ايه البلطجه دي

[mohamed_e36]

النهارده كنت مع واحد صاحبي عند شارع عبد العزيز وجينا نركن فركنا الاول عند المطافي وجنب الرصيف تقريبا لمده نص ساعه ورجعنا فلقينا العساكر عمالين يحطو في مخالفات للناس اللي راكنه قلنا خلاص نشيل العربيه ونمشي من هنا وواحنا مشين هب راح طالعلنا واحد من تحت الارض الركنه هنا بفلوس طبعا صاحبي راح منفضلو ولسه هيمشي راح الواد مادد ايده في العربيه ومسك صاحبي من التيشرت فصاحبي راح دايس بنزين وراح فالت ايد الواد من العربيه واحنا سامعين الشتيمه (اصل انتو ولاد....................*..)
ومشينا وقولنا كفانا الله شر القتال
جينا نركن تاني في شارع عبد العزيز نفسه تحديدا عند الحته اللي قدام عمر افندي وركنا العربيه جنب الرصيف
وصاحبي راح سايبلي العربيه وراح علشان يشتري حاجه المهم قاعد في العربيه وفجأه لقيت واحد عمال بيخبط على الكبوت وبيقولي الركنه هنا بخمسه جنيه نفضتلو ولا عبرتو راح مرزع تاني فبقولو مش دافع حاجه هوه الشارع ده بتاع سيادتك راح جاي وفاتح الباب وبيشدني وعايز يتخانق معايا المهم رحت زقو وقافل الباب عليا
ووالله واقسم بالله قاعد في العربيه وبتفرج لقيت واحد راكن على الصف التاني الواد راح ريحلوه و فاتح عليه مطوه لانو مرضيش يدفعلو لولا الناس راحت داخله وفضت الخناقه كان الواد خدلو بشله في وشه ولا حاجه المهم صاحبي جه ورحنا مدورين العربيه وربنا يسرلنا طريقنا و رحنا طايرين وده بقا هيتجنن انو مخدش مننا حاجه
انا بس مدايق لان الناس دي متسابه كده في الشوارع وبيبلطجو على خلق الله و عايشين اتاوه
وبعدين انا كان المفروض اعمل ايه مع الناس دي يعني ايه رد الفعل الصح وهل اللي احنا عملناه صح ولا غلط
وكان المفروض ندفع عشان منتعورش

برجاء عدم تكرار مثل هذا التلميح حتي لا يتم ايقفاك
مشرف عام 4

[Raul_7]

دول حلهم اليكتريك وتجيبوا الأرض وتمشي.

[yassin_samir]

كل واحد المفروض يبقى معاه سلاحة علشلن الاشكال دى متجيش الا بكدة ربنا معانا

[mohamed_e36]

دول حلهم اليكتريك وتجيبوا الأرض وتمشي.

شكلها هترسا على كده والواحد فعلا لازم يجيب الكترك عشان الاشكال ال............ دي

[mohamed_e36]

كل واحد المفروض يبقى معاه سلاحة علشلن الاشكال دى متجيش الا بكدة ربنا معانا

يارب ياخدهم

[mohamed_e36]

انا اسف اذا كنت ذكرت تلميح زي ده بس حكيت الموقف زي ماحصل معايا وهوه ده اللي كان في نيتي

[mr_vampire]

-كنت تتصل بالنجدة او بنمر الجيش المخصصة للبلاغات وييجو للمكان اللي فيه الواقعة ده ويقفشوه ويتحاكم عسكريا ويلبس 10 ولا 15 سنة سجن عسكري بتهمة ترويع المواطنين الامنين وحيازة سلاح بدون ترخيص واحتمال يكون مسجل خطر وهربان كمان ( وده اكيد ).

-ياريت ياشباب اللي يشوف حالات مشابهة ميترددش فالاتصال بالنجدة او نمر الجيش اللي مخصصة للبلاغات. متهيالي هيبقي سبب كبير عشان نخلص من المناظر ده.

[shaddadfalcon1]

قبل كده كنت داخل من عند محمد نجيب في الأسكندريه ودخلت علي مترو عشان اسحب فلوس ويادوب هقف ثواني لقيت واحد نطلي من تحت الأرض ومسح القزاز ويومك فل ياباشا اديته جنيه وسحبت فلوس وطالع لقيته راجعلي تاني وبيقولي نهارك فل ياباشا قلتله هي سيره انا مش اديتك قالي ده جنيه ياباشا يعني مش حاجه ده ميجيش سندوتش فول وطبعا نفضتله وكان المفروض منه

انا نفسي اشيل مساعد عربيه قديم في الشنطه عشان لو لقيت واحد بلطجي زي اللي طلع لحضرتك ده يبقي واحده علي رجله واحده علي صدره هتروقه وفي نفس الوقت مش هيعتبر سلاح زي الشومه او الاليكتريك يعني محدش يقدري يمسك عليا حاجه

