ده ممكن افهمو تواطؤ

[mrwho1982]

السلام عليكم اولا

ثانيا انا كمواطن مصري لما اقري الخبر ده

طµطظٹظپط©: ط§ظ„طھطظ‚ظٹظ‚ ظ…ط¹ ظ…ط¨ط§ط±ظƒ ظˆط¹ط§ط¦ظ„طھظ‡ ط³ظٹطھظ… ظپظٹ ظ…ظ‚ط± ط§ظ„ط±ط¦ط§ط³ط© ط¨ط´ط±ظ… ط§ظ„ط´ظٹط®

وانا علي فكرة ماليش اي ميول سياسية
يتحرق دمي لعدة اسباب

اولا هو قاعد في قصر الئاسة بشرم لييييييييييه بصفته ايه
ثانيا ده بحكم الاعلان الدستوري رئيس مخلوع لان دستور 71 بخ
ثالثا هو مش احسن مني او من اي حد عالاقل انا ماقتلتش وماسرقتش ومروحتش اديت لليهود الدقيق والغاز برخص التراب وجوعت شعبي

ملاحظ تواطؤ جاااااااااامد من المجلس العسكر والنائب العام واللي مايشوفش من الغوربال يبقي .........

احب اقول للمجلس العسكري مش للجيش لان الجيش معروف انو محترم

اقول للمجلس العسكري ان احنا مش مصدقينك وبياناتك بقت فشنك وللاسف وصلتنا لمرحلة عدم الثقة اللي كانت موجودة ايام مبارك

ولسه في ثورة الثورة ماخلصتش
ونازل يوم الجمعة ووالله اياكش تكون مجزرة

محروق دمي علشان اثنين

اولا : علشان دم ال 600 واحد اللي ماتو والحكومة بتضاعف مرتب اللي قتلوهم وبتقولهم شكرا وميرسي

ثانيا : علشان عايز اعيش ابني عبد الله في بلد محترمة اعرف اعلمو كويس ويلاقي شغل بعد مايخلص ويعرف يتجوز

للاسف انا حزين جدااااا وحسبي الله ونعم الوكيل في اللي عايز يخر البلد دي

[د.أحمد السعيد]

الخبر بيقول
التحقيق مع مبارك وعائلته سيتم في مقر الرئاسة بشرم الشيخ


القاهرة: صرح مصدر رفيع الاثنين ان التحقيق المتوقع مع الرئيس السابق حسني مبارك وافراد أسرته حول ما نسب اليهم من اتهامات بالكسب غير المشروع وتضخم ثرواتهم، سيتم لظروف أمنية بحته في مقر رسمي بشرم الشيخ وسط حراسة أمنية مشددة .
ونقلت صحيفة "الجمهورية" الاثنين عن المصدر، الذي رفض الكشف عن هويته، أن المقر الرسمي المتوقع أن تجري فيه عمليات التحقيق قد يكون مقر الرئاسة الذي يقع بجوار مقر اقامة مبارك وعائلته الخاص بمنتجع الجولف ، وهو ما يجعل استدعاء الرئيس السابق وافراد عائلته للتحقيق معه امرا ممكنا.
ونفى المصدر احتمال انتقال مبارك وعائلته الى مقر النيابة العامة بمحكمة جنوب سيناء بمدينة طور سيناء والتي تبعد 100 كم عن شرم الشيخ لمخاطر وصفها بالأمنية خاصة وان الطريق طويل وصحراوي وشهد حوادث تهريب لمساجين وخطرين من قبل وهو ما يجعل سقر المتهمين مغامرة أمنية.
وتأتي تلك التصريحات بعد أن نفى المجلس الأعلى للقوات المسلحة امس نبأ اذاعته قناة "الجزيرة" حول مغادرة مبارك لمصر وتوجهه الى المانيا .
ويقيم مبارك في منتجع شرم الشيخ على البحر الأحمر منذ تنحيه عن منصبه في 11 فبراير الماضي تلبية لمطالب ثورة 25 يناير .
وكان الآلاف من المتظاهرين قد عقدوا يوم الجمعة الماضي بميدان التحرير محاكمة شعبية للرئيس السابق حسني مبارك برئاسة المستشار محمود الخضيري نائب رئيس محكمة النقض المستقيل.
واكد الخضيري أن الثوار دفعوا ثمنا غاليا إلا أنهم لم يحصلوا على حقوقهم كاملةً مقابل هذا الثمن سوى إزالة رأس النظام موضحا أن فلول النظام البائد ما زالت موجودةً في مؤسسات الدولة ويقودون هم و" امن الدولة" وبعض الاعلاميين الثورة المضادة .
وانتقد الخضيري ما أسماه تباطؤ النائب العام في محاكمة مبارك وكل رموز الفساد في النظام البائد، مؤكدا أن الشعب المصري لا يقبل أن يحرس جنود الدولة مبارك في شرم الشيخ.
وقال: الفرصة متاحة أمامك يا مبارك لكي تدافع عن نفسك بميدان التحرير الجمعة المقبلة؛ حيث أجلنا المحاكمة، وإلا سنزحف إليك الجمعة بعد المقبلة لاعتقالك من شرم الشيخ ومحاكمتك".
وشدد محمد الدماطي وكيل نقابة المحامين بصفته المدعي العام على أن المحاكمة تجري وفق إرادة شعبية، بينما ما زالت سلطات التحقيق المتمثلة في النيابة العامة والقضاء متباطئة ومتواطئة مع نظام مبارك البائد.
وطالب بإحالة سوزان زوجة مبارك ونجليه جمال وعلاء للمحاكمة الشعبية لارتكابهم جرائم عدة بحق الشعب المصري من بينها نهب أموال الدولة متهما اياها بانها أضرَّت بالشعب وأسهمت في زيادة نسبة البطالة والفقر، وبيع شركات القطاع العام بأبخس الأثمان وملايين الأمتار من الأراضي إلى الأجانب والمستثمرين وتصدير الغاز للكيان الصهيوني بأقل من الأسعار العالمية.

