ليه بنهاجم الجيش

[m.aligamal]

الشباب خرجوا امبارح فى مظاهره دعا اليها ائتلاف الثوره و طالبت بطلبات كثيره و منها اسقاط المشير و مجلس رئاسى مدنى الخ
ودخلوا فى مهاترات سياسيه فين الاخوان !!!و احنا الثوره
السؤال لماذا؟؟؟؟
لماذا لا نمنح الجيش الفرصه و الوقت لقياده المرحله الانتقاليه بكل هدوء لحين تحقيق المطالب؟؟
لماذا الالتفاف حول مطالب الملايين التى وافقت على الاستفتاء و باركت خطوات الجيش نحو اقامه ديموقراطيه فى مصر؟؟؟؟
لماذا نصر على ان الصوت العالى هو وسيله النقاش بيننا ومن ليس معنا فهو ضددنا؟؟؟
لماذا فجاه الجميع يريد ان يكون البطل و التقليل من شان الاخر ؟؟؟؟
لماذا لا نرى ان مصر فى خطر حقيقى و فى حاله فوضى هدامه ؟؟؟
اخوانى هل انتم تشعرون بالفزع مثلى عندما اقراء الاخبار و ارى البلطجه المنتشره فى الشارع المصرى وفى جميع ربوع المحروسه وما يصاحبه من اغتصاب للنساء و الفتيات و سرقه السيارات و الهجوم على المنازل ؟؟هل تفزعون مثلى ام انكم رايتم تحميل الانفلات الامنى للداخليه وكان الداخليه هيا المتسببه فى هذا كله ؟؟؟واننا نحن خاليون من العيوب و اول ما هنشوف ظابط الداخليه لازم نشتمه و نقلل منه و نطلع عليه الماضى ونطالبه بانه يحمى الناس ؟؟؟
اعتقد من وجهه نظرى ان الجيش هو المؤسسه المحترمه فى مصر الى قادره على انجاز الامور و بتحترم اراداه الناس معلش فى الكلمه اكبر لواء فى الجيش بيقعد مع الطلبه و الشباب الصغير يسمع لهم و يحاول يحل مشاكلهم ميكونش نتيجه ذلك اننا نفرغ عنينا ونقول يسقط و منقدرش الدور الذى يقوم به الجيش
ياشباب ارجوكم ضعوا مصر امام اعينكم وانظروا مصر رايحه على فين!!!!
ارجوكم لا تجعلوا الناس تشعر ان الثوره المباركه تهوى بالبلد

[cheetos_892005]

لماذا تدفن راسك في الرمل و مصدق الجيش بطريقه عاميه ؟؟؟؟؟

لماذا لا تتابع المماطلات و التهريج اللي بيحصل في القبض عالفاسدين و المحاكمات ؟؟؟

لماذا لماذا لماذا .......

عجبي .....شيلنا فرعون عشان نعمل واحد غيره اسمه المجلس العسكري

افففففف

[frhateg]

البطـأ في اتخاذ القرار . و البطأ في العداله هما اللي مخلين الواحد قلقان .

[zaza_lanos]

احنا فى عملية قلب مفتوح والدكتور مش عايز ينجز علشان يبان بطل ومنقذ
تقدر تقولى الجيش فين وبيحمى مين ومتباطا ليه فى القضاء على البلطجة

[mrwho1982]

للاسف الجيش فقد مصداقيتة او بمعني اصح المجلس العسكري بلاش الجيش علشان منظلمش حد

لما يكون زكريا عزمي لسة مقال من منصبة من ايام
لما يتساب فلوس حسني لحد ماتروح علينا
لما يتساب الرباعي المرح وانت عارفهم
كفاية كده ولا اقول تاني

شوف البيان رقم 31 وشوف تعليقات الناس عاملة ازاي

لما اول ناس تنتفع من الثورة الناس اللي قتلو الثوار ............نزع القمح في سنين ....يطلع القرع في ثواني

الثورة بتنهار ولازم تتلحق باي وسيلة اياكش تكون مجزرة مش مشكلة بس ابني يعيش في دولة محترمة

[cheetos_892005]

للاسف الجيش فقد مصداقيتة او بمعني اصح المجلس العسكري بلاش الجيش علشان منظلمش حد

لما يكون زكريا عزمي لسة مقال من منصبة من ايام
لما يتساب فلوس حسني لحد ماتروح علينا
لما يتساب الرباعي المرح وانت عارفهم
كفاية كده ولا اقول تاني

