الــــــــتناكة ...... الأعراض.. الدوافع .. و العلاج

[زينة الله]

المصيبة ان فعلاً التناكة مش لايقة عليه تماماً و لا يملك اي من مقوماتها كعلم او اهمية في الشغل
علشان كدة استنتجت ان اغلب الي بيتمتعوا بالصفة الجامدة دي بيبقى ما عندهمش ثقة في نفسهم

تقريبا استنتاجا صح 100% بس صاحبك دا خنيق قوى هههههههه ... الله يكون فى عونك مستحمله أزاى دا ؟؟

[abumoh2000]

التناكه كنز لا يفنى

[mailo]

عندي شخصية زي دي في الشغل و مطلع عني بصراحة مش عارف اعمل معاه ايه
بسيطة جداا
و المصيبة ان التناكة مش لايقة عليه

يعني مثلاً لا هو صاحب علم و لا طبيعة الشغل الي هو ماسكة مهمة و لا يمتلك اي مقوم من مقومات التناكة
و يسلام بقى لما يرفع سقف التناكة لـ 100 % و يبتدي يدخل كلام انجليزي في العربي يا سلام بسمع كلام اول مرة اعرفه و اتضح في الأخر انه ما يعرفش حاجة غير yes , no و كام كلمة بيلقطها مني بيبقى ساعتها بقى إنت طالب english 180 وماتنطقش كلمة واحدة عربي ولو الكلمة اللي هتقولها ليها أكتر من معنى استخدم المعنى الغير مشهور ساعتها هتلاقية يقولك النبي عربي و اتأكد من كدة اني كنت قدمت في منحة أنجليزي لقيته شبط فيها و كان يوم أسود بقى بيروح معايا يومين في الأسبوع و بيعاملني على أني السواق

و نفسي اسجله فيديو و هو قاعد في المحاضرة قمة الغباء الناس كلها بتضحك عليه لما يتكلم

لدرجة كان بيتشرحلنا الأمتحان هيجي أزاي و في جزء منه أستماع و بعدين احنا نجاوب على الي بنسمعه و طبعاً هيكون فيه ملف على الكمبيوتر يتسمع ... تخيلوا بيستفسر عن أيه .... بيقول للمحاضر هو لازمة ملف الصوت ايه بقى في الموضوع الناس كلها ضحكت عليه .
ده غير انه بيعامل باب العربية بتاعتي كأنه ..... و لا بلاش بيهبده هبده و هو نازل مش ممكن لدرجة ان في مرة قربة السنتر اتفكت و وقعت جو الباب
بكل بساطة قولوا إيه ياعم هو باب تلاجة ؟
بتهريج فالأول عشان ياخد باله لو مش عايز تهرج معاه ممكن تستفز أهله وتقوله على فكرة العربيات الحديثة مش لازم ترزع بابها بيتقفل بالراحة قوي لو 128 كنت قلتلك ماشي وايه إنت ماركبتيش مرسيدس قبل كده ؟؟!!!!
لو عملها تاني بقى اعمل إنت pause 5 ثواني كده وقولوا لو سمحت ماترزاعش باب العربية تاني

ده غير طبعاً انه لازم و احنا نازلين من الشغل علشان نروح القرص ينزل بعدي بـ 10 دقائق علشان اكون انا طلعت العربية من الركنة و واقف مستني سعادته حتى لما بقيت اتعمد ان احنا ننزل سوا يقوم داخل الحام يقعد فيه العشر دقايق علشان اسبقه
اسمحلي يعني ده غلطك إنت, هو اللي رايح معاك يبقى هو اللي يظبط نفسه عليك
هو اللي يجيلك يقولك يلا ننزل تقوله استناني 5 , ماترحلوش تجيبو دي واحدة التانية بقى في يوم عادي جدا قولوا مش هينفع نروح مع بعد النهارده عشان أنا هجيب شوية حاجات أو هروح مشوار الأول وكلام اللي هو مش هتيجي معايا يعني خدلك تاكسي عشان يعرف إنه مش فارق معاك وإنك مش عامل حسابه قوي يعني عشان توصله

