا اللى قدامى مسلم ولا مسيحى
... انا يفرق معايا هو محترم و جدع و ابن ناس ولا لا... و انا ياما شفت مسيحيين محترمين و زى الفل... و ياما شوفت مسلمين %$#@$... و للعلم فيه ناس كتير بتعامل معاهم و مبعرفش هما مسلمين ولا مسيحيين الا بعد مدة كبيرة جدا جدا من تعاملى معاهم... و لما بعرف مبتفرقش معايا فى اى حاجة بصراحة

اذا القصة مش بالديانة... دى حاجة بين الشخص و اللى خلقة... انا اللى يخصنى الاخلاق و التربية و الشخصية نفسها... اللى محترم و جدع و اخلاق و ابن ناس بحطة على راسى من فوق... و اللى غير كدة ....

MMamdouh

[Imhotep]

اشكرك على كلماتك الطيبة و اشكرك ايضا على عبارة "اخوة فى الوطن" التى يبدو ان الكثيرين يسقطونها عن سهو او عن عمد من تفكيرهم..... اما نحن فما زلنا نقول من الان و الى الابد- كما قال رمزنا الدينى من اكثر من 30 سنة- مصر ليست وطنا نعيش فيه لكن وطن يعيش فينا.
و احب ان اكمل انا ايضا: و لن ينزعه احد من داخلنا الى الابد.

احب ان اضيف موقف وطنى اخر للرمز الدينى المسيحى الذى تطاول عليه الكثيرين عن عمد او عن جهل ايضا و لهذا تجب التذكرة:
هذا الموقف معلن من 1977 وفى عز الطبل و الزمر الرسمى لمعاهدة كامب ديفيد و زيارة القدس، ساعتها قالها مدوية و علانية: لن يدخل مسيحي مصرى ارض القدس الا و يده فى يد اخيه المصرى المسلم..... الرجال مواقف، وقيمة و معدن الانسان تظهر فى المواقف الصعبة خاصة اذا كانت تتضمن سباحة ضد التيار دفاعا من الانسان عن مبادئ يؤمن بها

[Hussein_Emara]

هو ده الكلام يا دكتور احمد.

[kh_talaat]

كلام عاقل جدا يا دكتور .... احييك عليه

[dr-mohamed]

مش موافقك يا دكتور احمد
لان كلامك هنا موجه للناس الموجودين في المنتدي ومتهيالي المسلمين الموجودين في المنتدي لم يوجه اي منهم عبارة او كلمة مشينة لعضو مسيحي لمجرد انه مسيحي
واعتقد ان الاغلبية هنا بتتعامل مع اصدقاء وزملاء مسيحيين بدون اي مشكلة في الحياة العادية
يعني الموضوع قيل في غير مكانه
ويعني ايه بلاش المناقشات الدينية يعني امتع الموضوعات الدينية ؟؟؟؟؟؟؟؟؟؟
ليه
ولما انت عايز تمنع المناقشات الدينية يبقي امنع معاها كمان السياسية والاقتصادية والاجتماعية
بص احنا نقفل الاجتماعي وخلاص
وللاسف البعض استغل موضوعك لوضع كلام غير صحيح والاساءة لاتجاه معين موجود معنا في المنتدي وهو ما لا اقبله ايضا