صور فرح المهاتما(السندباد الطائر)

[Karim_Monir]

طبعا انتم عارفين ان كان فرح اخويا هاني يوم الخميس اللي فات وانا كنت سافرت الاربع عشان اكون معاه من بدري وبقية وفد نايل موتورز خد طلعة مكوكية للاسكندرية لحضور زفاف اخونا هاني وللاسف ماحضرش من القاهرة غير اسلام المصري واسلام شاهين وحسن خليل ومعاذ الشرباصي واحمد سومو ومن الاسكندرية محمد الطويل واحمد جنيدي والعبد لله
ربنا يباركلك يا هاني ويجعل ايامك كلها سعيدة ويرزقك الذريه الصالحة ويكونو حفظة للقرءان ان شاء الله
ونسيبكم مع الصور بقي :


عربيتي المتواضعة اصلي اصريت ان اخر ساعات العزوبية لهاني تكون في عربيتي وشكرا لاحترامة لرغبتي




السندباد الطاير في اخر لحظات العزوبية قبل ما يخرج من بيته

ده خالد اخو هاني
عريسين صح ؟

ده العبد لله اخو هاني التاني


ده محمد الطويل وكان واقف على طوبة عشان يبان اطول مني:p:p


العريس عند الاستديو


ها ها ها
وهنا محمد نزل من على الحجر الي كان واقف علية(مش نزل من على الرصيف وانا فوق الرصيف ولا حاجة)


خالد ومحمد


كريم وخالد



الطويل واسلام شاهين


من اليمين اسلام شاهين -محمد الطويل-حسن خليل-اسلام المصري-احمد جنيدي
ورا هاني احمد سومو-وجنبة معاذ الشرباصي



صورة خطفتها مع العريس بسرعة قبل مانزل اجهز العربية



ملحوظة:
ناس كتير بتسال ايه اللفة الحمراء دي ؟
دي لفة صغيرة مش قد المقام قدمها ناس بتحب هاني لهاني يوم فرحه اقل تعبير منهم عن حبهم ليه ولشخصيتة الرائعة وطبعا مش باين ايه الهدية اعذروني عن عدم كتابة اي اسم من اللي قدموا الهدية لعدم احراج اي شخص ولقيمة الهدية المتواضعة اللي ماتلقش بمقام هاني عندنا

(طبق من النحاس المشغول يدويا بخان الخليلي بداخله سورة الفلق والاخلاص)
ودي صورة للتوضيح


تم بحمد ومنة من الله
وربنا يرزق كل من لم يتزوج حتى الان
فالزوجة الصالحة خير نعيم الدنيا

[mbluethunder]

ألف ألف ألف مبروك يا هاني

وربنا يكرمك ياكريم إنك نزلت الصور علشان الناس تشارك هاني فرحته

أنا بجد ماقدرتيش آجي اليوم ده لظروف قهريه والحمد لله عدت على سلام

بجد كان نفسي أشارك المهاتما في المناسبه السعيده ده

ربنا يوفقك يا هاني في حياتك الجديده ويرزقك الذريه الصالحه

[zeyad1810]

الف مبروك وربنا يرزقهم بالخلف الصالح

[Nile_Storm]

الف الف الف مبرووووووووووووك
ربنا يباركله في جوازه و يرزقه الذريه الصالحه

و عقبال الجميع

علي فكره ياكريم انا حاجزك عشان توصلني يوم ما اتجوز بعد عمر طويل هههههههههههه
انت عارف بقي عربيتي مليانه فورمالين :)

[boody2]

الف الف مبروك و بالرفاء و البنين ان شاء الله

[Dr Ahmed]

ألف ألف مبروك لهانى حبيب الكل
ويارب يديم فرحته ويبارك له فى أهله ويرزقه أحسن ذرية ويبارك له فيها

وألف ألف ألف مبروك

ومش غريبة على كريم
بس فين صور كتب الكتاب والعريس فى الكوشة؟

[fahd_628]

الف الف مبروووووووووك

[elayat]

ألف مليون مبروك

بس أنا زعلان إزاى متعزمنيش على الفرح:(:(:(:(
ولا يعنى علشان المشوار
والله لو جاى من السودان مش خسارة فيك المشوار

[خالدابوالنجا]

ربنا يوفقك ان شاء الله ويجعلها فتحة بخير عليك
( يا راجل كنت اسالنى !!!!!!!! لا حول ولا قوة الا بالله)
اعتقد ان المهاتما هيقلب غاندى بعد الجواز
يا ريت حد ينزل صورة المهاتما وصورة غاندى لنعرف الفرق بين قبل الزواج وبعده.
هههههههههههههههههه
ربنا يكرمك ويرزقك بالذريه الصالحه
تحياتى للجميع

[Powert]

الف مبروك ياهاني ومش غريبة عليك يا كريم اللي انت عملته ده

مـــــــــــــــــــــــــــبـــــــــــــــــــــ ـــــــــــــــــــروك

[OsKaR]

الف مبروك و عقبال ما نشوفك اب

[hazem_khidr]

الف الف الف مبرووووووووووووك
ربنا يباركله و يرزقه الذريه الصالحه

[Hassan Khalil]

الف مبروك لهاني ..
و شكرا علي الصور يا كريم .
و حاول تشوف حل في العيون العفاريتي اللي طالعة في الصور دي ..

[Hassan Khalil]

و زي ما باركنا للعريس في فرحه ..
عايز اشكر كل من تشرفت بلقائهم و تعرفت عليهم في الفرح ..
بداية من العريس الطائراللي كان نجم الليلة .. و خالد اخوه اللي شبهه جداجدا .. و رجالة اسكندرية اصحاب البيت الاساتذة احمد جنيدي و محمد الطويل .. و رجالة القاهرة الاستاذ اسلام شاهين و الاستاذ اسلام المصري و الدكتور المهذب معاذ ... و السيد المهندس القدير جدا احمد سومو ..:).. و بالطبع قائد مسيرة الزفة ابو بيدو و كنزي ربنا يحفظهم ليه و يحفظه ليهم.
تشرفت بكم جميعا .. و عقبال ما نبارك لباقي اعضاء المنتدي

[محمد عز]

الف مبروك ياهانى باشا وربنا يرزقك بالذريه الصالحه باذن الله