إعـــــــلان

Collapse

.

,
See more
See less

المجلس العسكري يروي تفاصيل ما حدث في التحرير

Collapse
X
 
  • Filter
  • الوقت
  • Show
Clear All
new posts

  • المجلس العسكري يروي تفاصيل ما حدث في التحرير

    المجلس العسكري يروي تفاصيل ما حدث في التحرير..إصابة 4 جنود والقبض على 3أجانب
    السبت, 9-04-2011 - 9:25السبت, 2011-04-09 21:25 | أميرة إبراهيم


    المجلس العسكري يروي تفاصيل ما حدث في التحرير



    قام اللواء عادل عمارة عضو المجلس الأعلى للقوات المسلحة بعرض توقيتات لما حدث فجر السبت من تبادل الاحتكاكات مع المتظاهرين فى ميدان التحرير، وقال فى المؤتمر الصحفى الذى عقده منذ قليل اليوم السبت انه بعد انصراف معظم المتظاهرين من الميدان تبقى عدد من المتظاهرين لايمكن ان يكونوا من شباب 25 يناير وقاموا بنصب خيمة وسط الحديقة الرئيسية وكان داخلها 8 أفراد يرتدون الزى العسكرى بالمخالفة للقانون ولم تتعرض القوات المسلحة لهم بأى أذى.

    واضاف ان عناصر الجيش قامت بتحذير المتظاهرين لموعد حظر التجول لكنهم رفضوا الاستجابة للرسائل والاشارات واستمروا فى كسر القانون.

    وأضاف ان المتابعة الأمنية للجيش افادت بوجود بعض العناصر ذوى الانتماءات الى جهات تدعم الثورة المضادة وتقود جموع المتظاهرين لاجهاض الثورة والوقيعة بين الجيش والشعب.

    وفى الساعة 3 فجر السبت بدأت عناصر من القوات المسلحة اخلاء الميدان والقبض على العناصر المخالفة للقانون بارتداء الزى العسكرى ولم تكن القوات مسلحة بأى نوع من الذخائر ولا القنابل المسيلة للدموع ولا الدخان وشدد على ان التعامل مع المتظاهرين كان سلميا، فلجأ المتظاهرون للتعامل بالقاء الطوب وزجاجات المولوتوف على عناصر الجيش، واحتجزوا عدد من أفراد يرتدون الزى العسكرى داخل خيمة ربما لمساومتنا عليهم اذا كانوا فعلا ينتمون للقوات المسلحة.

    وقال ان المواجهات اسفرت عن اصابة 4 جنود نتيجة قذفهم بالطوب واصابة بعض المتظاهرين بالرضوض نتيجة التدافع. وفى الساعة 5 فجرا، تم تجميع عناصر القوات المسلحة ولم يعدج فى الميدان اى تواجد للجيش باستثناء عربات الخدمة العامة. وفى الخامسة والنصف، بدأ توافد أعداد كبيرة مرة أخرى من اتجاه طلعت حرب الى ميدان التحرير ومعهم بندقيتان اوتوماتيك وزجاجات مولوتوف دخلت الميدان وتعدت على سيارات خدمه اداريه تابعة للجيش، وقال عمارة ان المواجهات اسفرت عن وفاة شخص وأضاف: الفت النظر ان الكشف الظاهرى اثبت اصابته بطلق نارى فى الفم من أعلى لأسفل، وقال ان النيابة العسكرية تباشر التحقيقات مع 42 تم القبض عليهم لكشف ملابسات ما حدث لافتا الى ان ثلاثة من المقبوض عليهم أجانب لم يحدد جنسياتهم.

    وشدد عمارة على ان القوات المسلحة ستطبق قانون البلطجة بكل حسم لمصلحة الوطن وانه سيخلى ميدان التحرير لعدم تعطيل مصالح المواطنين وحذر ان امن وسلامة القوات المسلحة خط يجب الا يمس.


