محتاج مساعدة المدقدقين في الشوارع عندنا.. من النزهة الجديده للقصر العيني

[dr.hazem]

السلام عليكم ورحمة الله وبركاته
صباح الخير ياشعب

عندي مشكله كبيره
انا يوميا بنزل القصر العيني وبيتي في النزهة الجديده

الصبح الطريق بياخد من 20 الى 40 دقيقه وده بستحمله
وانا راجع بقا باخد الطريق في ساعتين!!!

وابتديت اتعب والحر جاي ومعتقدش اني هستحمل اكتر وياسلام رمضان جانا وهوب انا هضيع
هههههههههههههههههههههه
طبعا اعتقد ابتديتو تفهمو
انا بدور على شوارع بديله لصلاح سالم (ومحدش يقولي كوبري اللعنه كوبري اكتوبر)

ياترى ايه كل البدائل المطروحه

هل في حاجه من شارع النصر مثلا؟؟
هل في حاجه من وسط البلد (انا عارف ان في شوارع وتوصل لكن انا بتكلم عن بدايل فعاله تخفف عني عبئ الطريق)؟؟؟

ساعدوني الله يرضى عنكم ويوفقكم


وللعلم عملت موضوع في منتدى الطرق بس محدش رد عليا
تحياتي للجميع

[Ayman-Ahmed]

هو اكيد اللى هيفرق معاك ميعاد الرجوع ولكن لما بتحكمنى الظروف ارجع من وسط البلد للشيراتون .بخش على نفق الازهر من عبد الخالق ثروت وصلاح سالم للشيراتون ومبقفش فى صلاح سالم كتير.ممكن 30-40 دقيقة لحد الشيراتون وده ما بين الساعة 3-5.

[heshamzaky]

تركن العربية فى محطة سراى القبة و تركب مترو الانفاق و تريح نفسك من نزول وسط البلد و قرف الركن و الزحمة

[korkor]

اهم حاجه حضرتك بترجع الساعه كام من هناك يعنى بتبتدى تتحرك امتى ؟

[A.Saad]

تركن العربية فى محطة سراى القبة و تركب مترو الانفاق و تريح نفسك من نزول وسط البلد و قرف الركن و الزحمة

وترجع ماتلاقيهاش
مش اليومين دول يا استاذ هشام الكلام ده

[dr.hazem]

ياشباب انا بنزل يوميا لان انا شغال هناك

اكبر مشكله في الطريق بتبدأ من عند ارض المعارض ولحد كوبري ميدان الطيران
هل من بدائل للمنطقه دي؟؟؟

انا يوميا بروح الساعه 2ونص للاسف

شكرا لكل اللي ردو

تحياتي

[dr.hazem]

وترجع ماتلاقيهاش
مش اليومين دول يا استاذ هشام الكلام ده

كنت هقول كده بس الراجل جي يساعد ومرضتش اكسفه

ههههههههههههههههههههههه

وبكرر يوميا بتحرك 2 ونص بالظبط

[Ayman-Ahmed]

المسافة قصيرة والبديل لفة شوية.

من صلاح سالم خش امتداد رمسيس واطلع وصلة اكتوبر الجديدة وانزل طريق النصر ومن بعد المنصة شمال على صلاح سالم تانى.

[korkor]

تركن العربية فى محطة سراى القبة و تركب مترو الانفاق و تريح نفسك من نزول وسط البلد و قرف الركن و الزحمة

هانت كلها 10 سنين والمترو يوصل النزهه

[heshamzaky]

وترجع ماتلاقيهاش
مش اليومين دول يا استاذ هشام الكلام ده

هههههههههه يا راجل لية بس ههههههههههههههههه . أنا بعمل كدة لما بنزل البلد بركن فى سراى القبة و بركب المترو ربع ساعة ابقى فى التحرير و الحمد لله سراى القبة زحمة دة ممكن تدور على مكان تركن خصوصا فى الشارع الى أمام المحطة الى يوديك على شارع سليم زحمة جدا و كلة عربيات

[M.Mosaad]

ممكن تطلع الدائري من طلعه كورنيش النيل هيبقي الطريق اطول بس الدائري لو سالك هتوصل اسرع بكتير بس لو لاقدر الله في حادثه علي الدائري هتترحم علي كوبري اكتوبر و صلاح سالم

[korkor]

كنت هقول كده بس الراجل جي يساعد ومرضتش اكسفه

ههههههههههههههههههههههه

وبكرر يوميا بتحرك 2 ونص بالظبط

لا 2.30 دى ملهاش حل كل الطرق بتبقى منيله بنيله انا كنت فاكر مثلا 5 ولا حاجه وكنت هاقولك اتاخر ساعه الطريق بيتظبط شويه

[heshamzaky]

هانت كلها 10 سنين والمترو يوصل النزهه

و الله يا ريت هما شغالين فى المرحلة بتاعت المترو ممكن تبقى ساعتها تركن عند كلية البنات فى شارع الميرغنى و المترو أرحم من نزول التحرير بالعربية

[korkor]

و الله يا ريت هما شغالين فى المرحلة بتاعت المترو ممكن تبقى ساعتها تركن عند كلية البنات فى شارع الميرغنى و المترو أرحم من نزول التحرير بالعربية

لو على مرحله كليه البنات على اكتوبر 2013 وتشتغل ان شاء الله وممكن على اخر السنه دى تروح تركن فى العباسيه وتاخد المترو من هناك للتحرير بس هتبدل فى العتبه

[korkor]

السلام عليكم ورحمة الله وبركاته
صباح الخير ياشعب

عندي مشكله كبيره
انا يوميا بنزل القصر العيني وبيتي في النزهة الجديده

الصبح الطريق بياخد من 20 الى 40 دقيقه وده بستحمله
وانا راجع بقا باخد الطريق في ساعتين!!!

وابتديت اتعب والحر جاي ومعتقدش اني هستحمل اكتر وياسلام رمضان جانا وهوب انا هضيع
هههههههههههههههههههههه
طبعا اعتقد ابتديتو تفهمو
انا بدور على شوارع بديله لصلاح سالم (ومحدش يقولي كوبري اللعنه كوبري اكتوبر)

ياترى ايه كل البدائل المطروحه

هل في حاجه من شارع النصر مثلا؟؟
هل في حاجه من وسط البلد (انا عارف ان في شوارع وتوصل لكن انا بتكلم عن بدايل فعاله تخفف عني عبئ الطريق)؟؟؟

ساعدوني الله يرضى عنكم ويوفقكم


وللعلم عملت موضوع في منتدى الطرق بس محدش رد عليا
تحياتي للجميع

احنا كده طلعنا جيران احنا لازم نتلم فى المنطقه ونعمل ائتلاف نايل موتورز النزهه الجديده