خلاص مش قادر ضميرى معزبنى

[max_ziro]

كان لازم اسلمة مش كدة ؟؟

القصة و ما فيها
انا بوصل اختى الصبح و الحمد لله وصلت ب السلامة
و ماشى و راجع ف باخد شارع جانبى صغير لقيت فية بنتين ماشيين مش تبع بعض ولاكن وراهم واحد بجلبية شكلة غريب المهم
مشيت و وقفت اول الشارع و قولت اامن عليهم لايكون حرامى ولا حاجة
و فعلا لقيتة بيحط ايدة ف وسط بنت ماشية طبعا العرق الصعيضى طلع و رجعت بضهرى سألتها تعرفية يا انسة قالتلى لا دة بيضايقنى
رحت ساحب الننشاكو و نزلت جرى وراة و هو راح حاطت الجلبية ف بوقة و طار المهم
و هو على الناصية انا زعقت و انا بجرى وراة طلع السايس بتاع الجراج الى جمبنا و جرى وراة
و وهو بيجرى وراة عدوا على عمارة بتتبنى ف ريس العمال باين جرى وراة
المهم على ما وصلتلة كان الاتين ماسكينة و هاريينة ضرب
و انا نزلت فية ضرب لحد ما الننشاكو اتفك من بعضية و بقى جزأين راح السايس واخد منى حتة و هاتك يا ضرب فية احنا الثلاثة لحد الناس ما اتلمت و واحد خرج من الوحدة الى جمبنا فى اية في اية و سحبة من ادينا
المهم من هنا لهنا الواد مبرشم و معهوش بطاقة
المهم هاتك يا قلم هاتك يا قفا قاعد يحلف انة غلبان و انة معملش حاجة و هاتك يا حلوفان و برضو فى نفس الوقت هاتك يا قفا و هاتك يا قلم على خلقتة و هو اصلا مش حاسس بحاجة
المهم
جم قرايبة وونبى يا بية نبوس ايدك يا بية ونبى دة غلبان لحد ما جية واحد اعرفة فيهم من ايام اللجان الشعبية كان بييجى يسهر معانا و بجد كانوا عاملين شغل جامد معانا ايامها
و بردو انا هسلمة و قافلة فى دماغى
المهم
لقيت العسكرى بيقولى روح سلمة مش عارف فين و طبعا اكيد لما هروح اسلمة قرايبة هيبقوا معاة و هو بيتسلم ف فدماغى بقول هما بتاع 3 قرايبة و هو يعنى 4
و انا و الواد بتاع الجراش يعنى 2
و هناخدة و نمشى بية لحد الوحدة يعنى حبة مشى حلوين ف قولت لحسن يتكاتروا علينا و يهربوا بية بردو المهم من هنا لهنا جابوا البطاقة و بتاع الجيش سابها و قالى يأما تسلمة و انا مش هعرف اجى معاك عشان انا مخالف (كان مشمر رجلية و حافى و عالتة ب البلى معرفش كان فى الحمام ولا اية
المهم جية واحد ضخم ملوش دعوة راح واكلة جوز اقلام صح الصح قلامين كيفونى حكاااااااية هههههههههه
المهم من هان لهنا قرايبة قعدوا يتحايلوا عليا و خلاص يابية انتا عارفنا يا بية و مش عارف اية

و طبعا انا فى دماغى قلقان عشان اخواتى البنات ممكن يضايقوهم ولا حاجة منا بقا الى سجن قريبهم ممكن يكونوا متخلفين و يعملوا اى حاجة حد فيهم ينتقم منى و يضايق اخواتى
دة كل الى اكان فى دماغى

الكلام دة كان 8 الصبح
المهم انا مش قلقان على نفسى انا كل الى شغل دماغى ان قرايبة ينتقموا و يعملوا حاجة غبه و اكيد انا مش هبقى موجود مع اخواتى علطول و ربنا يسترها
الموضوع خلص و هما بيتأسفوا و الف شكر يا بية و مش عارف اية و نزلوا فية ضرب
و ب اذن الله انا بليل هعرف الى لسة معرفش عنة و هعرف كل الناس فى الحتة الحوار دة عشان يخدوا بالهم من الواد دة و لو حد لمة بيعمل حاجة ساعتها فعلا هيموت مش هيتسلم

