محتار أجيب ايه ... ضرورى ارجو المساعدة

[weldemo]

بســـــــــــــم الله الرحمن الرحيم ,,

الاعضاء الكرام الموضوع انى محتار اجيب هدية ايه لخطيبتى فى عيد ميلادها اول عيد ميلاد ليها واول هدية لسه خاطب
من شهرين .. المفروض انى هروح لها محافظة تانية بعيدة عن القاهرة .. والامكانيات المادية 1200 جنيه واى سؤال موجود وارجو المساعدة وشكرا ً

[Forever.Leo]

ممكن ساعة يد ماركة .. موبايل .. و ربنا يتمملك بخير

[weldemo]

ممكن ساعة يد ماركة .. موبايل .. و ربنا يتمملك بخير

شكرا لردك واهتمامك الساعه هدية جميله ,, فى انتظار باقى الزملاء والاقترحات ,,

[tito_1980]

اقولك علي هديه حاجده و جربتها قبل كده ... حوض سمك ... اه حوض سمك متستغربش !
صدقني كل ما هتشوف السمك هتعد تفتكرتك و تحبك اكتر و اكتر و ربنا يتمملك بخير

[aminibrahim]

برفان لطيف-- بلوزه شيك--- جزمه بوت-- ولو بتحبك كفايه ورده

[ahmed1981]

خليهم هديتين
هدية مادية وهدية معنوية

الهدية المادية (الجزء الأكبر من المبلغ) ممكن ساعة يد محترمة

الهدية المعنوية مصحف + كتاب ديني من الكتب الهامة (فقه السنة أو صور من حياة الصحابة)

[hekal2]

بلاش الاشياء الاستهلاكية اللى هتخلص او تبوظ زى البرفانات وطبعا مش وقت جذمة خالص دى اول هدية هتيجبلها جذمة دة حتى عيب .... خد بقى الكلام المظبوط منى اولا لازم تعرف هى من اى نوع الرومانسى او العملى .. فاذا كانت من النوع الهوائى الرومانسى يبقى الاشياء ذات المعانى تفى باجمل غرض زى حوض السمك ناشى او زرعة قيمة او شئ يستعمل فى حياتكم الزوجية فيما بعد ودى هتكون اكثر هدية رومانسية كأنك تضع حجر الاثاث لمنزلكم الجديد....واذا كانت من النوع العملى يبقى تشوف كويس اية الحاجةاللى ممكن تكون محتاجاها زى ساعة ماشى نظارة شمس مثلا موبايل ممكن لو ممكن برضو خاتم وسلسلة من الفضة الايطالى ودى اقيم الفضيات بما ان المبلغ مش هيكفى الذهب وشوف النتيجة ورد علينا يا معلم وربنا يوفقك

[eletr]

هقولك علي حاجة مابقولهاش غير للغاليين بس
انا معنديش هدية حلوة اقولك عليها بس هات ورد جنب الهدية . الورد ليه تاثير خيالي عند البنات
جرب الورد و الهدية هتلاقيها فرحت بالورد اكتر من الهدية
و لو عملت بنصيحتي ياريت تبقي تقولي النتيجة و حاول تلاحظ تاثير الورد عليها
و ربنا يوفقكوا و يتمم علي خير

[AHMED12345678]

فكرتنى بالذى مضى
اصل انا عريس جديد وكان موضوع الهدايا دة مشكلة
هدية لخطيبتى فى عيد ميلادها وهدية لحماتى فى عيد الام وهدية لاخوها بمناسبة التخرج من الجامعة
يا راجل دة كان وش
الحمدلله اتجوزنا وخلصنا
بس للاسف تبين بعد الجواز ان ما خفى كان اعظم
يالة ربنا يرحم جيوب كل الرجالة

[agwaa]

خليهم هديتين
هدية مادية وهدية معنوية

الهدية المادية (الجزء الأكبر من المبلغ) ممكن ساعة يد محترمة

الهدية المعنوية مصحف + كتاب ديني من الكتب الهامة (فقه السنة أو صور من حياة الصحابة)

111111111111
أستاذ يا ابني والله

بلاش الاشياء الاستهلاكية اللى هتخلص او تبوظ زى البرفانات وطبعا مش وقت جذمة خالص دى اول هدية هتيجبلها جذمة دة حتى عيب .... خد بقى الكلام المظبوط منى اولا لازم تعرف هى من اى نوع الرومانسى او العملى .. فاذا كانت من النوع الهوائى الرومانسى يبقى الاشياء ذات المعانى تفى باجمل غرض زى حوض السمك ناشى او زرعة قيمة او شئ يستعمل فى حياتكم الزوجية فيما بعد ودى هتكون اكثر هدية رومانسية كأنك تضع حجر الاثاث لمنزلكم الجديد....واذا كانت من النوع العملى يبقى تشوف كويس اية الحاجةاللى ممكن تكون محتاجاها زى ساعة ماشى نظارة شمس مثلا موبايل ممكن لو ممكن برضو خاتم وسلسلة من الفضة الايطالى ودى اقيم الفضيات بما ان المبلغ مش هيكفى الذهب وشوف النتيجة ورد علينا يا معلم وربنا يوفقك

+11111111111
أهو إنت بقي كدة رئيس قسم !


أخونا العريس صاحب المشاركة الأصلية
خد النصيحتين دول بالذات ونفذ
وإبقى إدعي لنا ...
وربنا يتمم لكم بخير إن شاء الله

[HOSSAM99]

السلام عليكم و رحمة الله
أنا أحب أقول لحضرت ربنا يوفقك إن شاء الله
ويكتب لك الخير
أما بخصوص الهديه هات حاجه أنت فعلا عايز تجبها يعني أنت حاسس بي إن هي عايزاها

[weldemo]

متشكر جدا على كل الافكار الجميلة دى ونفسى بجد والله اجيبلها كل الهدايا المقترحة دى بس المشكلة انى مسافر لها اسوان يوم الخميس بليل وهوصل الجمعه وهمشى السبت الصبح فقرتت انى ازود المبلغ شويه وأجيب لها خاتم دهب وشكرا لكل الناس اللى ردت وشاركت بالافكار

[HOSSAM99]

متشكر جدا على كل الافكار الجميلة دى ونفسى بجد والله اجيبلها كل الهدايا المقترحة دى بس المشكلة انى مسافر لها اسوان يوم الخميس بليل وهوصل الجمعه وهمشى السبت الصبح فقرتت انى ازود المبلغ شويه وأجيب لها خاتم دهب وشكرا لكل الناس اللى ردت وشاركت بالافكار

إن شاء الله تروح و ترجع بالسلامه
و الهديه المختاره جميله
و إن شاء الله ربنا يكرمك في حياتك كلها

[kogak1987]

مع الهدية لو في امكانية انك تاخدها و تتعشوا برة او تتغدوا و تقدملها الهدية تبقى استااااااذ :)