القدرات السحرية والخارقة عند السلفيين

[محمد محمد]

القدرات السحرية والخارقة عند السلفيين
صفحة جديدة علي الفيس بوك وهي صفحة ساخرة من الأخبار المتعلقة بالحوادث التي تنسب للسلفيين وهناك صفحة اخري تسمي (كفاية هبل) الصفحتين لهم نفس الهدف.ودي بعض التعليقات والصور من الصفحتين.



من أروع الأفلام السلفية
>
>
إحنا بتوع الجلاليب
جعلوني سلفيا
فيلم سلفية المقاصد و الله ماكنت قاصد
السواك لا يزال فى جيبى
ارجوك اوعى تغيب انا بالبس جلاليب..
ميدو سلفى
الزبيبة لا تزال فى راسى
رد سلفى
يا جماعة إحنا مابنعضش..ولا ينقرقش إزاااااز
إحنا بس ملتزمين دينيا
أو بنحاول نلتزم على قد مانقدر باتباع سة حبيبنا و نبينا محمد صلى الله عليه وسلم
أسماء الأفلام بعد الإستفتاء على التعديلات الدستورية :
- السلفيين و الكباب
- لا يأس مع الحياة و لا حياة مع السلفيين
- دمى و دموعى و ابتسامتى و السلفيين
- أنا " السلفى" اللى قتلت الحَنش
- أذكرينى ... و لا تذكرى السلفيين
- التجربة الدنماركية " لمواجهة السلفيين"
- واحد من الناس السلفيين
- مطب صناعى " عملوه السلفيين "
- و مسلسل : من " السلفى " الذى أطلق الرصاص على هند علام .
كل واحد فيكم يامشايخ يقول لنا خطف كام واحده ورش كام لتر مية نار
نياهاهاه
النهارده الشغل ماكانش كويس , ما استوليناش على اي قافله
يا شباب عايزين نساعد الإعلام شويه بقى .. دلوقتي نبدأ نصنف السلفيين
يعني فريق بيحب الودان .. دول ممكن نسميهم التيار السلفي الوداني
وفي فريق بيحب مية النار وحرق الشقق وكدة .. ده ممكن نسميه التيار السلفي الناري
وفي بقا فريق بيحب الخطف .. ده بقا ممكن نسميه نينجا التيار السلفي

##
إعلام مصرى فاشل وغير منصف ..فقط غرضه مهاجمة التيار الإسلامى ..بدون أدنى قدر من الحياديه
تعريف الكائن السلفي علشان لو طلعلك في الضلمة : كائن بلحية قصير الثياب يتغذى على ذكر الله موطنه الاصلي المسجد وبيطالب بتطبيق كلام ربنا
اقتباس من فيلم "شركة المرعبين المحدودة" الكارتوني

أنا شاهد عيان ..
أنا شفت واحد سلفي طلع أشعة من عينيه وحرق بيها أي واحدة ماشية في الشارع
وأنا كمان شفت واحد سلفي طيرني بقوة السلفيين الخارقة ورماني في الهوا لدرجة إني وقعت على ودني إللي قطعها بعد كدة

[MohssenRashed]

ههههههه

[Dojuar]

متنساش قدرة خارقة مهمة جدا

انهم معرفوش ينيموا تنويم تغطاطيسي غير ل 77.2% اللي قالوا نعم....

و بيقولك السلفيين و حشين عشان بيستلفوا

[الطنطاوي]

ويتغذى السلفي على




يا سلام علي الودن دي ، ويا سيدي لو معاها شوية سلطة و طحينة و رغيف كايزر

[ehab_mansour]

لا تقلق انها دعاية للسلفيين بشكل غير مقصود
اينعم اللي بيستهزأ بالسلفيين يبقي بيستهزيء بسنة النبي محمد صلي الله عليه وسلم لأن لبس الجلباب (القميص)القصير واستخدام السواك و اللحية وغيرها هي سنن المصطفي ولكن بالتأكيد الهجوم ده بيخلي ناس كتييييير تعرف أكتر عنهم وتبحث عن الحق وبالتالي الي طريق الهداية
ربنا يهدينا جميعا ويهديهم ويوفقنا لما يحبه ويرضاه

[wesam_salom]

شفت البيدجات دى من اول انت عيل اجنده ايام الثوره واتهام الناس بالعماله والاجندات الخارجيه
‫ط§ظ†طھ ط¹ظٹظ„ ط§ط¬ظ†ط¯ظ‡ | Facebook‬


وبعدها انت عيل ماسونى بس دى كان الهدف منها السخريه من اتهام اللى فى التحرير بأنهم يتبعون احد الماسونيين والدليل انه لابس تى شيرت عليه اسد

http://www.facebook.com/enta.3ayel.masoni?ref=ts

بعدها ظهر بيدج انت عيل اخوانجى

‫ط§ظ†طھ ط¹ظٹظ„ ط§ط®ظˆظ†ط¬ظ‰ | Facebook‬

ودى كلها بيدجات لناس بتقول ان كلمه اخوانجى او سلفى مش عيب ومبنتكسفش منها

ووقت الاجندات اننا كنا فعلا معانا اجندات بس اجندات وطنيه مش خارجيه

وده كله بسبب الاسلوب الغلط اللى بيحصل من الكل

ان كل طرف بيحاول يشوه صوره الطرف الاخر لانه اسهل من انه يحسن صورته

يعنى حاليا الاتهامات كلها موجهه للسلفيين لانهم بدأوا يظهروا على الساحه ووضح حب الناس لهم

