إعـــــــلان

Collapse

.

,
See more
See less

زرع حصد قتل - فى زكرى بحر البقر

Collapse
X
 
  • Filter
  • الوقت
  • Show
Clear All
new posts

  • زرع حصد قتل - فى زكرى بحر البقر

    ز....ر....ع
    زرع
    ح....ص....د
    حصد
    ق....ت....ل
    قتل
    ق ت ل !!!
    الدرس انتهى
    لموا الكراريس
    بالدم اللى على ورقهم سـال ....* فى قصـر الأمم المتــحدة
    مسـابقة لرسـوم الأطـفال ....* ايه رأيك فى البقع الحمـرا
    يا ضمير العالم يا عزيزى ....* دي لطفلة فلسطينيه وسمرا
    كانت من أشـطر تلاميذى ....* دمها راسم زهره
    راسم رايـة ثورة ....* راسم وجه مؤامرة
    راسم خلق جبار ....* راسم نـار
    راسم عار ....* ع الصهيونية والاستعمار
    والدنيا اللى عليهم صابرة ....* وساكتة على فعل الأباليس
    الدرس انتـهى
    لموا الكراريس
    ز....ر....ع
    زرع
    ح....ص....د
    حصد
    ق....ت....ل
    قتل
    ق ت ل !!!
    ايه رأى رجـال الفكر الحر ....* في الفكرة دي المنقوشة بالدم
    من طفل فقير مولود فى المر ....* لكن كان حلو ضحوك الفـم
    دم الطـفل الفـلاح ....* راسم شمس الصباح
    راسم شـجرة تفاح ....* في جناين الاصلاح
    راسم تمساح ....* بألف جناح
    في دنيا مليانة بالأشبـاح ....* لكنـها قلـبها مرتــاح
    وساكتة على فعل الأباليس
    الدرس انتـهى
    لموا الكراريس
    ز....ر....ع
    زرع
    ح....ص....د
    حصد
    ق....ت....ل
    قتل
    ق ت ل !!!
    ايه رأيك يا شعب يا عربي ؟ ....* ايه رأيك يا شعب الأحـرار ؟
    دم الأطـفال جايلك يحـبى ....* يقول انتـقموا من الأشـرار
    ويسيل ع الأوراق ....* يتهجى الأسـماء
    ويطـالب الآبـاء ....* بالثـأر للأبـناء
    ويرسم سيف ....* يهـــــــدّ الزيـف
    ويلمع لمعة شمـس الصيف ....* في دنيا فيها النور بقى طيف
    وساكتة على فعل الأباليـس
    ز....ر....ع
    زرع
    ح....ص....د
    حصد
    ق....ت....ل
    قتل
    ق ت ل !!!
    الدرس انتهى
    لموا الكراريس


    الراحل صلاح جاهين
    مصر هتفضل غالية عليا
    -------------------------------
    الديك الحلبي هايفضل يدن لغاية ما يتدبح

  • #2
    الدرس انتهي لموا الكرااااااااااااااريس

    اغنيه ولا اروع وفي كليب ليها يخليك تدمع :(



    A.Yakout
    [CENTER][IMG]http://img100.imageshack.us/img100/4097/voegelpc3jk2jx2kw4xg6.gif[/IMG][/CENTER]

    Comment


    • #3
      اشعار صلاح جاهين كلها تحفة .بس فعلا دى من اروع اشعاره .
      [SIGPIC]http://www.nilemotors.net/Nile/signaturepics/sigpic82436_28.gif[/SIGPIC]

      اللهم انك تعلم سري و علانيتي فاقبل معذرتي و تعلم حاجتي فأعطني سؤالي و تعلم ما في نفسي فاغفر لي ذنوبي،اللهم إني أسالك إيمانا يباشر قلبي و يقينا صادقا حتي اعلم انه لن يصيبني إلا ما كتبته علي و الرضا بما قسمته لي يا ذا الجلال و الإكرام

      Comment

      Working...
      X