الناس بتقول شكل للبيع

[AirForces]

السلام عليكم
حصلى الموقف التالى وانا رايح الكلية انهارده الصبح وياريت اعرف رأى حضراتكم واتصرف ازاى مع الناس دى فى الوقت دا

رايح كليتى الصبح معدى على ميدان الحدايق والميدان زحمة كالعادة فواقف وشادد الهاند لقيت عربية النترا الشكل القديم بيحاول يحشر نفسه ورايا وعاوز يدخل بينى وبين عربية تانية وهوب راح حاكك فى الرفرف ورا يمين عندى فروحت رافع إيدى وشوحت شوية وقولت خلاص عديها يمكن رجله ريحت ولا حاجة ومش لازم خناق على الصبح
اول ما الإشارة فتحت لقيته راح جاى جنبى وبيخبطلى جامد على العربية وبيقولى انت كسرت عليا ومش عارف إيه وقعد يشتم يا عم انا برضو اللى كسرت عليك وانا شادد الهاند وما اتحركتش من مكانى

كقعد يشتم ويبرطم كنت بصراحة عاوز اركن وانزل اتخانق بقا يعنى غلطان وجاى كمان تتخانق دا إيه البجاحة دى ... الإشارة وقفت فأضطريت اقف وملحقتش اعدى بسببه وهو راح كاسر الإشارة ومعدى !!

يا ترا لو قابلتو شخص زى دا على الصبح هتتصرفوا معاه ازاى مع العلم البوليس كان واقف وعمل فيها هندى

[Mahmoudyoussif]

انا بفكر اجيب هليكوبتر ... بس يارب

مالاقيش و حده طالعه تقولي قطعت حبل الغسيل بتاعي

الشوارع بقت تقرف فعلا ... ميني باص يقف ويحمل في وسط الشارع

النهارده ماسوره مكسوره في جسر السويس و مفيش فتحه

غير من مغرز كله رمل و يا تعدي يا تغرز ... طبعا و الميه مقطوعه

المفروض انك تروح الشغل فرش و مبتسم والحياه رز بلبلن

وبلاعه يا تجيبلك اكس يا تلبس في اللي جنبك و انت و حظك

خد عندك سواقين التاكسي ... و الستات اللي المكالمات المهم ما بتجيش غير و هما سايقين

و يحشرو الموبايل في التحجيبه ... و الموتسيكلات ووووو حاجات كتير

انا بفكر جديا ابيع عربيتي و اجيب حته فولكس خنفسه و اللي يفوت يموت

[sayed911]

ارفع شباكك المتين علي كاسيتك ومتشغلش بالك بالأشكال الضالة دي ..

[Mzeid]

ولا حاجة
زي ما انت قلت مش ناقصة خناقة على الصبح ولا حتى على بالليل

نظرية انا ماشي بيها

مفيش حاجة تستاهل حرقة دمي في البلد دي

[horas3000]

محدش يعرف اسم الجهاز اللي طلع في فلم Fast and Furious اللي بنضرب في العربيات يحرق نظام الكهربا اسمه ايه و ممكن يتجاب و لا لا هو ده اللي محتاجينو في مصر اللي يستفزك تعرض ادامه تديله الطلقه التمام و قبل ما يفوق ما الصدمه تكون انت اختفيت

[shooter123]

زي ما قالك سيد بالظبط كاستك وازازك ونفض لام البشرية دي خاااااااااااااالص
انا وصلت لمرحلة اني بحوش المشاوير اللي ورايا عشان اعملها دفعه واحدة ومحركش العربية الا للضرورة القصوي
فعلا بقت حاجة تقرف والواحد بجد مش عارف يمشي خالص في البلد دي

[amr.elsayed]

والله دة انت المفروض يتعملك تمثال ... لانك قدرت تكظم غيظك فى حاجة مستفزة زى دى
انا مش عارف لو مكانك حعمل ايه .. متهيئلى ممكن اتصرف زيك فى الاول واقول المسامح كريم
الموقف التانى بعد الاشارة .. متهيئلى ممكن ادخل فيه جنب بجنب

