بلطجية ضربوا نار على زوجتي وأولادي وهم رايحين المدرسة !!!-اشاعة كاذبة

[Eng_Moh.Dewair]

يا راجل انت وقعت قلبى فى رجليا !!!!!!!!!!
الحمد لله على سلامه الاولاد و المدام

[casperinoo]

الحمد الله علي سلامة الاولاد وزوجتك ...
وربنا يهدي مروجي الاشاعات

[mahamedaraby]

الحمد لله على سلامه الاولاد وزوجه حضرتك

وفعلا احنا شعب نموت فى التهويل والشائعات بجد لدرجه انى بقيت اسئل اى حد لما يقولى خبر زى ده انت شفتها بعينك لو قالى لا مبصدقهوش حتى لو كان مين

[tito_1980]

100000000000 حمد لله علي سلامه الاولاد و والدتهم
و فعلا احنا بقينا في بلد ال 80000000 اشاعه

[medo_2060]

حمد لله على سلامه المدام والاولاد اولا..
ثانيا دا يعلمنا كلنا عشان الى بيروج اشاعات يبطل والى لا يروج لكن بيصدق اى حاجه يصبر برضه لحد ما يتأكد من مدى صحتها

[د.محمود صلاح]

حمدا لله على سلامة الاولاد وقصتك اكبر ديلي على ترويج الشائعات

[Karim_Mohy]

حمدا لله علي سلامتهم

[tamer_a7]

الموقف ده بالظبط..بالظبط حصلي زيه من كام سنة
عملت حادثة أنا وواحد صاحبي بعربيته..وكان هو إلي سايق
العربية وقعت في ترعة ميه كبيررررررة
تاني يوم..راكب مواصلات
كلام الناس في العربية طبعا عن الحادثة بتاعت إمبارح...
ناس قالت:كان معاهم بنات..وأول ماالعربية وقعت..خرجنا منها البنات..وروحناهم..ماحنا عندنا ولايا برضووو
ناس قالت:دول كانوا بيشربوا خمرا وحشيش وبانجو ومبرشمين..ولما عملوا الحادثة خرجوا مساطيل
وكلام أهبل من النوعية دي
والكلام ده سمعته بودني..وأنا لسه عامل الحادثة دي قبلها بيوم واحد بالظبط

الشعب المصري بيموت في التهووووويل..والقصص والحكايات

اعترف يا احمد انا كنت ماشي وراك وشفتكم وانتم بتشربو بيبسي وكمان مش دايت قبل الحادثه

[Dojuar]

لا حول ولا قوة الا بالله.

اللهم ارحمنا جميعا واهدينا لما تحبه وترضاه.

هو موضوع مصر 2000 وصل لحد فين فى الاعلام والجرائد.؟

اتفضل و قولي رأيك ايه

[youtube]http://www.youtube.com/watch?v=HEKJV8KUpTA[/youtube]

[smsm_cato]

الف سلامة على المدام والاولاد وموضوع الاشاعات ده زاد قوى اليومين دول بعد الاحداث التى تمر بها البلد بس هذا لا ينفى ان ده من طبع الشعب المصرى من قديم الازل موضوع الاشاعات وتهويل الاحداث وفبكرة القصص بيجرى فى دم كثير من المصريين

[elmkaneeki]

الموقف ده بالظبط..بالظبط حصلي زيه من كام سنة
عملت حادثة أنا وواحد صاحبي بعربيته..وكان هو إلي سايق
العربية وقعت في ترعة ميه كبيررررررة
تاني يوم..راكب مواصلات
كلام الناس في العربية طبعا عن الحادثة بتاعت إمبارح...
ناس قالت:كان معاهم بنات..وأول ماالعربية وقعت..خرجنا منها البنات..وروحناهم..ماحنا عندنا ولايا برضووو
ناس قالت:دول كانوا بيشربوا خمرا وحشيش وبانجو ومبرشمين..ولما عملوا الحادثة خرجوا مساطيل
وكلام أهبل من النوعية دي
والكلام ده سمعته بودني..وأنا لسه عامل الحادثة دي قبلها بيوم واحد بالظبط

الشعب المصري بيموت في التهووووويل..والقصص والحكايات

ههههههههههههههههههههههههههههههههه

[mesaharaty]

حمدا لله على سلامتكم

حفظنا الله وإياكم

[azmeralda]

الحمد لله على السلامة

[هيثم المنياوى]

كان فى لعبة لعبتها زمان فى إجتماع لجمعية مُشترك فيها (كان بيبقى فى لعبة كل إجتماع لهدف )

اللعبة كانت دائرة من المُجتمعين وواحد معاه ورقة مكتوب فيها قصة صغيرة زي اللى فوق كده ، واللى معاه الورقة بيقول القصة للى جمبة من الورقة واللى جمبة بيقولها للى جمبة من الذاكرة ، وهكذا كل واحد يوصلها للى جمبة بصوت واطي فى أذنة ، لحد ما وصلت للراجل اللى معاه الورقة فكتب على ظهر الورقة القصة اللى وصلتلة

كانت القصة الأولى مختلفة 180 درجة عن القصة الثانية ، القصة الأولى عادية جدا والقصة الثانية فضيحة

الجميل إننا إكتشفنا قصة ثالثة فى النص (يعني هي إتحولت لقصة مُختلفة ثم قصة مُختلفة أخرى)

كل ده وإحنا قاعدين فى دائرة مع بعض ومكنشي في وقت لنسيان الأحداث ومحدش فينا فعلا عايز يطلع إشاعة


فالفكرة إن الإشاعة مش شرط تكون بسبب واحد عايز يطلع إشاعة ، الإشاعة فى أغلب الأوقات بتكون لتناقل حدث مع نسيان بعض التفاصيل وتكملة الجزء الآخر من الخيال

والرسول حذر من كده فعن حفص بن عاصم قال : قال رسول الله صلى الله عليه وسلم : ( كفى بالمرء كذبا أن يحدث بكل ما سمع ) رواه مسلم

وعن أبي هريرة أن النبي صلى الله عليه وسلم قال : ( كفى بالمرء إثما أن يحدث بكل ما سمع ) السلسلة الصحيحة 2025.

وألف سلامة على زوجتك والأولاد ، وربنا يحفظ طريقهم وطريقنا

جزاكم الله خيراً كتبت فأفدت....وياليت كل من يكتب يفيد كل من يقرأ

[hussein]

بس انا سمعت انهم خطفو كل اللى فى العربية وطالبين فدية 10 مليار جنية !!!