عاجل:الجيش يفض اعتصام التحرير بالقوه وسط اصابات واعتقالات بالجمله

[wawoo]

الجيش الخائن ..اعتقد ان انت اللي لازم تفهم ان المؤسسه الوحيده اللي فاضله في بلدك هي الجيش ...ولو وقعت يبقي مع السلامه يامصر.....

احنا عوزين جيش وطنى مش جيش مبارك العميل ....مع السلامة لو هو دة الجيش اللى حيرجع حقوقنا ..

[wawoo]

فين شباب الثورة اللى حضرو معركة الجمال ...و فاهمين الخيانة اللى بتحصل الان ...

[mahamedaraby]

ما انا مش فاهم الناس دى بتعمل ايه لما الجيش خائن هيبقى مين اللى هيقعد فى البلد ويمسكها انتوا عايزن تودوا البلد فين

كل القوى السياسه والمعارضه والاخوان كله مشى من الميدان قبل حظر التجوال وقالوا احنا عرضنا مطالبنا لكن مش هنعطل حال البلد يبقى مين اللى قاعد ده وهدفه ايه
وهو مش هنشوف مستقبلنا ولا ايه ولا هنقعد نبص ورانا لحد ما نشوفش ادامنا ونكعبل فى الطريق وانت لو قعت ملكش قومه تانى

[dentalartist]

انا واللهي العظيم كنت في اول الصفوف يوم معركة الجمل قصاد مؤيدين الريس ...
وعارف ان الجيش كان موقفه سلبي في الاول ...انما دلوقتي الحال اتغير ...دلوقتي انت معاك الشرعيه ..البلد بقت بتاعتنا ..ولينا حقوق وهناخدها ان شاء الله ..انما متوصلش لانقلابات داخل المؤسسه الوحيده اللي حاميه البلد دلوقتي داخلها قبل خارجها
.وايه عايزين جيش تاني ديه ..ياريت توضح قصدك ايه ...نجيب جيش استيراد يعني ...

[devilishtigers]

احنا عوزين جيش وطنى مش جيش مبارك العميل ....مع السلامة لو هو دة الجيش اللى حيرجع حقوقنا ..

؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!
حضرتك مش عاجبك الجيش وعايز جيش جديد

[m3_dolphen]

هى وصلت ان احنا نخون الجيش !
يعنى اللى ميلتزمش بحظر التجوال يبقى مش مخطئ ولما يطبق على القانون يبقى دى خيانة ؟؟ طيب ازاى ؟
لو الشعب خون الجيش يبقى أعداء مصر وصلوا لما يريدونه

[wawoo]

الامن المركزى يضرب فى المتظاهرين و بعض من افراد الجيش يفرق بينهم

[dentalartist]

لتالت مره مقلتليش برده كل القوي السياسيه رافضه الاعتصام ميين بقي الاخوه الثوار اللي بتقول عليهم!!!!

[Ahmed Anwer]

الجزير مباشر بتذيع الصورة دلوقتي ،،

[misoalex]

احنا عوزين جيش وطنى مش جيش مبارك العميل ....مع السلامة لو هو دة الجيش اللى حيرجع حقوقنا ..

بص انا فاهم كلامك بس بلاش تعمم وتقول الجيش هو اللى خائن عشان محدش يهاجمك

فيه واحد فى الجيش هو اللى بيحركه وبيديله اوامر يعمل كده

[devilishtigers]

بص انا هقول حاجة
رقم 1 انا لا اوافق على مظاهرات كل جمعة ومش بنزلها
رقم 2 اناس اختارت يوم الجمعة علشان مفيش تعطيل لمصلحة البلد وعجلة الانتاج
رقم 3 في حظر تجوال من الساعة 2
انما لما هيكون في اعتصامات تاني وهنوقف حركة البلد يبقى اللي موجود في الميدان يستاهل اللي يحصله
واظن ان الجيش لم يتعرض لاحد في المظاهرات اللي فاتت اللي كانت الناس فيها بيمشوا قبل حظر التجوال

[wawoo]

بص انا فاهم كلامك بس بلاش تعمم وتقول الجيش هو اللى خائن عشان محدش يهاجمك

فيه واحد فى الجيش هو اللى بيحركه وبيديله اوامر يعمل كده

انا بتكلم على اللى شايفة يا شباب ..و معرفش مين من الجيش مع الثورة و مين ضد ..اكيد فى ضباط كتير مع الثورة

الدنيا هدئات الان ..بس فى شهداء و اصابات ..و ناس ملابسها ملطخة بالدماء الان فى الشارع و مزهولين من اللى حصل

[wawoo]

انا اسف لو كنت قولت اى حاجة ..او حد زعل من الكلام ..بس انا كنت بكتب تحت صوت ضرب نار مرعب ..

[Dr.SherifMansy]

يا جماعة بلاش نسخن و نهول المواضيع ، الجزيرة مباشر فيها ناس بتتكلم و بتهول المواضيع ، و لكن موقعهم على النت بيقول ان ماحدش اصيب من اطلاق النار لأنه يا اما فى الهواء او طلقات صوت ، و ده من شهود عيان من الميدان.

انا رأيي ان فعلا فيه ناس بتحاول توقع بين الشعب و بين الجيش علشان الدنيا تولع ، و ربنا يستر

اللنك من هنا للى يحب يقرأ بنفسه.

و تحياتى

[Dr.SherifMansy]

ما انا مش فاهم الناس دى بتعمل ايه لما الجيش خائن هيبقى مين اللى هيقعد فى البلد ويمسكها انتوا عايزن تودوا البلد فين

كل القوى السياسه والمعارضه والاخوان كله مشى من الميدان قبل حظر التجوال وقالوا احنا عرضنا مطالبنا لكن مش هنعطل حال البلد يبقى مين اللى قاعد ده وهدفه ايه
وهو مش هنشوف مستقبلنا ولا ايه ولا هنقعد نبص ورانا لحد ما نشوفش ادامنا ونكعبل فى الطريق وانت لو قعت ملكش قومه تانى

انا والله العظيم كنت في اول الصفوف يوم معركة الجمل قصاد مؤيدين الريس ...
وعارف ان الجيش كان موقفه سلبي في الاول ...انما دلوقتي الحال اتغير ...دلوقتي انت معاك الشرعيه ..البلد بقت بتاعتنا ..ولينا حقوق وهناخدها ان شاء الله ..انما متوصلش لانقلابات داخل المؤسسه الوحيده اللي حاميه البلد دلوقتي داخلها قبل خارجها
.وايه عايزين جيش تاني ديه ..ياريت توضح قصدك ايه ...نجيب جيش استيراد يعني ...

هى وصلت ان احنا نخون الجيش !
يعنى اللى ميلتزمش بحظر التجوال يبقى مش مخطئ ولما يطبق على القانون يبقى دى خيانة ؟؟ طيب ازاى ؟
لو الشعب خون الجيش يبقى أعداء مصر وصلوا لما يريدونه

بص انا هقول حاجة
رقم 1 انا لا اوافق على مظاهرات كل جمعة ومش بنزلها
رقم 2 اناس اختارت يوم الجمعة علشان مفيش تعطيل لمصلحة البلد وعجلة الانتاج
رقم 3 في حظر تجوال من الساعة 2
انما لما هيكون في اعتصامات تاني وهنوقف حركة البلد يبقى اللي موجود في الميدان يستاهل اللي يحصله
واظن ان الجيش لم يتعرض لاحد في المظاهرات اللي فاتت اللي كانت الناس فيها بيمشوا قبل حظر التجوال

+11111111111111111111111111111111111