الشرطة إتظبطت على فكره

[mahamedaraby]

بالظيط انا لسه مقابل 2 امناء شرطه قالولى رايح رمسيس قوتلهم ماشى وركبتهم معايا وصلتهم وهما معايا اقعدت اقولهم احنا اخوات ولازم نساعد بعض وكمان لازم نبقى ايد واحد ضدد الناس البلطجيه والمخربين وكان الصراحه رضدت الفعل بتاعهم كويسا لازم كلنا نعمل حاجه علشان نصلح الوضع وننشر المواضيع الايجابيه علشان الصوره تتحسن

[medo_2060]

اخبار جميله بقت نادره الوجود الايام دى هههههههه ...
ربنا يصلح الحال ويكرم كل مخلص فى عمله

[Haitham10]

انا بقول اننا نبادر بالابتسامة واننا نرفع معنوياتهم في تعملاتنا معاهم لكن ميكونش زايد عن الحد عشان مننفخهمش ونرجع زي الاول ننتفخ منهم ............ اما البسكوت والشيكولاته وبعدها خمسه في عشره في عشرين ورجعت ريما لعادتها القديمه .. احنا شعب بطيبتنا بنجذب النهب لينا بحسن نية من غير ما نحس .... ياريت منغلطش تاني وخلي كل واحد يشوف شغله ونكون كلنا علي حق .عشان عرفناه خلاص .. تقبلوا تحياتي وتحية ليكم علي مشاركاتكم

[M.Mostafa80]

انا بقول اننا نبادر بالابتسامة واننا نرفع معنوياتهم في تعملاتنا معاهم لكن ميكونش زايد عن الحد عشان مننفخهمش ونرجع زي الاول ننتفخ منهم ............ اما البسكوت والشيكولاته وبعدها خمسه في عشره في عشرين ورجعت ريما لعادتها القديمه .. احنا شعب بطيبتنا بنجذب النهب لينا بحسن نية من غير ما نحس .... ياريت منغلطش تاني وخلي كل واحد يشوف شغله ونكون كلنا علي حق .عشان عرفناه خلاص .. تقبلوا تحياتي وتحية ليكم علي مشاركاتكم

مؤيد لكلامك

[MohssenRashed]

اشجعه اه و اساعده على عيني و راسي بس اديلو شيكولاتة او ميدالية معلش انا مش هكافأه علي شغله وو ظيفته. ده رأي من غير زعل

[mailo]

طب كويس إن فيهم كده
مع إن أنا مشفتش الكلام ده لحد دلوقتي ولسة بشوفهم زي الأول

وموضوع الفحص ahmed_medo ده معانا هنا راح يفحص والواد كان عايز فلوس ومرضيش يمدله عالورق ولموظفة الشباك لما عقدته فلورق وراح جابلها ملف جديد وعملوا من أول عشان ميدهاش فلوس وفلاخر بتقوله الببس

[ASKAFRAWY]

يارب متكونش فترة وتعدى ونرجع تانى لايام زمان
ياريت فعلا كل واحد يحاول يشجعهم عشان يحسوا انهم فعلا بعد نغيير طباعهم ابتدينا نحس بيهم
لكن العجرفة وقلة الذوق هى البتخلينا نحتقرهم و نشتمهم

[hegazyhany]

من حوالى شهر - لما كان الكورنيش قدام التلفزيون لسه مقفول و كان فيه تحويلات كتيره تحت كوبرى 15 مايو - و الدنيا ملخبطه - شوفت بعينى راجل كبير متلخبط و امين الشرطه عمال يشاورله من بعيد علشان يعدى من مكان معين و الراجل مش شايفه - راح الامين شاتم الراجل و قايله (ايه المخ التخين ده) - ساعتها حزنت و كان نفسى انزل افهم الامين غلطه و ان الراجل مالوش ذنب فى التحويلات اللى انتم عاملينها - و انك لازم تعتبره زى والدك الكبير علشان يعتبرك زى ابنه - بس بصراحه خفت اتشتم انا كمان لان شكله بلطجى مش امين شرطه.