اراء ومشاهد من التحرير النهاردة من الساعة 12-1.30

[Ayman-Ahmed]

السلام عليكم ورحمة الله وبركاته

كان المفروض عندى شغل النهاردة وطبعا الاجانب خافوا يتحركوا ويطلعوا حتى برة الفندق.

وللاسف شفت ميدان التحرير والناس اللى واقفة فيه ومقصدش الناس كلها طبعا واللى شفته وسمعنه,اسف على اللفظ بس اللى حصل اودامى اسمه هبل.

طبعا الميدان مقفول من جميع النواحى وعربية الجيش المحروقة حاملة الدبابات قاطعة الميدان من عند المتحف وكانوا طبعا بيفضوا الكاوتش عشان الجيش مياخدش العربية وطبعا الكاوتش سميك ومليان فمعرفوش يفضوه.

رجعت لجان التفتيش على مداخل الميدان وبطاقتك لو سمحت.

اول ما تدخل الميدان تبداء المناقشات والحوارات الحادة والهادئة من ناس بيطلبوا من المعتصمين انهم يمشوا وكفاية كدة وانهم غلطانين عشان قعدوا بعد الحظر ورد المعتصم انه برده مش من حق الجيش يضربنا بنار حى.

تدخل شوية وتشترى كوبية شاى تسمع بقى : هو الجيش اللى وصلنا لكده بسكوته وبطئه وادى الفلوس طلعت برة.دول بيهربوا الفلوس عن طريق الانفاق لاسرائيل.طب ما اسرائيل بتضرب الانفاق هى مش عاوزة الفلوس ولا ايه.ايوة ما هما بيضربواالانفاق اللى مش بتطلع منها الفلوس.

ومظاهرة فيها حوالى 200-300 واحد بيشتموا شتائم حقيرة فى المشير وعنان.

والناس اللى واقفة وبتتمشى فى الميدان وناس واقفة تسمع لناس بتقول حاجات غريبة ولما الكلام ميعجبهموش يسيبوه ويمشوا.

كلام زى الجيش متواطئ ومش عاوزين الجيش وعاوزين مجلس مدنى من الشرفاء.ده حتى شرف اللى اخترناه من وسطنا معملش حاجة.

طب ما شرف شغال والبورصة رجعت والشرطة بدات ترجع وبدا يفتح ملف النيل ولسة عنده اقتصاد وسياسات خارجية و ديون وتعويضات وامظاهرات واعتصامات وضغوط.امتى بس هيعمل ده كله وليه يعملوا تحت الضغط.طيب ما نهدى ونديله فرصة.طبعا معجبوش الكلام وبدا يتلفت يمين وشمال وراح ماشى.

ومعرفش الممثل مين امبارح الله يباركله خد معاه الشباب وخربوا الدنيا عند السفارة.

واحد واقف يقول بكرة تعرفوا ان الجيش متواطى لما العادلى واللى معاه يهربوا قبل ما يتحاكموا ويقولوا اهالى مساجين كانت بتهرب قرايبها ودول هربوا.ارد عليه اقوله اه عمر عفيفى قال كده من مدة.يقولى اه ياما حذرنا.

واحد وشه متلخبط دم لونه بنى ومش عارف هو ساب الدم على وشه من امبارح ولا ايه اللى حصله بيصور مع قناة العربية وماسك طلقة وبيقول ضربونا بنار حى وقناصة وصاعقة الساعة يجيلها 2.30-3.00 ووقفنا ليهم ومشيوا بعد ما موتوا 4 منا وال3 ظباط المعتصمين معانا خادوهم.

وراحت واحدة ست داخلة ومعاها شنطة بلاستيك اهو الدم اهو صورها صورها.فتحت الشنطة طلعت كرتونة عليها دم نفس اللون البنى.وواحد معاها طلع كتافة امين شرطة واهو ديه خدناها منهم امبارح وراح راميها على الارض ودايس عليها واعد يقول خونة.

سالت واحد واقف شكله محترم وكلامه بيقول انه مثقف.كان كلامه بيقول كفاية على الجيش كده ويرجع يحمى الحدود ويشوف ايه حكاية اسرائيل اللى بتضرب الحدود ورفح اتبهدلت.تمام والله طيب وبعد ما الجيش يرجع.يجى مجلس مدنى شريف.طب ايه الخطوة الجاية.ايه اللى هيحصل بعد الاعتصام.رده كان بالظبط.ها مش عارف.وكررتله السوال تانى وتالت لحد ما قاللى يا عم انا لابس تى شيرت 25 يناير كده اشتريته كده متسالنيش ايه اللى الخطوة اللى جاية انا مدرس جمعة وسبت اجازة وبكرة راجع شغلى.