    منقول من جريدة الدستور



  • #2
    للأسف رواياتهم دايما مش بتدخل دماغي
    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]

    Comment


    • #3
      المشاركة الأصلية كتبت بواسطة tlrsiap مشاهدة المشاركة
      للأسف رواياتهم دايما مش بتدخل دماغي

      ليه بس
      انا شوفت كذا فيديو و بصراحه متشوفتش عسكري معاه سلاح كله عصيان و بعدين حتة من اعلي لاسفل دي مش مريحه اه انا معاك فيها
      العساكر اللي لايسه لبسهم اللي كانوا في الخيمه دي انا قريبتها علي كذا موقع اخباري
      بس الكلام في مجمله معقول مافيهوش حاجه
      انهارده اخبار الساعه 3 كانت جايبه لقاء صحفي مع اتنين لواء مساعد وواحد تاني كان بيتكل بطريقه غريبه و بيقول الموضوع خطير ياحضرات واحنا مش هانسكت و المحكمه العسكريه بتحقق مع 42 واحد تم القبض عليهم و البيان بتاع انهارده علي الصفحه متاعتهم طالبين ناس بالاسم
      احب اسمع مش مريحك لييييه (انا متابع ارائك من اول الثوره علي فكره)

      Comment


      • #4
        نفسي اي انسان موافق علي استمرار ( الاعتصامات ) بهذا الشكل حتي الان و استمرار و ضع الحواجز و المتاريس في الشوارع من قبل المتظاهرين ان يجعل الله له امام عمله او بيته مثل هذه الاشياء و مثل هؤلاء الرجال اسبوع واحد فقط ثم يتحدث و قتها كما يشاء و يعبر عن تأييده لاستمرار مثل هذه الاشياء كما يشاء
        علي الاقل و قتها سيكون صادق معنا و مع نفسه
        اللهم و حد صفنا


        م.حاتم السباعي
        HAGAN سابقا

        Comment


        • #5
          المشاركة الأصلية كتبت بواسطة tlrsiap مشاهدة المشاركة
          للأسف رواياتهم دايما مش بتدخل دماغي
          لو قلتلك أن فيه عساكر مصابين بطلقات ناريه والجيش مقالش هتصدقنى
          طب لو صدقتنى هتفكر معايا مين اللى ضربهم وجاب السلاح منين
          [CENTER][SIZE=4]يا رب أذا أعطيتنى مالا فلا تأخذ سعادتى[/SIZE][/CENTER]
          [CENTER] [SIZE=4]وإذا أعطيتنى قوه فلا تأخذ عقلى[/SIZE][/CENTER]
          [CENTER] [SIZE=4]وأذا أعطيتنى نجاحا فلا تأخذ تواضعى[/SIZE][/CENTER]
          [CENTER] [SIZE=4]وأذا أعطيتنى تواضعا فلا تأخذ أعتزازى بكرامتى[/SIZE][/CENTER]

          Comment


          • #6
            فكروني بخطابات وتصريحات زمن مبارك
            [CENTER]نحـــن بحاجــة "للخلافـــات" أحيــــانا ، لمعــــرفة ما يخفيـــــه الأخــرون فــي قلوبـــهم ، قد تجــــد مـــــا يجعــلك فــي ذهــــول و حيــــرة ، وقـــــد تجـــد مـــا يجعلـــك تنــزع قبعتــك إحتـــــــرامـــا لــــــه
            [/CENTER]

