ايه اللي بيحصل في ماتش الزمالك ده؟؟؟؟!!!!!!!!

[Ahmed Selim]

أنا أهلاوى......و أتريقت أمبارح على الفيس بوك على واحد صاحبى زملكاوى كان كاتب فيما معناه أن اللى عمل كده من فلول النظام السابق.......و الكلام ده كان قبل ما أشوف اللى حصل بعينى.

بعد لما شوفت لقيت حاجات غريبة بصراحة.....
1- جماهير كتير معاه شوم و مطاوى.....مش معقولة يكونوا فكروا يعملوا كده كلهم بالصدفة.
2- أبواب الملعب كانت مفتوحة لنزول الجماهير !!!!!!!!!!
3- ناس نازلة المعلب و عاملة مساكات علشان وشها ميتعرفش.

كل الحاجات دى تخلينى أصدق كلام صاحبى اللى كان كاتبه على الفيس بوك......و اللى أعتذرتله النهاردة بعد لما شوفت بعينى.

[human]

السلام عليكم
انا كنت حابب اقول ان الى حصل النهارده مهزله بكل المقاييس
وكنت حابب اوضح ان الكلام من عينة الثورة المضاده و الاجندات والمؤمرات ملهاش دعوه خالص بلى حصل النهاردة
الى حصل النهارده دا تسخين الكباتن المحترمه ابراهيم وحسام لجماهير الزمالك من قبل المباراه وكان متوقع يحصل اذا الزمالك انغلب وهو حصل
اما الكلام من عينة ان دا مش جمهور الزمالك _عفوا_ دا جمهور الكوره الى احنا بنشوفه فى مدرجات الدرجه التالته و كان فبل الثوره دا الى بيحصل بس كان الامن المركزى محجمهم
الى عايز اقوله ان المفروض امن الاستاد يتحاسب والكباتن المحترمه والجمهور الى عمل كدا

المصيبه اعمق من كده

[تامر.محمد]

انا اهلاوي و بقول ان ده مش جمهوووور الزمالك ابدااااااااااااااا...!!!

في حاجه غلط والله... مين دوووول؟؟؟؟ الناس دي مزقوقه وسط جمهور
الزمالك لسبب ما, و لهدف ما... و الأمن اختفى بشكل غريب تاااااااااني..!!!!

انا مش قادر اصدق اللي بيحصل ده... و بدأت اتأكد ان في حاجه
غلط (مش عايز اقول مصيبه) هتحصل في البلد... و ما تستهونوش
بان ده ماتش كوره, و مش مقياس... لا... ده مقياس و مصيبه كبيره

ربنـــا يستـــر بجد... و انا كمصري بعتذر للشعب التونسي عن ما حدث...

شكرااا للدكتور عصــام شــرف على الاعتذار الرسمي لتونس, و على وقف الدوري...

+1

[الطنطاوي]

YouTube - ‫ط´ط§ط¨ ظ…طµط±ظٹ ظٹط³ط¨ ط§ظ„ط«ظˆط±ظ‡ ط§ظ„ظ…طµط±ظٹظ‡ ظپظٹ ط§طط¯ط§ط« ظ…ط¨ط§ط±ط§ظ‡ ط§ظ„ط²ظ…ط§ظ„ظƒ‬‎

[ahmed elsherif]

انا كنت في الماتش و هقولكم بالظبط اللي شفته اول واحد نزل اللي كان عريان ده نط من علي السور اللي بين المدرج والملعب والامن المركزي كان واقف ومعرفش ده عدي منهم ازاي واقسم بالله لو كان ده اتمسك ما كان حد نزل تاني بعده واحد نزل بنفس الطريقه ومحدش قاله انت رايح فين بعدها ابواب الطوارئ اللي بين الملعب والمدرجات اتفتحت وبقي اللي ينزل مش محتاج انه ينط من فوق سور والدلليل ابو جلابيه ده كان داخل من الباب في ناس نزلت عشان تتصور مع لعيبه وفي عشان يضرب لعيبة الافريقي وفي واحد نفسه يجرب احساس انه يتزخلق علي النجيله وفي ناس نازله تسرق الكور والشبكه بتاعت الجون وبقي مولد ملوش صاحب خلاصة الموضوع اننا فينا نسبة كبيره اوي من الهمج مش في مدرجات الزمالك بس لا دي بدأت من الشارع ايام ما ناس كانت بتموت عشان حريتنا وناس طالعه تسرق كراسي ومواتير مياه ولبس

[الطنطاوي]

YouTube - ‫ط¥ط¨ط±ط§ظ‡ظٹظ… طط³ظ† ظٹطط±ط¶ ط¬ظ…ط§ظ‡ظٹط± ط§ظ„ط²ظ…ط§ظ„ظƒ ط¨ط§ظ„ظ†ط²ظˆظ„ ط¥ظ„ظ‰ ط£ط±ط¶ ط§ظ„ظ…ظ„ط¹ط¨‬‎

[HANTER]

همجية

.................................................. .................................................. .....





