ساعدوني يارجالة محتار بين الكاميرتين دووب

[Xander2010_Evo]

السلام عليكم ورحمة الله وبركاته

يا رجالة أنا نويت أجيب كاميرا

ف صراحة محتار بين الموديلين دوول

Canon PowerShot SX20 IS - Digital Compact Camera - Canon Europe

ودي

Canon PowerShot SX30 IS - Digital Compact Camera - Canon Europe

بس ال SX30 قلقان من حكاية الشاشة إنها بتتحرك وتشقلب وحاسس إنها ممكن ف مرة بدون قصد تتقطم

فأنها برجح ال SX20 أنا سألت واحد صاحبي معاه الSX20 طلعت ب 3200 تقريبآ بالمصري لأنه جايبها من الإمارات
ومش عارف سعر الSX30 هنا ف مصر كام ولا توكيل كانون فين
أنا عارف إن سعرها غالي جدآآآ وبتاعت إستديوهات وفيه موديلات تانية من شركات تانية زي سامسونج وفيليبس وسوني بتنزل بإمكانيات أعلي كمان من دي وبسعر أقل كمان بس أنا بحب التصوير جدآآآ وعاوز حاجة محترمة
وبردو حوار العدسات ده مقلقني ونفسي الاقي حد فاهم كويس فالحاجات دي خصوصآ إن العدسات غالية جدآآ تمنها يوصل لنص تمن الكاميرا
أينعم أنا هعترف بكل صراحة كل إللي معايا من ال3200 جند هوا 100 جند بس خمسنتين
بس إن شاء الله هجيبها ع الأجازة الصيفية لما آآخد شهادة عاطل
محدش يشتم ولا يضرب
والسلام خير ختام :))

[rosebox]

انا فى الحقيقه لسه معرفش حاجه عن الكاميرتين دول بس انا فى الحقيقه طالما انت بتحب التصوير كده و كمان مستعد تدفع مبلغ محترم كده يبقى ما تدخلش فى موضوع الكومباكت خالص حرام تدفع مبلغ كده فى اى كومباكت. ادخل بقى فى البرو على طول و طور نفسك واحده واحده بعد كده. مخبيش عليك المبلغ ده تجيب اقل حاجه فى الdslr انما حتبقى محترمه قوى قوى
عندك كانون d450 او نيكون d3000
ممكن فى اوائل ال4000 جندى تجيب كانون d500 او نيكون d5000 و الاحسن منها نيكون 3100

, تعلى 1000 جنيه كمان و تجيب التحفه اللى مالهاش حل كانون d550

بص وجهة نظرى ان الكومباكت كله فى الاخر زى بعضه اه فى كويس انما الكاميرا اساسا عباره عن سنسور و طبعا احسن كومباكت كاميرا السنسور بتاعها مختلف تماما عن اقل dslr من حيث النوعيه و الحجم . اللى بيخللى الكومباكت ساعات بتطلع صور كويسه هو السوفتوير بتاعها
و طالما انت بتحب التصوير فمتهيألى يهمك تطلع احلى جوده

المهم اللى انت حتختاره انصحك ماتجيبش حاجه من التوكيل لإن اسعارهم خياليه و كمان مابيصلحوش حاجه بتاتا فمتتخيلش ان لو اشتريت منهم و لا قدر الله حصل حاجه للكاميرا انهم حيغيرهولك الكاميرا او يصلحوحالك اسأل عليهم الاول. احسن تجيب من المحلات المشهوره زى الشناوى و الكينج و فى محلات تانيه كمان المهم بعد ما ترسى على كاميرا تدور على اقل سعر ليها و الاحسن تجيبها من بره و اهو تضمن انها اصلى.

ارجو انى اكون افادتك

[OgsMc]

بصراحه الاتنين جامدين
على حسب فلوسك بأه

[sayed911]

متقلقش خالص من حوار الشاشة دي يا مصطفى مهي عندي في الـ 550d ولا بتتشقلب ولا الهوا بس بجد توكل على الله وعايز اقولك استثمارك دائما مش بيبقى في الكام بيبقى في العدسة !!! جرب وشوف هل ممكن تعلي الرينج شوية ؟ وعايز اقولك حوار السيمي بروفيشينال والبروفيشنال مش ها تفرق في حاجة المهم من واقف ورا العدسة ومين اللي في ايدو السيزميك شوت !!! يعني لو مقتنع بحاجة متفكرش انك تورط نفسك في حاجة اعلى .. وده كلو كمان بيتحدد انتا هوايتك رقم واحد تصوير ايه ؟ مايركو بورتريه ولا ولا ولا ؟

[OgsMc]

