بارك الله فى الشيخ قرضاوى : السلفيون اعتبروا الثورة «دعوة للفتنة» والآن يلصقون أنفسهم

[ehab_mansour]

السلفيون خفافيش الظلام..وأخشي على مصر منهم

وصفت الدكتور سعاد صالح أستاذ الفقه المقارن بجامعة الأزهر السلفيين بأنهم خفافيش الظلام وأعداء الإسلام الذين لم يظهروا إلا بعد غياب المستنيرين من المسلمين الذين يتخرجون من الازهر الشريف

ابقي سلملي علي سعاد صالح الله يخليك وقلها ان فيه ناس كتير بتدعيلها ان ربنا يهديها وتبطل تفتي فيما لا تعرف مش ناقصة واحدة زي دي تتكلم في الدين (وسلملي علي الاستنارة)

ملحوظة مهمة : فيديوهات الشيوخ
1-الغالبية الساحقة منها قديمة ولا علاقة لها بثورة 25
2-رأي الشيوخ الساحق في هذة الفيديوهات خاص بلاضرابات وايقاف العمل واستخدام العنف واراقة الدماء يعني واضح لاي عاقل ان حرام المظاهرات الي فيها عنف واراقة دماء @@!! واي مسلم هيقول كدة
3-شيوخ فعلا زي الشيخ ياسر برهامي قبل يوم 25 قال لا انصح بلنزول لتلك المظاهرات وقال ببساطة ان تاريخ المظاهرات في مصر معروف وضرب امثلة وان كلها تقريبا كان فيها عنف وتدمير للمتلكات العامة . . ودة كان تصورة
4-بعد ظهور مظاهرات 25 و حتي اسبوع بعدها وتأكد الكثير من ان تلك المظاهرات مختلفة بكل بساطة قالوا لا احد كان يتخيل هذا


اخر شئ. . الحمد لله الي عطانا شيوخ زي دول لا يخافون الا الله . . وبلمناسبة كتير من الشيوخ الي حضرتكم جايبين فيديوهات ليهم دخلوا المعتقلات خصوصا في الفترة بين 99-2003 م . . او دخلوا المعتقلات قبل ذلك . . .
وكلهم قناوتهم اغلقت واتحاربوا في فلوسهم وفي علمهم واتشهر بيهم في حملات التشهير الحقيرة قبل وبعد اغلاق القنوات الاسلامية و و و . . . فا احترموا شيوخكم الي مهما اخطأ او اختلفت مع وجة نظرة مبيعملش غير عشان ربنا وعشان مصلحة الناس كلها . . مش عندة هدف او امنيات ومطالب خاصة

والله يا أفندم تعبنا من قول هذا الكلام ولكن لا حياة لمن تنادي وابقي قابلني يا أخي الفاضل لو حد سمعلك اللي في دماغه فكرة معينة قافل دماغه عليها وبيهاجم وبس ومعندوش قابلية يفتح ودانه و يسمع لأنه متأكد انه لو فتحها هيغير فكرة وانا أثق في ذلك لثقتي في ربي

[adelseliem]

ياجماعه بعد اذنكم انا هاريحكم من الموضوع ده خالص
قال الله جل فى علاه
ولقَدْ سَبَقَتْ كَلِمَتُنَا لِعِبَادِنَا الْمُرْسَلِينَ (171) إِنَّهُمْ لَهُمُ الْمَنصُورُونَ (172) وَإِنَّ جُندَنَا لَهُمُ الْغَالِبُونَ (173) فَتَوَلَّ عَنْهُمْ حَتَّى حِينٍ (174) وَأَبْصِرْهُمْ فَسَوْفَ يُبْصِرُونَ (175) أَفَبِعَذَابِنَا يَسْتَعْجِلُونَ (176) فَإِذَا نَزَلَ بِسَاحَتِهِمْ فَسَاء صَبَاحُ الْمُنذَرِينَ (177)

صدق الله العظيم

[wawoo]

ابقي سلملي علي سعاد صالح الله يخليك وقلها ان فيه ناس كتير بتدعيلها ان ربنا يهديها وتبطل تفتي فيما لا تعرف مش ناقصة واحدة زي دي تتكلم في الدين (وسلملي علي الاستنارة)

"قصدك اية مش ناقصة بواحدة زى دى تتكلم فى الدين"....
لما دكتورة و استاذة فى الفقة المقارن بجامعة الازهر متتكلمش فى الدين يبقى مين اللى يتكلم من يتاجرون بالدين و عملين نفسهم شيوخ عشان يظهرو فى الفضائيات و الصحف و يسوقو عقول الشباب باسم الدين..

