إعـــــــلان

**mailo** · 11-04-2011, 06:14 PM

من غير تمرين أنا وصحابي بنروح نركب خيل فالمريوطيا ومرة الحصان جرحلي رجلي في حتة بنعدي من جنبها في زنقة غبية قوي

ونفس النيلة ده كان مصمم يعض حصان تاني كل مايقرب مني يلف رقبته عليه ولمصيبة إنه بيبقى طاير

وطبعا بعد كل ركوبة كنت بارجع مكسر ومدشدش عالاخر

**smsm_nabawy** · 11-04-2011, 07:28 PM

المشاركة الأصلية كتبت بواسطة nistelrooy مشاهدة المشاركة

كنت ماسك في رقبة الحسان قافش فيها خايف اقع كان يوم ورجعت البيت جسمي متكسر اسبوع

ههههههههههههههههههههههههههههه .. الحمد لله أنها جت سلييييمة :))

**smsm_nabawy** · 11-04-2011, 07:29 PM

المشاركة الأصلية كتبت بواسطة mailo مشاهدة المشاركة

من غير تمرين أنا وصحابي بنروح نركب خيل فالمريوطيا ومرة الحصان جرحلي رجلي في حتة بنعدي من جنبها في زنقة غبية قوي

ونفس النيلة ده كان مصمم يعض حصان تاني كل مايقرب مني يلف رقبته عليه ولمصيبة إنه بيبقى طاير

وطبعا بعد كل ركوبة كنت بارجع مكسر ومدشدش عالاخر

ده حصان رخخخم أوي !!! و غبي كمان !! =))))

بس وحاشة الموضوع انه فعلاً بيكسر الجسم

**heshamzaky** · 11-04-2011, 08:15 PM

ههههههههههههههه بص ركوب الخيل دة متعة بس مغامرة مش سهلة لو أنت بتحب الجرى و السبق بية . الاول فية فرق كبير جدا جدا بين ركوب الاحصنة الى فى نزلة السمان و ركوب الاحصنة المدربة صح بتاعت الرياضة الحصان بتاع نزلة السمان دة حصان بلدى مقطوع نفسة و تعبان و شقيان بجد ربنا يعينة على الشقا و مش بياكل كويس .
الجرى على النجيلة فى تراك حا تحس أنة ناشف شوية عن الجرى فى الصحراء . الحصان بتاع القوات المسلحة او النوادى بمشى بخطوة أسمها ((( تروت ))) أو ال ((( غار ))) يعنى رجل أمامية مع عكسها بالرجل الخلفية طبعا حا تحس أنك بتتنطط فوق ظهر الحصان و لازم تبقى عارف يقعد أزاى فوقة و الا حا تتعب شويتين من المشية بتاعت الحصان دى . الحصان لما بيفتح فى الجرى بيبقى بيحرك رجلية الامامية مع بعض و الرجلين الخلفية مع بعض دة بيريحك و انت راكب و على فكرة الحصان من اول ما بتحط رجلك على الركاب علشان تطلع فوق ظهرة بيقيمك و بحس بيك و بيبقى عارف انت بتعرف تركب و لا لآ . المواقف الكوميدية كتير جدا جدا و حصلت حاجات كتير جدا كذا مرة أنا بصراحة الى أتغابيت على الحصان و الحصان كان حا يقلبنى من فوق ظهره دة غير أنة ساعات بيحاول يعض رجلك و انت راكب و حاجات كتير كدة . أكتر المواقف المضحة لما تركب على الحصان من غير سرج خالص و لا حتى اللباد الى بيتحط فوق ظهرة بعد ما الحصان يعرق و تلاقى جسمة بقى علية عرق زى الصابون طبعا حا تنزل حا تحس أن ريحت هدومك بقت مهببة زى الحصان بالظبط هههههههههههه نفس الريحة . و لو بتتمرن فى نادى أوعى تغامر و تحاول تقفز أى حواجز حا تقع من فوقة دة لة تمرين تانى خالص

**zago** · 11-04-2011, 08:48 PM

طيب انا كنت بركب موتوسيكل تريلا
اعتقد زيه زي الحصان بالظبط
بس ده بنزين مش برسيم
وفيه كلاكس

**smsm_nabawy** · 11-04-2011, 10:28 PM

بجد ممعلومات مفيدة منكم الله يخليكم يا رب !!