شوف البيان رقم 31 وشوف تعليقات الناس عاملة ازاي

لما اول ناس تنتفع من الثورة الناس اللي قتلو الثوار ............نزع القمح في سنين ....يطلع القرع في ثواني

الثورة بتنهار ولازم تتلحق باي وسيلة اياكش تكون مجزرة مش مشكلة بس ابني يعيش في دولة محترمة

+ 1111111

[medo_2060]

فى بطء والتفاف على الثوره واضح وتاخير لا مبرر له فى حاجات كتير...مش عايزين ندفن راسنا ونعمل مش واخدين بالنا ونقول نديهم وقت زياده... الطريق الى احنا ماشيين فيه دا مليون فى الميه هيجيب لنا نظام مبارك برئاسه مبارك اخر ...
المجلس العسكرى للاسف انا شخصيا مبقتش اثق فيه زى الاول

[SkyBird]

حسن النية في هذه المرحلة من سؤ الفطن
حذار حذار حذار
لا تحسن النية في كل من يحكمون
حتى تستقر الامور

[som3aa]

علشان قالوا هنحاكمهم علشان الفساد المالى مش الفساد السياسى و القتل و التعذيب و التزوير و الخيانة العظمى , قولنا على مضض و ماله اهم سارقين ملايين و مليارات برده و هيتحبسوا هيتحبسوا , الناس عارفة ان عندهم مليارات و اقل واحد فيهم ساكن فى فيلا تمنها من 5-10 مليون و دا طبعا ميتناسبش ايدا مع مرتب وزير و لا شخص مسئول و عندهم عربيات بالملايين و فلل فى كل حتة و دا اللى بيان قدام الناس يعنى دا اللى قدام عينك و الاعمى يشوفه , طبعا عنده ملايين و مليارات و برده مش راضيين يقبضوا على حد منهم!!!!!!
عايزين يطلعوا قانون يعفيهم من العقوبة لو رجعوا الفلوس؟؟؟
كل شوية اخبار مستفزة و بطأ شديد و مفيش حاجة بتتغير غير بالضغط و لازم مظاهرة علشان يحصل تغييرات , يشيلوا اسامة الشيخ يجيبوا سامى الشريف؟؟؟ التغييرات كلها منظر بس مفيش تغيير فى السياسات , فى ظباط امن الدولة اللى عذبوا الناس فى السجون و اعتقلوهم سنين منغير محاكمة؟؟؟؟
بيدوا الشعب احكام عسكرية و مش راضيين يدوهم احكام عسكرية و قولنا ماشى بس كمان مش راضيين يحولوهم للجنايات؟؟

واحد زى سيد مشعل مصممين يجيبوه وزير رغم انه عضو حزب وطنى و دخل الانتخابات قدام مصطفى بكرى اللى على حسب كلامه كان كسبان بفرق رهييب و نجحوه فى الاخر ليه؟

كل حاجة هى هى مفيش اى تغيير , ليه 50% عمال و فلاحين دا كلام؟؟ بقا ال50% العمال و الفلاحين هما اللى هيعينوا الناس اللى هتغير الدستور؟
فين الامن؟ ليه كل شوية فى حريقة فى حتة و نفس الفكر القديم (ماس كهربائى او مجنون) ؟؟!!!!!
مبارك الفيلا بتاعت اينه فى القطامية هايتس تقدر تمنها ب اكتر من 20 مليون , سيبك من عنده 10 مليار و لا 70 مليار دولار , 10 مليون جنيه كفيلة انه يقف قدام الكسب غير المشروع و لا حتى عمرهم استدعوه
ليه اللجنة الالكتونية لسه شغالة لحد انهردة؟؟
فين كل نواب الحزب الوطنى اللى جددوا الطوارىء فى مجلس الشعب و فين اتهامات ليهم بالقتل العمد ؟
ليه اللى نجحوا بالتزوير و عليهم احكام بالبطلان فى مجلس الشعب محدش حاسبهم و ليه اللى كانوا بيستخدموا بلطجية محدش قرب منهم!!!!

ليه فى ناس كتير فوق الحساب مع ان عندهم مخالفات مالية واضحة جداااااااااااا للاعمى لا و واحد منهم كل شوية فى التليفزيون و بيجتمع مع الجيش كمان!!!


