قصة كل يوم

[A7MED_PHARMA]

السلام عليكم


قصة كل يوم
لكن النهاردة كانت أوفر شويتين
النهاردة(حسب ماعرفت)فرح واحد شمام كبير في المنطقة عندنا
ولما الزفة عدت قدام الصيدلية .. شوفت كمية تكاتك وموتوسيكلات وميكروباصات كتيررر
قولت بسسسس..اليوم ده من الأيام السودا في شغلي
وزي ماحصل قبل كده..حصل النهاردة
بفاصل زمني ربع ساعة ..يدخل عليا واحد شمام من النوعية إلي إنتوا عارفينها
واحد يسند بكوعه ع البترينة .. ويتكلم بإسلوب الواد الجامد إلي ماحصلش""هاتلي حبيتين طمول""
إبتسامة صفرا على وشي و...مفيش والله ياحبيبي
واحد تاني يدخل بيسحب رجليه ع الارض مش قادر يمشي "" حبيتين الترادول ياكابتن""
نفس الابتسامة الصفرا " مفيش والله ياحبيبي""
واحد تالت يدخل ويثبتلي إن حلقة (الكابوريا)لسه موضة و "" شريط باركينول ياسطى""
نفس الابتسامة الصفرا على وشي و "" مفيش والله ياحبيبي
و

..

.و


..


و


لدرجة الملل
كل فرح شعبي عندنا ..تتلم فيه الأشكال دي
ويبدأو يدوروا على حبوب الزفت والهباب
لدرجة القرف وربنا
شغلانة تقصف العمررررررررررررررر

[mr_vampire]

هههههههههههههههههه انا متخيلك وانتا بتبسم الابتسامة الصفرا . حاجة كدة زي ( ياتري هيصدقني ويمشي ولا هيثبتني ويقلبني ويمشي برده ).

[A7MED_PHARMA]

هههههههههههههههههه انا متخيلك وانتا بتبسم الابتسامة الصفرا . حاجة كدة زي ( ياتري هيصدقني ويمشي ولا هيثبتني ويقلبني ويمشي برده ).

لاااا خالص
هيا الإبتسامة الصفرا إلي بتحاول تبين فيها إنك بارد وررررررررررخم جداااااا ومستفززززز جدا
لكن مش خوف من التقليب ولا كلام من ده..مابخافش أنا -والحمد لله-من حاجة زي كده
الغفر قاعدين على بعد 50 متر من الصيدلية في وش الصيدلية على طووول
وبعدين ياراجل الواحد عدى مرحلة الخوف دي من زمااان

[mr_vampire]

لاااا خالص
هيا الإبتسامة الصفرا إلي بتحاول تبين فيها إنك بارد وررررررررررخم جداااااا ومستفززززز جدا
لكن مش خوف من التقليب ولا كلام من ده..مابخافش أنا -والحمد لله-من حاجة زي كده
الغفر قاعدين على بعد 50 متر من الصيدلية في وش الصيدلية على طووول
وبعدين ياراجل الواحد عدى مرحلة الخوف دي من زمااان

هههههههههههههههههههه عشان كدددددددددددددة فل عليك يادكتور. يعني فعلا مصر بتتغير واحنا كمان بنتغير.

[Deshahcoka]

هههههههههههههههههههه عشان كدددددددددددددة فل عليك يادكتور. يعني فعلا مصر بتتغير واحنا كمان بنتغير.

هههههههههههههههه و انا قلت الموضوع اكيد فيه انه :)

[tito_1980]

بيقولك يا اسطي ؟؟؟؟؟؟ ده رايح فيها خالص , و الله مره كنت بشتري حاجه من الصيدليه و دخل واحد مسطول برضه بيسأل علي سجاير كليوباترا فرط !!!!!!!!!!!! تقوله ايه و النبي ؟ هي فعلا شغاله الصيدليه تقصف العمر و ربنا معاك يا ابو حميد

[هيثم المنياوى]

حبيتين تامول يادكتور لوسمحت....بقول يادكتور مش ياأسطى ههههههههههههههههههه
أه صحيح التامول بال(ت)ولا بال(ط)
ليلتك زى الفل وفعلاً مصر أصبحت دوله شابه مدمنه
نسأل الله تعالى أن يعافيهم ويثبتنا يارب العالمين

[wassim_nasser]

ربنا يديك الصحه ياعم و يتقل قلبك كمان وكمان وضيف لمعلوماتك ان الأكنيتون والميلوستان دخلوا جدول يعنى معاناتنا هاتزيد حبه كمان .. انا فى ايام الافراح والليالي الملاح بافرتك كرتونة راجون عشان الشباب بيشتروا الراجون و يولعوا فيه (fireworks شعبى يعنى)

[kono]

ده الأفراح عندكوا زى عندنا تقريبا
بيبقى فيه عربية بيجو 504 مسقطها من ورا وبيخمس بيها

[masterzmind]

انا عارف الاشكال دى وكمان ميجيش يقولك شريت يقولك عاوز فرداية تمول ........... فرداية دى يعنى حباية عشان تعرف اللغة بردو

[A7MED_PHARMA]