[tito_1980]

هو لو الواحد مشي بمسدس صوت مثلا ايه اللي هيحصله لو اتعرف ان معاه مسدس ؟

[LanCeLoT]

هو لو الواحد مشي بمسدس صوت مثلا ايه اللي هيحصله لو اتعرف ان معاه مسدس ؟

واللي شايل اليكتريك ممكن يلبس تهمه و لا ايه النظام ؟؟؟

[otefa]

الألكتريك ده زي قلته ماتضيعوش فلوسكم في الهوا

[Ralliart]

مش عارف الناس دي حلها ايه كل ما اركن في حتة اتخانق مع واحد والله حاجة تقرف

[WalidAdel]

موضوع الخمسه جنيه دا اللي في شارع عبد العزيز دا من قبل الثوره علي فكره
المشكله انك لو اتخانقت معاه او ضربته او طلعت اليكترك او مسدس صوت او حتي مسدس ميه هنلاقي خمسين واحد بيضرب لانهم بيساندوا بعض في المناظق اللي زي دي مالهمش دعوه بقي مين اللي غلطان مالهمش دعوه هو عمل ايه معاك هو يعمل اللي يعمله معاك الغلط بقي انك لو رديت
الايام دي بجد بجد بجد والله ياجماعه ياريت بلاش احتكاك بالناس دي خاااالص وانا كده من زمان هين قرشك ولا تهين نفس مع الاشكال دي لانهم لا عندهم ذمه ولا ضمير ولا اخلاق ولا اي مبدأ في الحياه سوي الدراع و خلاص

[shaddadfalcon1]

ماهي المشكله في كده انك بتساعد واحد زي ده انه يبلطج وميشتغلش

يشتغل ليه طالما وهو واقف والعربيات بتيجي لحد عنده وياخد من كل عربيه 5 جنيه
يعني لو 10 عربيات بس ادي 50 جنيه ومعملش اي شيء يبقي هيشتغل ليه ولا يوجع دماغه ليه؟

لو سايس جابلي مكان وانا مش لاقي مكان او مسحلي عربيتي حتي من غير مااقوله او خلي باله من العربيه ماشي لكن اللي ييجي بعد ماتركن وتنزل من عربيتك وهو شايفك واول ماتفكر تنزل تلاقيه نط من تحت الأرض ويقولك نهارك فل هو ده اللي بيبلطج

[mohamed_e36]

-كنت تتصل بالنجدة او بنمر الجيش المخصصة للبلاغات وييجو للمكان اللي فيه الواقعة ده ويقفشوه ويتحاكم عسكريا ويلبس 10 ولا 15 سنة سجن عسكري بتهمة ترويع المواطنين الامنين وحيازة سلاح بدون ترخيص واحتمال يكون مسجل خطر وهربان كمان ( وده اكيد ).

-ياريت ياشباب اللي يشوف حالات مشابهة ميترددش فالاتصال بالنجدة او نمر الجيش اللي مخصصة للبلاغات. متهيالي هيبقي سبب كبير عشان نخلص من المناظر ده.

والله ساعتها كان نفسي اعمل كده بس للاسف ولا كنت مسجل نمره جيش ولا غيره
وانا فعلا هدور على نمره الجيش واسجلها و اقسم بالله مش هتردد لحظه اني ابلغ عنهم

قبل كده كنت داخل من عند محمد نجيب في الأسكندريه ودخلت علي مترو عشان اسحب فلوس ويادوب هقف ثواني لقيت واحد نطلي من تحت الأرض ومسح القزاز ويومك فل ياباشا اديته جنيه وسحبت فلوس وطالع لقيته راجعلي تاني وبيقولي نهارك فل ياباشا قلتله هي سيره انا مش اديتك قالي ده جنيه ياباشا يعني مش حاجه ده ميجيش سندوتش فول وطبعا نفضتله وكان المفروض منه

انا نفسي اشيل مساعد عربيه قديم في الشنطه عشان لو لقيت واحد بلطجي زي اللي طلع لحضرتك ده يبقي واحده علي رجله واحده علي صدره هتروقه وفي نفس الوقت مش هيعتبر سلاح زي الشومه او الاليكتريك يعني محدش يقدري يمسك عليا حاجه

ههههه اه والله الواحد عايز يأعد معاه واحد في العربيه عشان يحميه ويتعامل

هو لو الواحد مشي بمسدس صوت مثلا ايه اللي هيحصله لو اتعرف ان معاه مسدس ؟

واللي شايل اليكتريك ممكن يلبس تهمه و لا ايه النظام ؟؟؟

اللي اعرفه ان لو الجيش مسكك بسلاح بيوجهلك تهمه لاكن دول بيتصنفو ايه الله اعلم