حد يعرف اسم دكتور كويس

[devilishtigers]

السلام عليكم ورحمة الله وبركاته
بالنسبة لموضوع خشونة الركبة والمفاصل في حقن بيخدوها اللي بيعانوا من خشونة الركبة والمفاصل بيبقى فيها مادة زلالية مشابهة للموجودة في الركبة.
اللي اعرفه ان مش اي دكتور بيديها ولازم دكتور شاطر.
في حد يعرف دكتور بيدي الحقن دي

[Ayman-Ahmed]

حماتى بتعانى من خشونة المفاصل واتعرض عليها الحقنة ديه وقالت انها بتريح لمدة 6 شهور تقريبا ولكن ليها اضرار تانية كتير.فقررت انها متستعملهاش.

فممكن اكلمها واسالك على الاضرار بالظبط لو حابب تعرف.

[MotorX]

الحقن إسمها تقريبا Curavisc ودي فعلا مادة لزجة مقاربة للمادة الطبيعية في المفصل ، بتبقى 3 حقن بتتاخد حقنة كل اسبوع في مفصل الركبة ، والدتي اخدتها عند دكتور محمد السوده وهو دكتور شاطر وعيادته في الزمالك 13 شارع البرازيل ورقم التليفون 27354216 ، تمنياتي بالشفاء العاجل.

[maged]

والدتى عندها خشونه شديده بالركبه وياما اخدت حقن من دى وطبعا هى عبارة عن مسكن مؤقت والالم هيرجع تانى والحل الوحيد والنهائى للمشكلة دى هو تغيير مفصل الركبه بمفصل معدنى وده اللى هنعمله كمان شهرين انشاء الله

[devilishtigers]

حماتى بتعانى من خشونة المفاصل واتعرض عليها الحقنة ديه وقالت انها بتريح لمدة 6 شهور تقريبا ولكن ليها اضرار تانية كتير.فقررت انها متستعملهاش.

فممكن اكلمها واسالك على الاضرار بالظبط لو حابب تعرف.

الف شكر لحضرتك على ردك بس انا ما سمعتش ان ليها اضرار وهل هي تختلف في حالة تأاكل الغضاريف

الحقن إسمها تقريبا curavisc ودي فعلا مادة لزجة مقاربة للمادة الطبيعية في المفصل ، بتبقى 3 حقن بتتاخد حقنة كل اسبوع في مفصل الركبة ، والدتي اخدتها عند دكتور محمد السوده وهو دكتور شاطر وعيادته في الزمالك 13 شارع البرازيل ورقم التليفون 27354216 ، تمنياتي بالشفاء العاجل.

الف شكر لحضرتك والف سلامة على الوالدة

والدتى عندها خشونه شديده بالركبه وياما اخدت حقن من دى وطبعا هى عبارة عن مسكن مؤقت والالم هيرجع تانى والحل الوحيد والنهائى للمشكلة دى هو تغيير مفصل الركبه بمفصل معدنى وده اللى هنعمله كمان شهرين ان شاء الله

الف سلامة على الوالدة وإن شاء الله تعمل العملية وتقوم بالف سلامة

انا النهاردة خدت والدتي ووالدي وروحت لدكتور في الزاوية اسمه عصام مرعي وبجد كنت مضايق جدا جدا لكذا سبب
1- العيادة زفت زفت (من الاخر مش مهتم بيها خالص) وفي حد كلمه وقاله هو ليه حضرتك مش مهتم بالعيادة وانك تجددها قاله اصل لو جددتها هيجي على راس المريض)
2- عامل حوار الكشف المستعجل ودي انا حاجة بضايق منها
3- متفق مع صيدلية على الدواء اللي بيكتبه وقال مش هتلقوه بسهوله
بس من كلام والدي عنه انه شاطر جدا
وطبعا كنا فاكرينها خشونة الركبة وبعدين طلعت تأاكل الغضارف (بعد وقت طويل في اخذ علاج للخشونة)
وطبعا والدتي خدت الحقنة الاولى ولسا 2 ولازم يتاخدوا كل اسبوع من غير تأخير
انا مش عارف بقى اعمل ايه اخليها تكمل معاه ولا ينفع تكمل الحقنتين مع دكتور تاني

[maged]

انتو اشتريتو الحقن بنفسكم من الصيدلية ولا الحقنه من عند الدكتور
لو الاجابه الاولى هل شفته وهو بيملىء السرنجه يبقى مفيش مشكله انها تكمل معاه طالما لم تحدث مشاكل بعد اخد الحقنه الاولى
لو الاجابه الثانيه هل شفته وهو بيملى السرنجه من علبه معينه تعرف تميزها لو سألت عليها وتقدر تعرف ثمنها