[dr.hazem]

انا حصلت معايا وواحد بلانوس ريح على الاكصدام الوراني قلت سرح وكبرت دماغي
ثواني ولقيته خبط الاكصدام من الجنب اليمين عندي والشمال بتاعه
ركنت قدامه ونزلتله قلتله انت لو قاصدني كنت خبطتني مره واحده
انما مرتين وواحده منهم من الجنب اللي انت قاعد فيه تبقى حمار ومبتعرفش تسوق وعشان العيله اللي راكبه معاك انا هسيبك لكن ياريت تنتبه وتفوق وانت سايق

ومشيت

اعتقد ان لو في موقفك كنت ممكن اعمل حاجه تانيه خالص
وحصل قبل كده ان واحد كسرلي مرايه وعمل نفسه مش واخد باله وجرب يجري ولحقته ونزلتله قلتله لو كنت طلعت ايدك واعتذرت كنت سبتك انما تعمل عبيط ولا يمكن
ومرضيش يدفع تمنها فكسرت مرايته بايدي وارتحت ولله الحمد
وقعدت بعدها شهر حاطط جنبي مفتاح العجل عشان اللي يقرفني كده مظطرش حتى اني اكلمه انزل واخد حقي وامشي وخلاص
بس الحمد لله اني شلت مفتاح العجل وياريتني اقدر متخانقش لاني للاسف عصبي جدا لو حد استفزني...


تحياتي

[M.Mostafa80]

للأسف الصح بقى غلط والغلط بقى صح
النهارده ميكروباص وتاكسى الأثنين عملو عليا كماشه علقت ايدى على الكلاكس فا بتاع التاكسى قعد يزنق عليا ومش عاجبه مع ان طريقى والله والكلب التانى بتاع الكيكروباص قام واكلى المرايا بس الحمد لله جت سليمه وقفلت والكلب التانى خبطلى الرفرف من ورى بعد مازنقته وكان نفسى بجد انزل افضى شحن الألكتريك فيه بس المشكله انى كان معايا مراتى وولادى فامشيت ومن الصبح وانا دمى محروق انى منزلتش ضربته

[AirForces]

انا بفكر اجيب هليكوبتر ... بس يارب

مالاقيش و حده طالعه تقولي قطعت حبل الغسيل بتاعي

الشوارع بقت تقرف فعلا ... ميني باص يقف ويحمل في وسط الشارع

النهارده ماسوره مكسوره في جسر السويس و مفيش فتحه

غير من مغرز كله رمل و يا تعدي يا تغرز ... طبعا و الميه مقطوعه

المفروض انك تروح الشغل فرش و مبتسم والحياه رز بلبلن

وبلاعه يا تجيبلك اكس يا تلبس في اللي جنبك و انت و حظك

خد عندك سواقين التاكسي ... و الستات اللي المكالمات المهم ما بتجيش غير و هما سايقين

و يحشرو الموبايل في التحجيبه ... و الموتسيكلات ووووو حاجات كتير

انا بفكر جديا ابيع عربيتي و اجيب حته فولكس خنفسه و اللي يفوت يموت

والله يا باشا انت قولت كل اللى نفسى اقوله السواقة فى كل دول العالم متعة معادا فى مصر خناقة وبلطجة ولو فكرت تجيب هيليكوبتر هتلاقى واحد ساب السما كلها وجه حكلك الديل

ارفع شباكك المتين علي كاسيتك ومتشغلش بالك بالأشكال الضالة دي ..

