Tweet
الإنسان كائن متكيف.. ده هو اللي طلعت بيه كنتاج خبرات حياتيه و تجارب الناس اللي حواليه.. الواحد بيتعود على أي وضع هو بيتحط فيه و يتأقلم عليه مع مرور الوقت.. و الوضع اللي بالنسبة لحد منا كان مستحيل انه يحتمله لما تسأل الحد ده ايه أخباره دلوقتي يقول خلاص اتعودت عليه.. يعني أقلم ظروفه تبعا للظرف الجديد اللي حصل له.. عشان كده باستغرب اوي لما اشوف مقاومة شديدة للتعود من حد على وضع جديد اتحط فيه مش باختياره و بيكون مش قابله بس مافيش حاجة يقدر يعملها عشان يغيره او يرجعه زي ما كان.. انما بيفضل رافض و مقاوم.. مع ان التسليم بأمر الله بيكون هو الحل الوحيد في الحالة دي.. بس الانسان ده بيفضل رافض القبول بالأمر الواقع و التواؤم معاه حتى الموت.. على الجانب الآخر ممكن تلاقي الإنسان ده سهل التعود بدرجة ملفتة للنظر على أشياء تافهة.. زي مثلا انه كان متعود على انه يسوق عربيته المانيوال بطريقة معينة.. ايده بتروح على الفتيش بطريقة اوتوماتيكية.. لما جاب الأوتوماتيك فضلت ايده برضه تروح على الفتيس لفترة.. لحد ما اتعود و ايده اتعودت على انها ما تروحش للفتيس بالكثرة دي و تلاقيه لا إراديا بيدور على الدبرياج تحت رجله الشمال و لما مش بيلاقيه بيفتكر.. مرة ورا التانية رجله اتعودت على ثبتاها.. و لو صادفت و ساق مانيوال لأي سبب بعد فترة يلاقي نفسه مش فاكر دي كانت بتتساق ازاي و بيبذل مجهود عشان يسوقها.. مع انه كان عنده أصلا مشكلة في التعود على غيرها.. سبحان الله على الانسان ده فعلا :o
نرجع تاني نربط كلامنا بالشخص الرافض للتأقلم.. انا شايفه ان تصرفه ده ضد الفطرة.. و الشيطان بالتأكيد له دخل انه يخليه ما يرضاش بالأمر الواقع.. عدم الرضا ده و قناعة الشخص انه عمره ما هايقدر يتعود على الوضع الجديد هو ضد طبيعة الانسان عشان الانسان زي ما انا شايفاه هو كائن متكيف.
يا ترى في ايه في حياتنا كنا فاكرين اننا عمرنا ما هانقدر نتعود عليه بس اللي حصل هو اننا اتعودنا فعلا عليه و بأه جزء من حياتنا؟
غير التعود فيه كمان الاعتياد و ده هافرد له موضوع منفصل ان شاء الله :)
نرجع تاني نربط كلامنا بالشخص الرافض للتأقلم.. انا شايفه ان تصرفه ده ضد الفطرة.. و الشيطان بالتأكيد له دخل انه يخليه ما يرضاش بالأمر الواقع.. عدم الرضا ده و قناعة الشخص انه عمره ما هايقدر يتعود على الوضع الجديد هو ضد طبيعة الانسان عشان الانسان زي ما انا شايفاه هو كائن متكيف.
يا ترى في ايه في حياتنا كنا فاكرين اننا عمرنا ما هانقدر نتعود عليه بس اللي حصل هو اننا اتعودنا فعلا عليه و بأه جزء من حياتنا؟
غير التعود فيه كمان الاعتياد و ده هافرد له موضوع منفصل ان شاء الله :)
.
Comment