و اسمعو ا دي بقى علشان كنت هموت فيها

مرة كان مديري عربيته بطاريتها بايظة فقولت اخده في سكتي و طبعاً قعد جنبي و النجم التاني قعد ورا
بعد لما مديري نزل لقيته ما عملش اي استجابه ان يطلع يقعد جنبي و بصيتله في المراية لقيته باصص الناحية التانية و متنح و لا حتى سألني انت واقف ليه
بقوله ما تيجي تقعد جنبي يا حنين رد بتناكته المعهودة اطلع اطلع ..... !
قفشت عليه بصراحة جامد و نزل و هو متأفف قعد جنبي و كانت الكارثة بدل ما كان بيهبد باب واحد هبد البابين الي نزل منه و الي ركب منه
رد الباب إنت عرفته خلاص
وكان ممكن ساعتها تقوله لو متضايق أنزل
أو لو متضايق تعالى سوء إنت
و طبعاً حاجات تانية كتير بس مش عايز اطول

في مرة قولت اخنقه شويه

قولتله انا هنزل اطلع العربية و استناك تحت
نزلت قعدت اتمشى في المنطقة و وقفت مع كام واحد مخنوق منه بردو في حتة مستخبية و خليته يستناني ربع ساعة و لما رجعت لقيته بيزعقلي !!!!!!!!!!!!!!!!!!!!!!!!!!!!!!!!!!!!
دي بقى مش هينفع أرد عليها
المصيبة ان فعلاً التناكة مش لايقة عليه تماماً و لا يملك اي من مقوماتها كعلم او اهمية في الشغل

علشان كدة استنتجت ان اغلب الي بيتمتعوا بالصفة الجامدة دي بيبقى ما عندهمش ثقة في نفسهم
أحسن حاجة بتنفع مع الناس دي التجاهل نفضله تماما حتى من غير سلام ولو سالم عليه ابتسامة صافرة وآه إزيك يا باشا وكامل في طريقك عادي اقلبو بمعنى أصح

هههههههههه المشكلة إن الناس دى بتأخذ التناكة وسيلة للنصب عشان تكع دم قلبك فى المصروفات و التبرعات
و أنت بتحمد ربنا إنهم قبلوا يأخدوهم منك ههههههه

لو سمحتي يازينة الله أنا اتكلمت عن المصروفات بس متخلنيش أفتح في موضوع التبرعات ده عشان هتوقف فيها

[أشرف العدوي]

بكل بساطة قولوا إيه ياعم هو باب تلاجة ؟
بتهريج فالأول عشان ياخد باله لو مش عايز تهرج معاه ممكن تستفز أهله وتقوله على فكرة العربيات الحديثة مش لازم ترزع بابها بيتقفل بالراحة قوي لو 128 كنت قلتلك ماشي وايه إنت ماركبتيش مرسيدس قبل كده ؟؟!!!!
لو عملها تاني بقى اعمل إنت pause 5 ثواني كده وقولوا لو سمحت ماترزاعش باب العربية تاني

ده انا في الأول كنت بطير زي حارس المرمى من الكرسي بتاعي لحد الكرسي الي جنبي و أفرد أيدي قبل ما يترزع و الحقه
مش يقولي مثلاً انت عملت كد ليه لاء عادي مصدر الصداغة و ماشي .

ده و طبعاً مش بيرد على تليفون المكتب عنده لازم حد يسحب الخط و بعد كدة ينده عليه ( و ممكن ما يردش على الي بينده عليه و هو قاعد في المكتب الي جانبه ) و يقوله فلان عايزك و ساعتها يقرر يرد على التليفون و لا لاء .
انا قربت أتشل !!!!!!!!!!!!!!

