إعـــــــلان

Collapse

.

,
See more
See less

مرسي مطروح

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    مرسي مطروح

    اهلاً بكم
    الجو حرر
    انا ناوي صيف ان اشاء الله السنادي في مرسي مطروح ارجو من السادة الاعضاء من ذهب الي مطروح من قبل انو يوضح لي الاتي :
    انا هاروح بالعربية زمن الرحلة - امان الطريق - وصف الطريق
    الامالكن المميزة هناك
    ممميزات مطروح
    عيوب مطروح
    اسعار الشقق هناك
    اخد بالي من اية هناك
    [gdwl]-----------------------------------------------------------------------------------------
    إن لم تجد عدلا في محكمة الدنيا، فارفع ملفّك لمحكمة الآخرة.. فإنّ "الشّهود" ملائكة، و "الدّعوى" محفوظة، و "القاضي" أحكم الحاكمين[/gdwl]
    الكلمات الدلالية (Tags): 20, 2008, 40, 50, excel, اسعار, اسكندرية, الي, بدون, تعديل, رائع, عربية, عيوب, غابات, في, كرسي, محلات, مرسى, مصر, مطروح, مميزات, من, هل, هنا, هي, هيونداي, وصف
  • #2
    انا رحت السنة اللى فاتت و اجرت شقة في قرية اندلسية كان نازل فيها قبلي , ناس اصحابي و قابلت صاحبها في القاهرة و اديته الفلوس و ادانى المفتاح و ممكن اجيب لك الموبايل بتاعه ا, هي عبارة عن غرفة نوم مساحة معقولة 2 سرير و دولاب و ريسبشن فيه ترابيزة اكل و كام كرسي و انتريه كنبته بتتقلب سرير , و تليفزيون و مروحة سقف و تراس صغير في كراسي بلاستيك , و كانت في الدور التالت و لكن عيبها ان الميه بتيجي في كام ساعة في اليوم و بعدين بتقطع و اعتقد انها لا تصلح للشرب انما مياه الاستخدام العادي
    و كان ايجارها الف جنيه في الاسبوع

    القرية فيها العاب مائية للاطفال و سينما و كام مقهى في وسط القرية , انما انا منبسطش اوي

    احلى حاجة انك تنزل في اوتيل و اكلك جاهز و قريب و الافضل انه يكون بيطل على البحر . المنظر تحفة ..هتبقى التكلفة مضاعفة و لكن الموضوع يستاهل ,, الاكل هناك غالي حبة و خصوصا المطاعم اللى على الكورنيش و خصوصا كمان عبد التمساح بتاع السمك لانى بحب السمك ,

    نزلت شاطى البوريفاج و طلعت حرب او البوسيت تقريبا و كان تذكرة الفرد من غير شمسية عشرة جنيه ... و فيه ناس نزلت شاطئ الابيض و انبسطت جدا , بس انا مرحتش

    الفسح بالليل ما بين الجلوس على كافيه او الذهاب للسينما او سوق ليبيا او ركوب دراجات و ملاهى اطفال و ده طبعا علشان الولاد .. و ساعات بيبقى فيه سيرك و لكن مكنش موجود لانى نزلت في اخر اغسطس

    اجمل حاجة في مرسى مطروح , البحر و زحامها المعقول

    و الوحش فيها , المشوار و غلاء اسعار الاكل
    [SIZE="4"]كف الاذى عن الناس ....عباده[/SIZE]

    Comment

    • #3
      اهم حاجه راجع علي العربيه كويس لان المشوار في حدود 7 ساعات وربنا معاك وتستمتع بمرسي مطروح
      [FONT=Garamond][COLOR=blue]سبحان الله وبحمده سبحان الله العظيم[/COLOR][/FONT]

      اخوكم : محمد عماد الدين
      الوظيفه : محاسب
      [CENTER][FONT=Times New Roman][SIZE=5][COLOR=blue][B]سبحانك اللهم وبحمدك ، أشهد أن لا إله إلا أنت أستغفرك وأتوب إليك [/B][/COLOR][/SIZE][/FONT][/CENTER]

      Comment

      • #4
        في فندق أسمه بيل أير جانب مبنى المحافظة وجانب شارع أسكندرية في مكان تحفه بصراحه ... حتلاقي قدامف فيلا وقدام الفيلا عالبحر في زيي شكل أشرعه مراكب متهيألي ملونه ...
        نزلت فيه وعائلتي كذا مرة وكانت الفرد الواحد لمدة أسبوع ب 500 جنية بس مش عارف زاد ولا لأ .. هو فندق 3 نجوم بس خدمته نضيفه والغرف كذلك والوجبات عليهم طبعا ولو عايز زياده ظبط الشيفات و المضيفين في حته ب 10 كل كام يوم حيروقوك ..

