مرة واحد صاحبي!!!

[A7MED_PHARMA]

السلام عليكم


أخوكم أحمد
ليا عدد كبير من المعارف..وعدد محدود جدا من الأصدقاء إلي ممكن أشاركهم أسراري وحياتي وأنا مطمن
النهاردة
واحد من أصحابي المحدودين جداااااا
أنا عمري ماإتاخرت عن واحد من إصحابي في حاجة
عربيتي ماحدش بياخدها مشوار ..غير إتنين او تلاتة بس من أصحابي
عمري ما إتأخرت عن حد منهم في حاجة
عمري ماقصرت لا في فرح ولا في حزن ولا في واجب معاهم هما تحديدااااااا
وياما جاملت ناس علشان خاطرهم
والنهاردة
واحد فيهم طلع أرجل واحد قابلته في عمري كله
والتاني
طلع صاحب مصلحة
ماتتخيلوش أنا قرفان أد إيه منه
والسبب
السبب إني كنت حاطط ميزانية للعربية علشان أعمل فيها شغل..ولما بدأت شغل في العربية
حصلت ظروف في البيت أخدت فلوس من ميزانية العربية .. والشغل بتاعنا نايم الايام دي
فلوس العربية قصرت معايا بعد مابدأنا شغل فيها
صاحبي(سلطان)قاعد من غير شغل بقاله فترة..عرض تايفونه للبيع علشان يسد زنقتي ..وأنا كنت هرجعله فلوسه خلال إسبوعين تحديدا
صاحبي التاني(مش مهم إسمه)قال هيشتري التليفون
إشتراه وسلطان إداني 1500 من تمن التليفون..صاحبي التاني رجع التليفون بعدها بيومين وقال لسلطان مش عاوزه وعاوز الفلوس
طبعا الفلوس كانت إتصرفت
سلطان قاله طيب إستنى 10 أيام لحد ماأحمد يجيبلي الفلوس
قاله لا مليش دعوة ..انا عاوز فلوسي دلوقتي ..ومعلش أصلي عاوز أركب سماعات وكاسيت
سلطان قاله:طيب يستنوا 10 أيام لحد ماأحمد يجيبلي الفلوس
قاله:لاا ..معلش ياسلطان أنا عاوز فلوسي بكره ضروري
ورجعله الموبايل
سلطان راح عرض موبايله في محل في الزقازيق..وطبعا المحلات بتخسف بتمن الموبايلات الارض علشان تكسب فيه
سلطان مارضاش يبيعه بالخسارة علشان خاطري((علشان كان المفروض إني هاخد من سلطان تمن الموبايل.وأجيبله واحد تاني بعد إسبوعين))
يعني لو سلطان كان باعه بالخسارة..مش هتفرق معاه طالما إن أنا إلي هجيبله واحد تاني
سلطان كلم صاحبنا..وقاله كده انا لو بعت الموبايل النهاردة هبيعه بخسارة.وكده أحمد لما ييجي يشتريلي واحد تاني هيدفع عليه فرق كبير
صاحبنا قال::مليش فيه.أنا عاوز فلوسي بكره ياسلطان

.
.
.
.
أدي سلطان إلي قاعد من غير شغل ومامعهوش في جيبه 5 جنيه على بعضها عمل معايا إيه
وأدي صاحبنا التاني

أنا والله دلوقتي بحترم بتوع التكاتك إلي بيكتبوا على التوكتوك((مفيش صاحب يتصاحب))
هههههههههههههه

[tito_1980]

و الله معاك حق , يا ما حصلت حاجات من دي كتير من ناس يفترض انهم رجاله , ده في حريم اجدع من الرجاله .

[A7MED_PHARMA]

و الله معاك حق , يا ما حصلت حاجات من دي كتير من ناس يفترض انهم رجاله , ده في حريم اجدع من الرجاله .

والله يابوحميد فيه حاجات بتحصل..ماأتخيلش إنها ممكن تحصل من فلان و علان ده تحديدا
وبالذات من واحد إنت تكون خدمته بدل المرة ألف ((علشان صاحبك وبتحبه))
لكن فيه ناس فاكره إن الصحوبية هيا الخروجة بتاعت يوم الخميس أو حاجات من دي

[mr_vampire]

فعلا سلطان وطلع سلطان

شوف كدة صاحبك التاني اسمه ايه يمكن يكون اسم علي مسمي وانتا يافارما مكنتش واخد بالك ان الاسماء ساعات بتدل علي صفات اصحابها وساعتها يبقي العيب فيك انتا ويبقي الراجل عداه العيب وازح.

معلش ياما هتشوف. دنا يامااااااااااااااااااااا شوفت من اصحاب واصدقاء ومعارف. وكل واحد اشوف اسمه اقول انا ازااااااااااااااااااااااي ماخدتش بالي ده انتا جايلي باسمك وكأنك حاطط تحتيك خطين عشان تبقي مميز.

