خبطت عربية واحد امبارح

[Abdallah]

جزاك الله خير يا اخى
لكن تخيل لما تعمل كدة وتصعق عندما يحاول صاحب السيارة الأخرى انه يضحك عليك ويدبسك
والله يا اخى فى مرة خبطت مراية لعربية نوبيرا كان واقف غلط وسبتله الكارت بتاعى يقوم الراجل المحطرم "بحرف الطاه وليس التاء" يقولى انا عايز مراية اصلية بـ 850 جنيه
تخيل انت بقى مراية اصلى لعربية نوبيرا وكمان مانوال بـ 850 جنيه واحنا كمان فى بورسعيد
بعت جبتها من الشونة بـ 90 جنيه والله :d

[Karim_Monir]

جزاك الله كل خير

ربنا يجازيك خير علي فعلك النبيل .
سريعا كدة . مرة حصلي موقف شبة دة شوية
انا وواحد صاحبي كنا مروحين فقابلنا لجنة ووقفنا الامين وقالة هات رخصك .قالة اتفضل . قالة كمان رخصة العربية منتهية . صاحبي قالة لسة من شهر وهاجددها . فالامين قالة طيب صباح الفل ( عاوز فلوس ) فصاحبي قالة طيب ثواني نركن علي جنب واما وقفنا قالي معاك فلوس قلتلة اة قالي طيب اديلة 20 جنية قلتلة لا انا مش هدي رشوة عاوز الفلوس خدها واديهالة انت فقالي لا ولا انا .خلاص تعالي ناخد وصل بالرخصة .
واحنا رايحين نقولة هات الوصل واسحب الرخصة كان في عقيد واقف بعيد شافنا رايحيين للامين فندهلة ورحنالة كلنا . قالة في اية . الامين قالة الرخصة منتهية وهاديهم وصل . المهم العقيد بصلنا وقالنا شكلكم ناس محترمة اوعدوني انكم تجددوا الرخصة . قلنالة حاضر . قالنا خدو الرخصة . خدناها وشكرناة ومشينا ( ودي اخرة الي مايديش رشوة ) (يعدي منها علي خير )

في مسند الإمام أحمد ( باقي مسند الأنصار )
حدثنا وكيع حدثنا سليمان بن المغيرة عن حميد بن هلال عن أبي قتادة وأبي الدهماء قالا
أتينا على رجل من أهل البادية فقلنا هل سمعت من رسول الله صلى الله عليه وسلم شيئا قال نعم سمعته يقول إنك لن تدع شيئا لله عز وجل إلا بدلك الله به ما هو خير لك منه .
صدق رسول الله صلى الله عليه وسلم



ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

مشـرف الاجتمــاعي
3 ب

27/4/2011
1:13am

[OmaR_FekrY]

ربنا يبارك فى حضرتك
انت راجل محترم ...... ربنا يكتر من امثالك و انا لو كنت مكانه كنت اديتك عربيتى هديه لتصرف حضرتك ده

[shaddadfalcon1]

مره السواق بتاع العربيه النص نقل بتاعة والدي كان طالع كوبري في حالة وفي بوكس معدي من جنبه ورمي عليه المرايه بتاعة البوكس خبطت في المرايه بتاعة عربيتنا ووقف والسواق اعتذرله مش عارف عليه ايه والظابط قاله حصل خير وخد العربيه منه وبيته في الحجز ولقينا عشرالاف بند علي العربيه زي ركاب في الصندوق وحزام وسرعه جنونيه وغرمنا اكتر من 2500 جنيه والعربيه رخصت من اول وجديد وعطله اسبوع

[احمد المصرى]

انت راجل محترم