ها اعزل و محتاج كراتين --- اجيبها منين

[أبو_حمزة]

ان شاء الله ها اعزل بعد كام يوم و الناس اللى كنوا وعدونى يتصرفوا لى فى شوية كراتين خليوا بيا و اخوكم محتاس
انا اعرف ان فى محلات متخصصة فى بيع الكراتين لجميع الاغراض فلو حد يعرف فين واروح ازاى يبقى كسب فيا ثواب

[محمد عز]

اظن فى العتبه عند شركات الشحن
جنب شارع عبدالعزيز والمنطقه المتاخمه

[محمد المشد]

اعتقد ان الافضل تخسر شوية وتجيب شركة شحن بضاعة وتغليف وهى تقوم بالنقل وتكون مسئولة عن كل شىء

[السيد أحمد]

المحلات دى موجودة فى شارع الجيش وباب الشعرية

[aliabutaleb]

فلو حد يعرف فين واروح ازاى يبقى كسب فيا ثواب

ممكن برضة تلاقي عند أي محلات جملة كبيرة
أو أي مخازن

[KarimAbulEla]

بخصوص الكراتين ، اغلب الظن انها تباع بجوار شركات الشحن فى ش الجيش يعنى فى الشارع اللى رابط ميدان العتبة بميدان باب الشعرية يعنى من بعد درب البرابرة و انت طالع وايضا الشارع الموازى له من الجهة الشرقية اللى رابط ميدان جامع السبع بنات بميدان باب الشعرية

[tmz9111]

شارع الجيش عند حلوانى تسيباس

[أبو_حمزة]

1000 شكر يا اخوانى
ان شاء الله اشوف شارع الجيش و بالمرة اتفق مع شركة النقل
بس لو حد له خبرة بشارع الجيش يقول لى اركن فيين عشان انا متصور ان دى ها تكون معضلة