وايه يعنى لما اروح اتفرج

[azmeralda]

ما تتأكديش اوى :copy of m-s5: Nothing is sure :)

عالعموم هو قدام نادى الصيادلة بس فى الشارع التانى الللى فيه صيدلية مشالى وانت طالع بقى عشان تروح الكوبرى دى وصفة سهلة دى وصفة هايلة

[Medo.Malek]

عالعموم هو قدام نادى الصيادلة بس فى الشارع التانى الللى فيه صيدلية مشالى وانت طالع بقى عشان تروح الكوبرى دى وصفة سهلة دى وصفة هايلة

شكرا على الوصفة و انا شوفته النهاردة بس معرفتش ادخله

[azmeralda]

ليه يا ترى؟

[azmeralda]

والله يا فندم انا اتاثرت جدا بالكلام اللي قولتيه ده
بس برده حضرتك غلطانة

خلاص انا محترمة رأيك
بس برضه مقتنعة انى مش غلطانة

[Medo.Malek]

مش بيبقى عندى وقت استنى و اتفرج و كدة بس مسيرى هاروح قريب ان شاء الله :)

[KHALED AYMAN]

زميلى فى الكفاح اهو يا جماعة

بس اكيد مش هسأل على مواعيد التسليم : )

انا رحت برضه اتفرجت على البى ام x3 عجبنى شكلها جدا فلما لقيت معرض حاططها قلت لازم اشوفها من جوه
كانت موديل 2008 مستعملة ب 300 الف
بعدين بسأله ايه التكنولوجيا اللى فيها يعنى قال عايزة حاجة غير انها بى ام!!!!!!!!!!

وقال كمان انها افقر حاجة فى البى ام يعنى فيها نفس اللى فى اى عربية جديدة والفرق فى شكلها والماركة بس يعنى تكييف بكر زجاج كهربا مرايات كهربا بس كده

وده بيستفزنى ان تدفع فلوس عشان الماركة بس انا شايفة لازم يبقى فى مقابل فى التكنولوجيا كمان مش على الأسم
ده زى ما تشترى تى شيرت يساوى 15 ج ب 300 ج عشان اسم الماركة ده رأيى

الاكس ثرى ..ركبتها و لفت نظرى ان التابلوه بتاعها مش فى مستوى عربيه بنص مليون
انا بسال على كل حاجه :) وارقام معظم المعارض المشهوره على موبايلى و رقمى متسجل فى معظم التوكيلات ههههه
الاس كلاس بالمناسبه موجود منها 3 عربيات عندنا

[medo_2060]

طيب العربية زي دي تمشي في شوارع المنصورة إزاي؟

عادى انا بشوف 3 اس 500 باستمرار فى المنصوره وواحده فى طلخا وكلهم مش جمارك... المرسيدس دائما ليها زبونها لو رحت فين حتى

[azmeralda]

مش بيبقى عندى وقت استنى و اتفرج و كدة بس مسيرى هاروح قريب ان شاء الله :)

ياسلام على الناس المشغولة

خلاص لما تتفرج ابقى اتفرج على حاجة تانية معاها وهات لنا شوية معلومات جديدة : )

[azmeralda]

عادى انا بشوف 3 اس 500 باستمرار فى المنصوره وواحده فى طلخا وكلهم مش جمارك... المرسيدس دائما ليها زبونها لو رحت فين حتى

هى المنصورة فيها مرسيدس كتير فعلا بس بصراحة كل اللى شفتهم موديل قديم ماعدا 2 مثلا

واصلا مديرة المستشفى عندها واحدة ورغم انها ساكنة قدام المستشفى بتيجى بيها برضه

[azmeralda]

الاكس ثرى ..ركبتها و لفت نظرى ان التابلوه بتاعها مش فى مستوى عربيه بنص مليون
انا بسال على كل حاجه :) وارقام معظم المعارض المشهوره على موبايلى و رقمى متسجل فى معظم التوكيلات ههههه
الاس كلاس بالمناسبه موجود منها 3 عربيات عندنا

