علم مصر

[SYD]

السلام عليكم ورحمة الله وبركاته
اخواني الأعزاء
اعضاء نايل موتورز
كنت عايز اعرف رأيكم هل انتوا كمان زيي ولا انا بس الي شوفت كدة
بعد ثورة 25 يناير لاحظت كمية اعلام لا حصر لها بجميع الاشكال والأحجام
وعلي كل حاجة في الدنيا
طبعا دة شئ جميل
واليومين الي فاتوا وجدت علم بلدنا الجميل والمفروض انه مقدس علي علب واكياس المناديل
انا شخصيا اشتريت منتجين من شركتين مختلفتين وكانت كل شركة حاطة العلم علي كيس المناديل
انا كنت مضطر اشتري لآن كافتريا الشغل عندي ماعندهاش غيره ومفيش قدامي بدائل
تفتكر حضرتك كيس المناديل بعد لما يخلص هعمل فيه ايه؟؟؟ هبوسه واحطه علي راسي من فوق ولا !!!!!!!
ارجوكم يا جميع شركات مصر بلاش تدخلوا شعار بلدنا الحبيبة في موضوعات تسويقكم
انتوا بدل ما بتكرموا العلم انت بتبهدلوا العلم
اعتقد علم بلدي وشعار بلدي غلاوته من غلاوة بلدي ومايصحش يتبهدل اكتر من كدة
وكفاية بقي استغلال لأي حاجة في مقابل تسويق منتجي
والله المستعان

[smsm_cato]

انا شايف انه استهبال من الشركات اللى بتستغل الموضوع ده فى الدعاية يعنى مشوفتش طقم سرير الثورة اللى على شكل علم مصر طيب بزمتك ده ينفع يعنى افرد الواد ابنى نام عليه وعمل عليه بيبى يبقى ايه الوضع دلوقتى اضربة وقوله عيب ده علم مصر انا شايف ان الموضوع ده بقى اوفر قوى

[misoalex]

ههههههههههههههههههههههه

اشرب عصير الثوره
YouTube - ‫ط¹ظ…ط±ظˆ ظ‚ط·ط§ظ…ط´ ط§ظ„ط«ظˆط±ظ‡‬‎


عادى كله بيتمحك فى الثوره

[فادى محمد]

انتوا ماسمعتوش عن رنجه الثوره ولا فسيخ الحريه وماشفتوش محلات فتحت واسمها 25 يناير؟؟ كله استغلال لماسي الشعوب .

[misoalex]

انتوا ماسمعتوش عن رنجه الثوره ولا فسيخ الحريه وماشفتوش محلات فتحت واسمها 25 يناير؟؟ كله استغلال لماسي الشعوب .

اه وعندنا ناس واقفه ب فتارين وعملت اكشاك فى الشوارع ومسميه نفسها شباب 25 يناير وحاجات كده

مهو دول اللى طلعو على حس الثوره واقفين فى الشارع براحتهم محدش يقدر يكلمهم ولا ظابط ولا رابط

[Mahmode]

كلو بيستغل الثورة لمصلحتو

[rosebox]

مش عارفه. حاسه انه استغلال حميد او تلقائى للحاله اللى المجتمع عايشها
يعنى لما كان كل هم المجتمع المصرى هو الكوره و الفن و الفنانين كنت تلاقى القهاوى اسمها ابوتريكه و كل حاجه اساميها تعبر عن الكوره و الفن و و كل حاجه اسمها بالانجليزى محدش قال ده استغلال
دلوقتى كل الناس متأثره بالثوره و الحريه و الوطنيه فحتلاقى كل المحلات تستغل ده. يعنى بصراحه انا شايفاها مرايا للمجتمع و اهتماماته و حاسه بالفخر ان ده بقى اهتمامات بلدى و نفسى بقى نشوف ده فى اخلاقنا و شغلنا.

[azmeralda]

هو حلو بس بالعقل طبعا
انا شارية توفى بحبك يا مصر وطبعا كل واحدة ملفوفة فى علم مصر مش هفضل الم ورق التوفى !

[SYD]