تقريبا استنتاجا صح 100% بس صاحبك دا خنيق قوى هههههههه ... الله يكون فى عونك مستحمله أزاى دا ؟؟

مش انا لوحدي الي مستحمله الإدارة كلها مستحملها ده حتى بتاع البوفيه الغلبان مش عاتقه
لولا ان احنا عارفين انه محتاج الشغل قوي كنا نقلناه و لا زهقناه في عيشته لحد ما يتربى .

[نور القمر]

التنكين نوعين
نوع تعاملك معاه لمرة واحدة بالصدفة زي ما الاعضاء ذكروا زي سواق - بياع -واحد في الشارع تسأله عن حاجة ...الخ
غالبا غالبا وبدون قصد وردة فعل طبيعية مني ببص للتك باشمئناط وبيلاحظها عليا
(صح اشمئناط كدة ولا ايه )
النوع الثاني حد موجود في حياتك ومعرض انك تتعامل معاه في ظروف كتير
بتجاهله على اد ما اقدر واحسسه انه مش مهم ولو اضطريت للتعامل بيبقى بتناكة اكتر وتعمد اظهار التعالي والغرور
والطريقة دي مجرباها كتير ومجدية وبتخليه يتراجع عن تصرفاته ومش بس كدة ده ممكن يتملق لك كمان

[CryptonX]

للاسف في ناس اتربوا على كدة !

يعني صديق لي بعزه جدا بيعامل اي حد "" اي حد "" منعرفوش او مش عاجبه او مش على هواه او من الاخر مش حنستفاد منه حاجة كانه مش موجود ... و كل مرة بعاتب عليه في كدة ...

في اوقات بصراحة " بتستدعي " انك تكون كدة ... بس مع اشخاص معينين مش عمال على بطال ..

يعمي مثلا داخلين المطار ... على شباك التذاكر بيبقى في راجل قاعد من الصبح مبيعملش اي حاجة غير انه يديك التذكرة و انت تخش .. مش حيضرك ابدا ولا يضره انك تلقي السلام ! سلامه عليكم ! مساء الخير ! تذكرة بعد اذنك ! و تبتسم في وشه حتى لو وشه مكشر !

صدقني بتفرق ! حتى لو مبيبنش ساعتها .. لو راجل كويس حيبفتكرها و يتفكرك و ممكن يعامل الي بعدك احسن ..

انما صديقي ده ... نخش .. .لابس النظارة الشمس ... يقرب جنب الراجل ...يفتح الشباك ولا حتى يبصله حتى ... ياخد التذكرة من ايده .. يقفل الشباك ويطير ...

و للاسف في ناس فاكرة ان كدة انت " ابن ناس " او يعني غني او حاجة ...و بيعتبروني " طيب " او سوري ممكن يتضحك عليا ! علشان بعامل الناس كويس !

ربنا يهدي !

[tamatemo]

لا التناكة والتنكين دول اصناف وانواع


النوع الاول التناكة والدلع


في اول سنة ليا في الكلية كنا في لاب وكان المفروض هانكتب برنامج علي الكمبيوتر
فكان فيه كذا كمبوتر بايظ فقعدت انا وواحد صاحبي وبنت معانا علي كمبيوتر

المهم صاحبي كتب مرة وانا كتبت وخلصت وبقولها اتفضلي

بصتلي من فوق لتحت وعدلت النضارة فوق مناخيرها وكلمتني من طرطوفتة مناخيرة ولسانها وكل حاجة فيها
وبمياعة

"لاء انا مش باكتب كيدا الكي بورد دي مش زيب اللي عندي في البيت ثما دي مش نضيفة "
هيا كانت بتنطق زي ما كتبت بالظبط مش غلطة كتابة مني
المهم انا بصتليها ومتكلمتش
صاحبي اداه حركة صوتية من الانف والفم يعاقب عليها المنتدي بالرفد

وانا وقعت علي روحي من الضحك
ومن ساعتها وهيا كانت معدولة معانا

الموقف بقالة 12 سنة بس ما يتنسيش

وبالتالي عرفت اي حد تنك "علي الفاضي"