لقد خالفت القاعدة رقم 12من قواعد المنتدى لذا يتوجب حصولك على عقوبه
يرجى مراجعة قواعد المنتدى
مشرف 18ب
4-4-2011
3:25pm

[Dojuar]

.................................................. .....................

حضرتك جنسيتك ايه؟

[الطنطاوي]

YouTube - ‫ظپظٹط¯ظٹظˆ ظپظ†ط¨ظ„ط©!! ظƒظ„ط§ط¨ ط§ظ„طط²ط¨ ط§ظ„ظˆط·ظ†ظ‰ ظ‡ظ… ظ…ظ† ظˆط±ط§ط، ظ…ط§ طط¯ط« ظپظٹ ط§ط³طھط§ط¯ ط§ظ„ظ‚ط§ظ‡ط±â€ڈ‬‎

[Dojuar]

youtube - ‫ظپظٹط¯ظٹظˆ ظپظ†ط¨ظ„ط©!! ظƒظ„ط§ط¨ ط§ظ„ط.ط²ط¨ ط§ظ„ظˆط·ظ†ظ‰ ظ‡ظ… ظ…ظ† ظˆط±ط§ط، ظ…ط§ ط.ط¯ط« ظپظٹ ط§ط³طھط§ط¯ ط§ظ„ظ‚ط§ظ‡ط±â€ڈ‬‎

الكلام ده يخش الدماغ أصلا؟؟.....مش منطقي خااالص!!!

يعني على أساس ان بلطجية الحزب الوطني بيبقى معاهم كرنيهات؟!!!!

ماحنا عارفين مدحت شلبي و قناته

[abdelaziz-waleed]

.................................................. .................................................. ..........

باريت بلاش التعميم
علشان الشعب اللي حضرتك بتشتمه فيه ناس كتير ضحت بحياتها علشان حضرتك تعيش عيشة كريمة

[م.احمد زكريا]

إحالة 22 مشجع زملكاوي للنيابة العسكرية

في تطور سريع للأحداث المؤسفة التي شهدتها مباراة الزمالك والإفريقي التونسي والتي جرت مساء السبت، قامت النيابة العسكرية بالتحقيق مع 22 من مشجعي الزمالك أحدثوا شغبًا، ونزلوا إلى أرض ملعب ستاد القاهرة.
وكانت القوات المسلحة والشرطة قد ألقتا القبض على 22 من مشجعي الزمالك، أثناء الأحداث التي شهدتها المباراة وقبل انتهاءها بدقيقتين.
وقامت النيابة العسكرية بسؤال المتهمين الـ22 حول أسباب نزولهم للمعلب، وهل كان الأمر مدبرًا، أم جاء بشكل عفوي.
وتبين من التحقيقات أن المتهمين استخدموا ألواحا خشبية في الاعتداء على لاعبي الأفريقي التونسي وبعض من لاعبي الزمالك، وتبين أنهم حصلوا عليها من خلال اللوحات الإعلانية الموجودة داخل الملعب.
وكشفت معاينة النيابة عن تحطم جميع اللوحات الإعلانية داخل الملعب، وتحطيم المرميين، وتقطيع الشباك، وتحطيم مقاعد البدلاء، وإحداث تلفيات بنجيلة الملعب، وتحطيم الأبواب الداخلية المؤدية للملعب، وكذلك حطمت بعض المقاعد بالاستاد.
كان لقاء نادي الزمالك والإفريقى التونسي فى إياب دور الـ32 من بطولة دورى الأبطال الإفريقى، قد شهد مهزلة كروية، وفضيحة أمنية، عندما اقتحمت الآلاف من جماهير نادي الزمالك ملعب استاد القاهرة في الدقائق الأخيرة للمبارة فى ظل غياب أمني كبير، مما شكل خطورة على حياة جميع مَن في الملعب، خاصة لاعبي الفريق التونسي.