طيب اذا تحول للمحاكمة اكيد حتنتقل المحكمة بردو لشرم الشيخ قضاة ونيابة حتى حاجب المحكمة مفيش مشكلة بس تبقى مصيبة ان صدر حكم ضدهم ازاي حننقل سجن مزرعة طرة لشرم الشيخ

[hobiko]

بجد انا صعبان عليا وكيل النيابة اللى حيقق مع مبارك و عيلته

الأصل فى استدعاء اى متهم لمقر النيابة و التحقيق معاه ....... انه يبقى تحت ضغط نفسى لوجوده فى مقر النيابة

و ان وكيل النيابة يبقى حاسس بأريحية فى التحقيق مع المتهم

الأية اتقلبت ...........

ربنا يكون فى عون وكيل النيابة فعلا ...... و ربنا ينتقم منك يالى فى بالى

[Abo_Lina]

أيوة و مش بعيد يتحكم عليه بالسجن في قصره في شرم الشيخ برضه

[mrwho1982]

والله العظيم ده قمة التهريج

[SAiF3S]

أيها الأسد. نحن ..... نحبك ونحترمك وقد عهدنا منك الاستقامة والشرف. إذا كان وفاؤك لصديقك الفيل المخلوع يتعارض مع الحق فلابد أن تقف مع الحق.
هذا ما نتوقعه منك دائما. نحن لا نريد شرا بالفيل. كل ما نريده أن نعيش حياتنا بحرية. إن عشرات من زملائنا ..... قدموا أرواحهم فى الثورة من أجل
التخلص من الظلم. أيها الأسد العظيم بقدر ما أحببت هذه الغابة وقاتلت دفاعا عنها. نرجوك أن تقف مع الحق.

يا جماعه اصبرو على الاسد تانى , ونشوف هيوفى بوعده بالديموقراطيه وساعتها نحاسب مبارك
ولو لأ التحرير او كوبرى القبه مش بعيد



تم حذف بعض الكلمات الغير ملائمه بواسطتي.