بنقوم عاملين عليه حفلة تريقة بيكره حياته وبيتعدل او مابيعرفناش تاني

وبكدا بنكون استيريحنا منهم

او بنتنك احنا عليهم بزيادة

[tito_1980]

طب يا جماعه معلش انا عندي مشكله مزمنه مع التناكه و هقولها بمناسبه فتح الموضوع ده و المشكله تتلخص في ان اي حد لسه متعرف عليه بديله فيرست امبيرشين اني تنك طب ليه ؟ عشان مبتكلمش كتير مع اي حد لسه معرفوش كويس فما بالكوا بواحد او واحده لسه متعرف عليه او عليها دلوقتي يعني الاجابه علي قد السؤال و مبقولش الا الكلام اللي في صميم الموضوع اللي بنتكلم فيه و مبعرفش ابتسم و بتكلم بجديه يمكن زايده عن اللزوم فهل انا تنك علي كده ؟ و ايه الحل ؟ عشان في ناس فعلا بتتجنب تتعامل معايا و الموضوع ده من زمان من ايام الكليه ... يعني من كام يوم كان في عميله بتكلم معاها و كده لاول مره فبعد ما خلص الميتينج اتصلت بشريكي و قالتله من الاخ التنك اللي انت باعتهولي ده ؟ طبعا عشان اتكلمت معاها فيما يخص الشغل فقط و كنت جد في الكلام

[shaddadfalcon1]

طب يا جماعه معلش انا عندي مشكله مزمنه مع التناكه و هقولها بمناسبه فتح الموضوع ده و المشكله تتلخص في ان اي حد لسه متعرف عليه بديله فيرست امبيرشين اني تنك طب ليه ؟ عشان مبتكلمش كتير مع اي حد لسه معرفوش كويس فما بالكوا بواحد او واحده لسه متعرف عليه او عليها دلوقتي يعني الاجابه علي قد السؤال و مبقولش الا الكلام اللي في صميم الموضوع اللي بنتكلم فيه و مبعرفش ابتسم و بتكلم بجديه يمكن زايده عن اللزوم فهل انا تنك علي كده ؟ و ايه الحل ؟ عشان في ناس فعلا بتتجنب تتعامل معايا و الموضوع ده من زمان من ايام الكليه ... يعني من كام يوم كان في عميله بتكلم معاها و كده لاول مره فبعد ما خلص الميتينج اتصلت بشريكي و قالتله من الاخ التنك اللي انت باعتهولي ده ؟ طبعا عشان اتكلمت معاها فيما يخص الشغل فقط و كنت جد في الكلام

احيانا الشخص قليل الكلام يقال عليه انه تنك ومتكبر ومش بيكلم بني ادمين والكلام ده ياما سمعته في ايام الثانوي
بس دلوقتي انا باكل ودن الناس ومزهقهم في عيشتهم رغي وغلاسه في الشركه ومع ذلك الناس كلها تحبني ولو مجتش الشغل اسبوع الاقي الناس تتصل بيا ويقولوي مفتقدين غلاستك ههههههه

اهم حاجه تبقي بشوش وتتكلم برده يعني بصراحه انا بضايق لما الاقي واحد اول مره اتكلم معاه والاقي الرد علي قد السؤال وشكرا علي كده

وببقي مبسوط لما الاقي اللي قدامي اقوله كلمه يرد عليا بعشره والكلام يجيب بعضه وعلاقتنا تبقي كوبسه قوي

[زينة الله]

غالبا غالبا وبدون قصد وردة فعل طبيعية مني ببص للتك باشمئناط وبيلاحظها عليا
(صح اشمئناط كدة ولا ايه )

بتجاهله على اد ما اقدر واحسسه انه مش مهم ولو اضطريت للتعامل بيبقى بتناكة اكتر وتعمد اظهار التعالي والغرور
والطريقة دي مجرباها كتير ومجدية وبتخليه يتراجع عن تصرفاته ومش بس كدة ده ممكن يتملق لك كمان

وبالتالي عرفت اي حد تنك "علي الفاضي"

بنقوم عاملين عليه حفلة تريقة بيكره حياته وبيتعدل او مابيعرفناش تاني

وبكدا بنكون استيريحنا منهم

او بنتنك احنا عليهم بزيادة

تقريبا أغلب رد الفعل هيكون فعلا زى ما بتقولوا كدا بالتناكة المضادة ههههههههه و العين بالعين والسن بالسن و البادى أظلم

التناكة فن وذوق

التناكه كنز لا يفنى

نشاطركم التناكة

[زينة الله]

للاسف في ناس اتربوا على كدة !