            Comment


            • #7
              من الاخر تنزل الجمعه تطلب مطالب معقوله و مفهومه

              الساعه 10 ننضف مكانا و نمشي

              اللي يقعد معرفوش

              Comment


              • #8
                المشاركة الأصلية كتبت بواسطة walidadel مشاهدة المشاركة
                ليه بس
                انا شوفت كذا فيديو و بصراحه متشوفتش عسكري معاه سلاح كله عصيان و بعدين حتة من اعلي لاسفل دي مش مريحه اه انا معاك فيها
                العساكر اللي لايسه لبسهم اللي كانوا في الخيمه دي انا قريبتها علي كذا موقع اخباري
                بس الكلام في مجمله معقول مافيهوش حاجه
                انهارده اخبار الساعه 3 كانت جايبه لقاء صحفي مع اتنين لواء مساعد وواحد تاني كان بيتكل بطريقه غريبه و بيقول الموضوع خطير ياحضرات واحنا مش هانسكت و المحكمه العسكريه بتحقق مع 42 واحد تم القبض عليهم و البيان بتاع انهارده علي الصفحه متاعتهم طالبين ناس بالاسم
                احب اسمع مش مريحك لييييه (انا متابع ارائك من اول الثوره علي فكره)
                اتفرج عليه للاخر و انت تعرف الرصاص جى منين


                [youtube]http://youtu.be/DldCQWYvTj8[/youtube]
                [B][U][SIZE="3"]عدوك هو من يزج بك في ما لم تخلق له، فتَضُر وتُضَر[/SIZE][/U][/B]

                Comment


                • #9
                  المشاركة الأصلية كتبت بواسطة cheetos_892005 مشاهدة المشاركة
                  من الاخر تنزل الجمعه تطلب مطالب معقوله و مفهومه

                  الساعه 10 ننضف مكانا و نمشي

                  اللي يقعد معرفوش
                  الجمعه اللى فاتت الجيش مقالش لأ للمظاهرات
                  ولا لأى مظاهره قبل كده
                  ولا قال لأ لمظاهرة الجمعه دى

                  وحتى فى عز المظاهرات مقلش لأ

                  تفهم من كده أيه
                  [CENTER][SIZE=4]يا رب أذا أعطيتنى مالا فلا تأخذ سعادتى[/SIZE][/CENTER]
                  [CENTER] [SIZE=4]وإذا أعطيتنى قوه فلا تأخذ عقلى[/SIZE][/CENTER]
                  [CENTER] [SIZE=4]وأذا أعطيتنى نجاحا فلا تأخذ تواضعى[/SIZE][/CENTER]
                  [CENTER] [SIZE=4]وأذا أعطيتنى تواضعا فلا تأخذ أعتزازى بكرامتى[/SIZE][/CENTER]

                  Comment


                  • #10
                    المشاركة الأصلية كتبت بواسطة sharafconsult مشاهدة المشاركة
                    لو قلتلك أن فيه عساكر مصابين بطلقات ناريه والجيش مقالش هتصدقنى
                    طب لو صدقتنى هتفكر معايا مين اللى ضربهم وجاب السلاح منين
                    بص هو مش معنى اني مش مصدق البيان بتاع المجلس اني شايف ان مافيش بلطجة خالص , اللي انا شايفه ان القصص و الشهادات متضاربة تماما لكن كلها اتفقت ان كان فيه استخدام للعنف من قبل الجيش , و فيه قصص قالت ان كان فيه بعض البلطجية دخلوا وسط المعتصمين و تعمدوا استفزاز الجيش و انا مصدقها على فكرة

                    لكن ان يتقال تبقى عدد لا يمكن يكونوا من شباب يناير , الجملة غريبة و مافيش اصلا طريقة للحكم من خلال الشكل , و يتقال مافيش لا قنابل مسيلة للدموع ولا قنابل دخان ولا ولا ولا , صعبة شويتين برده

                    كلموهم عشان يمشوا و رفضوا , اصدقها

                    زجاجات مولوتوف , وارد بصراحة , فعلا فيه ناس بتقول ان كان فيه مجموعة سلوكها غريب في النص

                    راح المتظاهرين دول يحتجزوا الظباط اللي جوة الخيمة , واسعة 7 شويات , اذا كان المشكلة اصلا انهم حاولوا يمنعوا القبض عليهم !!

