استفسار بخصوص ترابيزات تنس الطاولة

[bodo122]

السلام عليكم ، انتوا عارفين الصيف قرب و كنت عايز اشترى ترابيزة تنس طاولة للاولاد و كنت عايز اعرف سعرها فى حدود كام و ابعادها قد اية

[FunnyMickey]

كلم الرقم ده
23939181
دي محلات بيت الرياضه مرزوق حتلاقيها عنده
وممكن نجار يعملهالك بس حتطلع كفته واحتمال بعد ما تخلص تطلع طاوله مش تنس طاوله
:)

[hossamkoshy]

وانت بتشتري حلي بالك ان فية انواع للاماكن المفتوحة وامواع للاماكن المغلقة
الاسعار ممكن تبدا من 500 حنية
وفي انواع محترمة جداااااااااااااا
بس نصيحة لو الاولاد لسة صغيرين اشتري واحدة مش غالية .

[ahmedhawas]

كنت في التوحيد والنور من فترة قريبة ، وكنت سألت عالأسعار لما لاقيتهم عنده
1- ترابيزة خشب (تعبانة أوي) 420 جنيه
2- ترابيزة بلاستيك بتتطبق وليها عجل - صيني 1100 جنيه
3- ترابيزة بلاستيك بتتطبق وليها عجل - ألماني 1900 جنيه

ومبيجيبش الألماني غير بالطلب ------- وأكيد تستاهل وأكيد هي أفضلهم

طبعا هو بيجيبهم من مكان متخصص في الموضوع ده ويبيعهالك - فياريت لو حد يعرف مكان متخصص في الأدوات الرياضية زي التنس طاولة أو البيبي فوت -- حيكون احسن بكتير

[casperinoo]

الالماني الافضل طبعا ...
وممكن تشتريها مستعمله..بتبقي نفس الحاله وفرق سعر كبيير

[Eslam.Elrefaey]

بلاش تجيب حاجة مش حلوة علشان رخيصة وخلاص لانها مش هتريحك وفى الآخر هتقول يا ريتنى جبت الغالية