و للعلم انا ساكن ف شارع ولى العهد حدائق القبة يعنى الناس ب الهبل فى الشارع 24 ساعة عيل غبى

قلولى اريح ضميرى انا عملت الصح
ولا كان المفروض اسلمة و يترزع 5 سنين حلويين .. ؟؟

[waelfarid]

اذا كررها تاني ابقي اديله الطريحة واذا كررها يعني التالتة تابتةابقي اديله الطريحة لما يفوق وبعدين سلمه
وده ليه
لانك عارف اهله وحكمتك تدل علي ان الف صديق شوية وعدو واحد كتييييييير وتحياتي لك

[katz]

اللي حضرتك عملته هو الصح 100%

و علي فكره تصرفك كان قمة الشجاعه من الاول

اما بو كنت اصريت علي التسليم في ظل الظروف جي كان هيبقي غلط قوي

السياسه هي فن الممكن يا صديقي

[osama.m]

كفاية علية العلقة اللي اخدها و المفروض اهلة كمان يقوموا معاه بالواجب
و حضرتك بردو عرف الناس اللي معاك في المنطقة عشان لو حصل منه اي حاجة يبقى يتسلم من غير كلام

[smsm_cato]

اللى عملتة صح 100 % ومفروض كل واحد فينا يشوف غلط يغيرة ميقولش وانا مالى لان دى بداية التغيير اما بالنسبة لموضوع التسليم اظن الضرب اللى خدوا منك ومن الناس الثانية هيحرمه يفكر يعمل كده تانى واذا عملها تانى يبقى لازم يتسلم

[Sherlock]

كفايه العلقه عليه , نفسي الناس عندنا تبقي كده كلها , الواحد بيحس انه غريب اوقات او انه بيتصرف غلط .

[i_Am_Legend]

كنت إربطة فى عمود طول اليوم علشان يبقى عبرة لأمثالة_والحمد لله إنك كويس وبخير

[max_ziro]

الف شكر يا جماعة ولله ريحتونى جدا جدا جدا
انا قاعد كل دة مضايق جدا
ولله حاجة جميلة ان الواحد لية اخوات زى حضراتكوا بيريحوة
الف شكر ..

[A.Saad]

بقولك ايه يا ماكس
مش هاقول سلمه ومتسلموش








هاقول
هات ننشاكو تانى
متنساش

[mrwho1982]

اللي عملتو ده صح الصح ماتخليش الاشكال دي تصعب عليك لان دي اشكال عايزة الحرق بجاز

[kogak1987]

خير الامو الوسط انت عملت الصح من الاول للاخر هو كده اتعلم و لو متعلمش هتيجي من واحد غيرك المهم انها جاية جاية :) و طالما انت عندك اخوات بنات يبقى كده تمام اوي اهو كسبت قرايبه في صفك و في نفس الوقت حافظت على اخواتك لان الدنيا اليومين دول مش ملمومة و زي مانت شايف العسكري كان واقف بيتفرج :)

[eto_cairo]

انت عملت الصح و ياريت كل الناس إيجابية زيك ...... جزاك الله الخير

[al_manara]

المفروض ان اي حد ممنا يشوف حاجة زي دة بتحصل قدامة يعمل زيك . انت اتصرفت صح
وماتخافش علي اخواتك ان شاء الله لانك راجل وحميت بنات انت ماتعرفهاش ووقف لهم وساعدتهم
فاكيد لو اي حد حاول يدايق اخواتك هايلاقوا الي هايقف لهم ويساعدهم زيك .
اما المسطول الي كان ماشي دة فكفاية علية في الاول العلقة دي . ربنا يهدية ويحرم

[HOSSAM99]

السلام عليكم
كفايه عليه كده لكن المره الجايه مفيش لا رأفه و لا رحمه و متقلقش لو كنت سلمته و لا أي حد من أهله كان هايقدر يرفع عينه في عينك

[احمد المصرى]

ال انت عملته الصح جداااااااااا اخد الضرب المحترم وفى نفس الوقت انت خايف من الانتام وكفايه عليه الضرب والعلقه ال اخدها بس لو كررها تانى يبق الحل الوحيد هو تسليمه للجيش او الشرطه