لهواة الهدوء منتجع هيلتون كنجز رانش بكنج مريوط

[Islam_galal]

السلام عليكم

لهواة الهدوء فندق كنجز رانش (الإدارة بواسطة هيلتون جرين بلازا)

المكان: كنج مريوط - طريق الكافوري - علي الشمال قبل صينية برج العرب بحوالي 1 كم

طبيعة المكان: هي أرض كبيرة ملك محمد رجب (مالك جرين بلازا) في الأساس هي اسطبلات و أماكن للتدريب للخيل الغالية جدا
تم انشاء 10 غرف فندقيه بحمام سباحة و ملاعب تحت اسم هيلتون كنجز رانش (5 نجوم)

المكان هادئ جدا و بالقرب من الإسكندرية (ساعة إلا ربع) و الساحل الشمالي (ثلث ساعة)

أنا حجزت في شهر مارس و كانت الأسعار 400 ج غرفة مزدوجة بالإفطار

المكان مناسب لهواة الهدوء و الخصوصية الشديدة فهو تقريبا منعزل

بس بصراحة شفت شوية خيل تحفة . . في منتهي الجمال

[ecybrarian]

شكرا للمعلومات المفيده..هل في web site للمكان؟؟

[Islam_galal]

لا للأسف لا يوجد

[Karim_Monir]

شكرا يا باشا
طب هل في تليفون للحجز
واخبار الاكل ايه

[Hossam_Hassan]

واخبار الاكل ايه

يا كيمو ما الراجل قال ان هناك فى خيول ممتازة و جميلة :D :D :D :D

[HESHAM AMIN]

يا كيمو ما الراجل قال ان هناك فى خيول ممتازة و جميلة :D :D :D :D

يا عم الراجل بيسال على الاكل يعنى عندهم حمير ولا لا

[Hossam_Hassan]

يا عم الراجل بيسال على الاكل يعنى عندهم حمير ولا لا

يا هشام ما انا عارف انه بيسأل عن الأكل و بعدين ده فندق 5 نجوم، يعنى ما يأكلش الزباين حمير، على الأكل يأكلهم خيول عربية ممتازة

[M_HaFeZ]

يا هشام ما انا عارف انه بيسأل عن الأكل و بعدين ده فندق 5 نجوم، يعنى ما يأكلش الزباين حمير، على الأكل يأكلهم خيول عربية ممتازة

+100000000000

[HESHAM AMIN]

الفنادق الخمس نجوم دى اكبر مرتع للحم الحمير والحوم المضروبة والاكل الى الله يعلم بية
ولو قرايتوا الاخبار الايام الى فاتت عن بتوع لحم الحمير كان فيهم مورد لحوم للفنادق الكبرى

[Hossam_Hassan]

الفنادق الخمس نجوم دى اكبر مرتع للحم الحمير والحوم المضروبة والاكل الى الله يعلم بية
ولو قرايتوا الاخبار الايام الى فاتت عن بتوع لحم الحمير كان فيهم مورد لحوم للفنادق الكبرى

انت صدقت يا هشام، انا بهزر يا راجل

بص انا شغال فى فندق 5 نجوم و اشتغلت قبل كده فى كذا سلسلة كبيرة، الرقابة على الحاجات دى مفيهاش هزار، مش علشان تفتيش وزارة الصحة اللى كان مالهوش لازمة - دلوقت بأمانة اتحسن - بس علشان طبعا سمعة المكان و كمية التفتيشات الغير طبيعية اللى بقت اساسية عند شركات السياحة الأجنبية و شركات الطيران و السفارات و الهيئات الدبلوماسية و الخ الخ

يا راجل دى الخطوط الكينية بتعمل تفتيش و تحليل كذا مرة فى السنة علشان ضمان الفندق اللى بينزلوا فيه الأطقم بتاعتها و قيس على كدة كتييييييييير، يعنى مثلا لوفتهانزا بتاخد عينات من اى حاجة، حتى مياه حمامات السباحة