بعد تغيير الكاوتش اخيرا سعيد غير قواعد لانسر بوما 1600

[mazagngi2010]

الموضوع نزل هنا غلط ياريت يتنقل لقسم ميتسوبيشى ولو حد غير طنابير لانسر 1600 موديل 2008 قريب ياريت يشارك فى الموضوع ده

http://www.nilemotors.net/Nile/211947-1600.html

الموضوع ده كان المفروض ينزل من يوم 25 يناير بس الثوره والايقاف الطويل اخروه جدا المهم شفت انه ممكن ينفع الناس هنا
نبذه عن سعيد الاول:
سعيد واحد صاحبى يؤمن بعدم تغيير اى حاجه فى العربيه الا لما يطلع عين ابوها ومبيعترفش بصيانات التوكيل والصيانات الدوريه (منزه نفسه قوى ودى اكتر حاجه بتعجبنى فيه) ومقتنع زيي ان العربيه جايبها علشان تشيل عنه مش يصرف عليها واكيد بعضكم هيفهم النقطه دى
باركوا لسعيد وادعوا له يبعد عنه العين لانه بعد ماغير السيور وبليه الشداد وفلتر البنزين وزيت الفتيس الاتوماتيك على 120 الف كيلو وبعد ماغير فردتين كاوتش قدام على 130 الف كيلو واشترى كوموهو وكان هاين عليه يدمع على الفردتين الاصليتين بتوع العربيه بعد ما اتهروا خوابير وبقوا بيغرموه لحامات كل يومين
اخيرا بعد الحاح منى غير قواعد الموتور والفتيس اللى جايين مع العربيه على 150 الف كيلو
وبعد سؤال الميكانيكى عن القاعده الاهم اللى لازم تكون اصليه والقواعد اللى يجيبها من المنير
اشترى قاعده قنطره خلفيه اصليه من الرواس ب 310 جنيه +31 ضريبه=341
وجاب من المنير قاعده ب 100 جنيه اندونيسى تقريبا وقاعده اماميه ب 40 جنيه وميكانيكى 80 جنيه لانه ظبط حاجات تانيه بالمره
بعد ماتغيروا صوت العربيه بقت هاديه جدا على D وهى بتبدا حركتها وانعدم تمام فى المارشدير
طبعا المفروض كانوا يتغيروا على 80 الف او اقل
دى صور القواعد القديمه وكان الميكانيكى هيلطم






ودى الجمل


طبعا حالتهم تصعب على الكافر

[Imhotep]

هههههههه..... على فكرة انا لسه فاكر موضوع سعيد اﻻصلى..... هو لسه ماشى على النظرية بتاعته...... ربنا معاه و يحافظ عليه و على الناس اللى بتبقى ماشية حواليه..... على العموم انا مهتم جدا بقصة سعيد لسبب مهم هو توضيح مدى قدرة السيارات الحديثة و بالتحديد اليابانى (ﻻن عربيتى يابانى) على احتمال اسوأ ظروف تشغيل ممكنة و هى التى يقوم سعيد و طرقنا المصرية بتوفيرها للسيارة بكل جدارة..... بجد الله يكرمك ابقى وافينا باخبار ﻻنسر سعيد باستمرار على حلقات و متبخلش علينا بيها و حطها فى العام او اﻻجتماعى او زى متحب بس بﻻش قسم ميتسوبيشى فقط ﻻنى و كثيرين غيرى ﻻ يدخلونه كثيرا

[mazagngi2010]

هههههههه..... على فكرة انا لسه فاكر موضوع سعيد اﻻصلى..... هو لسه ماشى على النظرية بتاعته...... ربنا معاه و يحافظ عليه و على الناس اللى بتبقى ماشية حواليه..... على العموم انا مهتم جدا بقصة سعيد لسبب مهم هو توضيح مدى قدرة السيارات الحديثة و بالتحديد اليابانى (ﻻن عربيتى يابانى) على احتمال اسوأ ظروف تشغيل ممكنة و هى التى يقوم سعيد و طرقنا المصرية بتوفيرها للسيارة بكل جدارة..... بجد الله يكرمك ابقى وافينا باخبار ﻻنسر سعيد باستمرار على حلقات و متبخلش علينا بيها و حطها فى العام او اﻻجتماعى او زى متحب بس بﻻش قسم ميتسوبيشى فقط ﻻنى و كثيرين غيرى ﻻ يدخلونه كثيرا

هو طلب منى اسال له الناس هنا عن الطنابير علشان هيغيرها قريب قوى بعد ما مسها مرتين وبقت فى الضياع مع تركيب اردا انواع تيل الفرامل
العربيه دلوقتى عامله 165 الف كيلو موديل 2008 وربنا يحرسه ويحرسها
نسيت اقولكم انه غير البوجيهات الاصليه على 120 الف كيلو وكانت طالعه مفحمه واشترى فرده كوموهو تالته وحطها مع الاستبن -كان محافظ عليه جدا بصراحه وخاف ليعدى عليه 5 سنين قبل مايستخدمه -قدام وال2 اللى جابهم من 3 شهور رماهم ورا