انا توهتك معايا لكن للاسف احنا اتنصب علينا كتير قوى ومن دكاتره مشهورين جدا فى باب اللوق وكانت الحقنه الواحدة ب 250 جنيه وجربت عند دكاتره تانيين حقنه ب 50 جنيه والنتيجه طبعا بدون فائدة تذكر بس لازم تكمل الحقن يمكن استجابة مريض تختلف عن استجابة الاخر ويحدث الشفاء من عند ربنا بس دايما لازم تعرف ان كل ده مجرد محاولات لحل المشكلة بدون التدخل الجراحى
بعد ما تكمل معاه الحقنتين الباقيين لو محصلش تحسن وانت مازلت مش لاقى حل للمشكلة انا والدتى بعد دوخة سنين استقرت على دكتورة روماتيزم بس شاطرة جدا فى الخشونه وبتجرب مع المريض كل انواع ادويه الخشونه وفة الاخر بتكون امينه معاه اذا كان محتاج العمليه ولا مازالت الادويه تأتى بمفعول معاه وممكن تأجيل العمليه . الدكتوره دى مجرد الكلام معاها بيريح المريض نفسيا لانها بتتكلم مع المريض لا يقل عن نصف ساعة وبتعرف تخلى المريض يعالج نفسه بنفسه بالاضافة ان عندها جلسات علاج طبيعى لو المريض حالته ينفع معاها العلاج الطبيعى عشان يساعد مع العلاج العادى واول جلسه بتبقى هديه من العياده ولو المريض استريح على الجلسه ممكن يكمل معاها جلسات ولو عايز يعمل الجلسات بره عشان ارخص بتكتبله المطلوب فى الجلسه فى روشته وهو يروح المكان اللى يحبه براحته
احنا بنتعامل مع الدكتوره دى بالجمله يعنى زوجتى ووالدتى واخويا وجدتى وناس قرايبنا كتير والعياده فى مصر الجديده بالقرب من ميدان الاسماعيلية لو حبيت اكتبلك البيانات

[shaddadfalcon1]

انا والدتي لسه كاشفه من يومين والدكتور قالها عندها خشونه في الركبه برده

ياريت الدكاتره تطمنا

[aboomar22]

حالات اصابة الركبة نمرة واحد فى مصر أد / احمد عبد العزيز بس مشكلته ان الحجز عنده بيكون لوقت كبير قوى والف سلامة للجميع على فكرة حقن الركبة مش نوع واحد احيانا بتكون حقن الديرافوس وده نوع قوى من الكورتيزون وبيحقن كل 3 الى 6 شهور وبيستخدم فى حالات الالتهابات الحادة مفعولة سريع بس له اضرار على المدى البعيد خصوصا الاطفال وكبار السن

[devilishtigers]

انتو اشتريتو الحقن بنفسكم من الصيدلية ولا الحقنه من عند الدكتور
لو الاجابه الاولى هل شفته وهو بيملىء السرنجه يبقى مفيش مشكله انها تكمل معاه طالما لم تحدث مشاكل بعد اخد الحقنه الاولى
لو الاجابه الثانيه هل شفته وهو بيملى السرنجه من علبه معينه تعرف تميزها لو سألت عليها وتقدر تعرف ثمنها

انا توهتك معايا لكن للاسف احنا اتنصب علينا كتير قوى ومن دكاتره مشهورين جدا فى باب اللوق وكانت الحقنه الواحدة ب 250 جنيه وجربت عند دكاتره تانيين حقنه ب 50 جنيه والنتيجه طبعا بدون فائدة تذكر بس لازم تكمل الحقن يمكن استجابة مريض تختلف عن استجابة الاخر ويحدث الشفاء من عند ربنا بس دايما لازم تعرف ان كل ده مجرد محاولات لحل المشكلة بدون التدخل الجراحى
بعد ما تكمل معاه الحقنتين الباقيين لو محصلش تحسن وانت مازلت مش لاقى حل للمشكلة انا والدتى بعد دوخة سنين استقرت على دكتورة روماتيزم بس شاطرة جدا فى الخشونه وبتجرب مع المريض كل انواع ادويه الخشونه وفة الاخر بتكون امينه معاه اذا كان محتاج العمليه ولا مازالت الادويه تأتى بمفعول معاه وممكن تأجيل العمليه . الدكتوره دى مجرد الكلام معاها بيريح المريض نفسيا لانها بتتكلم مع المريض لا يقل عن نصف ساعة وبتعرف تخلى المريض يعالج نفسه بنفسه بالاضافة ان عندها جلسات علاج طبيعى لو المريض حالته ينفع معاها العلاج الطبيعى عشان يساعد مع العلاج العادى واول جلسه بتبقى هديه من العياده ولو المريض استريح على الجلسه ممكن يكمل معاها جلسات ولو عايز يعمل الجلسات بره عشان ارخص بتكتبله المطلوب فى الجلسه فى روشته وهو يروح المكان اللى يحبه براحته
احنا بنتعامل مع الدكتوره دى بالجمله يعنى زوجتى ووالدتى واخويا وجدتى وناس قرايبنا كتير والعياده فى مصر الجديده بالقرب من ميدان الاسماعيلية لو حبيت اكتبلك البيانات

هو اللي انا عرفته من والدتي انه الابرة عنده احنا ما اشترينهاش والمرة الجاية هحاول اعرف اسمها واقوله لحضرتك
وعلى العموم هو فاضل حقنتين كل اسبوع حقنة وبعدها هنشوف النتيجة بإذن الله

انا والدتي لسه كاشفه من يومين والدكتور قالها عندها خشونه في الركبه برده

ياريت الدكاتره تطمنا

إن شاء الله تكون حاجة بسيطة وانا اللي عرفته ان الخشونة ليها نسب يعني 50% او 80% وهكذا والف سلامة على الوالدة

حالات اصابة الركبة نمرة واحد فى مصر أد / احمد عبد العزيز بس مشكلته ان الحجز عنده بيكون لوقت كبير قوى والف سلامة للجميع على فكرة حقن الركبة مش نوع واحد احيانا بتكون حقن الديرافوس وده نوع قوى من الكورتيزون وبيحقن كل 3 الى 6 شهور وبيستخدم فى حالات الالتهابات الحادة مفعولة سريع بس له اضرار على المدى البعيد خصوصا الاطفال وكبار السن

شكرا لرد حضرتك وبالنسبة للانواع انا مش عارف يس هما 3 حقن كل اسبوع حقنة