                    و بعدين قال ان الجنود اتصابوا بالطوب , ماشي
                    و فيه متظاهرين اتصابوا من التدافع , واسعةةةةةةةةةةةةةةةةةة

                    مش هاكمل بس مفروض يحترموا عقولنا شوية , مش نظام ما عملناش هما اللي عملوا كل حاجة




                    المشاركة الأصلية كتبت بواسطة walidadel مشاهدة المشاركة
                    ليه بس
                    انا شوفت كذا فيديو و بصراحه متشوفتش عسكري معاه سلاح كله عصيان و بعدين حتة من اعلي لاسفل دي مش مريحه اه انا معاك فيها
                    العساكر اللي لايسه لبسهم اللي كانوا في الخيمه دي انا قريبتها علي كذا موقع اخباري
                    بس الكلام في مجمله معقول مافيهوش حاجه
                    انهارده اخبار الساعه 3 كانت جايبه لقاء صحفي مع اتنين لواء مساعد وواحد تاني كان بيتكل بطريقه غريبه و بيقول الموضوع خطير ياحضرات واحنا مش هانسكت و المحكمه العسكريه بتحقق مع 42 واحد تم القبض عليهم و البيان بتاع انهارده علي الصفحه متاعتهم طالبين ناس بالاسم
                    احب اسمع مش مريحك لييييه (انا متابع ارائك من اول الثوره علي فكره)
                    انا كتبت دلوقت شوية حاجات من اللي ما دخلتش دماغي في الكلام , للأسف الشهادات متضاربة و انا ما شفتش بنفسي عشان اقدر اجزم , بس من الشهادات اللي قريتها فيه كلام هنا مش مقتنع بيه بالمرة
                    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                    [sor2]http://imageshack.us/a/img838/2058/8l0n.jpg[/sor2]

                    Comment


                    • #11
                      العنف لن يولد سوى العنف

                      واخلاء الميدان بهذا الشكل المرعب طبيعي انه يثير الناس ويزيد من اصرارهم ... وهذا ما حدث بالفعل والأعتصام مازال قائم !!!

                      الشعب في حاله من الفوران ودة طبيعي لأننا في ثورة والحل هو الحوار ثم الحوار ثم الحوار ... وعمل برنامج زمني معلن لتنفيذ مطالب الثورة حتى لا يشعر الشعب ان ثورته تُسرق

                      وإية حكاية عناصر اجنبية دي تاني ... احنا رجعنا لكلام النظام السابق والكلام عن اجانب واجندات !!!
                      [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

                      Comment


                      • #12
                        ده على اساس ان ال كنا بنسمعه دا صوت بومب

                        Comment


                        • #13
                          مع احترامى للكل
                          انا مش فاهم ايه السطحيه اللى بقينا فيها دى
                          اولا : دول ظباط فى الجيش مش مدنين ... يعنى الجيش يمسكهم و لا يعدمهم على خازوق ده اسمه جيش و ماينفعشى يبقى فيه تمرد خاصه فى الظروف المنيله اللى احنا فيها دى
                          انا ضد ان اي حد يفرق مظاهرة بالقوة لكن مكنش لازم المتظاهريين يسمحو بإن الضباط دول يكونو وسطهم لأننا كدة خلينا الجيش ضهره للحيطه لأما يضرب المتظاهريين لأما يسمح بتمرد من ظباطه

                          انا كنت هناك و شفت الظباط دول
                          اولا مجرد نزول البهوات دول ولع الدنيا
                          لأنهم فرضو طلباتهم على المتظاهرين

                          هما قالو انهم حيعتصمو ... و مين اصلا قال ان كان حيبقى فيه اعتصام ؟؟ كانت الجمعه دى حتبقى زى اللى قبلها مظاهرات لغاية باليل و كلو يروح بيته وهدفها سرعة محاسبه الفاسدين

