رئيس الوزراء قرر إلغاء الدوري العام

[mikho83]

قرر رئيس مجلس الوزراء إلغاء الدوري العام هذا الموسم.
والله بجد قرار صائب مية في المية. احنا عندنا مشاكل وهموم أكبر من الكورة، والحكومة الجديدة مش ناقصة صداع الكورة واللي بيحصل من الجماهير.
تعليق أخير
" الزمالك هايفضل طول عمره منحوس" لأنه في حياته ما هاياخد الدوري تاني ولا في الأحلام

[تامر.محمد]

قرار حكيم في رأيي , مش هي الكورة اللي هاتعدل المايلة دلوقت

[human]

تمام

[FunnyMickey]

يلا في داهيه
عقبال مسلسلات رمضان قولوا امييييييييييييييييييييييييييييين
:)

[aly_hosny]

يلا في داهيه
عقبال مسلسلات رمضان قولوا امييييييييييييييييييييييييييييين
:)

اميييييييييييييييييييييييييييييييييييييييييييين

[Dojuar]

هل القرار ده استراتيجيا صح؟؟؟؟

انا مليش علاقة بأهلي أو زمالك أو فلوس ادفعت أو عاملين و مش هايلاقوا ياكلوا

انا بتكلم على استسهال الحل

طب هايعملوا ايه في السياحة و الدراسة ..الخ لو لا قدر الله حصلهم تهديد؟

طب على فرض ان اللي حصل امبارح كان مؤامرة...يا ترى ايه شعور مبارك و جمال و صفوت و زكريا و سرور دلوقت؟؟؟؟!!!!!

حتى لو كان شريان الرياضة ضعيف و ملوش تأثير...ليه أقطعه؟

أنا مش عايز اعطي احساس أن البلد فيها مراكب بتقف

لو كان القرار ده كان من الأول كان أحسن...لكن لما ييجي كرد فعل لحدث ما بيكون تأثيره أكبر

[م.احمد زكريا]

في داهية

[otefa]

بالسلامة ولو يمنعو الكورة خالص يبقى أحسن مابيجيش من وراها غير وجع القلب والمشاكل السياسية

[aif]

الكارثة بقى لو كان المبارة فيها جمهورين
الجماهير اللي شفناهم دول كانو كلهم زمالك
انتو متخيلين لو المباراة كانت بين اهلي وزمالك .... او اهلي واسماعيلي
كانت بقت مجزرة
سيكم بقى من القرار
لماذا لم يتم تفتيش الجمهور قبل الدخول كالمعتاد
لماذا لم تتحرك قوات الامن لمنه الجماهير من نزول الملعب
لماذا كل هذا الشماريخ تم السيكوت عليها .... وده واضح من مباراة الاهلي السابقة
الجماهير بتشاغب وهم متأكدين ان الامن مش ح يرفع عصاية ولا عود كبريت حتى لردع الهمج دول
...
...
المفروض ان اتحاد الكرة ياخد قرار محترم قبل ما يحصل عقوبة من الفيفا .... احنا اللي نعاقب الاول ..... فاكرين لما مباراة ليفربول ويوفنتوس حصل فيها كارثة من الجماهير الانجليزية ..... كان رد فعل اتحاد الكرة الانجليزي فوري ..... ساعتها علق مشاركة الندية الانجليزية في المسابقات الاوربية لمدة عامين
..
..
المفروض لو الاندية المصرية ح تستمر في بطولات دولية وقارية يبقى على اقل تقدير يكون المبارايات بدون جمهور .....
طبعا ناس ح تطلع تقول والاهلي ذنبة ايه ؟؟؟؟
..
المشكلة مش في الاهلي والزمالك
المشكلة في ادارة البلد
المشكلة في قوات الامن اللي بقت بدون اي لازمة
المشكلة ان العالم كله بيتفرج علينا

...
وعلى فكرة الجماهير كلها زي بعض .....
لكن الزمالك جمهوره شعر انهم خلاص مهزومين و قالو خربانة خربانة
لكن الاهلي والاسماعيلي كانو كسبانين ولسة فيه مباراة عودة
تخيلوا لو كان هزيمة الاسماعيلي 4 صفر دي في الاسماعيلية ..... كان حصل اكتر من اللي شفناه امبارح
....
طب ما الزمالك راح كسب بتوع كينيا في ارضهم 4 صفر ..... ما حدش فتح بقه
انا اتوقع معاملة زي الزفت لكل جماهير الاندية والمنتخبات المصرية في الخارج خلال الفترة القادمة
لو حد عاقل يعلق المشاركات تماما لهذه الفترة
وتبقى فرصة ان المنتخب يخرج بارادته بدل ما يخرج بفضيحة من منتخب سيراليون الجبار
..
وجهة نظر

[greenday]

قرار صائب انا مش متخيل لو حصل مباراة بين الأهلى والأسماعيلى فى الأسماعيلية فى الظروف دى ممكن يحصل ايه او مباراة أهلى وزمالك دى هتبقى مجزرة

[dr.amr]

عايزين نشوف شغلانه للاعيبة الكوره
بدل ماهيبقوا عاطلين كده :)
علشان يعرفوا ياكلوا ويشربوا

[ahmed79]

والله احسن انو لغاه اى مباره تلاقى اى بيت منقسم الى احزاب
ياراجل بيقى اثنين صحاب ممكن يتخنقو مع بعض عشان الكوره
نشوف مصالح البلد وبعدين الكوره ننظر فى امرها

[human]

المفروض ان اتحاد الكرة ياخد قرار محترم قبل ما يحصل عقوبة من الفيفا .... احنا اللي نعاقب الاول ..... فاكرين لما مباراة ليفربول ويوفنتوس حصل فيها كارثة من الجماهير الانجليزية ..... كان رد فعل اتحاد الكرة الانجليزي فوري ..... ساعتها علق مشاركة الندية الانجليزية في المسابقات الاوربية لمدة عامين

ده كان سنه 1985
حدث فى بلجيكا فى استاد هيسيل
مات 32 من مشجعى اليفونتوس و 7 من مشجعى ليفربول
و 600 مصاب

مارجريت تاتشر طلعت قالت

[sakrouz]

هل القرار ده استراتيجيا صح؟؟؟؟

انا مليش علاقة بأهلي أو زمالك أو فلوس ادفعت أو عاملين و مش هايلاقوا ياكلوا

انا بتكلم على استسهال الحل

طب هايعملوا ايه في السياحة و الدراسة ..الخ لو لا قدر الله حصلهم تهديد؟

طب على فرض ان اللي حصل امبارح كان مؤامرة...يا ترى ايه شعور مبارك و جمال و صفوت و زكريا و سرور دلوقت؟؟؟؟!!!!!

حتى لو كان شريان الرياضة ضعيف و ملوش تأثير...ليه أقطعه؟

أنا مش عايز اعطي احساس أن البلد فيها مراكب بتقف

لو كان القرار ده كان من الأول كان أحسن...لكن لما ييجي كرد فعل لحدث ما بيكون تأثيره أكبر

اتفق معاك فى رايك المحترم

[dr_radioooooo]

امال الناس تضيع وقتها فى
امممممممممممم
شكلنا كده هنتحل الى دولة منتجة