مشرف القسم

4/4/2011
7:24pm

[A7MED_PHARMA]

العدل أساس الملك
يعني العدل إن البيه(المخلوع) يروح لمقر النيابة ويتاخد أقواله هناااك
ده العدل
غير كده يبقا إسمه قلة أدب وتهريج
وموضوع إنهم خايفين عليه من الطريق..مايودوه في طيارة...مش قصة يعني

[waelfarid]

ولما يجيله أجله حيودو القبر بتاعه لحد عنده برضه
بجد حاجة تقرف
(الجيش ماشي ب.................... )ده مثل مش مقصود بيه الجيش

[medo_2060]

الى يحرق الدم اكتر انهم رجعوا زاهى حواس تانى بعد كل الاتهامات الخطيره الموجهه ليه ومنهم معاه مستندات ويعمل بوزاره الاثار كمان وزاهى ولا هو هنا

[Magdyahassan]

طيب شوفوا الخبر ده


حرس ''مبارك'' يرفض تسلم أول إعلان لمحاكمتة


رفض حرس الرئيس السابق محمد حسنى مبارك تسلم أول إعلان لتحديد جلسة محاكمة له، وذلك بمقر إقامته فى شرم الشيخ، بصفته السابقة كرئيس للحزب الوطنى، الذى يواجه دعوى قضائية تتهمه بتخريب الحياة السياسية، ونهب أموال الشعب وتزوير الانتخابات.
توجه أشرف ممدوح على، "مُحْضر" محكمة جنوب سيناء، إلى قسم شرطة شرم الشيخ، بعد أن قدم طلباً إلى اللواء محمد الخطيب، مدير أمن جنوب سيناء، لاصطحاب قوة من الشرطة إلى مقر الرئيس السابق لتسليمه إعلان المحاكمة بصورة قانونية.
ورافقت المُحْضر قوة من الشرطة، تضم النقيب رامز جلال وأمين شرطة واثنين من أفراد الشرطة، إلى مقر الرئيس السابق، وأبلغوا الحرس هناك بضرورة تسليم إعلان المحاكمة إلى الرئيس السابق، فأجرى الحرس اتصالاً بالأمن الداخلي، وأبلغوا «مُحْضر» المحكمة برفض التسلم.
كان المستشار إبراهيم على البسيونى، المحامى، أقام دعوى قضائية أمام القضاء الإدارى، ضد الرئيس السابق حسنى مبارك بشخصه وصفته، وتم تحديد جلسة عاجلة لنظر حل الحزب الوطنى ومصادرة ممتلكاته ومقاره.

[م. عمرو شرف]

نحن لا نريد شرا بالفيل. كل ما نريده أن نعيش حياتنا بحرية. إن عشرات من زملائنا ............قدموا أرواحهم فى الثورة من أجل التخلص من الظلم.

أطلب من المشرف يلغى الكلمه اللى أنا شلتها وحطيت مكانها حروف
أنا عارف أن نيتك كويسه
تقبل تحياتى

[mmolazem]

تواطؤ
تباطؤ
حكمه
صفقة
لعنه
غش
خيانه
ثوار
دم

( احنا آسفين يا كلمات .... لم تعودى تعبرين عن واقعنا )

[mrwho1982]

معلش هخلي دمكم يتحرق كمان وكمان

رصد |اليوم السابع | صحافة | النائب العام لوفد "الفيدرالية الدولية": مبارك لا يواجه أى تهم جنائية والتهم الموجهة للمتظاهرين سقطت بسقوط النظام

الرد ايه : اعتصام بالتحرير واللي يحصل يحصل

[medo2o1o]

معلش هخلي دمكم يتحرق كمان وكمان

رصد |اليوم السابع | صحافة | النائب العام لوفد "الفيدرالية الدولية": مبارك لا يواجه أى تهم جنائية والتهم الموجهة للمتظاهرين سقطت بسقوط النظام

الرد ايه : اعتصام بالتحرير واللي يحصل يحصل

شكلها كدة فعلا ملهاش حل غير كدة
و لو منفعش على مقر المجلس العسكرى و مع السلامة برة
ماهو مبارك و عصابته فى كفة و الشعب فى كفة و على المجلس العسكرى الاختيار

طيب شكلها كدة الجمعة الجاية و كل جمعة بس انا هابتدى اعتصم الجمعة اللى بعد الجاية

[medo_2060]

بقى مبارك لا يواجه تهم جنائيه..الله يخرب بيت كل حاجه دمى اتحرق والله
طب شوفوا رساله رقم 33 للمجلس العسكرى !

http://www.nilemotors.net/Nile/211328-33.html