يعني صديق لي بعزه جدا بيعامل اي حد "" اي حد "" منعرفوش او مش عاجبه او مش على هواه او من الاخر مش حنستفاد منه حاجة كانه مش موجود ... و كل مرة بعاتب عليه في كدة ...

في اوقات بصراحة " بتستدعي " انك تكون كدة ... بس مع اشخاص معينين مش عمال على بطال ..

يعمي مثلا داخلين المطار ... على شباك التذاكر بيبقى في راجل قاعد من الصبح مبيعملش اي حاجة غير انه يديك التذكرة و انت تخش .. مش حيضرك ابدا ولا يضره انك تلقي السلام ! سلامه عليكم ! مساء الخير ! تذكرة بعد اذنك ! و تبتسم في وشه حتى لو وشه مكشر !

صدقني بتفرق ! حتى لو مبيبنش ساعتها .. لو راجل كويس حيبفتكرها و يتفكرك و ممكن يعامل الي بعدك احسن ..

انما صديقي ده ... نخش .. .لابس النظارة الشمس ... يقرب جنب الراجل ...يفتح الشباك ولا حتى يبصله حتى ... ياخد التذكرة من ايده .. يقفل الشباك ويطير ...

و للاسف في ناس فاكرة ان كدة انت " ابن ناس " او يعني غني او حاجة ...و بيعتبروني " طيب " او سوري ممكن يتضحك عليا ! علشان بعامل الناس كويس !

ربنا يهدي !

شوف هو المتواضع بيعتبروه غلبان و أحيانا سورى عبيط و التنك بيخافوا من قلة ذوقه صحيح لكن برضو ما يحبوش يتعاملوا معاه

الواحد يعمل اللى شايفه صح و يرضى ربنا لكن لو حد هيستهتر فيه و يستعبطه ما فيش مانع يأخد حقه و لو بالتناكة ههههههه

طب يا جماعه معلش انا عندي مشكله مزمنه مع التناكه و هقولها بمناسبه فتح الموضوع ده و المشكله تتلخص في ان اي حد لسه متعرف عليه بديله فيرست امبيرشين اني تنك طب ليه ؟ عشان مبتكلمش كتير مع اي حد لسه معرفوش كويس فما بالكوا بواحد او واحده لسه متعرف عليه او عليها دلوقتي يعني الاجابه علي قد السؤال و مبقولش الا الكلام اللي في صميم الموضوع اللي بنتكلم فيه و مبعرفش ابتسم و بتكلم بجديه يمكن زايده عن اللزوم فهل انا تنك علي كده ؟ و ايه الحل ؟ عشان في ناس فعلا بتتجنب تتعامل معايا و الموضوع ده من زمان من ايام الكليه ... يعني من كام يوم كان في عميله بتكلم معاها و كده لاول مره فبعد ما خلص الميتينج اتصلت بشريكي و قالتله من الاخ التنك اللي انت باعتهولي ده ؟ طبعا عشان اتكلمت معاها فيما يخص الشغل فقط و كنت جد في الكلام

مش حكاية كلام كتير و لا حاجة لكن التعامل كله على بعضه ... يعنى الرسول عليه الصلاة و السلام كان لا يرى إلا باسماً

و كان عندما يتحدث لأحد ينظر إليه بإهتمام

أكيد لو أنت مبتسم فى وجه العملاء و مش متشاغل عنهم بالأوراق و المستندات فقط مش هيقولوا عليك تنك ...

