إعـــــــلان

Collapse

.

,
See more
See less

عمر طاهر والثورة المضادة في مباراة الزمالك

Collapse
X
 
  • Filter
  • الوقت
  • Show
Clear All
new posts

  • عمر طاهر والثورة المضادة في مباراة الزمالك

    زملكاوى مضاد


    4/4/2011 3:25:00 PM
    بقلم: عمر طاهر
    تفننت البرامج الرياضية (التى طلبت من الدكتور شرف منذ أسبوع أن يرحمنا منها والحمد لله أنه أجّل الدورى) فى التأكيد على أن ما حدث فى استاد القاهرة ثورة مضادة، وده مش جمهور الزمالك ودول مش المصريين، لأ معلش.. إحنا المصريين لم نتخلص من الغوغائيين، وجمهور الزمالك عظيم لكن مش كلهم ملايكة (أنا زملكاوى بالمناسبة، الأمر الذى يؤكد جزئية إن مش كلهم ملايكة) وسبق لجمهور الزمالك فى عز أزهى عصور الاستقرار أن اقتحمت مجموعة منه مقر النادى الأهلى وحطموا وكسروا وأثاروا الذعر، وفى أزهى عصور الديمقراطية، وفى ماتش كرة سلة بين الأهلى والاتحاد نزل جمهور الأهلى إلى أرض الملعب وسحلوا لاعبى الاتحاد وخربوا الدنيا.
    أحدثك عن وقائع عمرها أشهر قليلة، لو حدثت اليوم، لأكل العقيد عمر عفيفى عليها عيش للصبح، أصبح البعض يؤمن بأن من شروط الإيمان بثورة يناير الإيمان بوجود الثورة المضادة.. كل الاحترام لمن يرى ذلك، لكننى أرى أن «حجة البليد مسح التختة»، وأرى أن تحميل الأخطاء التى تحصل من حولنا على الثورة المضادة هو تسمية للأشياء بغير أسمائها.. ما مبرر أن أقول إن ما يحدث هو ثورة مضادة، بينما هو فى حقيقة الأمر فوضى وانفلات أمنى وقلة شفافية وسوء تخطيط؟ «دون ذكر أسماء.. وكل واحد عارف هو عمل إيه».
    بعد ماتش الذهاب ظهر تصريح لإبراهيم حسن يدعو فيه جمهور الزمالك إلى أن يرد على حركة نزول مشجعين تونسيين لأرض الملعب (فين المسؤول اللى يعاقبه على تصريح من هذا النوع؟!)، منذ أيام تنتشر على الـ«فيس بوك» صور لمعرض الشماريخ التى ينوى جمهور الزمالك استخدامها فى المباراة، مصحوبة بتعليق من نوعية: «هنخليه استاد الجحيم» (هيه الجهات المسؤولة بتدخل على الـ«فيس بوك» علشان تحط بيانات بس؟).. مدير الاستاد يقول دخل الاستاد فى العاشرة صباحا مجموعة مسلحة ولم نستطع أن نتعامل معها (طب مابلغتش الجيش ليه حضرتك؟)، أنا شخصيا ذهبت إلى الاستاد ومن أول البوابة حتى وصلت إلى مقعدى لم يسألنى أحد عن تذكرة أو كارنيه أو حتى إنت رايح فين.. فى المقابل الداخلية واقفة فى الاستاد تتفرج.
    الناس التى نزلت إلى الملعب ليست مندسة، بل جاهلة ولو كانت مندسة كان أولى بها أن تطعن أى شخص بالسلاح الذى تحمله حتى تصبح الفوضى مرعبة، منهم من كان يحلم بأن تطأ قدمه أرضية استاد القاهرة وقد جاءته الفرصة، وهو متأكد أنه لا أحد قادر على إيقافه.. ناس على درجة من السذاجة أن يقفوا ليلتقطوا صورا لأنفسهم بالموبايل وهم بيترموا فى المرمى على الفاضى زى عبدالواحد السيد (ربنا يسامحه)..
    منهم من طارد حازم إمام ليأخذ منه فانلته ومنهم من كان يحلم بأن يلمس شيكابالا بأصبعه ليتأكد أنه بنى آدم عادى زيّنا.. لا تقل إن شخصا ترك الباب الأصفر مفتوحا للمندسين، فلن أصدقك لأننى رأيت المئات يقفزون من فوق الأسوار، من كل جنبات الملعب، لكن قل لى إن الأجواء العامة كانت حماسية جدا لدرجة أبهجت العقلاء وأثارت جنون المغفلين.
    لدينا وقائع واضحة، فلماذا لا أحمل كل شخص حقيقى موجود ملموس مسؤوليته بدلا من إلقائها على أشباح؟
    هذا بالنسبة للشغب، أما بالنسبة لمستوى الزمالك وعبقرية الخطة والتشكيل فأنا أحب أن أقول لهم بالنيابة عن الجمهور: «حرام عليكم ارحمونا.. لقد هرمنا.. هرمنا».