الخلاصة لازم مجلس رئاسى يمسك البلد

[mrwho1982]

الخلاصة وكلمة السر ............ميدان التحرير وتكون مليونية

اخرتك قربت اوي ياللي في بالي ............للاسف نفس اسلوب حبيب العادلي

عد كده امبارح

مصنع العاشر من رمضان
احداث الاستاد

لما نشوف النهارده هيحصل ايه

اه صحيح خدو اقرو كده الخبر ده
والف شكر لسيادة العقيد

YouTube - ‫ظپط¶ظٹطط© ظ…ظˆط¯ط±ظ† ط³ط¨ظˆط±طھ‬‎

عايزين تاني

http://www.facebook.com/profile.php?id=100000883163289#!/pages/%D8%A7%D8%A6%D8%AA%D9%84%D8%A7%D9%81-%D8%B6%D8%A8%D8%A7%D8%B7-%D8%A7%D9%84%D8%AC%D9%8A%D8%B4-%D8%A7%D9%84%D9%85%D8%B5%D8%B1%D9%8A-%D9%88%D8%A7%D9%84%D8%B4%D8%B9%D8%A8/204710836224433

شوفو تسلسل الاحداث ...........للاسف لسه بيلعب

[emam]

فين هى الفضيحة ؟؟ انا مسمعتش غير صوت مجدى عبدالغنى بيوصف الاحداث المؤسفة الى حصلت فى الاستاد - يا خسارة مصريين بيفسدو فى استاد بلدتهم - بجد يا خسار ة

[mmolazem]

تباطؤ متعمد = تواطؤ = خيانه

( رأى شخصي جدا )

[romioramy]

الصبر يا جدعان الصبر طيب

[m.aligamal]

الساده الاعضاء بعد قراءه كافه تعليقاتكم اتكلم بصفتى قانونى وليس بصفه ثوريه
اولا :ما يقال حول بطىء اجراءات التقاضى للعلم فقط النائب العام يعمل باستقلاليه تامه و القضاء فى مصر مستقل تماما ولا يوجد اى جهه فى مصر تسطيع ان ترهب القضاء و يكفى انكم تشاهدون اليوم المستشار محمدى قنصوه هو من يحاكم العادلى ولكن هل تريدون فى مصر محاكم تفتيش ؟؟؟هل تريدون فى مصر محاكم لا مراعاه فيها لضمانات الحقوق ؟هل تريدون محاكمه سريعه يشوبها الفساد او البطلان لمجرد ان الشعب يريد ان يرى المتهمين خلف الاسوار و خلاص ؟؟؟ هل تريدون الانتقام !!!
اذا كنتم تريدون الانتقام فانتقموا منهم بعيدا عن ثوب القضاء الطاهر ولا تدنسوا هذا الثوب الطاهر
يا ساده المحاكمات تستغرق وقت طويل وليس بين عشيه و ضحاها
ثانيا لماذا نلتف على اراده الشعب المصرى الذى صوت بنعم على الاستفتاء وكانت الموافقه على اجراءات معينه منها انتخابات تشريعيه يعقبها رئاسيه و تشكيل لجنه تاسيسيه لعمل دستور جديد و جميعكم علم ان المواطنين باركت خطوات الجيش المصرى متمثلا فى المجلس العسكرى
ثالثا:لماذا لا نحترم و نقدر دور الجيش المصرى الذى حما الثوره و رفض الدخول فى معركه مع الثوار و رفض اطلاق اى رصاصه على الشعب المصرى ليظل سجل هذا الجيش ناصع و مشرف
رابعا:هل تعتقدون ان الجيش المصرى متواطىء من النظام السابق وقد قام بتقديم العديد من عناصر النظام السابق للقضاء و كذلك اعلن ان مبارك قيد الاقامه الجبريه !!
خامسا:هل انتم متخيلون ان الدوله سينصلح حالها فى يوم بليله مش معقول طبعا هل تتوقعون ان الفساد سينتهى فى لحظات طبعا لا هل سمعتم عن التقارير الدوليه التى تتحدث عن قرب اعلان افلاس الدوله المصريه و عن تصريحات البنك المركزى لانخفاض الاحتياطى الاستيراتيجى لاقل من 33 مليار عايزين البلد تقوم على رجليها ومع ذلك تتم محاسبه العناصر الفاسده ولانجعل كل همنا هو الانتقام و التشفى و تخوين الاخرين فى مرحله حساسه و دقيقه من عمر مصرنا الحبيه
خالص تحياتى و حبى لكم