هو حرام عند من يسمو بالسلفية النساء تتكلم فى الدين كمان ولا اية ...

[adelseliem]

"قصدك اية مش ناقصة بواحدة زى دى تتكلم فى الدين"....
لما دكتورة و استاذة فى الفقة المقارن بجامعة الازهر متتكلمش فى الدين يبقى مين اللى يتكلم من يتاجرون بالدين و عملين نفسهم شيوخ عشان يظهرو فى الفضائيات و الصحف و يسوقو عقول الشباب باسم الدين..

هو حرام عند من يسمو بالسلفية النساء تتكلم فى الدين كمان ولا اية ...

هو ده اللى أنت فهمته من الكلام

[ehab_mansour]

"قصدك اية مش ناقصة بواحدة زى دى تتكلم فى الدين"....
لما دكتورة و استاذة فى الفقة المقارن بجامعة الازهر متتكلمش فى الدين يبقى مين اللى يتكلم من يتاجرون بالدين و عملين نفسهم شيوخ عشان يظهرو فى الفضائيات و الصحف و يسوقو عقول الشباب باسم الدين..

هو حرام عند من يسمو بالسلفية النساء تتكلم فى الدين كمان ولا اية ...

يا أخي الفاضل للمرة المليون قلتلك بلاش تسفيه وتحقير وكذب علي أحد أظن كلامي واضح وباين أقصد ايه انت كده أخطأت فينا جميعا !!!!!!!!!!!!
احنا بناخد ديننا ممن منهجه علي القرأن والسنة بفهم سلف الأمه ولو انت عايز تاخده من حته تانية اتفضل ولكن ليس لك علاقة لا من قريب ولا من بعيد بهؤلاء العلماء ولا تتهمهم وتقول (يتاجرون بالدين و عملين نفسهم شيوخ عشان يظهرو فى الفضائيات و الصحف و يسوقو عقول الشباب باسم الدين)

وياريت تقلي مين هما دول بالاسم عشان كفاية كده يمكن اكون فاهم غلط
لو عندك الشجاعه قول وانا منتظرك
ومتشكر جدا علي وصفي ممن يساقون يمكن تكون شايف كده
هو انا أسلوبي وكلامي معاك بيبين كده ؟

[alynubira]

يا جماعه انتم بتردوا على ايه الموضوع بقى ماتش كوره وده احلى حاجه خلينا نريح اعصابنا
بس انا زعلان من ال د.محمد والاستاذ احمد والاستاذ صابر
انا اول واحد جبت جون ومحدش بصالى ولا كوره

[wawoo]

يا أخي الفاضل للمرة المليون قلتلك بلاش تسفيه وتحقير

يعنى كلامى تسفية و تحقير ..و كلامك عن دكتورة و استاذة فى الفقة المقارن بجامعة الازهر سعاد صالح دة توصفة باية...
(وتبطل تفتي فيما لا تعرف مش ناقصة واحدة زي دي تتكلم في الدين (وسلملي علي الاستنارة) )

..كان معاهم حق لما قفلو قناة الحكمة و الرحمة و غيرها من القنوات الدينية العجيبة دى اذا كانت تنتج هذا الفكر ....

[ehab_mansour]

تتكلم عن التسفية و التحقير ..هو مش دة كلامك عن دكتورة و استاذة فى الفقة المقارن بجامعة الازهر سعاد صالح ...
(وتبطل تفتي فيما لا تعرف مش ناقصة واحدة زي دي تتكلم في الدين (وسلملي علي الاستنارة) )

سبحان الله .يعنى التسفية والتحقير مباح لحضرتك فقط ..؟؟؟!!!

..كان معاهم حق لما قفلو قناة الحكمة و الرحمة و غيرها من القنوات الدينية العجيبة دى اذا كانت تنتج هذا الفكر ....

