سمعت عن quest net

[shahin15]

السلام عليكم
للي سمع عن quest net او اتعرض لها
احذر احذر لان حوليها شبهات كتيرة
وجدل كتير دينيا و قنونيا
فالافضل الواحد يتجنب الحاجات دي
وربنا يديله حسنات لانه بيحاول يبعد عن
الشبهات ابتغاءً لوجهه الكريم
وللي ماسمعش عنها خالص ولايعرف ايه
اللي انا بتكلم عنه فده احسن له.

تقبل الله منا جميعا صالح الاعمال

[ahmedsamir5edr]

عندك حق يشده
اللعب بعقول الشباب العاوز يكسب بسرعه و بأحلامهم

[eng.m7md.ali]

ياريت معلومات عنها
هيا دي شركة network marketing؟؟

[shahin15]

اولا:حتى لو كسب سريع ممكن يكون حرام والله اعلم طبعا
ثانيا:ايوه دي network markting لكن دي مش بتبيع وتشتري
دي بتاجر في الفلوس تاخد من ده و تدي ده

[human]

ن ص ب

[ahmedsamir5edr]

ن ص ب

+11111111111111

[masterzmind]

يا جماعة مش نصب والحوار دة منتشر جداااااا فى الكلية عندى والى بيقول حرااام دة دار الافتى قالت مش حراااااااام

[أحمد الجندى]

الموضوع ده سبق نقاشه من قبل

http://www.nilemotors.net/Nile/194807-a.html

[eng.m7md.ali]

في شركات في المجال ده بتبقى صادقة في كلامها وفي شركات تانية نصابة فعلا
بس اللي اعرفه ان دار الافتى حلل المكسب من الشركات دي

[ahmed_mido1889]

في شركه تانيه ظهرت اسمها جولدن مايننج انترناشيونال (mig)

بس الحوارات دي كلها فكسانه

وعلشان ماتلبسش لازم تلبس حد معاك

[Raul_7]

فعلاً... اللي ما يعرفش يقول هجس.

[fouaa]

شكرا على الموضوع الجميل معانى بشوف ناس كتير بتشارك فالموضوع ده بس انا مش مقطنع بيه خالص

[ahmed_mido1889]

فعلاً... اللي ما يعرفش يقول هجس.

ايه معني كلامك؟؟؟؟؟

[shahin15]

على فكرة الشركة دي بتدي فلوس وكله
لكن الشبهة في طريقتها هي اللي ممكن تكون
حرام و اذا كان في افتاءات بانها حلال
حتلاقي افتاءات تانية بانها حرام
ولو فضلت متمسك بيهم اذا كنت وكيل معها
يبقا بتحط نفسك في دايرة شبهات
تتحاسب عليها يوم الحساب
فاحسن للجميع يتجنبها

[shahin15]

اييه يا باشا عامل اييه
انا على فكرة كنت موافق انضم لك و كانت الحكاية عجباني جدا
لانك كنت اللي عرضها عليا و حشتغل معاك و كده
وكنت واثق في كل كلمة انت قلتها وعادي دايما في مجالات شغل
جديدة كتيرة و النت ماركتنج منها وانا حتى اشتغلت عالنت في حاجة
زيه قبل كده
قلت اتاكد من الشركة الاول مع اني زي ما قلت لك كنت واثق في كلامك
دخلت على موقعها وفعلا لقيت كل حاجة و المجالات اللي بتشارك فيها
لكن ما كانش موقع لبيع وشرا السلع
فعملت بحث عام على جوجل طبعا طلع نتايج بالعبيط
فتحت الاولى والتانيةو.... لقيت المعارضين لها وبيقلوا
دي اتقفلت في سوريا و اتشالت في السعودية و مالهاش تراخيص في
امريكا وكلام كتير اوي وشوفت كمان الموءيدين للشركة و
يقولون بنشتغل فيها وبنتعب وبعدين بنحصل تعبنا ومجهودنا

قلت تمام وكل ده عادي وانا مازلت موافق وكل حاجة لها اللي بيأيدها
واللي بيعرضها حتى الريس
لكن وانا بكمل تصفحي لقيت اللي كاتب فتاوى و اللي دخل في
الحرام والحلال وبتاع وكلام نعناع قلت لأ انا لازم اعرف اكتر
عن الشركة وشغلها علشان اقدر اقرر اي الرأيين صح
لقيت واحد تبع الشركة كاتب موضوع عنها بالتفصيل والصور وكله
قرأت الموضوع تاريخ الشركة- صور منتجاتها-مديرنها مين
اجانب طبعا-صور لاجتماعتها(p-dayوv-day )والكلام اللي انت
كتبته في الورق كله موجود- وطريقة الانضمام وشروطه

دلوقتي الفولة باقه اللي وقفتني
طريقة عملها بتلغي الوسائط بين الشركة والزبون وبتخلي
الزبون وكيل ويجيب وكلاء تانين والجديد دايما بيدفع كل واحد ياخد من
اللي تحت ويدي اللي فوق والطريقة دي مش بيع وشرا دي تجارة
في الاموال القصد منها مش الانتفاع بالسلع وموردها الوحيد
هوا الناس الجديدة انا مش بتكلم خالص عن لو الشبكة وقفت
ومافيش وكلاء جدد بل لو استمرت للابد فاستنتاجي ان
الحرام والشبهة في الطريقة والجدل كله حواليها
فقلت اتجنب كل ده احسن