و أكيد لو أنت بتسمع لهم بأهتمام و بترد عليهم و توضح لهم بيسر و استفاضة اللى مش واضح لهم مش هيقولوا عليك تنك

حتى لو دا كله فى حدود الشغل فقط لا غير

أنت فكرتنى ببعض السكرتيرات اللى عايز ترسم نفسها و تتنك على الموظفين ههههههههههه

[gade2]

انا بقى التنكيين دول حبايبى
بتعامل معاهم بطريقة تتكون من النظرات الحاده المخلوطه بالاحتقار وفى قاعده ذهبيه مفيده معاهم ان التجاهل ابسط انواع الاحتقار

[tito_1980]

احيانا الشخص قليل الكلام يقال عليه انه تنك ومتكبر ومش بيكلم بني ادمين والكلام ده ياما سمعته في ايام الثانوي
بس دلوقتي انا باكل ودن الناس ومزهقهم في عيشتهم رغي وغلاسه في الشركه ومع ذلك الناس كلها تحبني ولو مجتش الشغل اسبوع الاقي الناس تتصل بيا ويقولوي مفتقدين غلاستك ههههههه

اهم حاجه تبقي بشوش وتتكلم برده يعني بصراحه انا بضايق لما الاقي واحد اول مره اتكلم معاه والاقي الرد علي قد السؤال وشكرا علي كده

وببقي مبسوط لما الاقي اللي قدامي اقوله كلمه يرد عليا بعشره والكلام يجيب بعضه وعلاقتنا تبقي كوبسه قوي

اصلي كلامي مع الناس في الشغل و بس فمش طالبه هزار او ضحك مش عارف بقه دي عيب مني انا و العيب من الاخرين ؟

مش حكاية كلام كتير و لا حاجة لكن التعامل كله على بعضه ... يعنى الرسول عليه الصلاة و السلام كان لا يرى إلا باسماً

و كان عندما يتحدث لأحد ينظر إليه بإهتمام

أكيد لو أنت مبتسم فى وجه العملاء و مش متشاغل عنهم بالأوراق و المستندات فقط مش هيقولوا عليك تنك ...

و أكيد لو أنت بتسمع لهم بأهتمام و بترد عليهم و توضح لهم بيسر و استفاضة اللى مش واضح لهم مش هيقولوا عليك تنك

حتى لو دا كله فى حدود الشغل فقط لا غير

أنت فكرتنى ببعض السكرتيرات :ka_che1[1]: اللى عايز ترسم نفسها و تتنك على الموظفين ههههههههههه

انا بعمل كده بالظبط بس مفيش ابتسامات خالص

[A7MED_PHARMA]

بإختصار
لما حد بيتنك عليا...بيبقا الحل الوحيد هو البرووود
يعني
من كام سنة .. ظابط مرور وقف بيكلمني بمنتهى القرف وبيقولي "الرخص"
وبيكلمني وكأنه حاجة محصلتش في تاريخ البشر
وأنا قاعد في عربيتي ..رسمت على وشي إبتسامة صفرا باردة رخمة مستفزة
هوا صحيح عملي مخالفة ملصقات(بادج الصيدلي) بــ50 جنيه
بس حرقت دم إلي جابوه ببرووووووووود

[د.أحمد السعيد]

من أكتر الناس تناكة و التى لا انساها
سكرتيرة أحد الاقسام اثناء الكليه

فكان المفروض ان احنا بنحضر من الساعة 12 و حوالى الساعة 1 الا ربع بتأخد سيادتها الغياب
و ذات مرة تأخر المحاضر و لم يأتى و كنا فى الانتظار من الساعة 12 و لما حان موعد الانصراف و لم يأتى المحاضر أتى بعض زملاءنا لأخذ الغياب و حضرتها تقول : مش هيستوى اللى جه بدرى مع اللى جه متأخر و مرضتش تحسبلهم الحضور !!!

قال النبى -صلى الله عليه وسلم- « يحشر المتكبرون يوم القيامة أمثال الذر فى صور الرجال يغشاهم الذل من كل مكان "