عندي فكره بس مش عارف انفذها ازاي... مشروع تبادل اشرطه دينيه

[dr.hazem]

السلام عليكم ورحمة الله وبركاته

هخش في الموضوع علطول
انا بحب الشرايط الكاسيت
وعندي في العربية بحط علطول شرايط دينيه متنوعه
الفكره اني ممكن اكون سمعت نفس الماده العلميه اكتر من مره

فمن باب التغيير والتعاون على البر والتقوى وان الواحد ميبخلش على اخوانه
فكرت في انه ليه لو كل واحد بعد اما يسمع حاجه كويسه ويستفيد منها يقدمهالنا ويستبدلها بشريط جديد وبرده يكون مفيد ليه؟؟

وبرضو لو حد عنده حاجات على فلاشات او سيديهات ممكن نتشارك فيها لا مانع


ياترى ايه مدى استجابتكم للفكره؟

هل ممكن تطبيقها؟؟

لو فعلا الفكره حلوة ياريت تصوتو ب مؤيد ولو غير ذلك ياريت تصوت ب معارض
ولو في اي اقتراحات ياريت نتشارك في الموضوع


تحياتي

[azmeralda]

ممكن اللى سمعته خلاص توزعه فى رمضان على الناس فى التراويح بس دى مش هتكون متبادلة بقى: )
وعندنا مسجد كبير ومشهور عاملين فيه مكتبة واللى عايز يحط فيها شرايط والناس بتستعيرها وترجعها تانى

[dr.hazem]

ممكن اللى سمعته خلاص توزعه فى رمضان على الناس فى التراويح بس دى مش هتكون متبادلة بقى: )
وعندنا مسجد كبير ومشهور عاملين فيه مكتبة واللى عايز يحط فيها شرايط والناس بتستعيرها وترجعها تانى

هيا فكره بس انا كان نفسي اني اتبادل مع الناس بحيث تعم الفائده وفنفس الوقت اللي هييجي يبدل يبقى اكيد عايز يسمع وهيستفيد
وجودها في الجامع مبيعملش حاجه الا ان التراب بيتكوم عليها ومبشوفش حد يمد ايده عليها

اللي مستغربله اني توقعت الاقي تفاعل اكبر من كده

خير ان شاء الله


تحياتي

[azmeralda]

لأ لو جامع كويس بيتردد عليه ناس كتير هتستعمل وبعدين تبقى عملت اللى عليك وانتشارها بعد كده توفيق من ربنا
والتراويح هى احسن فكرة وممكن تكتب ورقة جوه الشريط (فضلا اعد توزيعها بعد سماعها جزاك الله خيرا ) حاجة بالمعنى ده يعنى


ومتستغربش ولا تزعل من موضوع التفاعل ده بتحصل يعنى بس استمر