هو لازم ناخد على دماغنا عشان نمشي صح!!!

[yoko]

الصورة دي أخدتها من ٤ أيام على الدائري وهسيبلكم التعليق الي تشوفوه مناسب


أنا تعليقي إن الناس دي لازم المرور يلمهم ويخالفهم في أقرب وقت والي بيعمله يعرض حياة الناس للخطر زي ده لو قعد يوم واحد في الحجز (زي ما بيحصل في الدول المتقدمة) مش هيكررها تاني

[ghazy12]

هو سارق كرسي و رابطه في العربيه عادي كده..!!! ولا ده ايه؟؟؟

يعني عدى على مكان بيتسرق مثلاً, فخدله كرسي من الحفله و مشي..!! :))

والله يا احمد هو لازم فعلاً يتم التعامل مع النوعيات دي بشكل صارم
بس السؤال الأهم... هو مين اللي هيتعامل معاهم او يحبسهم يوم ولا اتنين
و مافيش شرطه و لا ضباط اساااااااااسااااااا, و بيخافوا من خيالهم دلوقتي؟؟؟

لنــــا الله...

[abogogo]

واضح انها عربية نقل عفش وتقريبا غالبية العربيات لما العفش بيكون اكبر من الصندوق الخلفي بيعملوا كده خصوصا لما بيكون باقي في النقلة حاجة بسيطه كرسي او كنبة ..... الخ يعني مايكونش محتاج نقلة اخرى عشان خاطر القطعة دي .... وتقريبا كل عربيات نقل الموبيليا او العفش بيعملوا الحركة دي من زمان وانا ياما شفت نفس المنظر ده كتير وعلى فكرة بيكون رابطة ربطة شديده

[yoko]

ما أنا بتكلم في كده وده مش كرسي واحد ده كرسي وطربيزة!!!
وجوه كان مليان على أخرة!!! حاجة تحرق الدم

[ghazy12]

ههههههههههه... تصدق فعلاً كرسي و طرابيزه..!!!!!

طيب لييييه كده؟؟؟؟ ده ممكن مع فاصل محترم من فواصل الدائري
الكرسي ولا الطرابيزه تقع قصاد عربيه وراه و تحصل مصيبه...!!!!

للأسف انعدام تام للمسؤوليه, و الفوضى اللي احنا فيها تعمل اكتر من كده

و لو ده بيحصل فعلاً من زمان, و ده العادي... تبقى المصيبه أكبــر..!!

[yoko]

واضح انها عربية نقل عفش وتقريبا غالبية العربيات لما العفش بيكون اكبر من الصندوق الخلفي بيعملوا كده خصوصا لما بيكون باقي في النقلة حاجة بسيطه كرسي او كنبة ..... الخ يعني مايكونش محتاج نقلة اخرى عشان خاطر القطعة دي .... وتقريبا كل عربيات نقل الموبيليا او العفش بيعملوا الحركة دي من زمان وانا ياما شفت نفس المنظر ده كتير وعلى فكرة بيكون رابطة ربطة شديده

ماشي كان ممكن يتنقل بأي طريقة تانيه لكن مش كده ومش بدام كنا بنعمل غلط زمان يبقى عادي ولا إيه رأيك
ومهما كانت ربطه شديدة ممكن تتفك ولا إيه؟

[Ahmed Anwer]

دي طريقة معروفة في نقل العفش و بتستخدم من زمان في دمياط

علي فكرة في ديماط عندهم مهنة مخصوص أسمها رصاص ،، وظيفته يرص العفش في عربيات الموبيليا

كونها صح و لا غلط سواء قانونيا أو من ناحية قواعد السلامة المرورية في العالم ،، الله أعلم

[aly_hosny]

للاسف اه في 90% من الحالات

[sharpvision]

دي طريقة معروفة في نقل العفش و بتستخدم من زمان في دمياط

علي فكرة في ديماط عندهم مهنة مخصوص أسمها رصاص ،، وظيفته يرص العفش في عربيات الموبيليا

اه الراجل ده عندنا فى الصعيد اسمه السلاب اللى هو عنده مهاره فى ترصيص الحاجه وكمان تسليبها يعنى يربطها بالسلبه او الحبل التخين وبردو منتشره الحركه دى عندنا

[kar!m]

طب انت لو مكانه و بتنقل عفش من دمياط للقاهرة و فاضل لك كرسى .. هتسيبه و تنقلة لوحده ولا تربطة كده؟

أنا عارف رد أى حد مثقف و عارف عوامل الامان هيقول لأ .. بس انت عارف ان احنا شعب فهلوى و اخر حاجه بنهتم بيها صحتنا و حياتنا.

من كام يوم على الصحراوى بين الزقازيق و القاهرة .. كان فى عربية محمله خشب اللى هو قواعد صناديق .. و مش مربوط كويس .. و طار و كسر ازاز ميكروباص وراه .. و كبود عربيتين.