انا كلامي واضح وياريت ترد عليه كله ما تاخدش اللي علي مزاجك
وانا لم أسفهها ولكن قلت انا ما بخدش ديني منها ولما واحدة تفتي فيما لا تعرف يبقي غلط ولا تتحدث في الدين بس ولكني لا أخطأ في شخص أحد طالما تتحدث في الدين يبقي تتكلم ببينة ودليل واضح مش تتكلم بمزاجها
وياريت ترد علي كل كلامي بلاش شغل التنقيط ده والتهرب

[MEDO84EG]

مواضيع قديمة فين ..دة الاستفتاء ليسة مالوش كام اسبوع ..

و حرب قذرة من مين ..الشيخ القرضاوى حيعمل حرب قذرة ؟؟؟
..ارجو انك تراجع كلامك قبل ما تتهم قامة كبيرة زى الشيخ القرضاوى باتهمات باطلة ..
انا مش فاهم لية فى ناس بتزعل من الحقيقية و هى واضحة كشمس .. انا مش فاهم هما مش من يدعون السلفية تحدثو فعلا عن غزوة الصناديق واعتبروها انتصار عظيم ..بالرغم ان لا علاقة فى التعديلات من قريب او بعيد بالاسلام ..

على فكرة كل من يقتدى بالرسول علية الصلاة والسلام هو من السلف ..عشان كدة هذا للفظ لا يصح ان تثتاثر بية مجموعة دون باقى المسلمون ..و لفظ ظاهريين اعتقد انة افضل عشان محدش يذايد على اسلام المسلمون ..

الاستاذ الزميل
واحده واحده علينا
انت بتلف الكلام كده ليه
الاخ الزميل قال قصده علي الحرب اللي مشدوده علي الاسلاميين
انت ليه بتحور الكلام
مش عارف انا ايه الاسلوب ده
في كل مواضيعك و مشاركاتك
يا اخي خلينا نتحاور بشكل موضوعي و منظم
رد عليه و يرد عليك
لكن اسلوب التحوير في الالفاظ و انك تتقول عليه كلام مقالهوش شيء عجيب

[MEDO84EG]

يا جماعه
عاوزين نلغي الموضوع ده
فبرجاء محدش يرد فيه علشان ينتهي
و حسبي الله و نعم الوكيل في اللي بيتلككوا و خلاص
و اللي لسه بيرغوا في موضوع غزوة الصناديق
بصراحه قمه التشدد الفكري

[wawoo]

يا جماعه
عاوزين نلغي الموضوع ده
فبرجاء محدش يرد فيه علشان ينتهي
و حسبي الله و نعم الوكيل في اللي بيتلككوا و خلاص
و اللي لسه بيرغوا في موضوع غزوة الصناديق
بصراحه قمه التشدد الفكري

..يعنى كل الحوار دة عشان تلغى الموضوع اللى بيكشف الفكر السلفى على يد عالم كبير زى الدكتور القرضاوى ..و العلماء زى د القرضاوى وغيرة من القمم اصبحو هما قمة التشدد الفكرى..سبحان الله

[ehab_mansour]

شفت اهه ساب الموضوع اللي بنتكلم فيه ودخل في شيء تاني وده يدل علي انه لا يستطيع المواجهه ولا يستطيع الرد بالكامل علي ما طلبت منه

حسبي الله ونعم الوكيل
ومش هسامحك في اتهامك لي ولغيري من أحبابي

[human]

لا حول ولا قوة الا بالله العلى العظيم

ربنا يستر

الكلام كله يجيب اكتئاب

شكرا على الصبح

[wawoo]

حسبي الله ونعم الوكيل
ومش هسامحك في اتهامك لي ولغيري من أحبابي

اسف يا استاذ ايهاب اذا كنت اتهمتك او احبابك ....سمحنى بقى

[ehab_mansour]

اسف يا استاذ ايهاب اذا كنت اتهمتك او احبابك ....سمحنى بقى

مسامحك أخي الفاضل والله حرصك علي ألا تحمل ذنب أحد دليل هلي خوفك من لقاء ربك ودليل علي فطرتك السليمة
وياريت تقبل مني اعتذاري أيضا ان كنت وجهت اي اساءة لك وربنا يسامحني لو كنت أسأت دون قصد لأي أحد
والله ربي الأعلم اني لا احب كثرة الكلام علي المنتديات و المشاركات ولكني فقط أحب ان أوضح الحق قدر المستطاع
وربنا يهدينا لما يحبه ويرضاه ويوفقنا للخير دائما
يارب ارزق مصر الخير كله وارزقنا الحاكم الصالح