[cheetos_892005]

.................................................. .................................................. ..............

اتكلم عن نفسك و مش عاجبك الشعب متعيش معاه

[ahmed79]

لم كان فى امن كانت اناس بتخاف تحتك بيهم عشان كانو بيضربو فى اى حد دلوقتى بقت سيبه يلا نكسر مش عجبنا النتيجه ديت يعيدو المتش
ان راى الشخصى ان الى بيعمل كده بيقى مجموعه مندسه وسط الناس عشان تخرب وتستغل الفرصه عشان نوصل لمرحه نقول الى كان بيحصل زمان كان كويس وكنا شيفين مصلحكم ومكنش حد يقدر يعمل كده

[tamer_a7]

منذ 4 سنوات و نحن في مقدمة المدافعين عن سمعة و كيان نادي الزمالك و كان حرصنا الأكبر و الأعظم أن يكون نادي الزمالك دائما هو اولويتنا و من منطلق هذا الحرص كان نشاطنا ...

4 سنوات كان شغلنا الشاغل هو التفكير في رفعة الكيان و مساندته بكل ما أوتينا من جهد ووقت ومال .. لم نطلب يوما مساعدة من احد .. عرًض الكثير منا حياته الدراسية و المهنية للخطر بسبب الحرص على مساندة الكيان في اي وقت و في اي مكان .

منذ نهاية مباراة الذهاب في بطولة دوري الابطال الافريقي مع اشقائنا فريق الافريقي التونسي و بالنتيجة المخزية التي عاد بها (( أبطال )) نادي الزمالك و نحن لم نتوقف عن الاجتماعات للتفكير في الطريقة التي سنساند بها الفريق للخروج من تلك الأزمة ... قمنا بعمل 3 دخلات في مباراة واحدة وهو ما لم يحدث من قبل و قمنا باشعال عدد كبير من الشماريخ و الالعاب النارية لتحميس لاعبي الفريق حتى يتمكنوا من كسر الحاجز النفسي لصغر سنهم و قله خبرتهم الافريقية.

لم يكن مخططا على الاطلاق ما حدث في نهاية المباراة من مظهر غير حضاري لا يعبر بأي حال من الاحوال عن الصورة المعتادة لجماهير الزمالك الوفية المخلصة ونحن لا نعفي أنفسنا من المسئولية عما حدث حيث خرجت بعض العناصر المتهورة عن النص و قامت بالقفز داخل أرض الملعب و تبعها عناصر أخرى لمحاولة أرجاعها الى المدرجات حينها ظن البعض ان ذلك نزولا جماعيا الى ارض الملعب وهو ما لم يكن صحيحا فتبعه نزول المئات الغير منتمين الى المجموعة و هم من قاموا ببث الفوضى و تكسير لوحات الاعلانات المحيطة بالملعب و حرصا منا على محاولة لم الأمور و اعادتها الى نصابها نزل العديد من أفراد المجموعة و اتجهوا لقلب الملعب لمحاولة حماية لاعبي الفريق الضيف و حكم المباراة.

و نحن إذ نكرر اننا لا نعفي أنفسنا من المسئولية فإننا نتقدم باعتذار الى كل جماهير نادي الزمالك و كل الشعب المصري و كل من أصابه أذى من رؤية ما حدث باستاد القاهرة بالامس

و نقدم إعتذارنا أيضا لإخوتنا و اشقائنا التوانسة و نؤكد لهم ان ما حدث كان غير مخططا و انه اذا كان مخططا ما كنا لنحتفل بهم في دخلتنا الأولى (( أحرار ))

و ختاما فإن إدارة مجموعة التراس وايت نايتس تعلن عن تجميد نشاط المجموعة بكافة صوره إلى أجل غير مسمى لحين عمل إعادة هيكلة موسعة تشمل جميع الافراد المحسوبين على المجموعة.

و الله ولي التوفيق,,

نهايه نظريه المؤمره
دا ابلغ دليل علي اننا دائما ما نبحث عن شماعه لتعليق اخطائنا عليها فمنذ اللحظه الاولي للموضوع والجميع يتحث عن الثوره المضاده وهيه سبب الاحداث
وفلول النظام البائد هيه من فعل ذالك ونسينا وتناسينا حرق المشجع
تكسير النادي الاهلي والقاعه المغطاه وكلها حصلت ولم يكن هناك لا بلطجه ولا فتنه ولا غيره