البورصة

[M_HaFeZ]

الله يحرق ابو البورصه المصريه

[bishoo33]

ليه يا جماعة كده
لعبه البورصه حلوة ولكن على رأى الأخ migo123 احسبها صح بشرط ان تلعب فى مبلغ بعيد عن حساباتك ومش كبير
مكسب صغير محسوب على فترات يعنى مكسب كبير فى الأخر

[3mr Farrag]

انا يا جماعه لا افقه شيء في البورصه...
و عايز افهم الدنيا ديه ماشيه ازاي...
اعمل ايه؟؟؟

[ahmedezzat78]

و انا كمان نفسى اتعلم

و بعدين سمعت ان فيه برنامج او ما شابه ممكن يساعدك على التدريب بانك تبيع و تشترى بالاسعار الحقيقية و لكن بمبالغ افتراضيه

[Migo123]

الموقع ده كان عنده برنامج ممكن تعمل عليه محفظه افتراضيه وتجرب
مش عارف لسه موجوده ولا شالوها

https://www.arabfinance.com/

[3mr Farrag]

هو فيه ايكون مكتوب عليها trading game
بس لالزم اكون عامل account و شكله و اخد الموضوع جد:)
و شغل شيكات و حوارات شكلها....
و لا انا اللي مش عارف:(

ياريت لو فيه برنامج عادي ينزل علي الكومبيتر يبقي احسن....
عايزين فلوس بقي:D

[tmz9111]

سهم الكابلات لسه فيه كلام السهم لسه هيطلع عشان السهم لسه فيه مضاربين

[ows212]

البورصة عبارة عن ترابيزة قمار ....

[محمد المشد]

افادك الله

اي سؤال انا تحت امرك (في حدود معلوماتي طبعا)

ماشى يا ريت تفدنا بخبراتك فى البورصة اى لما تجد اى معلومات لشركات اسعارها سترتفع او ستنخفض تبقى تعطينا خبر افادك الله
لان البورصة المصرية للاسف مش زى كافة البورصات الطبيعية

[tmz9111]

التحليل الفنى و المالى فى البورصة المصرية غير مفيد الاشاعات هى العامل الاساسى المتحكم فى البورصة المصرية

[دموع الثلج]

مع case 30 مش هتقدر تغمض عنيك

لا نافع تحليل فنى
ولا نافع تحليل مالى
مفيش غيو الاشاعات واسهم الجيمات اللى اشتغلت الفتره اللى فاتت وخير دليل للى متابع النيل لحليج الاقطان
نصيحه لكل اللى بيفكر فى السوق المصرى البورصه كالغابه ان لم تكن ذئبا اكلتك الذئاب البورصه لا مكان فيها لطماع او جبان لو عرفت تتحكم فى اهم حاجتين
الطمع ............ لو قدرت تتحكم ومتطمعش
الخوف............ لو قدرت تجمد قلبك وتتحمل جزء من المخاطره تقدر تحقق ربح اذا فضلت خايف ومرعوب من الخساره هتفضل تخسر طول الوقت لان الخوف هيتحكم فى قرارتك و هتتصرف غلط

سوق الاسهم عاوز دراسه وفهم على الاقل لاساسيات التعامل مع الاسهم بلاش تجرب فى شى بفلوسك وانت معندكش اى خلفيه عن الشراء والبيع

نصيحه لاى حد مهتم انه يتابع كم شهر اى منتدى تعليمى ويحاول يتعلم اساس التعامل والتداول وخلافه ويفهم الموضوع ماشى ازاى قبل ما يكود فى البورصه ويفتح له محفظه

طبعا محدش ينسى الشفافيه اللى بتتمتع بيها هيئه سوق المال فى مصر :o:o:o

[دموع الثلج]

التحليل الفنى و المالى فى البورصة المصرية غير مفيد الاشاعات هى العامل الاساسى المتحكم فى البورصة المصرية

لا تنسى ان الاشاعات نوعين

اشاعه تطير السهم لفوق

واشاعه تهبد السهم سابع ارض

[Mzeid]

بصراحة يا جماعة أنا شايف إن الشركة اللي بيشتغل فيها والدي اللي هي شركة مطاحن وسط و غرب الدلتا أحسن شركة في البورصة تقدر تشتري السهم ب 27 جنيه و كسور و تبيعه قبل توزيع الأرباح ب 32 أو 33 و ممكن 35 جنيه دة غير إن فائدته بتبقى حوالي من 11 % إلى 15 % دة حتى الفترة اللي فاتت دي إرتفع بطريقة غريبة و وصل ل 52 جنيه يعني لو أنت شاري ب 30 جنيه مثلاَ كنت كسبت 22 جنيه .
بس تحذير يا جماعة لازم اللي يدخل يبقى عارف المخاطر اللي هيقابلها أو على الأقل يدخل بمبلغ صغير لأن أنا واحد قريبي أيام ما طرحوا سهم المصرية للإتصالات دخل بمبلغ محترم بس للأسف السهم نزل نزلة جامدة .
:):)

[cazanova555]

ياجماعه انا خريج كليه تجاره وكنت شاري اسهم في القابضه الكويتيه دي فيها البيع والشراء بيكون بالدولار

انا كسبت كتير بس بعت في الاخر لاني سمعت ان البورصه حرام وناس تقول لا مش حرام
بس لو اجتمع العلماء واختلفو بين حرام وحلال بيكون الشيء ده حرام

البورصه مضاربه هنا في مصر
بس البورصه اصلا علم ومش اي حد بيفهم فيه لان في ناس كتير تقولك انا مش بحب اخاطر

لاكن في شركات تداول اموال ممكن تساعدك في الشراء والبيع نظير عموله من المكسب


نصيحه للي عاوز يمشي في موضوع البورصه ده يتعامل مع شركات سمسره وتداول اوراق ماليه احسنله لاني انا كنت بقعد هناك كنت بتابع الاسهم بتاعتي كنت بشوف ناس بتخسر الاف الاف في دقيقه

ويارب اكون وصلت المعلومه واي استفسار انا في الخدمه

موضوع هائل بجد وياريت يتثبت

[tmz9111]

انا كسبت كتير بس بعت في الاخر لاني سمعت ان البورصه حرام وناس تقول لا مش حرام
بس لو اجتمع العلماء واختلفو بين حرام وحلال بيكون الشيء ده حرام

من قال ذلك الكلام
لو حدث أختلاف يكون حلال
الاصل فى الاشياء الحلال