[omar-saad]

عادى جدا
اعرف صاحبك وعلم عليه

[هيثم المنياوى]

معلش يا ابو حميد متزعلش نفسك
وأذكرك بقول النبى "التمس لأخيك عذراً فإن لم تجد فألتمس له بضع وسبعون عذرا" صدق رسول الله صلى الله عليه وسلم
وان وجدت من صديقك خلقاً لاترضاه فتذكر أيام مضت فلابد أنك قد وجدت ماترضاه

[kono]

معلش يا ابو حميد متزعلش نفسك
وأذكرك بقول النبى "التمس لأخيك عذراً فإن لم تجد فألتمس له بضع وسبعون عذرا" صدق رسول الله صلى الله عليه وسلم
وان وجدت من صديقك خلقاً لاترضاه فتذكر أيام مضت فلابد أنك قد وجدت ماترضاه

[tamatemo]

مش كل اللي مكتوب فيه بطاقته ذكر يطلع راجل

وعلي رايك وراي بتوع التكاتك

مش اي صاحب يتصاحب

[الغزالى]

طبعا اكيد واحد صاحبك زى سلطان دة بيكون صاحب ميتقلش بالدهب ,,, وبجد وفى اوى ليك يااحمد ربنا يخليكوا لبعض ,, بس هوا مفيش خلاف بين صاحبك الى اشترى الموبيل وسلطان

[A7MED_PHARMA]

فعلا سلطان وطلع سلطان

شوف كدة صاحبك التاني اسمه ايه يمكن يكون اسم علي مسمي وانتا يافارما مكنتش واخد بالك ان الاسماء ساعات بتدل علي صفات اصحابها وساعتها يبقي العيب فيك انتا ويبقي الراجل عداه العيب وازح.

معلش ياما هتشوف. دنا يامااااااااااااااااااااا شوفت من اصحاب واصدقاء ومعارف. وكل واحد اشوف اسمه اقول انا ازااااااااااااااااااااااي ماخدتش بالي ده انتا جايلي باسمك وكأنك حاطط تحتيك خطين عشان تبقي مميز.

هههههههههههههههههههه
حلوة حكاية الأسامي دي
بس خد بالك إنت إسمك فامبير عاووووووووووووووو

عادى جدا
اعرف صاحبك وعلم عليه

عارفها
بس ساعات مابتكونش مستنيها من ناس بالذات

معلش يا ابو حميد متزعلش نفسك
وأذكرك بقول النبى "التمس لأخيك عذراً فإن لم تجد فألتمس له بضع وسبعون عذرا" صدق رسول الله صلى الله عليه وسلم
وان وجدت من صديقك خلقاً لاترضاه فتذكر أيام مضت فلابد أنك قد وجدت ماترضاه

أي عذر؟
يعني يعمل معايا كده.وأساسا طالما عارف إني مزنوق..كان ع الاقل يعزم بفلوس
ده حتى ماعملهاش
وكان عارف إن سلطان بيبع موبايله علشاني..وهوا معاه فلوس
كان عامل جمعية بــ 3000 علشان يجيب لاب توب..ولما قولناله مانت عامل جمعية.إستنى ع الاب 10 أيام..قال ماينفعش
عموما
على رأي رامز جلال..سيبه يروح لصاحب نصيبه

مش كل اللي مكتوب فيه بطاقته ذكر يطلع راجل

وعلي رايك وراي بتوع التكاتك

مش اي صاحب يتصاحب

أساسي

طبعا اكيد واحد صاحبك زى سلطان دة بيكون صاحب ميتقلش بالدهب ,,, وبجد وفى اوى ليك يااحمد ربنا يخليكوا لبعض ,, بس هوا مفيش خلاف بين صاحبك الى اشترى الموبيل وسلطان

من غير خصومة والله يابوحميد
ده المفروض إننا كل إسبوع بنخرج ..وكنا كويسين جدااا..على الأقل كويسين طول مانا مش مزنوق
ولله الأمر

[cheetos_892005]

انا لو من سلطان بقا ......

نداله بنداله .... ولا اعرفك و انا بعت التليفون خلاص .....

فعلا الاصحاب مواقف مش خروجات

[احمد المصرى]

المفروض تفرح مش تزعل علشان انت عرفت صحابك على الحقيقه عرفت الكويس والوحش


وعلى راى المثل اعرف صاحبك وعلم عليه

[zago]

رب اخ لم تلده امك

[mido777]

كلمة صاحب دية مش سهلة ابدا .........
وعلى فكرة المنتدى هنا فيه اصحاب كتييير زى سلطان
ربنا يديم المعروف بينكم

[nicegypt]

خلاص يا احمد بقى كفاية فضايح الناس كدة عرفت انى صحبك التانى ههههههههههه
احيانا بعمل حركات ندالة مع حبايبى لكن مش بالطريقة دى وبعيدة عن الفلوس .. الفلوس بتعمل مشاكل ما بين الاخوات فما بالك بالاصدقاء ؟
انا لو منك كنت بعت كام دوا جدول .. اموت انا ف الجداول وحساب المثلثات ههههههه مالة دواء الجدول ؟ مهو دوا زى اي دوا كميائي
طيب بلاش نبعد عن ادوية الجدول ومشاكلها .. كنت اخدت لى ركن ف الصيدلية او اخدت المخزن اللى جوة الاوضة الصغيرة دى اللى عملها محزن وقلبتها بلاي استيشن بقى وفيديو جيمز والحياة حلوة .. منة علاج نفسى وعلاج ادامي .. غير ان الاوضة اساسا بتستخدم ف الحقن باردو جمب
التلاجة امو رجلين بس اللى عندك دى .. اول مرة اشوف تلاجة برجلين .. ما علينا مهي فيها ادوية .. صحيح متنساش تشيل الجبنة اللى عفـنـت
من التلاجة كدة تأثر ع الادوية :) .. حد يخبينى يا جماعة ف شنطة عربيتة حتى هههههه