                          لكن البهوات نزلولك و طلعو كارنيهات و قالو احنا ضحينا بمستقبلنا علشان مصررررررر و علشان الثووووووووووووووووره والمجلس العسكرى مليان فساااااااااااااااد و احمد شومااااااااان مسجون فى مستشفى الامراض العقليه ( ثبت كذب الحكايه دى)
                          و احنا بنطالب بالحل المجلس العسكرى ... قبل ما هما يتكلمو ماحدش قال عاوزين نحل المجلس العسكرى
                          وقالو عاوزين اقالة طنطاوى .. المتظاهرين نفسهم ماكنوش مجمعين على الطلب ده اصلا و كان فيه اختلاف كبير و اقسم بالله انا اول لما دخلت الميدان كان فيه واحد بيهتف ضد طنطاوى وواحد تانى بيزعقله و بيقوله ماينفعشى نهتف ضده دلوقتى لأنه اخر ضمان لاستقرار الدوله و الموضوع كان قرب يوصل للخناق بالايدى
                          و الهتافات كانت بتقول ( يا طنطاوى قول الحق .. انتا معاهم و لا لاء ) طبعا بعد ما الظباط طلعو و قالو ان طنطاوى رأس الفساد اتحول الهتافات (الى ( ياطنطاوى قول الحق انتا حرامى و لا لاء )
                          وده فيديو تاني ليهم و حتلاقيهم بيقولو مطالبهم
                          YouTube - ‫ظ„ظ‚ط§ط، ط§ظ„ظ…طµط±ظٹ ط§ظ„ظٹظˆظ… ظ…ط¹ ط§ظ„ط¸ط¨ط§ط· ط§ظ„ظ…طھط¶ط§ظ…ظ†ظٹظ† ظ…ط¹ ط§ظ„ظ…طھط¸ط§ظ‡ط±ظٹظ†‬‎

                          يعنى من الاخر الظباط دول كل اللى عملوه انهم خلقو اعتصام و وجهو طلبات الشعب نحو اقالة طنطاوى و حل المجلس العسكرى
                          و كانو حيتسببو فى حدوث انقسام فى الجيش ... لأنهم فضلو يقولو نطالب جميع الظباط الشرفاء بالانضمام لنا
                          و بالتالى كان لازم يتشدو من الشرطه العسكريه
                          و الشرطه العسكريه بالفعل حاولت مرتين باليل بشكل ودى انها تعتقل الظباط دول و الشعب اللى حموهم .. و ده فيديو لمره فيهم
                          YouTube - ‫ط§ظ„ظ…طھط¸ط§ظ‡ط±ظˆظ† ظٹظ…ظ†ط¹ظˆظ† ط§ظ„ط´ط±ط·ط© ط§ظ„ط¹ط³ظƒط±ظٹط© ظ…ظ† ط¯ط®ظˆظ„ ظ…ظٹط¯ط§ظ† ط§ظ„طھط­ط±ظٹط± ظٹظˆظ… 8 4 2011‬‎
                          طيب بذمتك بقى عاوزهم يعملو ايه .. ماهو الزوق مش نافع .. و دول ظباط صحيح بس كلهم ملازمين اول .. يعنى عيال لسه متخرجه من سنتين تلاته و حيخربو الدنيا وهما مش فى مناصب تتيح ليهم معرفة الفساد صحيح زى مابيقولو
                          و بعد كده فى القوانين العسكريه اللى عملوه ده اسمه تمرد او خيانه عظمى و عقوبته هى الاعدام الفورى .. بجد و الله ده القانون العسكرى فى الدنيا كلها

                          و ماتقوليش ان دول عملو زى احمد شومان .. احمد شومان ماطلبشى بحل المجلس العسكرى او باقالة طنطاوى ..يعنى ماكنشى ضد الجيش
                          وبشكل عام ... دول جيييييييييش مش مدنيين
                          و الله الكلام ده لو كان اتعمل فى مدنيين كنت قولت صحيح حرام ... لككن الجيش ماينفعشى يبقى فيه انقسامات نهائىىىى حتى لو كان مليان فساااااااااااااد