        بالليل كنا نطل شارع البحر نتمشى ونأجر عجل و نقعد في كافيهات أو في كافتيريا الفندق أو الرسيبشن تحت أو حتى كنا أنا وولاد عمي في الدور بتاع الغرفه نطلع التليفزيون في الساحه بتاعة الدور ونعيش وممكن نطلع بلاي ستيشن أو الفيديو ...
        غير طبعا شارع أسكندرية وسوق ليبيا برضو جانب الفندق ...

        كنا مثلا نروح يوم قارية الأندلسيه ويوم مثلا شاطئ الأبيض والغرام والبسيط و روميل (قريب من قاية الأندلسية) ..

        ممكن تروح السيرك لما يكون في هناك أو تروح السينما (بصراحه مشوفتش غير واحده بس هناك على شارع البحر)
        أو تروح المسرح (مع أني مدخلتوش)..


        ممكن تأجر شقه بس بصراحه مش عارف بكام... بس لو فكرت فيها حتلاقي الفنادق أحسن عشان لو شقه حتذطر ترجع نثلا بدري عشان الجماعه تظبط الأكل ده غير أن جماعة حضرتك حتتعب والمفروض رايحين ينبسطوا ويرتاحوا .. وكده يعني ...
        ده رأي المتواضع وده اللي كنا بنعمله ...
        أرجو أكون وضحت وأفادت ..
        [url=http://www.postimage.org/image.php?v=Pq2rLLOS][img]http://www.postimage.org/Pq2rLLOS.jpg[/img][/url]

        Comment

        • #5
          أه صحيح بالنسبه للمشوار من أسكندرية 450 كيلو ..
          لكن من القاهرة أو الجيزة ماعرفش بس متهيألي في طريق بيختصر عليك السكه من الصحراوي ... الأعضاء يوضحوه لحضرتك عشان بصراحه ماجربتهوش قبل كده ...


          في حاجه خلي بالك وأنت راجع أن شاء الله من الحراره عشان أغلب الناس وهم راجعين (الملاحظ بشده) سياراتهم بتسخن وبتطلع دخان ..

          ده حصل مع عمي (ب نصر 128 )وإبن عمتي (ب هيونداي بوني) و أبو واحده زميلتي(ب زلموكه)
          [url=http://www.postimage.org/image.php?v=Pq2rLLOS][img]http://www.postimage.org/Pq2rLLOS.jpg[/img][/url]

          Comment

          • #6
            المشاركة الأصلية كتبت بواسطة mohamed_88sk مشاهدة المشاركة
            أه صحيح بالنسبه للمشوار من أسكندرية 450 كيلو ..
            لكن من القاهرة أو الجيزة ماعرفش بس متهيألي في طريق بيختصر عليك السكه من الصحراوي ... ا
            كدا كتير اوى
            مرسى مطروح من اسكندرية 300 كم فقط
            من القاهرة لواخت طريق وادى النطرون حوالى 430 كم
            [SIZE=4][COLOR=Blue][B][I][FONT=Century Gothic]تعب كلها الحياة فما عجب الا من راغب فى ازدياد[/FONT][/I][/B][/COLOR][/SIZE]

            Comment

            • #7
              بجد ؟؟
              لأ أسف بصراحه أصل مش أنا اللي بسوق ..
              بس لما كنت بسألهم كانوا بيقولولي كده ...
              أسف بجد .... أعذروني ......