هى الجديدة فعلا بنص مليون ولا اكتر؟
بس هى عاجبانى جدا شكلها رومانسى كده
وواسعة جدا


وعقبال ما يبقى الرقم متسجل عشان انت اشتريت

[Medo.Malek]

ياسلام على الناس المشغولة

خلاص لما تتفرج ابقى اتفرج على حاجة تانية معاها وهات لنا شوية معلومات جديدة : )

لول .. ان شاء الله قريب هاكبس عليهم هناك و اشوف هاطلع منهم ب اية ...

[Eslam.Elrefaey]

عادى انا بشوف 3 اس 500 باستمرار فى المنصوره وواحده فى طلخا وكلهم مش جمارك... المرسيدس دائما ليها زبونها لو رحت فين حتى

الدقهلية بوجه عام فيها اكتر من 50 شخص مثلن يعتبرو من اغنى 500 شخص فى مصر ويمكن اكتر طيب اقولك حاجة فى نبروه من كام اسبوع فى معرض عربيات هناك كان بيبيع بى ام الفئة السبعة وكام مرسيدس عالييين اوى وعربيات كابورليه مستعملين طيب بلاش دى فى واحد دون ذكر اسم صاحب الوالد هوا من نبروه على فكره برضه كان جه يزور الوالد ايام مرضه من سنتين جه مره بعبايه بيج مع الاند كروزر البيج والمرة التانية بعباية سودا بالاند كروزر السودا بعد دى اظن كفاية مع العلم ان كل عربياته مش جمرك وفى غيره كده كتيييير جدا

[HANTER]

لالالالالالالالالا مش غلطانة

انا باعمل كدة زيك انا بعشق السيارات كل ما اشوف حاجة جديدة ادخل و اسئل وقلب فيها زى ما بيقولوا واخذ فكرة كاملة

اية اللى هيحصل يعنى دى هواية وربنا يكرم لو موجود فلوس نختار . وانا هروح اليوم المعرض دة وهتفرج كويس اوى

[KHALED AYMAN]

هى الجديدة فعلا بنص مليون ولا اكتر؟
بس هى عاجبانى جدا شكلها رومانسى كده
وواسعة جدا


وعقبال ما يبقى الرقم متسجل عشان انت اشتريت

لا انا قصدى على القديمه كانت ب 465 ..
الجديده انا ركبتها فى المعرض بس ملحقتش اركز فيها من جوا كويس ...عشان كان فى واحد ادامى عمال يسألنى على حاجات فى العربيه ولا اكن انا مندوب المبيعات :(
والحمد لله رقمى متسجل فى توكيلين لانى اشتريت :) بس منهم واحد انا متاكد انهم كاتبين جمب اسمى (عميل مشاغب) ههههههههههه

[azmeralda]

الدقهلية بوجه عام فيها اكتر من 50 شخص مثلن يعتبرو من اغنى 500 شخص فى مصر ويمكن اكتر طيب اقولك حاجة فى نبروه من كام اسبوع فى معرض عربيات هناك كان بيبيع بى ام الفئة السبعة وكام مرسيدس عالييين اوى وعربيات كابورليه مستعملين طيب بلاش دى فى واحد دون ذكر اسم صاحب الوالد هوا من نبروه على فكره برضه كان جه يزور الوالد ايام مرضه من سنتين جه مره بعبايه بيج مع الاند كروزر البيج والمرة التانية بعباية سودا بالاند كروزر السودا بعد دى اظن كفاية مع العلم ان كل عربياته مش جمرك وفى غيره كده كتيييير جدا

وماله المفروض الواحد يغير العربية مع لون الطقم طبعا

امال انا مقابلتش ولا واحد من ال 50 شخص دول ليه ههههههههه

بس حقيقى معرفش عن نبروه غير اسمها وانها مشهورة بالفسيخ