حد عنده فكره عن منظار الرحلات ؟؟؟

[ahmedfathi]

انا الحمد لله من هواة الرحلات وفكرت انى اشترى منظار رحلات عشان الواحد يعرف يشوف بيه جمال الطبيعه عن قرب (جبال - مراكب فى البحر - دلافين ) وغيره وغيره

حد عنده معلومات عن أنواعهم و أسعارهم وايه اللى يفرق واحد عن التانى وأحسن مكان الواحد يشتريه منه ؟

[MOUSTAFA_SAAD]

متهيالى تلاقيهم فى محلات ادوات الصيد

[ahmedsamir79]

عند أدوات الصيد و ممكن محلات بيع معدات التصوير ذي الشناوي

[ahmedfathi]

بس اعتقد فيه فرق بين منظار الصيد ومنظار الرحلات ولا ايه؟

[ahmedfathi]

ايه يا جماعه محدش عندو فكره خالص عن الموضوع؟؟

[naser_56]

طيب وضح ايه المعلومات الي عاوز تعرفها ؟؟؟؟ عموما منظار الرحلات هو نفسه منظار الصيد ما فيش اي فرق الا لو كنت تقصد منظار الصيد الي بيتركب علي البنادق ؟؟؟ ثانيا دور علي صناعه عاليه ويفضل الماني او علي الاقل صيني ولكن زات جوده وهتلاحظ ده في جوده الرؤيه وكمان هو بيكون بارد علي العين بمعني لو بتتفرج بيه علي حاجه هتلاحظ وهج في العين بخلاف النوعيات الجيده مش هتلاحظ اي تأثير علي العين !!! ثالثا موضوع المقاسات بيكون كالتالي 20x 8 وده معناه الزوم بتاعه 8 يعني اعلي زوم ليه يكبر لغايه 8 اضعاف اما 20 ودي معناها العدسه الاماميه قطرها 20 ملم وكل ما ذاد قطر العدسات الاماميه كلما زاد وضوح الرؤيه وكلما كان افضل ونصيحه ابدا من قياسات 26x10 واعلي بالنسبه للاسعار معنديش فكره عنها في مصر بالنسبه للكويت اشتريت ال 20x8 بسعر 800 جنيه وهو نوعه steiner