[KoDaK_Gti]

ما أنا بتكلم في كده وده مش كرسي واحد ده كرسي وطربيزة!!!
وجوه كان مليان على أخرة!!! حاجة تحرق الدم

هههههههههه بكرة تتجوز وتدور على عربية كاررو تنقلك العفش
اللى راصص العربية دى مهنته كده يعنى شغلته انه يرص الموبيليا جوة العربية بسسسسسسس
بيوفرلك عربية تانى من الاخر يعنى بيوفرلك اقل حاجة 500 جنيه ومتقلقش انه يقع لان هما بيخافو على البضاعة اكتر من الزبونر لأن مسئوليته ان الحاجة توصل بدون خدش واحد

وبعدين ده عربيات الزلط والرمل اللى بتجرى على الدائرى ألعن بكتييييييييييير من ده
وعربيات نقل بتحمل عفش هنا من غير ما تتربط

دي طريقة معروفة في نقل العفش و بتستخدم من زمان في دمياط

علي فكرة في ديماط عندهم مهنة مخصوص أسمها رصاص ،، وظيفته يرص العفش في عربيات الموبيليا

كونها صح و لا غلط سواء قانونيا أو من ناحية قواعد السلامة المرورية في العالم ،، الله أعلم

كلام تمام

[yoko]

طب انت لو مكانه و بتنقل عفش من دمياط للقاهرة و فاضل لك كرسى .. هتسيبه و تنقلة لوحده ولا تربطة كده؟

أنا عارف رد أى حد مثقف و عارف عوامل الامان هيقول لأ .. بس انت عارف ان احنا شعب فهلوى و اخر حاجه بنهتم بيها صحتنا و حياتنا.

من كام يوم على الصحراوى بين الزقازيق و القاهرة .. كان فى عربية محمله خشب اللى هو قواعد صناديق .. و مش مربوط كويس .. و طار و كسر ازاز ميكروباص وراه .. و كبود عربيتين.

للأس أنا ضدها جدا
وممكن أشوف حاجات خفيفة تتنقل على المهل

هههههههههه بكرة تتجوز وتدور على عربية كاررو تنقلك العفش
اللى راصص العربية دى مهنته كده يعنى شغلته انه يرص الموبيليا جوة العربية بسسسسسسس
بيوفرلك عربية تانى من الاخر يعنى بيوفرلك اقل حاجة 500 جنيه ومتقلقش انه يقع لان هما بيخافو على البضاعة اكتر من الزبونر لأن مسئوليته ان الحاجة توصل بدون خدش واحد

وبعدين ده عربيات الزلط والرمل اللى بتجرى على الدائرى ألعن بكتييييييييييير من ده
وعربيات نقل بتحمل عفش هنا من غير ما تتربط

كلام تمام

معاك يا كوداك بس مهما كان مش مبرر للي بيحصل
وعلى فكرة كنت بنقل عفش قبل كده بسبب غباء الي بيربط كسرلنا دولاب!!! عشان معملش حساب الشجر الي في الطريق

[abogogo]

طيب شفت دي برضه نفس نوع العربية ونفس النشاط اتبقى ترابيزة ربطها في الخلف مع السلابين

[AshTurbo]

انا داخل الموضوع أسجل أعتراضي عالعنوان وبس ... ممكن كنت تقول سلوكيات خاطئة أو أخطاء مرورية أو فهلوة مصرية وتنتقدها عادي لكن أسلوب أننا ناخد على دماغنا ومبنعرفش نمشي غير بالكرباج والكلام من العينة دي لازم نغيرة ونشيله من دماغنا خالص ولا أيه رأيك ؟!

أتمنى ماتكونش زعلت مني بس النهاردة كنت قاعد مع ناس كبيرة سناً ومقاماً وفيهم واحد مستشار وقال الكلمة دي ما أتحرجتش منه وقلتله حضرتك ياريت ماتقولش شعب مايجيش ألا بال---- لأن أنا وأنت من الشعب دة ... تحياتي ليك يا أستاذ يوكو .

[yoko]

انا داخل الموضوع أسجل أعتراضي عالعنوان وبس ... ممكن كنت تقول سلوكيات خاطئة أو أخطاء مرورية أو فهلوة مصرية وتنتقدها عادي لكن أسلوب أننا ناخد على دماغنا ومبنعرفش نمشي غير بالكرباج والكلام من العينة دي لازم نغيرة ونشيله من دماغنا خالص ولا أيه رأيك ؟!

أتمنى ماتكونش زعلت مني بس النهاردة كنت قاعد مع ناس كبيرة سناً ومقاماً وفيهم واحد مستشار وقال الكلمة دي ما أتحرجتش منه وقلتله حضرتك ياريت ماتقولش شعب مايجيش ألا بال---- لأن أنا وأنت من الشعب دة ... تحياتي ليك يا أستاذ يوكو .

أولا أنا مش مدايق
ثانيا يوكو بس أنا صغير مش كبير
ثالثا الموضوع عنوانة انا حطه في صيغة سؤال مش بقول لازم أنا بسأل الناس دي هل مبينفعش معاهم إنهم يمشوا صح غير لما يكون فيه عقاب؟
حاجة كمان العالم كله لو القانون مطبقش والناس إتعاقبت محدش هيلتزم وده في كل العالم حتى دول العالم الأول لإن الإنسان بطبيعته لازم يشوف إن فيه عقاب عشان يلتزم (حتى في الدين في جنة ونار)
وأسف لو عنوان الموضوع إتفهم غلط