اية رايكم فى اليوم ده؟؟؟؟؟

[M.Alaa92]

بصراحة اول مرة اكتب عن يوم يحصلى فى حياتى الشخصية بس النهاردة يوم غرييييييب من اوله بدايتا من الساعة 8.30 الصبح لقيت عربية لادا210 محترمة ماشية عكس فقولت اما اوقفها عشان يدخل اى شارع جانبى و يحترم القانون المهم وقفت فى وشه لقيت راجل محترم فى الخامسينات من العمر يرتدى نظارة من النوع الثخين نحيل العود مثى الظهر و قال فى صوت اجش (ككفار قريش) انت مش شايفنى يا ر........ يا بن................ الى جدى ال111 فبقولة حضرتك ماشى عكس و ممكن تسبب حوادث قام قاللى مبقاش الا ........* يابنى ده انت................ قولتلو حضرتك مش ممكن تكمل عكس قاللى طب هى بلطجة و قام مطلع عصاية الكوريك قام سواق نقل عام الله يكرمه وقف ( الكلام ده فى شارع ملك حفنى ) قام قاللو يا حج انت غلطان ولا حياة لمن تنادى قمت سايبه و مشيت و برضة بتاع النقل العم عمل زىى

يخلص اليوم على كدة وبس !!!! لأ طبعا لازم تكمل

روحت الدرس و جيت على الساعة 5 المهم لاقيت مكان ركنه بسهولة جمب البيت قعدت مش مصدق نفسى الحمد لله لسة بدخل بوشى لقيت كرسى و قرطاس زى بتاع المرور قومت شايل بتاع القرطاس و لسة حركن لقيت واحد صنايعى بيقولى ماتركنش هنا فى عربية جاية كمان شوية!!! قولتلو ماشى ياعم من عنيا قومت مرجع القرطاس مكانه و الراجل اطمن ودخل الورشة و قومت راكن كانى صف تانى و قفلت العربية و مشيت و رديت على الموبايل و كملت على البيت لقيت حاجة بتنعر حبوظلك الاربع عجلات يا حمار يا ابن ........* فقولت "يا واد طنش خالص" واعمل نفسك مش سامع و قولت لابن البواب لو جه جمب العربية ابقى بلغنى معلش انا طولت فى الكتابة بس بحكيلكم بالتفصيل الممل لحسن بجد غريب جداا بالنسبالى
اه لو عايزين اكملكوا باقى اليوم قولولى
و الى اللقاء فى الجزء التانى
شوية تسريبات للجزء التانى
1- اية اللى حصل مع الراجل ده؟
2- اية اللى مكنتش متوقعه و حصل؟
3-كمالة اليوم مع المدرس بتاع الدرس و المكتبة اللى زى الفل؟؟

ملحوظة: اللى مكتوب ده بجد و حصلى بجد مش تأليف و ربنا بجد

[otefa]

في أنتظار باقي القصة شوقتني

[hussein]

شكلك كده بتحب الشتيمة يا ابن ال .............................









الناس الطيبين :)

[zago]

1- اية اللى حصل مع الراجل ده؟ رجعتله وضربته بالكوريك في وشه
2- اية اللى مكنتش متوقعه و حصل؟ ان الكوريك اتكسر
3-كمالة اليوم مع المدرس بتاع الدرس و المكتبة اللى زى الفل؟؟ أن ان ااااااااااااان

[elpasha1]

وبعدين

[M.Alaa92]

شكلك كده بتحب الشتيمة يا ابن ال .............................









الناس الطيبين :)

و ربنا اتشتمت النهاردة اكتر ما اتشتم مبارك فى الثورة

[gebreel]

عارف انا الايام الزرقا دي، كمل كمل

[hugan]

طبعا لازم تكمل
احنا ولانافع فينا ثوره ولا نظام ولا اي حاجه خالص

[sharpvision]

و ربنا اتشتمت النهاردة اكتر ما اتشتم مبارك فى الثورة:10d5c8w1107:

هههههههههههههه الله يكون فى عونك انك مابتردش الاهانه والشتيمه , انا لازم اوسخ لسانى علشان ارد على كل واحد بيشتم لانى مش بطيق حد يشتم واقعد فى تلاجه وماردش عليه خصوصا لو كان غلطان ,, ياريت تكمل اليوم ويارب مايكونش فيه شتيمه تانى

[Eng_Moh.Dewair]

قولى الاول انت ساكن فين فى ملك حفنى علشان شكلنا كده هنطلع جيران

[SAiF3S]

1- اية اللى حصل مع الراجل ده؟ اتخانقت معاه لما بوظلك عجله من الاربعه واكيد المره دى انت اللى شتمته
2- اية اللى مكنتش متوقعه و حصل؟ ان الناس اتلمت ووقفت معاك وضربت الراجل
3-كمالة اليوم مع المدرس بتاع الدرس ؟؟ قالك انا هزود سعر الحصه او انت دافع شهر مقدم وقالك انا ماختش الشهر ده

مستنين باقى الموضوع و تقولنا سنك قد ايه

[dentalartist]

هااااااااا وبعدين ؟؟

[M.Alaa92]

جارى كتابة الجزء التانى و اسف على التاخير و سنى 18 سنة

[MASERATI]

السلام عليكم و رحمة الله و بركاته

أنا كمان مستنى الحكاية بفااااااااااااااااااارغ الصبرو يا ريت تقولنا أنت ساكن فين بالظبط لأنى متشوق أعرف المكان اللى فيه الشتايم بالأهل أكتر من سلاموا عليكم دى.

[kar!m]

متابع باهتمام