نوكيا c6 ولا c7 عاجل لاحمد حبيبكم

[A.Saad]

طيب لو دخلنا n900
مهاهم فى المقارنة ايه رايكم مين احسن

مش موجود للاسف
ومفيهوش امكانية لقراءة او تعديل ملفات الاوفيس

[Ralliart]

هنا موضوع من nokia forums فى 500 و شوية ردود
ناس بالهبل عندهم المشكلة دى
Nokia Support Discussions - My Nokia N8 is dead,can't turn on and can't chargi... - Page 30 - Nokia Support Discussions

اصلها مش مشكلة تصنيع دى مشكلة تصميم فاكيد كل التليفونات معرضة لانها يحصل فيها مشكلة و عموما طالما محصلتش لحضرتك تبقى حاجة كويسة جدا و يا رب تستمر عطول بس اللى بشترى لازم يبقى حذر جدا و خصوصا انها مشكلة معروفة اوى و حصلت لناس كتير اوى اوى

هي حصلت عند ناس كتير وغيرو تليفوناتهم من التوكيل من غير ولا كلمة
بس مش مشكلة تصميم نهائياً
ولو حضرتك متابع هتعرف ان اللي اشاع الاشاعة بتاعت سوء التصميم هو مدون روسي مشهور في عالم الموبايلات وكان بيمدح في نوكيا لحد ما في مررة هرب موبايل تجريبي غير معلن عنه (كان n8) وعمل بيه سبق صحفي وساعتها شركة نوكيا بلغت عنه البوليس واتقبض عليه وعمل مشاكل مع الشركة وساعتها اتقلب 180 درجة وعمال يشتم في اي موبايل تعمله نوكيا ويمدح في السامسونج بطريقة مستفزة توضح الانحياز الغير مبرر ولما حصلت المشكلة راح مطلع الاشاعة دي

[A.Saad]

لو جيت اشترى اعرف ازاى ان كانت دفعة الجهاز من دفعة يناير اللى فيها مشاكل ولا اللى بعد كدة الكويسة

[bassem.naguib]

أنا معايا السي 7 بقاله حوالي شهر وشوية .. والحمد لله شغال كويس وهو كوري الصنع .

أنا كنت اكتر واحد من معارضي الموبايلات التاتش وحاسس أنها مش عملية .. بس لما مسكت الموبايل ده حسيت أن أي موبايل تاني بالنسبة ليه عبارة عن فردة شبشب وبقيت بستغرب نفسي لما أمسك موبايل بزراير .. هو صحيح في الأول حتتعذب شوية عقبال ما تستوعب طريقة التعامل مع التاتش (يومين بالكتير) وبعد كدة عيشششششششششش .. ونفس الكلام ينطبق على الأن 8 .. بس فرق السعر بينه وبين سي 7 حاسس أنه كتير مقابل الإمكانيات اللي فيه .

على فكرة أنا مش خبير ولا بروفيشنال في عالم الموبايلات .. وتقدر تعتبر دي شهادة يوزر عادي جداً .. وفي الأخر الموضوع تعود وراحة نفسية .

[ابو ليلى]

e75 كان افضل بس مبقاش ينزل
فياريت رايكم

ازيك ياغالى يارب تكون بخير

ال e75 معايا وعملى جدا وعلى فكرة موجود عندنا فى فيصل لسه سال على

سعره كان ب 1650 ج تقريبا

شكلك بعت الشنطة والفلوس جريت فى ايدك

[A.Saad]

كدة انا هالغى الC7 برة الموضوع

نقارن بين الE75 والC6
ُE75
موديله قديم
وبطاريته بتخلص بسرعة شوية
لكن مشاكله اعتقد اقل من الC6
C6
احدث
وفيه شاشة تاتش


ده لينك للمقارنة بينهم
Nokia E75 vs. Nokia C6 - GSMArena.com

ايه رايكم

[MohssenRashed]

انا كنت هجيب c6 بس الفلوس قصرت معايا فجبت c5 تاتش.

انا ارشحلك c6 في كل حاجة تاتش حلو و كيبورد جامد و حجمه حلو وشيك.

[Ralliart]

لو جيت اشترى اعرف ازاى ان كانت دفعة الجهاز من دفعة يناير اللى فيها مشاكل ولا اللى بعد كدة الكويسة

مفيش مشاكل خلاص ان شاء الله
طبعاً كل دفعة يناير اتباعت من زمان جداً لان الحاجات دي مبتفضلش دا غير ان المشكلة مش في كل الاجهزة (لو كانت في كل الاجهزة كانت اتسحبت من السوق) وغير ان لا قدر الله لو طلع فيه حاجة هتغيره وعلشان تضمن اشتريه من محل مشهور هيكون بيبيع اول باول

[OgsMc]

على فكره نوكيا على أخر السنه هتستخدم وندوز فون سيفين
بالنسبالى احلى os لسمارت فون
والهاردوير جامد جدا بردو

[S H @ F T]

e75 نحفة وخصوصا لو بتشتغل ايميلات كنير ومسجات
معايا بقاله سنة تقريبا ومفهوش أي مشاكل غير ان البطارية مش ينطول (كان في الأول يومين دلوقت يوم فقط)

[A.Saad]

ابو ليلى رحت له وشفت النوكيا e75 - يعيش الكياوية -
مشاكله
البطارية بتخلص بدرى زى ما الاستاذ s h @ f t كتب
الصوت واطى
القوائم نفسها شكلها عقيم وقديمة
هحس ان انا رجعت لورا