من أين يمكن شراء نظارة ريبان أصلية في مصر ؟

[د.محمود صلاح]

السلام عليكم ..

بخصوص شراء نظارة Polarized + 100% UV protection

وذلك بعد ما قرأت من مشاركاتكم هنا في نايل موتورز الإجتماعي ( كنتم تسيبوني على جهلي أفضل ) إن بالفعل النظارات الشمسية العادية أشد ضررا من إنك لا تلبس نظارة نهائي لأنها بتوسع حدقة العين وتسمح بمرور كمية اكبر لأشعة الشمس الضارة

معرفة النظارة الأصلية من التقليد أصبح مستحيل .. وبالبحث في النت لا يمكن التفريق ولا حتى من اكبر محلات النظارات .. لازم تشتريها من التوكيل والموزع المعتمد

وللأسف في عمان عندنا ذهبت للتوكيل لاشترى الأصلية ولكني اتصدمت لما لقيت مميزات تشكك فيها إنها مش أصلية مثل الطباعة على مخدات الأنف المقلوبة

How to Tell If Ray Ban Sunglasses Are Fake | eHow.com

لاحظ النقطة الرابعة

وكلمت البائع لكي اتأكد منه حسيت انه في البلالا مش فاهم حاجة

فلذا قررت اشتريها من مصر

من فين من فضلكم ؟

موقع ريبان عامل مراية لذيذة تجرب عليها النظارات على وجهك حاجة تحفة بصراحة - يجب وجود ويب كام - ولم أجد في الموقع النظارات اللي جربتها عند الوكيل في عمان مما زاد من شكوكي

Ray-Ban Sunglasses | Ray-Ban Official Web Site - USA

[omar-saad]

متابع

[kogak1987]

مغربي او بركة للنظارات :) بس اسعار بركة ارخص و الاتنين اكيد اصلي على ما اعرف

[wassim_nasser]

انا برضه كنت بافكر اشتري راي بان واعتقد عند المغربي هاتلاقي تشكيلة حلوة و كلها اورجنال

[rosebox]

اسمع ان التوكيل بتاعها منير نصيف فالارجح انك تلاقى عندة الاصلى

[Ahmed Selim]

توكيل ريبان فى مصر هو منير نصيف.....من زمان

ليه فروع كتير اللى فاكرهم واحد فى سيتى ستارز بالقرب من فيرجن ميجا ستورز و التانى فى عباس العقاد فى أوله.

[أحمد كمال]

عايز ريبان أصلي يبقى مفيش غير منير نصيف

انا اشتريت ريبان من جولي و طلعت مضروبة !!!

خليك في التوكيل اضمن

[تامر.محمد]

توكيل ريبان في مصر منير نصيف فعلا
كنت شاري منه نضارة الصيف اللي فات من فرع عباس العقاد

[د.محمود صلاح]

بخصوص الأسعار ؟؟

هنا في عمان تتراوح بين 1100 ج و 1500 ج وده عند الوكيل اللي ذهبت له وشكيت في النظارات اللي عنده .

أما المضروب فب 500 ج او ما يسمى برقم 1

[r0xer]

اشمعنى الريبان؟ جربت تشوف الفوسيل او البوليس او الجبارة العملاقة بيرسول؟

انا بلبس ريبان ولكن دا لان وشي مش ضخم فمش هينفعلي البيرسول...انما لو وشي تخن عن كدا طوالي هشتري البيرسول.

انصح حضرتك تبص بصة عليهم التلت ماركات دول وخصوصا البيرسول و هيعجبوك جداً.

[د.محمود صلاح]

البيرسول لقيتها ولكن ولا موديل ركب على وجهي للأسف وهي بالفعل فخمة جدا ولا يوجد منها تقليد نهااائي

[hussein]

اشتريت واحده من منير نصيف من 3 سنين لأنه كان الوكيل الرسمى
السنه دى رحت منير نصيف لاقيت تشكيلة اقل ولما سألت البايع قالى ان الوكاله هياخدها المغربى ( كان بيقولى على انه سر) وان المغربى هينزل بتشكيلة جامدة السنة دى
وفعلا رحت المغربى ولاقيت تشكيله اكبر و اشتريت من عنده

[kogak1987]

هي مشكلة منير نصيف ان اسعاره غالية و ممكن تلاقي نفس الموديل عند المغربي او البركة ارخص

[تامر.محمد]

بخصوص الأسعار ؟؟

هنا في عمان تتراوح بين 1100 ج و 1500 ج وده عند الوكيل اللي ذهبت له وشكيت في النظارات اللي عنده .

أما المضروب فب 500 ج او ما يسمى برقم 1

الأسعار اظن من ألف و انت طالع
ده طبعا للموديلات الحديثة
الموديل اللي جبته الصيف اللي فات اسمه Tech
و النضارة Polarized , 100% UV protection

[shakshak2011]

فكر برضه فى ماركة ريفو .. ماركة ممتازة .. أنا جبت واحده من جولى من 6 شهور تقريباً بلوريزد و ميرور و كانت ب 1500 جنيه .. بس الصراحه فارقه كثير عن الريبان