                          و تسخين الشعب على الجيش و كسب تعاطفهم مع الظباط المنشقيين دول فى مصلحة الثوره المضاده
                          و ادينا اتكدنا من ان الظابطين اللى عملو فيديو بيدعو فيه لمظاهره للظباط كانو ظباط مفصولين من 2004 و 2006 و اتأكدنا من كده بالصور
                          و بعد كده لو نراجع اشكال المعتصمين دول حنلاقيهم اشكالهم بلطجيه وواضح انهم مرتبين الموضوع اصلا

                          Comment


                          • #14
                            المشاركة الأصلية كتبت بواسطة sharafconsult مشاهدة المشاركة
                            لو قلتلك أن فيه عساكر مصابين بطلقات ناريه والجيش مقالش هتصدقنى
                            طب لو صدقتنى هتفكر معايا مين اللى ضربهم وجاب السلاح منين
                            الشروق اهي نشرت خبر اظنه يهمنا
                            الشروق -
                            الأسلاك الشائكة عرفت طريقها إلي ميدان التحرير


                            تصوير: مجدي إبراهيم

                            share224


                            اطبع الصفحة



                            علمت «الشروق» من مصادر خاصة، أن قيادات وعناصر فى الحزب الوطنى، اجتمعوا، عصر الخميس، فى مركز إعداد القادة بالزمالك، واتفقوا على إفساد مليونية الجمعة، لمواجهة دعوات محاكمة الرئيس المخلوع، حسنى مبارك، وإفساد العلاقة بين الشعب والجيش.

                            وانتهى الاجتماع، بحسب المصادر، إلى الاتفاق على حشد عدد كبير من أعضاء الوطنى وبلطجية الانتخابات إلى ميدان التحرير بغرض احتلاله ثم الاعتصام فيه، حتى يوم 25 أبريل.

                            وأكدت المصادر أن بعض رجال أعمال الوطنى دفعوا أموالا طائلة لحشد بلطجية للاعتصام فى الميدان، ووفروا لهم خياما وأدوات للإقامة.

                            ورصدت «الشروق» فى جولاتها خلال اليومين الماضيين، عددا من المشاهد التى تؤكد قيادة الثورة المضادة لأحداث العنف فى التحرير ضد الجيش فجر السبت.

                            ففى نحو الخامسة فجرا، توافدت إلى الميدان أعداد من البلطجية فى جماعات متفرقة، أغلبهم «صعايدة» كما يبدو من لهجتهم، وانضموا للمعتصمين الذين كان الجيش قد طاردهم إلى الشوارع الجانبية حول الميدان.

                            وفى السادسة إلا الربع تقريبا، وعندما بدأ الجيش فى الانسحاب من ميدان التحرير، لاحقه عدد من البلطجية، الذين استغلوا فرصة اعتراض المتظاهرين على محاولة الجيش إحاطة الحديقة الوسطى فى الميدان بالسلك الشائك، وتعمدوا الاشتباك بعنف مع العساكر، ثم طاردوهم بالطوب والحجارة وزجاجات المياه الغازية الفارغة.

                            وقال أحدهم متحدثا فى التليفون: «أنا فى نص الميدان، بنكسر العربية أهوه، لأ ملحقناش حد من العساكر، هربوا مننا، خليكو انتو ناحية عبدالمنعم رياض، ولو شفتوا أى حد من الجيش اضربوهم دول ولاد...»، وتابع: «ما تخلوهومش يدخلوا الميدان».

                            وحاول أحد المعتصمين، واسمه محمد، التحاور مع أحد البلطجية بهدوء، وبمجرد أن سأله: بتعمل ليه كده؟ فوجئ بيد غليظة تسند على كتفه، وشاب أسمر ضخم الجثة، يشتمه بعنف، ويقول له «اطلع من نافوخنا وإلا هنطلع.. أمك»، والتف حوله ثلاثة منهم محاولين إرهابه، حتى اضطر للتراجع، بينما ظل البلطجى الأسمر يصدر توجيهات بإشارات من يده لنحو 50 بلطجيا ليحتكوا بمن يعارضهم أو يحاول منعهم.