فالاسهل من انك تحاول تفهمهم او توضح نفسك واهدافك وممكن تكون كويسه والناس تحبك

ممكن تتهمهم وتخونهم وتطلع عليهم اشاعات وفيه ناس بتصدق

وقبلها حصل كده مع الاخوان

وقبلها مع العيال بتوع التحرير (بتوع الكنتاكى والاجندات)

وقبلها مع البرادعى

وقبلها مع كل وطنى بيحب بلده

واضح اننا خرجنا من ديكتاتوريه الحاكم لديكتاتوريه الشعب

[tamer_a7]

بجد قويه جدا جدا جدا
يا رب اجعلنا علي طريق وسنه نبيك الكريم محمد (صلي الله عليه وسلم)

[Dojuar]

سمعت برضوا ان اكتر ليالي بينشطوا فيها الليالي اللي فيها اكتمال للقمر

بيقولك مؤمن مبقاش يعمل غير سندوتشات ودان

[محمد محمد]

لا تقلق انها دعاية للسلفيين بشكل غير مقصود
اينعم اللي بيستهزأ بالسلفيين يبقي بيستهزيء بسنة النبي محمد صلي الله عليه وسلم لأن لبس الجلباب (القميص)القصير واستخدام السواك و اللحية وغيرها هي سنن المصطفي ولكن بالتأكيد الهجوم ده بيخلي ناس كتييييير تعرف أكتر عنهم وتبحث عن الحق وبالتالي الي طريق الهداية
ربنا يهدينا جميعا ويهديهم ويوفقنا لما يحبه ويرضاه

عندك حق
انا واحد زميلي (وهو مش ملتحي ومدخن) كان واقف في الأوتوبيس وشاف واحدة ماسكة المصري اليوم بيقوللي شكلها مثقف يعني...راحت مرة واحدة قايلة لواحد جنبها: تصدق الشيخ محمد حسان طلع سلفي هو حكالى كده وانا افتكرت الفيديو بتاع ده طلع ديموقراطي وفطست علي نفسي من الضحك...فراح زميلي سكت شوية كده وقالها هو السلفي ده حاجة غلط يعني..وفهمها ان سلفي يعني بيعبد ربنا بالكتاب والسنة زي ما ماكان السلف الصالح من الصحابة والتابعين بيعبدوا ربنا.

[mailo]

أنتم نسيتوا تتكلموا عن super salafy

ده كل مايببص لحد ذقنه تطلع على طول ومتتحلقش تاني

خدوا بالكوا منه

[محمد محمد]

في واقعه وحشية غير مسبوقه قامت سيدة سلفية بذبح بطة بدون رحمة, ثم قامت بنتف ريشها ثم قامت بشيها على النار و التمثيل بجثتها و قد تأكد للحضور أن السيدة سلفية لأنها قالت "بسم الله" قبل ذبح البطة

[SeiffoZ]

هههههههه .. عجبتنى صورة سوبر مان دى قوى ... ..

بس أقولك حاجة يا باشا ..

ناس كتير قوى فقدت الثقة فى السلفيين ( مقصدش المعنى نفسه لكن الجماعات إللى موجودة فى مصر) ..

و بدأت من الإستفتاء ... لما المشايخ أفتوا إن من قال نعم فقد نصر الدين و من قال لا فهو على حافة الكفر .

و كفروا البرادعى و كفروا العديد ... و أهدروا دم البرادعى كمان ..

و ظهر وجه قبيح جدا ... جدا

خصوصا بعد " غزوة الصناديق" .... و بعد " قطع الأذن " ... و بعد كذب حازم شومان و طعنه فى الأعراض بشكل خاطئ و الكذب فى المعلومات السياسية و محاولة إيهام الناس بأن الشعب فى أمريكا لا ينتخب و هو بيرسم السلطة للإسلاميين .... و ظهر قد إيه ممكن يعملوا إيه عشان يستولوا على السلطة .. و خاصة ظهور عبود الزمر بوجه قبيح جدا ... و تجاوزات الإخوان فى الإستفتاء الرهيبة و تجاوزات بديع إللى إفتكر نفسه حاجة مهمة .

و فجأة موضوع كاميليا إللى ظهر دلوقتى ده ... و أنا شايف إنه مش وقته خالص سبنا كل حاجة و رايحين على كاميليا ؟؟؟ إدوا الواحد إحساس إن الناس دى ميهمهاش حاجة غير هدف فى دماغها و بس و يولع كل حاجة ...

لازم الناس تخاف منهم ... لأن بصراحة شكلهم بقى وحش قوى و ظلموا الناس المتدنيين معاهم إللى غير كده خالص ..

فعلا ظلموا الباقى .

[m3_dolphen]

و كفروا البرادعى و كفروا العديد ... و أهدروا دم البرادعى كمان ..

و ظهر وجه قبيح جدا ... جدا


[/quote]


عندك دليل ؟

[Forever.Leo]

حاجة كده عاملة زي حادثة طيارة مصر للطيران في امريكا من كام سنة .. و قت ما اتهموا الطيار بأنه قال توكلت على الله

[medo2o1o]

ايه ده يعنى لو السلفى عضنى عادى مش حيحصلى حاجة و مش هبقى زيه و هعرف امشى فى النهار و منامش فى توابيت
ياه شوف الدنيا السلفيين طلعوا بيتاثروا بالكربتونايت