Tweet
السلام عليكم ورحمة الله وبركاته
انتشر فى الشرقيه قطاع الطرق بطريقه رهيبه ولكل يوم نسمع عن الناس بتتاخد منهم عربياتهم بس الواحد مكنش بيصدق قوى او مبياخدش فى باله قوى لانى كنت بقول اشاعات والناس بتزود فى الكلام لغاية لما عربية ابن خالى اتسرقت يوم الجمعه اللى فاتت .
العربيه جيب شروكى وكان هو معاه 3 اشخاص ومعاه 65000 جنيه فى العربيه وكانو راجعين من الدقهليه ولما وصلو بلد اسمها ابو شلبى وهما بيعدو مطب قطعت عليهم الطريق عربية اسبرانزا ونزل منها اربع اشخاص ملثمين ومعاهم اربع بنادق آلى وثبتوهم فى قلب الطريق والعربيات رايحه جايه عليهم وكانو موقفينهم صف فى الشارع ولا حد عملهم حاجه واخدو ا العربيه ومشيوا ولما راحو يبلغوا فى القسم مكنش امين الشرطه اللى هناك عاوز يعملهم محضر وشدوا معاه لغاية لما عملهم المحضر وجت ناس تانيه تبلغ عن بدو راكبين عربيتين واحد اسبيرانزا والتانيه شروكى بتاعت ابن خالى ههدوهم واخدو منهم فلوسهم منهم واحد كان تاجر فراخ اخدو منه 25000 جنيه والتانى كان راكب دبابه كان بايع خضار وراجع وحاولوا يقفوه موقفش فضربو عليه نار وجاتله رصاصه فى رجله ووقف واخدوا منه 5000 جنيه ده اللى عرفوا ابن خالى فى الوقت اللى راح يعمل فيه البلاغ بس الله اعلم عملو ايه تانى.
انا عندى مزرعه قريبه من مدينة الصالحيه مبقتش بخرج اروحها بالليل مع ان الواحد كان بيروح فى اى وقت
مبقاش فيه امن فى البلد والبدو قاطعين الطرق وتخاف تمشى من بعد المغرب فى اى حته من الطرق المقطوعه دى
وحوادث تانيه كتيره سمعناه وكل يوم نسمع
الناس تخلى بالها من المشى بالليل وميخرجوش الا للضروره القصوى
وربنا يحفظ الجميع
اللون الاحمر مخصص للمداخلات الادارية
تم تعديل اللون بمعرفتي
مشرف ب2
برجاء مراجعة قواعد المنتدى
.gif "Majd(4)")
Comment