المهم متضغطش على نفسك ماديا لأن كل الكاميرات بتلقط صور روعه
لو عندك شاشه كمبيوتر كبيره و الريسليوشن بتعتها عاليه جدا (1080p(
او برنتر جامد
لاكن لو شاشتك الريسليوشن بتاعها واطى مش هتحس بفرق الجوده اوى

[saadelden]

SX30 IS طبعا
عدسه Ultra wide angle و 35x زووم

فرق العدسه بين الاتنين كبير و بيفرق في التصوير بالليل
غير كدا دي احدث

[Xander2010_Evo]

انا فى الحقيقه لسه معرفش حاجه عن الكاميرتين دول بس انا فى الحقيقه طالما انت بتحب التصوير كده و كمان مستعد تدفع مبلغ محترم كده يبقى ما تدخلش فى موضوع الكومباكت خالص حرام تدفع مبلغ كده فى اى كومباكت. ادخل بقى فى البرو على طول و طور نفسك واحده واحده بعد كده. مخبيش عليك المبلغ ده تجيب اقل حاجه فى الdslr انما حتبقى محترمه قوى قوى
عندك كانون d450 او نيكون d3000
ممكن فى اوائل ال4000 جندى تجيب كانون d500 او نيكون d5000 و الاحسن منها نيكون 3100

, تعلى 1000 جنيه كمان و تجيب التحفه اللى مالهاش حل كانون d550

بص وجهة نظرى ان الكومباكت كله فى الاخر زى بعضه اه فى كويس انما الكاميرا اساسا عباره عن سنسور و طبعا احسن كومباكت كاميرا السنسور بتاعها مختلف تماما عن اقل dslr من حيث النوعيه و الحجم . اللى بيخللى الكومباكت ساعات بتطلع صور كويسه هو السوفتوير بتاعها
و طالما انت بتحب التصوير فمتهيألى يهمك تطلع احلى جوده

المهم اللى انت حتختاره انصحك ماتجيبش حاجه من التوكيل لإن اسعارهم خياليه و كمان مابيصلحوش حاجه بتاتا فمتتخيلش ان لو اشتريت منهم و لا قدر الله حصل حاجه للكاميرا انهم حيغيرهولك الكاميرا او يصلحوحالك اسأل عليهم الاول. احسن تجيب من المحلات المشهوره زى الشناوى و الكينج و فى محلات تانيه كمان المهم بعد ما ترسى على كاميرا تدور على اقل سعر ليها و الاحسن تجيبها من بره و اهو تضمن انها اصلى.

ارجو انى اكون افادتك

تمام جزاك الله خيرآ
أنا لحد دلوقتي مستقر علي ال SX20لأني شفتها مع واحد صاحبي وإمكانياتها معقولة
لأني مش محترف تصوير أصلآ فيعتبر لسه هاه بتعلم
فانا قولت أجيب الCompactأفضل من ال Ixus شوية
بس صراحة نفسي فالحاجات العالية بس أعترف إني هبوظها بدري لأن أي حاجة بتقع ف إيدي
صوابع إيديا بتأكلني علشان أفكها
وبوظت كاميرتين من أم فيلم بتاعت زمااان قبل كده واحدة مضروبة وواحدة كاسيو :)

بصراحه الاتنين جامدين
على حسب فلوسك بأه

ههههههه حكاية الفلوس دي لسه والله أعلم أنا مقولتش للحاج أصلآ
ربنا يستر وميحدفنيش بحاجة :))

متقلقش خالص من حوار الشاشة دي يا مصطفى مهي عندي في الـ 550d ولا بتتشقلب ولا الهوا بس بجد توكل على الله وعايز اقولك استثمارك دائما مش بيبقى في الكام بيبقى في العدسة !!! جرب وشوف هل ممكن تعلي الرينج شوية ؟ وعايز اقولك حوار السيمي بروفيشينال والبروفيشنال مش ها تفرق في حاجة المهم من واقف ورا العدسة ومين اللي في ايدو السيزميك شوت !!! يعني لو مقتنع بحاجة متفكرش انك تورط نفسك في حاجة اعلى .. وده كلو كمان بيتحدد انتا هوايتك رقم واحد تصوير ايه ؟ مايركو بورتريه ولا ولا ولا ؟

علي فكرة يا سيد أنا ولا فاهم سيزمك ولا مايركو ولا أي حاجة
وبالنسبة للتصوير صور عااادية يعني أنا مش فنان يعني والكلام ده
شوف إتفرج ع الصور دي ف بورسعيد بكاميرا Canon Ixus 1000 HS فيها 10 زووم أوبتيكال وده المهم
والباقي لحد 40 زووم ديجيتال هاتلاقي الفرق واضح فالزووم فالصور أهيه
Facebook
وقوللي رأيك أنا تقريبآ الصور إللي مش ظاهر فيها أنا إللي مصورها D:

المهم متضغطش على نفسك ماديا لأن كل الكاميرات بتلقط صور روعه
لو عندك شاشه كمبيوتر كبيره و الريسليوشن بتعتها عاليه جدا (1080p(
او برنتر جامد
لاكن لو شاشتك الريسليوشن بتاعها واطى مش هتحس بفرق الجوده اوى

ههههههههه أحب أقول لحضرتك يا أفندم أنا معنديش لاب توب أصلآ D:
لأني من الناس إللي مش بيحبوا الLIMITSوبحس لما بقعد علي لاب إني قاعد ف سايبر
فجأة بدون مقدمات تلاقي الجهاز قفل
"الساعة خلصت يا كابتن"
حتي بابا كان جابلي لاب هدية من سنتين روحت أخدته منه ورجعته للراجل إللي جابه منه
ومش فاكر صرفت الفلوس بقي شوية ع العربية وشوية ف رحلة وجددت الPC هههههه حاجة بيس يعني :))

SX30 IS طبعا
عدسه Ultra wide angle و 35x زووم

فرق العدسه بين الاتنين كبير و بيفرق في التصوير بالليل
غير كدا دي احدث

والله ربنا يكرم أنا لو لقيت أسعارهم هنا أووفر
ممكن أقلب لاب وأمري لله لأني شكلي هتزنق ف يوم وهضطر أجيبه

[د.محمود صلاح]

أرشح لك
كاسيو zr100
هاي سبيد كاميرا 450 فرام في الثانية للفيدي وهاي زوووم وقلما تجد الميزتين مع بعض في كاميرا واحدة كومبامت

او كاسيو h30 بتعمل 1000 لقطة في الشحنة الواحدة 16 ميجا بيكسل hd والعديد من الوظائف لتحرير الصورة والفيديو
-ال2 صنع صيني بعكس الكانون ياباني -

[Angel_wolf]

بتحب التصوير = سيمى بروفيشنال او بروفيشنال على طول

الكومباكت عن تجربة مضيعة فلوس مهما غلى مش هتقدر تعمل بية حاجات كتير من الى اقل كاميرا سيمى بروفيشنال او بروفيشنال بتعملة

[Xander2010_Evo]

أرشح لك
كاسيو zr100
هاي سبيد كاميرا 450 فرام في الثانية للفيدي وهاي زوووم وقلما تجد الميزتين مع بعض في كاميرا واحدة كومبامت

او كاسيو h30 بتعمل 1000 لقطة في الشحنة الواحدة 16 ميجا بيكسل hd والعديد من الوظائف لتحرير الصورة والفيديو
-ال2 صنع صيني بعكس الكانون ياباني -

اها يا دكتور محمود إتفرجت علي Zr100 جميلة بس حكاية إنها صيني دي إللي مقلقاني مع إني عارف إني فيه حاجات صيني ملهاش حل طبعآ بس الكانون بغض النظر عن إنها ياباني هي إللي دخلت دماغي جدآآ
سواء Ixus أو Compact

بتحب التصوير = سيمى بروفيشنال او بروفيشنال على طول

الكومباكت عن تجربة مضيعة فلوس مهما غلى مش هتقدر تعمل بية حاجات كتير من الى اقل كاميرا سيمى بروفيشنال او بروفيشنال بتعملة

ماتكلمني كده بالبلدي بالله عليك D: أنا بقول لحضرتك أنا يادوب عااادي زي أي شخص بحب التصوير
يعني أنا مش بروفيشنال صراحة
يعني حضرتك شايف إن الكومباكت حرام أدفع فيها المبلغ الكبير ده؟؟ ,اخيني فالIxusمثلآ
ولا قصد حضرتك أجيب حاجة أعلي من الكومبامت؟؟ ولا إييه؟؟ D:

[د.محمود صلاح]

لا تقلق من الصيني لو متصنع بإسم ماركة
لدي كاميرا كاسيو قديمة منذ 6 سنوات صنع في الصين - اصلية - ولا زالت تعمل بكل كفائة والبطارية تعمل بصورة جيدة جدا

[Angel_wolf]

ماتكلمني كده بالبلدي بالله عليك d: أنا بقول لحضرتك أنا يادوب عااادي زي أي شخص بحب التصوير
يعني أنا مش بروفيشنال صراحة
يعني حضرتك شايف إن الكومباكت حرام أدفع فيها المبلغ الكبير ده؟؟ ,اخيني فالixusمثلآ
ولا قصد حضرتك أجيب حاجة أعلي من الكومبامت؟؟ ولا إييه؟؟ d:

حضرتك بتقول بتحب التصوير يعنى الموضوع مش انك عايز كاميرا تسجل بيها اى ذكريات على شكل صور لا انت عايز كاميرا تصور بيها صور محترمة انا عندى كاميرا كومباكت بناسونك لومكس يابانى كمان رغم انوا مبيفرقش حلوة وجميلة و فيها بتحكم فى سرعة الشطر و كمان فيها مانويل فوكاس علشان تعمل احلى شغل وكنت جايبها من حوالى 4 سنين بحوالى 5000 جنية وكانوا وقتها مش قليلين على فكرة الناس وقتها كانت بتجيب الكاميرا ال benq ب 800 جنية ويقلك انا جبت كاميرا

الملخص رغم انها حلوة وطعمة وفيها كل الصفات فهى اقل من اقل كاميرا سيمى بروفيشنال فى كل حاجة من اول الفوكاس و الزوم لحد طبعا انك فى الكاميرات الكبيرة ممكن تغير العدسات و تغير الفلاتر وتعمل شغل محترم لكن كومباكت اخرك العدسة بتاعتك والزوم بتاعك والفلاش الى معاك اكتر من كدة متلاقيش لكن هنالك الوضع بيختلف رغم ان فى مودلات دلوقتى من الحاجات الكومباكت بيتغير ليها الفلاش بس بجد الفرق جبار

وهرجع اقلك انت الى هتحدد

عايز كاميرا تصور بيها عيد ميلاد صور فرح انت واصحابك = كومباكت و متحولش تغلى فيها لانك فى الاخر مش هتحس بفرق كبير
عايز كاميرا تصور بيها صور محترمة بمعنى الكلمة وتقدر تعدلها و تزود عليها على حسب احتياجاتك وتوصل بيها ان تصوريك يبقى احترافى =سيمى بروفيشنال او بروفيشنال

وشوف راى الناس الى بتفهم عنى وربنا يسهلك الى فية الخير

[Xander2010_Evo]

عايز كاميرا تصور بيها عيد ميلاد صور فرح انت واصحابك = كومباكت و متحولش تغلى فيها لانك فى الاخر مش هتحس بفرق كبير
عايز كاميرا تصور بيها صور محترمة بمعنى الكلمة وتقدر تعدلها و تزود عليها على حسب احتياجاتك وتوصل بيها ان تصوريك يبقى احترافى =سيمى بروفيشنال او بروفيشنال

طيب أنا كل إللي جربته صراحة أول ماوقعت ف إيدي كاميرا الCanon Ixus 85
والإسبوع إللي فات جربت ال Canon Ixus 1000 HS ودي كانت أحدث حاجة فالIxus Series
بس شايف عيبها الوحيد البطارية بتخلص بسرعة جدآآآآآ لأنها صغيرة جدآآآآآآآآآآآآآآآآآ
فواحد صاحبي قاللي إنها معاه الCompact SX20 وشفت الصور بتاعتها لقيتها رووووعة الصراحة
هيا آه غالية بس ملهاش حل "ده بالنسبالي طبعآ D: "
طب مثلآ خلينا في رينج الكومباكت حضرتك بتقول متغليش لأني مش هحس بفرق كبير
هل ده معناه أجيب أرخص حاجة فالكومباكت مثلآ ولا إيه؟؟
طب إيه رأيك تنصحني بإيه من موديلات الكومباكت دي؟؟
Canon PowerShot - Digital Compact Camera - Canon Middle East

[د.محمود صلاح]

بطارية كاسيو h30 و h 15

الف لقطة في الشحنة الواحدة وانفراااد عن جميع الموديلات الاخرى

[osama.m]

خلي بالك ال PowerShot مش بيتغيرلها العدسة.
لو بتحب التصوير و خلاص يبقى خليك في ال PowerShot .. نوع الموديل امكاناتك و احتياجاتك ه اللي تحددة .. هتطلع صور نضيفة جدا و هتقرر انت بتحب التصوير فعلا و هتنمي الهواية دي عندك
لو بتحب التصوير جدا يبقى تدخل بقى dslr .. زي canon 550d .. canon 50d .. عايز اقلك في موديلات بتوصل ل 11.000
الفرق انك هتقدر تتحكم في حاجات كتير و انت بتصور .. نوعية الصورة مختلفة .. بس على حسب اللي بيصور .. هتقدر تغير العدسة لو محتاج .. يعني تقدر تجيب عدسة ماكرو .. وايدانجل .. سوبر زووم .. العيب الوحيد في نظري و اللي مخليني مش عارف اجيب كامير من دول ... التكلفة