    ط²ظ…ظ„ظƒط§ظˆظ‰
    [SIGPIC][/SIGPIC]

  • #2
    YouTube - ‫ط§ظˆظ„ ظ„ظ‚ط§ط، ظ…ط¹ ط§ظ„ط±ط§ط¬ظ„ ط§ط¨ظˆ ط¬ظ„ط§ط¨ظٹط© ظپظٹ ظ…ط§طھط´ ط§ظ„ط²ظ…ط§ظ„ظƒ - MediaKora.Com‬‎
    الناس سابت المشكلة كلها ومسكت فى الراجل ده

    وكلام عمر طاهر مظبوط بنسبة كبيرة ...احنا دايما بنحب نعمل بعبع ونرمى كل المشاكل عليه
    [SIZE="3"]نحن قوم اعزنا الله بالاسلام فاذا ابتغينا العزة بغيره اذلنا الله[/SIZE]

    Comment


    • #3
      هوا مش حافظ قران؟؟...خلاص يبقى سلفي

      يبقى ثورة مضادة
      [CENTER]م.أحمد[/CENTER]

      Comment


      • #4
        كلام عمر طاهر صحيح 100 %

        إحنا المصريين لم نتخلص من الغوغائيين، وجمهور الزمالك عظيم لكن مش كلهم ملايكة
        [I][B][SIZE="5"]فرق كبير جدا بين انك تكون شعب متحضر
        أو تكون شعب [COLOR="Navy"]"مدعي حضارة"[/COLOR][/SIZE][/B][/I]

        Comment


        • #5
          رسميا .. استئناف الدوري الممتاز 13 أبريل بحضور الجمهور

          أعلن اتحاد الكرة المصري استئناف الدوري الممتاز بحسب الموعد المتفق عليه مسبقا في الـ13 من أبريل الجاري.

          وقال سمير زاهر رئيس اتحاد الرة لـFilGoal.com "اجتمعنا مع حسن صقر رئيس المجلس القومي للرياضة وعصام شرف رئيس الوزراء وحصلنا موافقة كافة الجهات الأمنية لاستئناف المسابقة".

          وكان رئيس الوزراء قد طالب بإلغاء المسابقة بعد أحداث الشغب في مباراة الزمالك والإفريقي التونسي، ولكن وزارة الداخلية قدمت الضمانات الكافية لاستئناف الدوري بحسب زاهر.

          وأكد رئيس الاتحاد المصري أن الدوري سيستمر بدون إجراءات استثنائية وبحضور الجماهير للمباريات بصورة طبيعية، وكلنه أشار إلى أن تحديد إلغاء الهبوط للقسم الثاني من عدمه سيتم مناقشته مع الأندية خلال الأيام المقبلة.
          تفتكروا مين بيشجع الثورة المضادة: عصام شرف والا العيسوي؟؟
          [CENTER]م.أحمد[/CENTER]

          Comment


          • #6
            المشاركة الأصلية كتبت بواسطة dojuar مشاهدة المشاركة
            رسميا .. استئناف الدوري الممتاز 13 أبريل بحضور الجمهور



            تفتكروا مين بيشجع الثورة المضادة: عصام شرف والا العيسوي؟؟

            كدة بيهرجوا
            بلا دوري بلا نيلة
            الناس الكبار شوية في السن يفتكروا ان سنة 90 لما صعدنا كاس العالم الديكتاكورة الجوهري الغي الدوري وقتها
            يعني الظروف اللى احنا فيها دلوقت لا تستدعي الغاء الدوري ؟
            [SIGPIC][/SIGPIC]

            Comment


            • #7
              المشاركة الأصلية كتبت بواسطة dr-mohamed مشاهدة المشاركة
              كدة بيهرجوا
              بلا دوري بلا نيلة
              الناس الكبار شوية في السن يفتكروا ان سنة 90 لما صعدنا كاس العالم الديكتاكورة الجوهري الغي الدوري وقتها
              يعني الظروف اللى احنا فيها دلوقت لا تستدعي الغاء الدوري ؟

              انا وجهة نظري يا دكتور أن كده صح

              1- عشان ميبقاش اقرار انها ثورة مضادة (وكلنا عارفين انها مش كده)
              2- عشان متديش ايحاء للناس ان قطاع حيوي (بلاش مهم) تم ايقافه...و بالتالي الناس يبتدي الخوف يتراكم جواها
              3- ناس كتيرة حالها هيوقف...قنوات و برامج و لاعيبة....الخ....وبعد كده يطلعولك في مظاهرات و الحالة مش ناقصة
              4- من يومين اتخطفت بنت عفت السادات و الحمد لله المدارس مقفلوهاش...تخيل لو الرياضو و الدراسة و بعد كده الله أعلم اتوقف...الحال هيبقى عامل ازاي
              [CENTER]م.أحمد[/CENTER]

              Comment


              • #8
                فيه حاجات غلط و مش مفهومه

                انا زهقت من الاخبار و من الكتاب و المقالات

                كله بيكتب و مافيش اى حاجه مؤكده و لا مفهومه اصلا
                مصر هتفضل غالية عليا
                -------------------------------
                الديك الحلبي هايفضل يدن لغاية ما يتدبح

                Comment

                Working...
                X