واحد بيتكلم مع معتصم وبيقوله طيب ما بلاش الاعتصام والميدان اللى باظ تانى واتبهدل والشوارع والمحلات اللى اتقفلت ونهدى ونشوف المجلس هيعمل ايه وادى الرسالة وصلت.لا احنا كدة بنضغط على الجيش ولازم بقى يمشى من شرم الشيخ عشان نفوق.

مطعم كنتاكى طبعا اتدمر واودام كنتاكى فى طلقة مضروبة فى العمود الاخضر ومعدية من الناحية التانية والناس مستنية اى حد من القنوات يصورها.اروح بقى ورا العمود عند الحيطة اشوف الطلقة وصلت لفين مش عارف.

ايه رايكوا طيب يا شباب الجيش مشى ليه والامن المركزى معاه,مش خوفا انه يضطر يضرب فيكوا فعلا بدل ما كان بيضرب فى الهوا.واحد يطلع يقول هوا ايه يا عم.الدم هناك اهو فى الارض.

واحدة بنت بتعيط ووشها متلخبط بالدم البنى برده وبتقول كان فساد حكومة مبارك ارحم من اللى بيعملوه فينا.

راجل كبير فى السن حوالى 60-65 سنة بيقول اتفرجوا على الجزيرة.وشوفوا الحقيقة.مفيش مذيع مصرى عنده شجاعة يقول حاجة.لسة بردوا بيضحكوا علينا.

اى حد فى الميدان تساله جبتوا منين الاسلاك الشايكة يقول الجيش كان جايبها على العربية اللى ولعت واحنا خدناها.طب هو ايه اللى وقف العربيه ديه بالعرض كده ولا الجيش سابها ومشى بعد ما ولعت.راح واحد طالع يقول لا لا العربية ولعت لوحدها الساعة 4.30.طب مين ولعها.مش عارف.طيب ما الجيش مشى والشرطة مشيت.مين بقى اللى ولع العربية.كانوا 3 حواليا وفى لحظة ال3 مشيوا.

كان فيه زى لجنة واقفة عند المتحف من شابين وبنت واودام المتحف اسلاك شايكة وبوابة الامن اللى هناك محطمة.


وطبعا اللى كسر وحرق العربية هو اللى كتب عليها:







والله اعلم معتقدش ان اللى واقفين فى الميدان دول من الناس اللى كانت واقفة امبارح.

[زهير فكري]

احب اعلق علي حاجه و هيكون كلامي قاسي شويه , المجلس العسكري لما خفف حظر التجول فده اشاره للانسحاب التدريجي للقوات المسلحه و عوده الشرطه المدنيه لدورها في حفظ الأمن , و لما قولنا المظاهرات السلميه حق مشروع بشرط عدم تعطيل العمل و الاضرار باقتصاد البلاد عن طريق اشاعه الفوضي ومن ثم هروب الاستثمارات التي تحتاجها الدوله في هذا الوقت , يبقي كده المواطن المحترم الشريف الواعي اللي فعلا عايز الخير في قراره نفسه لبلده و عايزها تبقي كويسه , هو اللي بيلتزم بالقوانين و عشان هو انسان سوي نفسيا فبينظر للأمور بعقله و يحللها جيدا و يخرج بنتيجه و يتصرف علي اساسها , اما المواطن المحسوب علي الدوله و اللذي يتصرف تصرفات خارجه عن القانون تحت دعوي حريه الرأي الذي يترجمها امثاله الذي تعود علي ان يساق بالكرباج و استلذ الاهانه و الاحتقار و ادمن الغوغائيه و الصوت العالي , فمثل هذا النموذج لا ينبغي الالتفات اليه و جعله ينجح في لفت الأنظار اليه , فالملايين اللتي خرجت تطالب بالتعجل في محاكمه الفساد , فهم عبروا عنا فعلا و انا متضامن معهم كليا باعتباري مواطن مصري لم تتح لي الظروف الذهاب لهناك , فهم فعلا عبروا عن ما يدور داخل اذهاننا , اما مدمني الاهانه و المسكنه علي شاشات التلفزيون و اللذين ظلوا في الميدان رغبه منهم في التصادم مع اي سلطه و ذلك لأنهم مرضي نفسيا و يحتاجون لاعاده تأهيل و يرغبون في اثاره الفوضي و اهتمام الناس بهم و الاستفاده من الفرصه علي امل واهم بنجاح مخططاتهم , اعتقد مثل هؤلاء يجب ان يروا مخالب و انياب القوات المسلحه و يتذوقوا طعمها الذي نسيوه مده الشهرين , فهذا دواؤهم و هذا ميعاد الجرعه التي تأخرت , و ينطبق عليهم القول ( ان اكرمت اللئيم تمردا) . حفظ الله البلاد من كل سوء .

