بنك بأقل فايده ممكنه علي القروض؟؟

[othmanelshaikh]

السلام عليكم و رحمة الله و بركاتة

انا قررت إن شاء الله اشتري عربيه سعرها هيكون في حدود من 90 إلي 100 الف ... انا حاليا معايا 40 الف

كنت هشتريها من كونتاكت كارز بالتقسيط بس لقيت الفايده كبيره جدااااا

فجت في دماغي فكره ... إني اخد 50 او 60 الف قرض من بنك (مع الـ40 اللي معايا) و اشتريها كاش من اوتو سمير ريان مثلا ، و اسدد القرض ده للبنك تاني.

فالسؤال بقي ... ايه اقل فايده ممكن ادفعها لبنك؟ و بنك ايه؟؟؟

شكراً جزيلا

[m3_dolphen]

هذا القرض لا يجوز شرعا ... بالله عليك ابتعد عن ذلك وابحث عن البدائل ...

[amazingahmed]

هذا القرض لا يجوز شرعا ... بالله عليك ابتعد عن ذلك وابحث عن البدائل ...

+1111111111111111

[othmanelshaikh]

ما البدائل اني اجيبها بالتقسيط و هدفع في التقسيط فايده قدددد كده :(

معلش انا اسف بس ياريت حد يقول اجابه محدده علي السؤال او يقترح حل تانيه يمكن تنفيذه

شكرا

[amazingahmed]

أنا غرضي بس النصيحة.
فيه نظام تقسيط إسلامي بنظام المرابحة تقدر تدور عليه على المنتدى و لكني أيضا لا أميل للتقسيط أساساً لأن محدش عارف هيموت إمتى و ممكن يسيب لأهله ديون و مشاكل.
و فيه حل تاني أنك تجيب حاجة مستعملة و نضيفة بالفلوس اللي معاك لحد ما ربنا يوسع رزقك و تجيب حاحة أحسن. و 40 ألف هيجيبوا حاجة معقولة بإذن الله و الصبر جميل بدل ما تركب نفسك ديون.
و فيه حل تالت لو تلاقي حد يديك قرض حسن زي قرايبك أو أخوانك أو أصدقائك و ده برده حل مش سهل و برضه ديون.

[أبو_يوسف]

و فيه حل تالت لو تلاقي حد يديك قرض حسن زي قرايبك أو أخوانك أو أصدقائك و ده برده حل مش سهل و برضه ديون.

صح كدا..
وممكن علشان ماتظلمش اللي هايديك القرض ويبقى هو كمان مرضي..
انك تقترض منه جنيهات ذهب وتردها له جنيهات ذهب
على اساس ان فلوسه ماتقلش قيمتها مع الوقت..

[amazingahmed]

صح كدا..
وممكن علشان ماتظلمش اللي هايديك القرض ويبقى هو كمان مرضي..
انك تقترض منه جنيهات ذهب وتردها له جنيهات ذهب
على اساس ان فلوسه ماتقلش قيمتها مع الوقت..

فكرة ممتازة. أحييك عليها
ده فعلا يبدو لي أنه حل في منتهى العدل

[age]

ابعد عن قروض البنوك

[Amr Axel]

بنك كريدي اجريكول كان اقل حاجة قبل موضوع الثورة كان حوالي 8-9 في المية
بس حاليا معرفش كام تقدر تسأل و تشوف

بس انا هقولك
يعني لو شايف انك هتقسط طبعا التقسيط وجع دماغ و يعتبر شرعا حرام لأنه ربا لكن مش عايز افتي فمش هقول غير الله اعلم
لأن التقسيط فعلا بينفع الناس المحتاجة او مش معاهم يدفعوا كاش فبيساعد

في حل و ليك حرية الاختيار
ممكن تجيب عربية اقل في السعر و متقسطش كتير

او تكون برده قليلة في السعر و تستلف من حد من قرايبك بدون فايدة خالص و اللي كنت هتقسطة للبنك تقسطه لقريبك و مش هتدفع فايدة

و الحل التالت اسمع ان في معارض عربيات تقسطلك لو حاجة بسيطة زي 10-15 الف من غير فايدة و بياخد ضمانات لأنك زي مانت عارف الثورة خلت حال كل الناس في الضياع و كله بتنشق انه يبيع قشة

اما الرابع تصبر لحد ما تجمع

و بالتوفيق ان شاء الله

[أبو_يوسف]

بس انا هقولك ع فكرة شخصية و انت حر
يعني لو شايف انك هتقسط طبعا التقسيط وجع دماغ و يعتبر شرعا حرام لأنه ربا لكن مش عايز افتي

بس التقسيط مش حرام ومش ربا وفعلا بينفع الناس اللي ظروفها ماتسمحش بالدفع النقدي
ولكن الحرام هو القرض الربوي الذي يجر منفعة او زيادة

[megaman]

عليك وعلى شركة كونتاكت انا بقسط معاهم وعندهم عقد اسلامى بيشتروا هما السياره ويدفعوا تمنها وبعدين يكتبوا معاك عقد تقسيط سياره تمنها كذا وبدون تامين اجبارى ومعملتهم محترمه ولهم موقع www.contactcars.com

[aminibrahim]

انا راي الشخصي انه القرض عشان تجيب عربيه اعتقد انه جائز لانها حمايه ليك من البهدله ولاهل بيتك

توكل علي الله

وابقي اديني لفه

[Ahmed_Ramadan]

طيب فى فكرة أنا هطبقها إن شاء الله جيب حاجة كسر زيرو عليها أقساط بالمبلغ اللى معاك و بكده

1- عربية أقل بتاع 10.000 جنيه
2- حالة الزيرو
3- المقدم قد اللى معاك أو أزيد حاجة بسيطة و الباقى اقساط

[greenday]

انا راي الشخصي انه القرض عشان تجيب عربيه اعتقد انه جائز لانها حمايه ليك من البهدله ولاهل بيتك

توكل علي الله

وابقي اديني لفه

ده حضرتك لو معهوش فلوس خالص ده معاه 40 الف كاش ولا يدخل نفسه فى الربا وشبهاته عشان عايز عربية زيرو انا عندى واحد قريبى ماعهوش غير 20 الف جنيه ومرتبه ما شاء الله عليه كويس بالرغم من ده رفض اى عرض انه ياخد قرض عشان مستحرم الموضوع ده وبصراحة احترمته جدا

[m3_dolphen]

انا راي الشخصي انه القرض عشان تجيب عربيه اعتقد انه جائز لانها حمايه ليك من البهدله ولاهل بيتك

توكل علي الله

وابقي اديني لفه

هو الدين بقى بالرأى ... ايه دليلك على الكلام ده ... بالله عليك لا تفتى بغير علم .. القرض من البنك حرام شرعا يعنى ده حكم ربنا ولا يجوز لأى احد كائنا من كان ان يقول برأية فى حكم الله ..

والتقسيط ليس حراما .. لأن الزمن له ثمن