و موقف العرق ده تحفففففة :)))

**smsm_nabawy** · 11-04-2011, 10:31 PM

المشاركة الأصلية كتبت بواسطة zago مشاهدة المشاركة

بس ده بنزين مش برسيم
وفيه كلاكس

هههههههههههههههههههههههههههههه

المشاركة الأصلية كتبت بواسطة zago مشاهدة المشاركة

طيب انا كنت بركب موتوسيكل تريلا
اعتقد زيه زي الحصان بالظبط
بس ده بنزين مش برسيم
وفيه كلاكس

على فكره مش زيه خااااالص :))))

سؤال كمان لو سمحت !! يعني أيه موتسيكل تريلا ؟؟؟ :))

**smsm_nabawy** · 11-04-2011, 11:52 PM

والله الكائنات دي جميلة جداً بجد و وفيييييية أوي اوي ... بس سبحان الله بقا .. الي حصل ... :))

بس الموقف جامد أوي الصراحة .. الحمد لله أن الوقعة كانت على قش مش على أسفلت او رمله !!! :))

و كمان على رأيك .. مالها الحمييير .. جميلة و قصيرة ... و يوم مالحمار تهفه دماغه و يحب ينزلك .. مد رجليك جامد بس حتلاقي نفسك وصلت للأرض :)))

**heshamzaky** · 12-04-2011, 12:00 AM

المشاركة الأصلية كتبت بواسطة otefa مشاهدة المشاركة

رياضة تحفة بجد أنا بأركب على خفيف كام مرة في السنة نزلة السمان الغردقة على البحر بيبقى رائع برضه.......مش محترف بس بيبقى الحصان معايا أندر كنترول سواء تمشية أو جري..........أحلى وقت كان الفجر الحصان بيبقى فايق وبصحته والجو بيبقى تحفة في الصيف
على فكرة ياهشام باشا بيبقى فيه خيل جامدة جدا في الهرم بس بتبقى أغلى وعايز تحكم مش أي حد يركبها لأنها بتبقى حساسة قوي للمسة منك
وفيه خيل بترقص كمان .....دماغ
من أشد الأماكن المتخصصة في الخيل في مصر ويمكن على مستوى الشرق الأوسط مزرعة(مدرسة) الزهراء في عين شمس.........أنتاج خيل عربي ومدرسة للتدريب

عارفها يا باشا طبعا و بص الخيول العربية بيقولو عليها خيل الجمعية هههههههههه
و أشهر العائلات الى بتتاجر فى الموضوع دة عائلة أسمها عائلة الطحاوية ليا منهم واحد صاحبى .
بالنسبة للخيل بتاع نزلة السمان طبعا فية خيل ممتازة بس مش للأيجار و الركوب العادى دى بتتأجر سرقة يعنى يبقى واحد حاطط الحصان بتاعة فى الاسطبل و بيدفع شهرية لصاحب الاسطبل ساعات بيستهبلو و بيخرجو الخيل دى للأيجار بس مش أى حد لان الخيل بتبقى حامية و لازم الى حا يركبها يبقى ركيب مش غشيم بدل ما أولا الحصان يقع و يتعور و بعد كدة الشخص ممكن يقع و يتكسر . أنا كان ليا صديق من عائلة معروفة جدا فى نزلة السمان كنت بركب الحصان بتاعة و هو حصان عربى بس بتوع الجمعية دة بيبتدى من 35 الف جنية على فكرة و أنت طالع . بس ركوبة مختلفى تماما ناعم زى اللبانة و رهوان و شديد جدا جدا بجد بصراحة لما كنت بركبة كنت بطير طيران بية بجد عامل زى العربيات اليابانى ناعم جدا و تسارع رهيب و لا يكل و لا يمل من الجرى و يا سلام لو ركبتة بعد ما يكون محبوس بقالة يومين مثلا ما خرجش من الاسطبل بيطير طيران بجد .
الخيل الانجليزى ركبتة بس حجمة ضخم جدا و وزنة تقيل و تحس أنك راكب قطر

Comment

Comment

Comment

Comment

Comment

إعـــــــلان

.

ركبت الخيل بعد أنقطاااع طويل !!

ركبت الخيل بعد أنقطاااع طويل !!

Comment

Comment

Comment

Comment

Comment

Comment

Comment

Comment

Comment