يا جماعة احنا مجتمع بيحب الزيطة وبنحب نزيط في الزيطة
يعني 99.9999 من الشعب المصري لازق علي زجاج عربيته 25 يناير علي شكل لوحات (اللون الاحمر معناها نقل والبرتقالي أجرة وقليلاً من الازرق يعني ملاكي) واجمل حاجة تلاقيه واقف صف تاني او ماشي عكسي او لو حد قفل عليه الطريق يشتمه ويشتم البلد (مصر) والي عملوله رخصة
احنا بس يا جماعة متأثرين شوية بأغنية شيرين (دور جواك تلاقاها هي الصحبة وهي الاهل) ومحمد منير (ازاي)
لكن بكل أسف وحسرة مصر هي مصر والمصري هيفضل مصري والله لو حتي القيامة قامت مش بقي ثورة قامت
بكل اسف احنا خسرنا اكتر ما كسبنا
انا شخصيا حصل معايا موقف لا اعتقد انه كان ممكن يحصل معايا قبل الثورة
والأمثلة يا جماعة كتير اوووي
العملية مش بالعلم ولا بالحماس بتاع الاغاني
المشكلة فينا احنا
الي استغلوا الثورة اكتر من الي عملوا الثورة واكثر من الي استفادوا من الثورة
لسة لحد النهاردة البياع بيغش ويكتب علي الموز 4 كبيرة اووووووووووووووووووووووووووي والخمسة بتاعة النص صغيرة اوي عشان يغشك وتشوفها 4 مش 4.5 او يجيبلك موز ماينفعش حتي تتزحلق بيه ويقولك هو دة ابو 4
لسة سواقين الميكروباصات عندهم انحرافات اخلاقية وبيقطعوا المسافة
لسة الموظفين بياخدوا رشوة
لسة كل حاجة زي ما هي
الجديد بس ان الاعلام كترت اووووووووووووووووووووووووووووووووووووووووووووووووو وي
لدرجة ما بقتش اعرف ان النهاردة في ماتش ولا لا لأني فكل اشارة شايف بياعين بتوع اعلام
والله المستعان

[azmeralda]

المصري هيفضل حتي لو القيامة قامت
ماله بقي المصري بلاش تقول كلام ينرفز هه

[misoalex]

يا جماعة احنا مجتمع بيحب الزيطة وبنحب نزيط في الزيطة
يعني 99.9999 من الشعب المصري لازق علي زجاج عربيته 25 يناير علي شكل لوحات (اللون الاحمر معناها نقل والبرتقالي أجرة وقليلاً من الازرق يعني ملاكي) واجمل حاجة تلاقيه واقف صف تاني او ماشي عكسي او لو حد قفل عليه الطريق يشتمه ويشتم البلد (مصر) والي عملوله رخصة
احنا بس يا جماعة متأثرين شوية بأغنية شيرين (دور جواك تلاقاها هي الصحبة وهي الاهل) ومحمد منير (ازاي)
لكن بكل أسف وحسرة مصر هي مصر والمصري هيفضل مصري والله لو حتي القيامة قامت مش بقي ثورة قامت
بكل اسف احنا خسرنا اكتر ما كسبنا
انا شخصيا حصل معايا موقف لا اعتقد انه كان ممكن يحصل معايا قبل الثورة
والأمثلة يا جماعة كتير اوووي
العملية مش بالعلم ولا بالحماس بتاع الاغاني
المشكلة فينا احنا
الي استغلوا الثورة اكتر من الي عملوا الثورة واكثر من الي استفادوا من الثورة
لسة لحد النهاردة البياع بيغش ويكتب علي الموز 4 كبيرة اووووووووووووووووووووووووووي والخمسة بتاعة النص صغيرة اوي عشان يغشك وتشوفها 4 مش 4.5 او يجيبلك موز ماينفعش حتي تتزحلق بيه ويقولك هو دة ابو 4
لسة سواقين الميكروباصات عندهم انحرافات اخلاقية وبيقطعوا المسافة
لسة الموظفين بياخدوا رشوة
لسة كل حاجة زي ما هي
الجديد بس ان الاعلام كترت اووووووووووووووووووووووووووووووووووووووووووووووووو وي
لدرجة ما بقتش اعرف ان النهاردة في ماتش ولا لا لأني فكل اشارة شايف بياعين بتوع اعلام
والله المستعان

على فكره الثوره حصلت من 3 شهور بس
والفئه اللى بنتكلم عليها اتربت على 30 سنه من الهمجيه والجهل بس مكناش شايفنهم او كنا شايفنهم بس فيه اللى بيلمهم

اظن واحد بقاله 30 سنه بياخد رشوه وبيكسر اشاره وبيتبلطج وبيشرب مخدرات وغيره وغيره مش حيتغير فى 3 شهور

المصيبه بقى ان لو مجاش حد يغيره اصلا وفضل الوضع على ما هو عليه هى دى الكارثه

[zago]

انا مش حاطط العلم
ولا نسر ولا حته صوره تويتي

[abogogo]

طيب يا جماعة هصدمكم حد شاف شبشب الثورة ..؟؟!!!!!
انا لما شفته ركبني 100 عفريت وكنت هعمل مشكلة مع البياع اللى على الرصيف وهو يقول لي وانا مالي هو انا اللى عمله انا بياع بس ..!!! الشبشب من النوع ابو صباع والوش بتاع الشبشب عبارة عن علم مصر ... حاجة مسخرة وعدم احترام لرمز البلد يعني مش كفاية شغال زبال وكل كيس او علبة مناديل عليها علم مصر بلمها من الشارع وبحرقها في علبة صفيح امام البيت
حسبي الله ونعم الوكيل في كل من يهين راية مصر ...