البورصة

[bishoo33]

يا جماعة ليه ما فيش حد بيتكلم فى البورصه
هل فى حد هنا من المهتميين ببورصة الأوراق المالية
لو فى حد ياريت يقول عشان نتبادل الخبرات

[Migo123]

جلسة النهارده تخلي محدش يفتح بقه تاني في الموضوع ده :(

طلعت مصطفى ... قصدي نزلت مصطفى خربها

[bishoo33]

ده اللى انا عايزه نتبادل الخبرات ونكسب بعض
No Risk No Fun

[Migo123]

قصدك ::
يفوز باللذات كل مغامر ****** ويموت بالحسرات كل جبان

[pendodo2002]

انا تعاملاتي كلها في بورصه العملات Forex
معنديش فكره عن البورصه المحليه ولو ان عندي شوية فضول للتعامل فيها

[Migo123]

انا مشتغلش فوركس خالص

كل شغلي بورصه محليه ... قصدي ممره :>

البورصه المصريه فيها فرص كويسه بس محتاجه اسلوب مختلف في التعامل
يعني لو انت دارس تحليل فني وفاهم
ما تحاولش تطبق حاجه من ده هنا

[heronasser]

انا تعاملاتي كلها في بورصه العملات Forex
معنديش فكره عن البورصه المحليه ولو ان عندي شوية فضول للتعامل فيها

طب ادينا فكر ه الفوركس وبتتعامل مع شركه بمصر ولاه خارج مصر والشراء بالهامش لكميه اد ايه لكل الف دولار بالنسبه للين والاسترليني واليورو والفرنك السويسري

[tmz9111]

أنا نفسى نتناقش يحيث تعم الفائدة

[Migo123]

أنا نفسى نتناقش يحيث تعم الفائدة

اي سؤال انا تحت امرك (في حدود معلوماتي طبعا)

[pendodo2002]

انا تعاملي مع شركه فوركس سوليوشن وهي وكيل امريكي لبنك امريكي اسمه مورجان بانك
الهامش المستعمل هو 400 ضعف المبلغ (طبعا هيا مخاطره عاليه جدا بس ده النظام اللي عاجبني) وطبعا ممكن تفتح حساب ميني ستاندر بـ 250 دولار
مشكلتها انها بتجيب للواحد ضغط و صعب ان الواحد يقوم من قدام الكمبيوتر
لانها بتتطلب فهم عالي اوي اوي و عايزة متابعه لكل شارده ووارده سواء اقتصاديه او سياسيه بخصوص العملات اللي بتتعامل معاها ... (24 ساعه يوميا على مدى 5 ايام في الاسبوع .... وخر يا ابو السيد بقا :d )
يعني مثلا في تعاملاتي مع الاسترليني و الين لازم اتابع سياسات الاقتصاد المحلي و الخارجي لكلا الدولتين و طبعا مشاكلهم السياسيه و اضف لده الكوارث و العمليات الارهابيه و طبعا على راس ده كله اقتصاد و سياسه امريكه لانها المتحكم الاساسي في اقتصاد العالم
وكل شوية الحق ... دول ال G8 الكبرى عامله اجتماع اقتصادي ... وتلاقي بيانات الاجتماع ده بتتسرب للبنوك و انتا طبعا قاعد تتفرج و مش عارف تعمل ايه ...وتبقا على اعصابك لمده يوم كامل
من تجربتي معاها حوالي 4 سنين هيا اجمالا كويسه
بس مش عايزة واحد يكون ماشي زي ما الناس اللي زيه ماشيه ... لان اللي بيتحكم في السوق ده بنوك ... وفي لحظة واحده ممكن تصفرلك حسابك وانتا بتتفرج ... فلازم تعمل تحليل فني و اساسي قوي جدا وتتابع تحاليل البنوك الكبيره (وخصوصا السويسريه)
والدخول بتأني وحذر و الخروج بسرعه جدا
بس على اي حال اللي بيفهما كويس اوي بيكسب ... اللي بيفتكر نفسو انو علامه زمانه (زي اخ سعودي) هتلاقي 2 مليون دولار راحو منك في ساعه زمن

[pendodo2002]

هوا انا نفسي فعلا اشوف نظام البورصه المصريه لان التنشن والشد العصبي فيها اقل بكتييييييير
بس مش عارف اوصل لاي حاجة من البورصه المصريه علشان اجرب فيها بشكل (وهمي) علشان طبعا مخسرش فلوس بجد
وسمعت طبعا انها افضل بورصه على مستوى المنطقه من ناحيه الدخل و اسوء بورصه على مستوى المنطقه من ناحيه المصداقيه ... فمش عارف إلا لما اجربها وربنا يسهل

[bishoo33]

اللى انا شايفه هنا فى بورصة الأوراق الماليه
الشركات الكسبانه بتخسر زى نزلت مصطفى والشركات الخسرانه بتكسب
فالعبره هنا ان الواحد يشوف الموجه رايحة فين ويحاول يخش من غيرمخاطرة كبيره عشان يكسب فى المعقول
مثال
فى هوجه الكابلات
انا أشتريت 2000 سهم وكسبت فيهم 2000 جنيه فى حين ان لى أصدقاء اشتره 5000 سهم وكسبه 5000 جنيه وما يزالو بيلعبو فى الكابلات وانا قلت شكرا يا كابلات

[Migo123]

البورصه المصريه اتطورت اخر سنتين بصوره ملحوظه

وان كان تحكمها للاسف معايير مختلفه
اهمها تسرب كتيير من اخبار الشركات .... و غالبا مجموعه محدوده بتقدر تشتغل على الاخبار دي ... وتلبس الباقي
عشان كده لازم يكون عندك مصادر للاخبار ... عشان تقدر تلعب معاهم

في المجمل ممكن لو اتلعبت بحرص تحقق عائد سنوي معقول جدا بس تبعد عن الجيمات والمضاربات الا لو عند اخبارها ............

[Migo123]

الكابلات لسه فيها كلام كتيير

حلو انك تجني ارباح بدري بدري

بس لو في فرصه للدخول تاني احسبها كويس
وربنا معاك

[Ayman_Abdullah]

جلسة النهاردة قرف