                            وحاول محمد الحوار مع بلطجيين آخرين كانا واقفين فى جهة أخرى من الحديقة، يقذفون سيارة الجيش بالحجارة، فقال لأحدهما: «إنت جاى هنا ليه؟، فصمت برهة كأنه يستجمع إجابة، ثم قال بارتباك: «عشان الثورة»، «مالها الثورة؟»، فلم يعرف كيف يرد، لولا أن جذبه صديقه الآخر، وانصرفا.

                            وخلال دقائق، كان عساكر الجيش قد انسحبوا من سيارتهم، فركبها مجموعة من البلطجية، فتشوها أولا قبل أن يشعلوا فيها النار. وهو نفس ما حدث مع سيارة أخرى كانت تقل كميات كبيرة من السلك الشائك وقضبان الحديد.

                            ورصدت «الشروق» مساء أمس الأول وجود عدد من المعروفين بأنهم «سماسرة انتخابات» يوجهون المتظاهرين: وقال أحدهم: «لفة كمان هو ده اللى اتفقنا عليه؟ لسه ما عملتوش باللى قبضتوه امبارح»، بعدها بدأ هؤلاء فى الهتاف ضد الجيش والمشير والمجلس العسكرى، وتجمعت حولهم أعداد أخرى تروى قصصا عن الهجوم الذى تعرض له المتظاهرون فجر السبت، وقال أحدهم: «الجثث كانت للركب»، وعندما حاول أحد المتظاهرين التدخل ونفى ذلك تجمع حوله مجموعة واتهموه فى البداية بأنه «خائن ومدفوع من الجيش»، ثم اتهموه بالسرقة، وتكرر الأمر مع كل من حاول الحوار حول دور الجيش وضرورة الفصل بين دور المجلس العسكرى السياسى والتشريعى ودور القوات المسلحة فى حماية الوطن داخليا وخارجيا.

                            إلى هذا أكدت اللجنة التنسيقية لجماهير الثورة أن جمعة «المحاكمة والتطهير» التى أطلقتها اللجنة تعرضت لمؤامرة من جانب عناصر الثورة المضادة، وأن «العلاقة بين الجيش والشعب خط أحمر لن نسمح لأحد بإفسادها حتى يتم إجراء الانتخابات التشريعية والرئاسية، ويتسلم ممثلو الشعب المنتخبين السلطة».

                            علمت «الشروق» من مصادر خاصة تفاصيل خطة جديدة استخدمها ما بات يعرف بـ«الثورة المضادة» عشية «مليونية المحاكمة والتطهير» يوم الجمعة الماضية؛ تعتمد على إحداث وقيعة بين الشعب والجيش، وفقد ثقة الشعب بالمجلس العسكرى للقوات المسلحة، وتأليب المتظاهرين أيضا على الجيش، بزعم أن الشعب يريد إسقاطه.

                            وأفادت المصادر بأن ما حدث فى «مليونية المحاكمة» هو أحد أهم وأخطر أشكال «الثورة المضادة»، من خلال تخريب العلاقة بين الشعب والجيش.

                            وبدأت خطة إفساد مليونية المحاكمة منذ فجر الخميس عشية المليونية، عبر منع الداعية «صفوت حجازى» من إلقاء خطبة الجمعة، ومحاولة احتلال المنصة بالقوة، تمهيدا لمنع محاكمة الرئيس المخلوع حسنى مبارك، وهو ما أكده الداعية حجازى الذى تعرض للاعتداء على المنصة.

                            وقال لـ«الشروق»: هناك خطة مؤكدة لإحداث وقيعة بين الشعب والجيش، يدبرها مجموعة من فلول الحزب الوطنى يتقدمهم رجل الأعمال بالوطنى إبراهيم كامل، وأوضح قائلا: «رجال كامل كانوا موجودين منذ مساء الخميس لإفساد المليونية، وقام أحدهم بالاعتداء على ودفعى من فوق المنصة، وهو ما وصفها حجازى بـ«محاولة اغتيال، لأن المنصة كان ارتفاعها 3 أمتار»، لافتا إلى أنه توجه أمس لتحرير محضر بالواقعة.