سيد باشا انا كنت عامل كدا فعلا لكن لازم واحد يجى يعكر صفو حياتك ويحرق دمك على الصبح

فين الحلقة الجديدة يا عمونا ينفع كدا يعنى :D

ولا حاجة
زي ما انت قلت مش ناقصة خناقة على الصبح ولا حتى على بالليل

نظرية انا ماشي بيها

مفيش حاجة تستاهل حرقة دمي في البلد دي

مهى المشكلة انى ماشى محترم وفى حالى وبدى إشارات وبتخطى قانونى وفى الأخر واقف فى حالى الاقى اللى جاى يعمل بنظام اتغدوا بيهم قبل ما يتعشوا بيكو لنا الله :(

محدش يعرف اسم الجهاز اللي طلع في فلم Fast and Furious اللي بنضرب في العربيات يحرق نظام الكهربا اسمه ايه و ممكن يتجاب و لا لا هو ده اللي محتاجينو في مصر اللي يستفزك تعرض ادامه تديله الطلقه التمام و قبل ما يفوق ما الصدمه تكون انت اختفيت

يا سلام دا لو نزل الواحد هيروح كل يوم مرتاح البال بس للأسف هيبقا فيه ميزانية محترمة للذخيرة بتاعته بقا لأنى هضرب كل اللى ماشى مخالف واللى يبلطج على خلق الله :)

زي ما قالك سيد بالظبط كاستك وازازك ونفض لام البشرية دي خاااااااااااااالص
انا وصلت لمرحلة اني بحوش المشاوير اللي ورايا عشان اعملها دفعه واحدة ومحركش العربية الا للضرورة القصوي
فعلا بقت حاجة تقرف والواحد بجد مش عارف يمشي خالص في البلد دي

طب تصدق انا ساعات بركب مواصلات عشان اريح دماغى من هم العربية وحرقة الدم اللى الواحد بياخدها على ما يروح مشواره :)

[hossam165]

ارفع شباكك المتين علي كاسيتك ومتشغلش بالك بالأشكال الضالة دي ..

الله عليك يا ابو السيد
بس فيييييييين الحلقة يا عموناااااااااا

ولا حاجة
زي ما انت قلت مش ناقصة خناقة على الصبح ولا حتى على بالليل

نظرية انا ماشي بيها

مفيش حاجة تستاهل حرقة دمي في البلد دي

نظرية يارب اقدر اطبقها

[AirForces]

والله دة انت المفروض يتعملك تمثال ... لانك قدرت تكظم غيظك فى حاجة مستفزة زى دى
انا مش عارف لو مكانك حعمل ايه .. متهيئلى ممكن اتصرف زيك فى الاول واقول المسامح كريم
الموقف التانى بعد الاشارة .. متهيئلى ممكن ادخل فيه جنب بجنب

الله يخليك يا عمرو باشا .. انا فعلا كنت بفكر ادخل فيه وقولت مش مهم العربية بقا المهم اخد حقى بس قولت حرام ابهدل لوجى معايا لو كان معايا حتة خنفسة او لادا كنت دخلت فيه
يلا الحمدلله انها جت على قد كدا

انا حصلت معايا وواحد بلانوس ريح على الاكصدام الوراني قلت سرح وكبرت دماغي
ثواني ولقيته خبط الاكصدام من الجنب اليمين عندي والشمال بتاعه
ركنت قدامه ونزلتله قلتله انت لو قاصدني كنت خبطتني مره واحده
انما مرتين وواحده منهم من الجنب اللي انت قاعد فيه تبقى حمار ومبتعرفش تسوق وعشان العيله اللي راكبه معاك انا هسيبك لكن ياريت تنتبه وتفوق وانت سايق

ومشيت

اعتقد ان لو في موقفك كنت ممكن اعمل حاجه تانيه خالص
وحصل قبل كده ان واحد كسرلي مرايه وعمل نفسه مش واخد باله وجرب يجري ولحقته ونزلتله قلتله لو كنت طلعت ايدك واعتذرت كنت سبتك انما تعمل عبيط ولا يمكن
ومرضيش يدفع تمنها فكسرت مرايته بايدي وارتحت ولله الحمد
وقعدت بعدها شهر حاطط جنبي مفتاح العجل عشان اللي يقرفني كده مظطرش حتى اني اكلمه انزل واخد حقي وامشي وخلاص
بس الحمد لله اني شلت مفتاح العجل وياريتني اقدر متخانقش لاني للاسف عصبي جدا لو حد استفزني...