              (بس ليه كانوا بيضللوني ؟؟؟؟ تصدق أتضايقت والله )
              [url=http://www.postimage.org/image.php?v=Pq2rLLOS][img]http://www.postimage.org/Pq2rLLOS.jpg[/img][/url]

              Comment

              • #8
                كدا كتير اوى
                مرسى مطروح من اسكندرية 300 كم فقط
                من القاهرة لواخت طريق وادى النطرون حوالى 430 كم
                ياريت حد يشرحلي الطريق بدقة ياشباب انا كل سفري بالعربية كان اسكندرية فقط
                وشكراً علي الردود
                [gdwl]-----------------------------------------------------------------------------------------
                إن لم تجد عدلا في محكمة الدنيا، فارفع ملفّك لمحكمة الآخرة.. فإنّ "الشّهود" ملائكة، و "الدّعوى" محفوظة، و "القاضي" أحكم الحاكمين[/gdwl]

                Comment

                • #9
                  حتمسك الصحراوى
                  لغايه الوادى وبعدين حتلاقى لافتات ارشاديه تنبهك الى طريق الوادى وحتلف وترجع تانى كأنك راجع القاهره وبعدين تدخل يمين وهو ده طريق الوادى حوالى 90 كم تقريبا
                  وبعدين حتلاقى نفسك طالع عند مارينا حتدخل يمين اتجاه اجبارى ومن أول فتحه تلف وترجع تانى فى اتجاه مطروح ومعاك حوالى 210 كم الى مطروح وتوصل بالسلامه يا باشا
                  مين اللى يستحمل كل ده
                  [URL="http://www.0zz0.com"][/URL]

                  Comment

                  • #10
                    بجد ؟؟؟؟ أصل مش كنت أنا اللي بسوق وغالبا بكون نايم ..
                    بس لما كنت بسأل كانوا يقولولي كده والله أسف بجد ...

                    بس والله أتضايقت أنهم كانوا بيضللوني ..

                    أعذروني بجد بس أنا كنت بقول اللي أعرفه مش أكتر عشان أوضح أعذروني.
                    [url=http://www.postimage.org/image.php?v=Pq2rLLOS][img]http://www.postimage.org/Pq2rLLOS.jpg[/img][/url]

                    Comment

                    • #11
                      المشاركة الأصلية كتبت بواسطة mohamed_88sk مشاهدة المشاركة
                      بجد ؟؟؟؟ أصل مش كنت أنا اللي بسوق وغالبا بكون نايم ..
                      بس لما كنت بسأل كانوا يقولولي كده والله أسف بجد ...

                      بس والله أتضايقت أنهم كانوا بيضللوني ..

                      أعذروني بجد بس أنا كنت بقول اللي أعرفه مش أكتر عشان أوضح أعذروني.
                      ولا يهمك يا باشا يمكن قصدهم 450 كيلو من القاهرة .. بس وصلتلك غلط .. :D


                      الشواطئ في مطروح تحفة الابيض ... روميل ... عجيبة ... كليوباترا ... شاطئ الغرام ... البوسيت
                      لكن مش كلها تنفع للسباحة ... الوج هناك - خاصة الابيض - بتقاس بالميل مش بالمتر ... رهيب والله رهيب

                      لون البحر هناك مختلف عن اسكندرية تماما
                      ولما تروح هناك ابقي هات لاصدقاءك وقرايبك لب ابيض وسوداني ... لذيذ جدا
                      اتمني لك مصيف سعيد
                      [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
                      [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
                      [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

                      Comment

                      • #12
                        اهو انا كنت مستنى موضوع اللب اللى مشهوره بيه مطروح
                        انا كنت هناك السنه اللى فاتت فى اندلسيه واشتريت لب علشان الناس بتتكلم عليه من واحد مش فاكر اسمه ايه بس هو عمودى على شارع اسكندريه واشهر واحد والناس عليه ضرب
                        واشتريت من محلين كمان
                        المشهور اوى بجد اللب زى الزفت حاجه متتاكلش اصلا والله فى محلات كتير فى اسكندريه والقاهره احسن بمراحل منه وخصوصا فى واحد مشهور اوى فى اسكندريه مش فاكر اسمه ايه وله محلات كتير واللب بتاعه تحفه وله محل فى شارع الاذاعه على الترام

