لو انت بتحلق أقرع .... خش معانا حزب القرع

[aif]

لو انت اقرع طبيعي
لو بتحلق شعرك بالموس
لو بتحلق بالماكنة زيرو
لو بتحلق نمرة واحد
....
انضم معنا لحزب القرع
يمكن نرشحك وتبقى رئيس جمهورية
يمكن تبقى زعيم القرع في البرلمان
...
ياترى بتحلق اقرع ليه ؟؟؟
بتحلق كل كلم يوم ؟؟
بتستعمل ماكينة ولا بتروح لحلاق ؟؟؟
الماكينة نوعها ايه ؟؟؟
ايه المشاكل اللي بتواجهك بسبب انك اقرع ؟؟؟

....
انا اتشرف ان اكون عضو رقم واحد في حزب القرع
...
...
عضوية الحزب مفتوحة للجميع
كبار وصغار
قدام وجداد
رجال ونساء
المهم يكون العضو ...... أقرع

[yoko]

لو بتحلق نمرة واحد

أيوه أنا ده
ولسه جي من عند الحلاق حالا
ليه بحلق كده عشان مبحبش الشعر الطويل
وكمان طراوه
بحلق كل شهر عند الحلاق
وطبعا لما بروح الحلاق اليوم بيضيع من ساعة ما بقعد على الكرسي لحد ما أقوم بتاخد من ٣ ل٥ دقائق

[aif]

أيوه أنا ده
ولسه جي من عند الحلاق حالا
ليه بحلق كده عشان مبحبش الشعر الطويل
وكمان طراوه
بحلق كل شهر عند الحلاق
وطبعا لما بروح الحلاق اليوم بيضيع من ساعة ما بقعد على الكرسي لحد ما أقوم بتاخد من ٣ ل٥ دقائق

طب وفي الشتا بتعمل ايه ؟؟؟؟

[Scuderia.M]

أنا هانضم معاكم بس عالشهر الجاي إن شاء الله , هندسة طيرت معظم شعري
بس أنا لسة مقلق شوية, أي نصايح؟؟

[yoko]

طب وفي الشتا بتعمل ايه ؟؟؟؟

برده واحد عشان الطراوه بصراحة شعري لما بيطول بتخنق منه وبحس إني شايل حاجة رخمة على دماغي

[abogogo]

اخوكم احمد ابو جنة بحلق اقرع من 1998 بحلق لوحدي في البيت بستخدم ماكينة موزر الماكنة زي الفل بحلق كل 15 يوم زيرو طبعا بتواجهني مشكلة القفا بس الحمد لله ام العيال بتقوم بالمهمة دي اطرف موقف كنت بحلق في الصيف اللى فات والنور قطع باليل طبعا استحميت ونمت بصف راس لان النور ماجاش الا الفجر صحيت على حضور ضيوف وفتحت الباب الصبح وانا ناسي واخدت تريقه زي انت بتحلق عند قرفص تحت الكوبري .... ولا انت اديت للحلاق نص الاجره عشان كدة حالقلك الجنب اليمين بس .... وطبعا لما عرفوا الحقيقة قعدوا يضحكوا طبعا سبتهم خمس دقائق كملت الحلقة واخدت دوش ورجعت ... في الحلقه دي بحس اني فايق واحسن حاجة انك بتصحى الصبح تغسل وشك بس وتروح الشغل

[SHNORY]

حد بينادي ؟؟
انا كنت بحلق عند الحلاق
وقمه فرحتي لما الجمجمه بتنور
حاليا اشتريت ماكينه وشغال بيها
ونفسي احلق للناس كلها قرع من فرحتي بالقرعه
يا قرع

[aif]

أنا هانضم معاكم بس عالشهر الجاي إن شاء الله , هندسة طيرت معظم شعري
بس أنا لسة مقلق شوية, أي نصايح؟؟

دوس ما يهمكش
تخيل انك كل ما تغسل وشك ...... تغسل راسك معاه ..... ياااااه نعمة
ح تحس انك كنت شايل قفة فوق دواغك ورميتها وبقيت خفيف

[aif]

اخوكم احمد ابو جنة بحلق اقرع من 1998 بحلق لوحدي في البيت بستخدم ماكينة موزر الماكنة زي الفل بحلق كل 15 يوم زيرو طبعا بتواجهني مشكلة القفا بس الحمد لله ام العيال بتقوم بالمهمة دي اطرف موقف كنت بحلق في الصيف اللى فات والنور قطع باليل طبعا استحميت ونمت بصف راس لان النور ماجاش الا الفجر صحيت على حضور ضيوف وفتحت الباب الصبح وانا ناسي واخدت تريقه زي انت بتحلق عند قرفص تحت الكوبري .... ولا انت اديت للحلاق نص الاجره عشان كدة حالقلك الجنب اليمين بس .... وطبعا لما عرفوا الحقيقة قعدوا يضحكوا طبعا سبتهم خمس دقائق كملت الحلقة واخدت دوش ورجعت بحس اني
فايق واحسن حاجة انك بتصحى الصبح تغسل وشك بس وتروح الشغل

ههههههههههههه
حلوة حكاية نص اجرة دي
موقف تحفة

[adel1414]

لااتخيل راسى بشعر حاليا...منتظم على الحلاقة على 1 من سنتين...وارجو واتشرف بانضمامى للحزب :)

[aif]

حد بينادي ؟؟
انا كنت بحلق عند الحلاق
وقمه فرحتي لما الجمجمه بتنور
حاليا اشتريت ماكينه وشغال بيها
ونفسي احلق للناس كلها قرع من فرحتي بالقرعه
يا قرع

أهو انا بقى قاصدك انت بالتحديد م الموضوع ده .... انت وواحد تاني أقرع برضه
هو عارف نفسه
اظن القرعة كانت ملعلعة في السخنة

[smartchoice]

معاكم بردو و بحلق فى البيت على1 بمكنة حلاقة ألمانى بس مش عارف نوعها الصراحة

[sayed911]

يا ساتر يا رب اكفينا الشر :d :d :d :d :d :d
ايه ده ابقى اقرع خالص !!!
دماغي تبقى عاملة زي مزلقان عايدة !!!!!!!!!!!!!!! لا يمكن ابدا !!!!!!!!!!!!!! ده في الحر ده الأشعة بتبقى مركزة بتسيح الدماغ !!!!
ولا برضوا للشعر الطويل !!!
:d :d
بس اصلي مؤمن انه كل العباقرة كان شعرهم طويل فمستني اللحظة المناسبة بقى !!!!!!!!!!!

[aif]

ايون كدة .... لازم نتجمع ونعمل مظاهرة فئوية ....

الشعب يريد اسقاط الامشاط

[SHNORY]

أهو انا بقى قاصدك انت بالتحديد م الموضوع ده .... انت وواحد تاني أقرع برضه
هو عارف نفسه
اظن القرعة كانت ملعلعة في السخنة

سخنه ايه بس
شكلك نسيت يوم بحه
هههههههههههههههههههه
منورين في الضلمه اهوه