                            وأضاف: «سعى هؤلاء الأشخاص قبل صلاة الجمعة للسيطرة على المنصة، ومحاولة منعى من خطبة الجمعة فى محاولة لإفساد مليونية المحاكمة، وإظهار الثوار بأن بينهم خلاف، والحقيقة أن الجميع متفقون على قرارات التحرك وأشكاله، مشددا على أنه ومعه اللجنة التنسيقية لجماهير الثورة لم تدع المتظاهرون إلى الاعتصام، ولم يتبق فى الميدان من المليون ونصف المليون شخص مساء الجمعة إلا نحو 1000 شخص.

                            وردا على نفى حجازى واقعة الاعتداء عليه عقب اعتلائه المنصة، قال: «أردت بما قلته تهدئة المتظاهرين، لأن الوضع فى الميدان كان يغلى ولم يحتمل أن أذكر لهم حقيقة ما حدث».

                            واتفق عبدالحكيم البحيرى، عضو اللجنة التنسيقية لشباب الثورة الذى أدار المنصة، مع حجازى على وجود خطة مسبقة لإفساد المليونية، عبر فلول الوطنى التى وجدت منذ الساعة 3 فجر الجمعة وأرادت هدم المنصة وتمزيق الفراشة، وطلبوا منع حجازى من الخطبة، ومحاولة افتعال المشاكل الجانبية.

                            وأضاف قائلا: «فى الساعة 10 صباحا فوجئت بالشاب وائل أبوالليل المدير السابق لمكتب إبراهيم كامل يريد الدخول بقوة بصحبة مجموعة شباب، وطلبنا منهم إقامة منصة فى مكان آخر بالميدان لكنهم رفضوا، وبعد فترة سمحنا بدخولهم منعا لإثارة مشاكل.

                            وأفاد البحيرى بأن هؤلاء الشباب كانوا يصرون على طلب الميكروفون للهتاف ضد الجيش قبل صلاة الجمعة، وهو عكس توجه اللجنة التنسيقية.

                            ويضيف البحيرى: فى الساعة الثانية ونصف صعدت بعض العناصر التابعة للوطنى وبينهم وائل أبوالليل فوق المنصة وظل يشتم ويسب، فى تزامن مع صعود عناصر بزى عسكرى للمنصة من الجهة الأمامية، وبدأت أعداد الشباب التى لا تنتمى للجنة التنسيقية والعناصر المخربة تزيد فوق المنصة.

                            إزاء هذا الموقف ــ يروى البحيرى ــ أعلنت اللجنة التنسيقية أن المجموعات التى تسيطر على المنصة تتعمد إفساد محاكمة مبارك، حيث تعطلت المحاكمة أكثر من 45 دقيقة، وفى النهاية اعتلت المنصة هيئة المحكمة الشعبية.

                            وعقب إجراء المحاكمة والنطق بالتأجيل، فوجئنا بشاب اسمه أحمد أبوزيد حاول الدفع بصفوت حجازى، فى هذه الأثناء، قررنا ترك المنصة وغلق الميكروفونات تماما.
                            وذكر البحيرى أن أحمد دراج، الناشط فى الجمعية الوطنية للتغيير، أكد له أن «وائل أبوالليل قال له مفيش محاكمة هتم النهاردة».
                            ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                            [sor2]http://imageshack.us/a/img838/2058/8l0n.jpg[/sor2]

                            Comment


                            • #15
                              المشاركة الأصلية كتبت بواسطة tlrsiap مشاهدة المشاركة
                              الشروق اهي نشرت خبر اظنه يهمنا
                              يبقي كده الجيش علي حق وكلامه صح تماما
                              لقد أسمعت لو ناديت حيا ولكن لا حياة لمن تنادي
                              ولو نار نفخت بها أضاءت ولكن أنت تنفخ في رماد!!
                              م.معماري/ تامر احمد

                              Comment

                              Working...
                              X