                        Comment

                        • #13
                          مطروح زكريات شهر العسل فكرتني بأيام جميله بص ياباشا
                          انا طلعت من القاهرة من البوابات الساعه 1 صباحا ومسكت مصر اسكندرية الصحراوي لحد الرست هاوس ريحت شوية وبعدين اتحركت تاني فى اتجاه اسكندرية بعد الرست بكام كيلو كده هاتلاقي يوترن مكتوب عليه طريق العالمين وادي النطرون هاتاخد اليوترن وترجع فى اتجاه القاهرة هاتلاقي يافطة طريق وادي النطرون على يمينك هاتخش الطريق يا باشا واصله 130 كيلوا زي الفل خلي بالك لو هاتروح باليل مافيش انارة على الطريق ده بس عيون القط يمين وشمال حلوه جدا الطريق حارتين 2 بس بس طريق نضيف انا كنت ماشي 160 بس مافيهوش خدمات غير استراحات في وسط الصحرا كل كام كيلو هاتفضل ماشي لحد ما تقابل الطريق الساحلي الدولي هاتاخد يمين اجباري طبعا هاتبقي مارينا على شمالك هاتاخد يوترن وترجع تاني فى اتجاه مطروح حوالي 130 كيلوا كمان الطريق معقول بس مش حلو اوي زي وادي النطرون بس هاتلاقي بأه خدمات وفي مكان هاتلاقي فيه بيتزا هت وكوستا معاك لحد ما توصل مطروح خلي بالك عند مدخل البلد هاتلاقي طريق يمين وطريق على طول ما تخشش في اليمين ده المدخل التاني للبلد لأني اتخدعت فيه ودخلته انا وصلت في حوالي 5 ساعات وانا راجع رجع في 4 ساعات وشويه بس ما ريحتش في السكة بالنسبة للبلد الشقق من 150 ل 200
                          الشواطئ روميل حلو الأبيض أكثر من رائع بس يعيبه ان فيه موج تخاف على الأولاد عندك صخرة عجيبه ودي منظر طبيعي هايل بس بعيده شويه حوالي 30 كيلوا من مطروح وفي الغرام برده شاطئ كويس يارب تتبسط ولو أي إستفسار عن الطريق أو البلد أنا تحت أمرك

                          Comment

                          • #14
                            المشاركة الأصلية كتبت بواسطة M_HaFeZ مشاهدة المشاركة
                            اهو انا كنت مستنى موضوع اللب اللى مشهوره بيه مطروح
                            انا كنت هناك السنه اللى فاتت فى اندلسيه واشتريت لب علشان الناس بتتكلم عليه من واحد مش فاكر اسمه ايه بس هو عمودى على شارع اسكندريه واشهر واحد والناس عليه ضرب
                            واشتريت من محلين كمان
                            المشهور اوى بجد اللب زى الزفت حاجه متتاكلش اصلا والله فى محلات كتير فى اسكندريه والقاهره احسن بمراحل منه وخصوصا فى واحد مشهور اوى فى اسكندريه مش فاكر اسمه ايه وله محلات كتير واللب بتاعه تحفه وله محل فى شارع الاذاعه على الترام
                            اشهر اتنين بتوع لب هما علم الروم والنصر .. لو عاوز حاجة مضمونه ابقي عدي علي العباسية وانت راجع .. في واحد اسمه المروة قدام المستشفي الايطالي ... زي الفل :)
                            وممكن يحطلك اللب في اكياس بدون اسم ... وهدية زي الفل ... هو يعني اللي في مرسي مطروح هو اللي فيه البركة :D
                            كله لب يا باشا
                            والا اقولك وفر وما تجيبش
                            ياللا بلا مصاريف بلا هم ;)
                            [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
                            [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
                            [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

                            Comment

                            • #15
                              أه صحيح في حته إسمها حمام كليوباترا رائعة الجمال .. (اللي متصورة عندها فاتن حمامه لما الولد غرق فيه )


                              شكلها كده يا أستاذ aif فعلا ههههههههه..
                              [url=http://www.postimage.org/image.php?v=Pq2rLLOS][img]http://www.postimage.org/Pq2rLLOS.jpg[/img][/url]

                              Comment

                              السابق 1 2 template التالي
                              Working...
                              X