[Ayman-Ahmed]

اللهم امين ا\ زهير. وراى حضرتك فيما يخص معاقبتهم واقصد طبعا المعتصمين غير السلميين هو راى اغلبية اللى كانوا واقفين فى الميدان وبيتكلموا معاهم النهاردة وانا معاهم. لان التخريب عمره ما كان هدف من اهداف ثورة تصحيح.

[nevozaky]

احب اعلق علي حاجه و هيكون كلامي قاسي شويه , المجلس العسكري لما خفف حظر التجول فده اشاره للانسحاب التدريجي للقوات المسلحه و عوده الشرطه المدنيه لدورها في حفظ الأمن , و لما قولنا المظاهرات السلميه حق مشروع بشرط عدم تعطيل العمل و الاضرار باقتصاد البلاد عن طريق اشاعه الفوضي ومن ثم هروب الاستثمارات التي تحتاجها الدوله في هذا الوقت , يبقي كده المواطن المحترم الشريف الواعي اللي فعلا عايز الخير في قراره نفسه لبلده و عايزها تبقي كويسه , هو اللي بيلتزم بالقوانين و عشان هو انسان سوي نفسيا فبينظر للأمور بعقله و يحللها جيدا و يخرج بنتيجه و يتصرف علي اساسها , اما المواطن المحسوب علي الدوله و اللذي يتصرف تصرفات خارجه عن القانون تحت دعوي حريه الرأي الذي يترجمها امثاله الذي تعود علي ان يساق بالكرباج و استلذ الاهانه و الاحتقار و ادمن الغوغائيه و الصوت العالي , فمثل هذا النموذج لا ينبغي الالتفات اليه و جعله ينجح في لفت الأنظار اليه , فالملايين اللتي خرجت تطالب بالتعجل في محاكمه الفساد , فهم عبروا عنا فعلا و انا متضامن معهم كليا باعتباري مواطن مصري لم تتح لي الظروف الذهاب لهناك , فهم فعلا عبروا عن ما يدور داخل اذهاننا , اما مدمني الاهانه و المسكنه علي شاشات التلفزيون و اللذين ظلوا في الميدان رغبه منهم في التصادم مع اي سلطه و ذلك لأنهم مرضي نفسيا و يحتاجون لاعاده تأهيل و يرغبون في اثاره الفوضي و اهتمام الناس بهم و الاستفاده من الفرصه علي امل واهم بنجاح مخططاتهم , اعتقد مثل هؤلاء يجب ان يروا مخالب و انياب القوات المسلحه و يتذوقوا طعمها الذي نسيوه مده الشهرين , فهذا دواؤهم و هذا ميعاد الجرعه التي تأخرت , و ينطبق عليهم القول ( ان اكرمت اللئيم تمردا) . حفظ الله البلاد من كل سوء .

اوافق حضرتك الراى تماما .ورايى ان الجيش اتاْخر اوى فى رد فعله تجاه الخارجين عن القانون .

[Ayman-Ahmed]

الجيش لما عمل رد فعل على البلطجية امبارح حاولوا يشوهوا صورته على المحطات العربية زى الجزيرة والعربية وللاسف المظاهرة اللى حكيت عنها فى الموضوع واللى مش هاقدر اقول كان بيتقال فيها ايه عن المشير.بردوا كانت بتتصور .

والحمد لله اللى خرجت بيه النهاردة ان لو عملتها نسبة و تناسب هاقول ان 1% بيحاولوا يوقعوا بينا وبين الجيش والباقى قالوا لا,الجيش لا.انتوا اللى غلطانين وتستاهلوا.ايه اللى يقعدكوا بعد حظر التجول وتضربوا طوب وتحرقوا عربيات.

[otefa]

تحياتي على التقرير الدقيق لحد كبير
وألي بيأكده فيديوهات على اليوتيوب لفت نظري ليها أ.أحمد سعد ممكن تبحثو عن
ميدان التحرير صباح ٩ أبريل

[Ayman-Ahmed]

مشكور م\ محمد.