تحياتي

خبطك مرتين !! دا غشيم غشيم يعنى ... انا برضو اللى خبطنى دا كان لازق فيا بشكل غبى كنت حاسس شوية وهلاقيه طالع فوق الشنطة

انا كنت بفكر برضو اخد معايا شومة ولا حاجة مدام الدنيا سبهلله كدا وكل واحد بيعمل اللى هو عايزه ويخبطك ومتعرفش تاخد معاه حق ولا باطل

يلا ربنا يسترها معاك ومعانا :)

للأسف الصح بقى غلط والغلط بقى صح
النهارده ميكروباص وتاكسى الأثنين عملو عليا كماشه علقت ايدى على الكلاكس فا بتاع التاكسى قعد يزنق عليا ومش عاجبه مع ان طريقى والله والكلب التانى بتاع الكيكروباص قام واكلى المرايا بس الحمد لله جت سليمه وقفلت والكلب التانى خبطلى الرفرف من ورى بعد مازنقته وكان نفسى بجد انزل افضى شحن الألكتريك فيه بس المشكله انى كان معايا مراتى وولادى فامشيت ومن الصبح وانا دمى محروق انى منزلتش ضربته

كله كوم وبتوع الميكروباص والتاكسى كوم بيكسروا فى اى وقت ومعندهمش اعتراف بالإشارات وتلاقيه مقضيها مناورات فاكر نافسه شوماخر ويقف فى اى حتة فى اى وقت عشان زبون .. هى فعلا المشكلة فى حرقة الدم بس معلش بقا هنعمل إيه ربنا يعوضك خير يا فندم

[beetleMOSH]

بص يا باشا احلى حاجه تكبر دماغك
عشان انت شكلك ابن ناس
و دى اشكال #@%@#$#
ف مهما هاتقل ادبك و هاتعمل معاه
مش هاتنزل لمستوى الزباله بتاعت الناس دى
و طالما حاجه بسيطه و الحمد لله كبر دماغك و ابعد عن الشر و غنيلو
لان الايام دى خصوصا القفش و الخناق فيها مش امان خالص
متضمنش اللى سايق ده مبرشم ولا عامل ايه بالظبط
ف برضو متعرضش نفسك لمخاطر
و ربنا يسترها علينا كلنا

و ممكن تعمل زى ما العضو الفاضل قالك كده
حته خنفس و اللى يفكر هايزعل D:
و اسال مجرب

[yascro]

ارفع شباكك المتين علي كاسيتك ومتشغلش بالك بالأشكال الضالة دي ..

تمام

[Busquets]

اعمل نفسك مش واخد بالك ! مش ضعف ! بس توفير!
جرب فى مرة كدا تتعصب وتنزل تزعق هتلاقى الى قدامك خاف منك وحسيت انك سعيد لفترة !! بس عن نفسى مرة واحد انا واقف تماماً وهو مشى بيا ! يعنى انا واقف بقالى 3 ايام !! وهو داخل ومكمل ! وبيتكلم فى الموبايل ومش معبر اهلى حتى ما رفعش ايدو اتأسف !!
نزلت وزعقت بس انا عمرى ما بشتم ولا اغلط ! انا قلت له اعمل ايه تانى عشان تقف ؟! ماتركز يا حج شوية ! هو كان كبير وبصراحة حسيت انى فرحان اوى بنفسى !! بس بعديها صباح تقليب الضمير ! قلت انا لو دا ابويا ارضى ان عيل فى سن ولاده ولا اصغر ينزل يزعقله !
لكن لما تنفض لا هتحس بتقنيب ضمير ! ولا هتفتكر الموضوع اصلا ً!! يعنى على اخر اليوم هتكون نسيته !! غير الخناق هتفضل فاكر الموضوع ودا معناه انه اثر فيك!
بقى يا راجل حاجة زى دى تستاهل حرقة دم ولا خناق؟!