هههههههههههههههههههههههههههه

ده الناس كلها خبرة بقا
ههههههههههههههههههه
برضو ياوسيم موضوع الراجون ده شغال في الأفراح(fireworks) يعني ههههههههه
وواالله ياوسيم ياخويا إنت عارف-زي مانا عارف-إن أصناف كتيرررررررررر جدا المفروض إنها تتدخل جدول
والمصريين خبرة ماشاء الله في الأصناف دي

[medo_2060]

ايه موضوع فردايه دا..هو ينفع حد يشترى حبايه واحده بس

[A7MED_PHARMA]

ايه موضوع فردايه دا..هو ينفع حد يشترى حبايه واحده بس

واضح إنك مش عايش معانا خاالص ياميدو
بخلاف الهباب ده..حاليا المأساة إلي إحنا عايشينها(كصيادلة)
حكاية البيع بالحباية دي
ييجي واحد عنده اللوز..وعاوز حبيتين(عدد إتنين حباية)..للإلتهب اللوز
أو واحد يدخل عاوز برشامة للصداع(عدد واحد برشامة)...وأحيانا ستات تيجي وإبنها سخن مولع ..وعاوز لبوسة للسخونية(عدد واحد لبوسة لاغير).
شوفت القرف إلي إحنا عايشين فيه

[human]

واضح إنك مش عايش معانا خاالص ياميدو
بخلاف الهباب ده..حاليا المأساة إلي إحنا عايشينها(كصيادلة)
حكاية البيع بالحباية دي
ييجي واحد عنده اللوز..وعاوز حبيتين(عدد إتنين حباية)..للإلتهب اللوز
أو واحد يدخل عاوز برشامة للصداع(عدد واحد برشامة)...وأحيانا ستات تيجي وإبنها سخن مولع ..وعاوز لبوسة للسخونية(عدد واحد لبوسة لاغير).
شوفت القرف إلي إحنا عايشين فيه

انت بتتكلم بجد!!!

بتبيع بالحبايه؟؟ طيب لبوس السخونيه ده (الدولفين) ده كله على بعضه الشريط رخيص ببلاش تقريبا 2 او 3 جنيه
و برضه الدوا بتاع اللوز تقريبا ببلاش برضه اللى هو ستريم تقريبا

يتباع بالواحدايه ازاى؟؟

و بعدين ازاى تجيلك بابنها سخن مولع
تروح بيه للدكتور 0- و منزلاه للصيدليه عشان تديله لبوس فى الصيدليه!! ايه الهرتله ديه
و بعدين هو الدوا بيتاخد منه واحده و خلاص؟؟

ايه وجع الدماغ ده

اقولك انا بصراحه لما يبقى دوا غالى عارف انى مش هكمله باخد شريط

بس حكايه الواحدايه ديه اللى تقف بربع جنيه و ممكن الاتنين ببريزه جديده جدا


يا رب زيح الغمه عنا و بارك لنا

يا رب ارزقنا كلنا يا رب العالمين

[A7MED_PHARMA]

انت بتتكلم بجد!!!

بتبيع بالحبايه؟؟ طيب لبوس السخونيه ده (الدولفين) ده كله على بعضه الشريط رخيص ببلاش تقريبا 2 او 3 جنيه
و برضه الدوا بتاع اللوز تقريبا ببلاش برضه اللى هو ستريم تقريبا

يتباع بالواحدايه ازاى؟؟

و بعدين ازاى تجيلك بابنها سخن مولع
تروح بيه للدكتور 0- و منزلاه للصيدليه عشان تديله لبوس فى الصيدليه!! ايه الهرتله ديه
و بعدين هو الدوا بيتاخد منه واحده و خلاص؟؟

ايه وجع الدماغ ده

اقولك انا بصراحه لما يبقى دوا غالى عارف انى مش هكمله باخد شريط

بس حكايه الواحدايه ديه اللى تقف بربع جنيه و ممكن الاتنين ببريزه جديده جدا


يا رب زيح الغمه عنا و بارك لنا

يا رب ارزقنا كلنا يا رب العالمين

ماهي المأساة دي مش جديدة أوي
وكل الصيادلة عارفينها..وماتقدرش تمنعها غير لما الكل يمنعها
أنا بحاول أقلل فيها على أد ماقدر
حاليا من العادي جدا واحد يدخل عاوز
حباية واحدة للإسهال
حباية واحدة للوز
حباية واحدة للصداع
حباية واحدة للقولون
حباية وحدة للمغص
حباية واحدة للأسنان
طيب هضحكك
هنا الناس بتاخد باي الكوفان للصداع(هما إلي بيقولوا عاوزين حباية ألكوفان للصداع)..ده واحد داخل يقولي عاوز حباية لوجع السنان..إديته بالي الكوفان
راح ضاااااااااااااااااااااحك أوي..وقالي ..يادكتور ده بتاع الصداع..مش بتاع السنان...هو أنا إلي هعلمك شغلك برضو يادكتور
ههههههههههههههه

خد من ده كتير
مهنة مقرفة .. ماحدش يعرف بلاويها غير إلي يتنيل يترزع في صيدلية..وطبعا مش هحكي عن الشكك..المنتدى كله عارف مشكلتي مع الشكك