وكان لازم ارتب افكارى وكلامى كويس عشان اقدر اوصل اللى شوفته وسمعته كويس.

ومعايا فيديوهات ممكن ارفعها للى عاوز يتفرج عليها.بس فيهم فيديو او اتنين فيه الفاظ مش ظريفة.

[otefa]

مشكور م\ محمد.

وكان لازم ارتب افكارى وكلامى كويس عشان اقدر اوصل اللى شوفته وسمعته كويس.

ومعايا فيديوهات ممكن ارفعها للى عاوز يتفرج عليها.بس فيهم فيديو او اتنين فيه الفاظ مش ظريفة.

ياريت ترفعهم أ.أيمن وتقولنا على أسم الفيديو على اليوتيوب مش ضروري تنزله دايركت على المنتدى
متوقع ألفاظ سيئة ومؤذية أكيد باين عليهم شوية بلطجية من الفيديوهات

[tito_1980]

من الاخر الشعب ده مش بروفيشنال , يعني الجيش قايد صوابعه العشره شمع و الناس برضه مش راضيه , القضاء كان الله في عونه المفترض يبت في الالاف من القضايا التقيله في وقت قصير ازاي مش عارف ؟ اشي نهب بالمليارات و اشي قتل متظاهرين و اشي مش عارف ايه ؟ , و السيد النائب العام اللي اتهري بلاغات من طوب الارض في الحكومه كلها تقريبا كان الله في عونه هيلاحق علي ايه و لا ايه ؟ مش فاهم انا الصراحه , اقل واجب من بعد الثوره ندي الناس المحترمه دي سنه علي الاقل عشان يبدؤا يعملوا حاجه , مش كل كل جمعه مظاهره شكل هي الناس فاضيه و لا ايه ؟

[viper911s]

من الاخر الشعب ده مش بروفيشنال , يعني الجيش قايد صوابعه العشره شمع و الناس برضه مش راضيه , القضاء كان الله في عونه المفترض يبت في الالاف من القضايا التقيله في وقت قصير ازاي مش عارف ؟ اشي نهب بالمليارات و اشي قتل متظاهرين و اشي مش عارف ايه ؟ , و السيد النائب العام اللي اتهري بلاغات من طوب الارض في الحكومه كلها تقريبا كان الله في عونه هيلاحق علي ايه و لا ايه ؟ مش فاهم انا الصراحه , اقل واجب من بعد الثوره ندي الناس المحترمه دي سنه علي الاقل عشان يبدؤا يعملوا حاجه , مش كل كل جمعه مظاهره شكل هي الناس فاضيه و لا ايه ؟

كلام مظبوط عشرة على عشرة
الناس مش واخدة بالها ان المحاكم مدنية مش عسكرية يعنى لازم تاخد وقت للاادانة
لكن لما نقف للصبح يبقى الفلوس هترجع ولا هيتحاكموا بكرة
والجيش متساهل جدا
وبيحاول يمشى البلد قدر الامكان
منضغطش غلية علشان ساعة الانفجار مش هنتحملة

[A.Saad]

لو حد يعرف طريقة لرفع الفيديو مه عدم تشغيل الصوت ياريت يقول

[م.احمد زكريا]

اسف جدا ان اقول

اللواء عمر سليمان ................. لقد كنت محقا

[Ayman-Ahmed]

ياريت ترفعهم أ.أيمن وتقولنا على أسم الفيديو على اليوتيوب مش ضروري تنزله دايركت على المنتدى
متوقع ألفاظ سيئة ومؤذية أكيد باين عليهم شوية بلطجية من الفيديوهات

لو حد يعرف طريقة لرفع الفيديو مه عدم تشغيل الصوت ياريت يقول

هو انا ممكن ارفعهم من غير صوت خالص على اليويتيوب وعندى برنامج بيقفل الصوت من الفيديو.؟

وللاسف بعد ما سجلت جزء كبير من المظاهرة اللى ضد المشير.قررت امسحها بصراحة لان فعلا الالفاظ والشعارات كانت قذرة وتحرق الدم

[ahmedbatoos]

ربنا يستر علي مصر . . . مخابرات العالم بتلعب في مصر براحتها . . كنت اتمني قوة حكم الجيش تكون اقوي من كدة

[Ayman-Ahmed]

القوة مش قوة عسكرية بس.القوة التخططية بتبقى ساعات اقوى بكتير.