حبس زكريا عزمي ..خبر كل خميس

[م. عمرو شرف]

عذرا على النقل من اليوم الساقع ...




أكد شهود عيان داخل فندق رجل الأعمال حسين سالم، والذى يقع بجوار القصر الذى أقامه لمبارك وأسرته بشرم الشيخ، أن جمال مبارك حضر منذ قليل إلى فندق رجل الأعمال، وسبق ظهوره دخول سيارة سياحية تحمل عدداً من الحقائب السوداء.

وقام رجال أمن الفندق بتفتيش إحدى الحقائب قبل ظهور نجل الرئيس السابق، طبقاً لإجراءات الأمن المتبعة، وتبين أنها ممتلئة بالأموال، وعلى الفور ظهر جمال ومنع رجال الأمن من تفتيش الحقائب، بل ورفض أن يقوم عمال الفندق بحمل الحقائب إلى أعلى، وأمر اثنين من الحرس الخاص له بحملها إلى جناح داخل الفندق.

وأضاف الشهود، أن رجال أمن الفندق تلقوا تعليمات بتكثيف الاحتياطات الأمنية داخل فندق حسين سالم، انتظاراً لوصول اليخت الخاص به لحمل الحقائب مرة أخرى وتهريبها خارج البلاد، حسبما أكدوا، لافتين إلى أن جمال مبارك منعهم من الوقوف أثناء خروج الحقائب من السيارة السياحية، التى كانت تؤمن من قبل الحرس الجمهورى الخاص بالرئيس السابق وأفراد أسرته.

وأوضح الشهود، أنهم حاولوا الاتصال بالقوات المسلحة مرات عديدة لإبلاغهم بالواقعة على الفور، إلا أنهم لم يستطيعوا الوصول إليهم حتى الآن.

تفتكروا الكلام ده منطقى
هو جمال كان واقف الأول ولا جه بعد كده
نزيل أى فندق لا يتم تفتيش حقائبه فما بالك بجمال مبارك وفى فندق حسين كامل
وبعدين هو جمال ماشى مع الشنط يحرسها

أخر حاجه
فيلا مبارك فى شرم ليها مارينا خاصه بيها , اليخت يروح الفندق والأمن يرفع درجة الأستعداد علشان تهريب الفلوس
ده حتى أسماعيل ياسين ما عملهاش

فعلا على رأيك اليوم الساقع

[otefa]

اليوم الساقع بقه مش يتعلمو طيب أصول الفبركة......لا أغبية كمان
وشكرا على الخبر

[م. عمرو شرف]

رئيس مجلس الشعب ورئيس مجلس الشورى هينضملهم أحمد نظيف يوم الأحد ويعملوا أجتماع مع الوزراء فى ليمان طره

ضيف كلمة السابق قبل كل أسم

[thedeveloper87]

عقبال البيج بوس ما يشرفهم

[ahmed_mido1889]

المشكلة اخبار بايته بيعيدوا فيها في كل يوم وكل اسبوع وكل نشرة دورية علي التلفزيون......... اقولك اشمعني كل خميس عشان فاكرين انهم كدة بيبردوا نار الناس قبل الجمعة عشان الثورة وميعملوش مظاهرات الجمعة وحتي مظاهرات الجمعة بقت عامله زي المولد ... علي رأي عضو هنا كان راح وقال دة مولد سيدي التحريري

ايوه انا اللي كنت قايل كده

[amr_2010]

عقبال باقى الفريق و المدرب بتاعهم

[mailo]

ياجماعة مش هينفع كده المساجين برده مواطنين مصريين لما نودي دول كلهم هناك هيعملوا عليهم حكومة وهيطلعوا عين اللي جابوهم

ومش بعييد نلاقيهم فالسجن عايزين يعملوا ثورة

[wesam_salom]

الشعب يريد معرفه اشمعنى يوم الخميس

ولازم كل واحد وهو داخل يدخل بزفه وفضيحه

يا ترى ده له علاقه بالملابس اللى لقوها فى امن الدوله

ويا ترى مين فرج اللى بينادوا عليه فى الفيديو وبيقولوله جهز نفسك يا فرج

[ahmed1981]

الخميس 7 أبريل سجن زكريا عزمي
الخميس 14 أبريل سجن صفوت الغير شريف
الخميس 21 أبريل سجن فتحي سرور

وهكذا ثواريك

[dentalartist]

اشوفك معاهم يا جيمي قريبا ان شاء الله ...

[MASERATI]

السلام عليكم و رحمة الله و بركاته

YouTube - ‫ظ„طط¸ط© ط§ظ„ظ‚ط¨ط¶ ط¹ظ„ظ‰ ط²ظƒط±ظٹط§ ط¹ط²ظ…ظٹ ظˆطھط±طظٹظ„ظ‡ ظ„ط·ط±ظ‡‬‎

زكريا عزمى اتقبض عليه امبارح بالليل فى السكرتة عشان ماحدش ياخد باله و الكلام ده واضح من الفيديو بتاع لحظة القبض عليه, أنا امبارح الساعة 1 بالليل كنت بتفرج عليه و كنت بستعد عشان أقفل الصيدلية و أروح أسهر على مقهى الفراعنة (عندنا هنا فى المنصورة) و قلت سبحان الله, زكريا عزمى رايح يسهر فى السجن و أنا رايح أسهر فى الفراعنة, يبقى أنا الكسبان و هو الخسران, نفعته بايه بأه ملياراته اللى من الحرام؟؟؟؟

راجل غبى فعلا, ده منظره و هو نازل مقبوض عليه و الناس بتزفه, يساوى أضعاف أضعاف كوووووووووووووول الفلوس السحت اللى هو أكلها فى كرشه و لا منظر أولاده و أحفاده ايه بأه دلوقتى أمام قرايبهم و أصحابهم فى المدرسة و النادى, أب يكسف فعلا, مش بقولكم زكروتة ده غبى فعلا .