ايه اللي بيحصل ده

[mrwho1982]

ممكن حد ياكد الاخبار دي

رصد | عاجل | هدوء الاوضاع فى الموسكى الان وانتشار للجيش فى شارعى عبدالعزيز ومحمد على


رصد | الجزيرة: أنباء عن إطلاق نار و قنابل مسيلة للدموع فى محيط سجن طرة


رصد | عاجل | مؤيدين مبارك يحاولون قطع طريق الكورنيش ولكن أهالى حى بولاق أبو العلا تصدوا لهم واستطاعوا أن يفتحوا الطريق مرة أخرى


رصد | عاجل | أشتباكات بين مؤيدى مبارك الذين يحتفلون بعيد ميلاد الرئيس المخلوع والمعارضين امام ماسبيرو وانباء عن وقوع اصابات وسيارات الاسعاف بمكان الحادث


ممكن حد ياكد الكلام ده

[mahmoud_afifi]

بالنسبه لشارع عبدالعزيز, انا كنت في العتبه وسمعت ان في ضرب نار ومولوتوف وكانوا بيضربوا في الشرطه. والجيش جه.
وعربيات الاسعاف كانت كتييير والدنيا زحمه.
ماشفتش ضرب نار بعيني

[Ayman-Ahmed]

شارع عبد العزيز عند وصول الجيش.

YouTube - ‫ط§ظ„ط¬ظٹط´ ظٹطھط¯ط®ظ„ ظ„ظپط¶ طط±ط¨ ط´ط§ط±ط¹ ط¹ط¨ط¯ ط§ظ„ط¹ط²ظٹط²‬‎

والخناقة والضرب وده كله بسبب ان واحد اشتري موبايل وراح يرجعه صاحب المحل مرضيش.اتخانقوا كسرله الواجهة.مسكوه العمال ضربوه.راح جاب معارفه وبداء الضرب.فيه مواقع قالت ان قوات الامن المركزى راحت ومنزلتش من العربيات ورفضوا ينزلوا وده طبعا لانهم من كام يوم كانوا محتجين على التصرفات القاسية والغير ادمية من ظباطهم فى المعسكرات.

سجن طرة: مامور القسم على التيليفزيون قال انها كانت خناقة بين اتنين مساجين بعيد عن زنازين المشاهير.

اشتباكات ماسبيرو : كانوا رايحين يحتفلوا بعيد ميلاده وطالبين انه ميتحاكمش والمعارضين راحوا بمسيرة من التحرير لماسبيرو وضربوا بعض.

الخلاصة ان فيه كلام داير فى الشرطة انهم مش عاوزيين العيسوى واحتمال التقاعس والاستهبال عشان اقالته.

[FunnyMickey]

انا كنت مروح ونازل النفق والدنيا كانت زحمه وواحد قاعد يقول للعربيات اللي طالعه الكوبري خليكو في النفق اسهل
بس مشوفتش حاجه
بس واحنا ماشيين من الشغل حذرونا

[mrwho1982]

يافندم تسلم ايدك

احب اقول لرئيس الوزراء لو الشرطة ماشافتش شغلها في ناس تعمل احسن من اللي بتعملو وبنص الثمن كمان

[abogogo]

للمعلومية قسم الموسكي اللى في اول شارع عبد العزيز بجوار المعركة دي من الاقسام التي لم يتم حرقها والسبب ان القسم استعان بالباعة الجائلين اللى في العتبة وتجار الملابس الي من اسيوط من بلد اسمها الطوابية اللي مسيطرين على سوق الملابس في العتبة لحماية القسم وفي المقابل القسم ترك ليهم الحبل على الاخر وكان زمان اي مواطن يتعرض للنصب من الباعة الجائلين دول يروح للقسم ممكن يجيب حقه انما الان القسم مبيعملش اي حاجة

[mr_vampire]

يافندم تسلم ايدك

احب اقول لرئيس الوزراء لو الشرطة ماشافتش شغلها في ناس تعمل احسن من اللي بتعملو وبنص الثمن كمان

واحب اضيف كمان. ان شباب مصر رجالة ويشيلو وقت الجد وببلاش كمان. وخلي اللي مش عايز ينزل او خايف ينزل في بيته وميقلقش هو في حماية شباب مصر.

[mrwho1982]

واحب اضيف كمان. ان شباب مصر رجالة ويشيلو وقت الجد وببلاش كمان. وخلي اللي مش عايز ينزل او خايف ينزل في بيته وميقلقش هو في حماية شباب مصر.

الله ينور عليك

[ainshouka]

فيه حاجات كتير بتحصل ملهاش تفسير واضح وتحس ان البلد بقت فيه ناس بتوجهها للمشاكل عشان الناس تفضل مشغولة باستمرار دا ايام الثورة مكنش فيه القلق دا كله والناس طبعها مش عدواني
وبنلاحظ دلوقتي كل يوم فيه جديد و الناس تتلهي أكتر
هل فعلا الإعلام بيقوله صحيح أم انه مازال يتبع اسلوبه القذر في نشر القلق و الفتنة